Tag: شیخوپورہ سے بازیاب

لاہور: پولیس نے بروقت کارروائی کرتے ہوئے لاہور سے لاپتہ بچے کو 24 گھنٹوں میں شیخوپورہ سے بازیاب کراکر والدین سے ملوادیا۔

تفصیلات کے مطابق لاہور کے علاقے ڈیفنس بی پولیس نے بروقت کارروائی کرتے ہوئے 11 سالہ ارمان مسیح کو 24 گھنٹوں میں بازیاب کر کے والدین سے ملا دیا۔

پولیس نے بتایا کہ ارمان مسیح کو ڈی ایچ اے میں انعام نامی شخص کے گھر ملازمت کے لیے رکھا گیا تھا۔

ایس پی کینٹ قاضی علی رضا کا کہنا تھا کہ بچہ اطلاع دیے بغیر گھر سے چلا گیا تھا اور واپس نہ آنے پر والد کی درخواست پر نامعلوم افراد کے خلاف اغوا کا مقدمہ درج کیا گیا۔

مقدمے کے اندراج کے بعد ایس پی کینٹ کی ہدایت پر فوری ریسپانس ٹیم تشکیل دی گئی، جس کی سربراہی اے ایس پی ڈیفنس شہر بانو نقوی نے کی۔

پولیس نے سیف سٹی کیمروں، جدید ٹیکنالوجی اور ہیومین ریسورسز کا استعمال کرتے ہوئے تلاش کا دائرہ وسیع کیا اور 24 گھنٹوں میں بچے کو شیخوپورہ سے بازیاب کرلیا۔

کارروائی میں ایس ایچ او ڈیفنس بی محمد ارشاد اور ان کی ٹیم نے کلیدی کردار ادا کیا۔ پولیس کا کہنا ہے کہ بچے کو والدین کے حوالے کردیا گیا ہے۔

لاہور : ستوکتلہ سے اغوا کیا جانے والے طالب علم کو شیخوپورہ سے بازیاب کرالیا گیا اور دو ملزمان کو گرفتار کرلیا۔

تفصیلات کے مطابق پولیس نے کارروائی کرتے ہوئے لاہور کے علاقے ستوکتلہ سے اغوا کیا جانے والے طالب علم کو شیخوپورہ سے بازیاب کرالیا اور موقع سے دو ملزمان کو گرفتار کرلیا گیا۔

گذشتہ روز مسلح افراد دن دیہاڑے طالب علم ارحم کو اس کے کالج کے سامنے سے زبردستی کار میں بٹھا کر لے گئے تھے، اغوا کاروں نے واردات کے دوران طالب علم پر تشدد بھی کیا تھا۔

واقعے کی سی سی ٹی وی فوٹیج بھی سامنے آئی تھی ، جس میں دیکھا جاسکتا تھا کہ سترہ سالہ ارحم بائیک پر بیٹھ کر اپنے دوست سے باتیں کر رہا تھا کہ اسی دوران پیچھے سے آنے والے موٹر سائیکل سوار نے ٹکر مار دی، پھر دیگر ملزمان آئے اور نوجوان کو گاڑی میں ڈالنے کی زبردستی کوشش کی۔

مزاحمت پر ارحم کو تشدد کا نشانہ بنایا گیا، کھینچا تانی کی گئی، پھر کنپٹی پر پستول رکھ کر بھی دھمکایا گیا اور کافی زور آزمائی کے بعد ملزمان مغوی کو گاڑی میں ڈال کر فرار ہوگئے۔

مغوی کے کزن نے بتایا کہ ان کے تایا کو دوہزار سترہ میں مصطفی کھوکھر نامی شخص نے قتل کیا، مقدمہ کی پیروی کرنے پر ملزمان سے دشمنی چل رہی ہے۔

پولیس نے بتایا کہ نوجوان ارحم کو واردات کے گیارہ گھنٹے گزرنے کے بعد بازیاب کروا کے والدین کے حوالے کردیا گیا ہے۔