Tag: شیخ رشید

راولپنڈی : سابق وزیر داخلہ شیخ رشید کا کہنا ہے کہ پانی روکنا جنگ کے مترادف ہے، بھارت یکطرفہ معاہدہ معطل نہیں کرسکتا۔

تفصیلات کے مطابق سابق وزیر داخلہ شیخ رشید نے سماجی ویب سائٹ ایکس پر بھارتی اقدامات پر ردعمل دیتے ہوئے کہا کہ سندھ طاس معاہدے کو معطل کرنابھارت کی آبی دہشتگردی ہے، پہلگام واقعے کا پاکستان پربے بنیاد الزام ہے۔

سابق وزیر کا کہنا تھا کہ پانی روکنا جنگ کے مترادف ہے، بھارت یکطرفہ معاہدہ معطل نہیں کر سکتا، بھارت میں کشمیریوں کیساتھ ہونیوالے ظلم و ستم کونظر انداز نہیں کیا جا سکتا،شیخ رشید

انھوں نے مزید کہا کہ پاکستان کی چپہ چپہ زمین کی حفاظت کرناقوم خوب جانتی ہے، وقت آنے پر بھارت کو ترکی بہ ترکی جواب دیں گے۔

مزید پڑھیں : بھارت کا پاکستانیوں کو 48گھنٹے میں ملک چھوڑنے کاحکم، سندھ طاس معاہدہ معطل

یاد رہے پہلگام میں فالس فلیگ آپریشن کے بعد بھارت نے پاکستان کے ساتھ سندھ طاس معاہدہ معطل کرتے ہوئے اٹاری واہگہ بارڈر بند کرنے کا اعلان کیا تھا۔

بھارتی وزارت خارجہ نے پریس کانفرنس کرتے ہوئے تمام پاکستانی شہریوں کو 48 گھنٹے میں بھارت چھوڑنے کا حکم دیتے ہوئے کہا سارک ویزا استثنیٰ کے تحت پاکستانی شہری بھارت کا سفرنہیں کرسکیں گے۔

اسلام آباد : سابق وفاقی وزیرشیخ رشید کا کہنا ہے کہ میں نے سیاسی روزہ رکھا ہوا ہے، مجھے پتہ ہے کب کھولنا ہے سیاست میں صحیح وقت اور صحیح فیصلہ اہم ہوتا ہے۔

تفصیلات کے مطابق سابق وفاقی وزیرشیخ رشید نے سپریم کورٹ کےباہر میڈیاسے گفتگو کرتے ہوئے کہا کہ 36 ہزارملزمان کو نامزد کیا جن کا4 ماہ میں ٹرائل کرنے کا کہا ہے لیکن 36 ہزارملزمان میں سے 25 ہزار ملزمان مفرور ہیں ، میری زندگی میں 36ہزار ملزمان کافیصلہ نہیں ہو سکتا۔

میں نے سیاسی روزہ رکھا ہواہے، روزہ طویل نہیں ہوسکتا، سیاست میں درست فیصلہ اوروقت اہم ہوتاہے، سولہ سترہ بار وزیر رہا ہوں مجھے بہتر پتا ہے کس دن روزہ کھولنا ہے۔

مزید پڑھیں : ہر طرف اندھیرا ہی اندھیرا ہے، دعا کریں روشنی ہو، شیخ رشید

گذشتہ ہفتے انسداد دہشت گردی کی خصوصی عدالت میں 9 مئی جی ایچ کیو حملہ کیس کی سماعت کے بعد میڈیا سے گفتگو میں سابق وزیر داخلہ نے کہا تھا کہ 36 ہزار مقدمات 4 ماہ میں کیسے مکمل ہوں گے؟ ان مقدمات کا 4 ماہ میں پایہ تکمیل تک پہنچانا کافی مشکل ہے۔

ان کا کہنا تھا کہ حالات بہتر ہوتے نظر نہیں آ رہے کیونکہ ہر طرف اندھیرا ہے۔

راولپنڈی : سابق وزیر داخلہ شیخ رشید نے سال 2025 سے متعلق بڑی پیش گوئی کردی اور کہا کہ قبر ایک اور مردے دو ہیں۔

تفصیلات کے مطابق عوامی مسلم لیگ کے سربراہ اور سابق وزیر داخلہ شیخ رشید نے اے ٹی سی میں پیشی کے موقع پر میڈیا سے گفتگو کرتے ہوئے کہا کہ جو سمجھ رہے ہیں نئے سال میں تبدیلی آجائے گی انہیں بتادوں کوئی تبدیلی نہیں آئے گی۔

حکمران جماعتوں کے حوالے سے سابق وزیر کا کہنا تھا کہ ن لیگ اور پیپلز پارٹی کی کوئی سننے والا نہیں. جو لوگ جیل میں ملاقات نہیں کراسکتے وہ مذاکرات کا نتیجہ کیا نکالیں گے؟

انھوں نے کہا کہ میں آج ڈیالہ نہیں جا رہا میں نے توعدالت میں حاضری لگا دی ہے، بڑوں سے اپیل ہے کرتا ہوں غریبوں کو چھوڑ دو دعا دیں گے۔

مزید پڑھیں : مذاکرات سے کچھ نہ نکلا تو جوڈو کراٹے ہوں گے، سابق وزیر

یاد رہے گذشتہ ماہ عوامی مسلم لیگ کے سربراہ نے انسداد دہشت گردی کی خصوصی عدالت کے باہر گفتگو کرتے ہوئے کہا تھا کہ مذاکرات کیلئے کمیٹی بنائی گئی لیکن نکلنا کچھ نہیں۔

ان کا کہنا تھا کہ سیاسی حالات بہت زیادہ خراب ہیں، مذاکرات کاحامی تھا، ہوں اور رہوں گا لیکن جنگ کے بعد بھی مذاکرات سے کچھ نہ نکلا تو پھر جوڈو کراٹے ہی ہیں۔

راولپنڈی : عوامی مسلم لیگ کے سربراہ شیخ رشید کا کہنا ہے کہ مذاکرات سے کچھ نہ نکلا تو جوڈوکراٹے ہوں گے۔

تفصیلات کے مطابق عوامی مسلم لیگ کے سربراہ شیخ رشید نے انسداد دہشت گردی کی خصوصی عدالت کے باہر گفتگو کرتے ہوئے کہا کہ مذاکرات کیلئے کمیٹی بنائی گئی لیکن نکلنا کچھ نہیں ،شیخ رشید

سربراہ عوامی مسلم لیگ کا کہنا تھا کہ سیاسی حالات بہت زیادہ خراب ہیں، مذاکرات کاحامی تھا، ہوں اور رہوں گا لیکن جنگ کے بعد بھی مذاکرات سے کچھ نہ نکلا تو پھر جوڈوکراٹے ہی ہیں۔

انھوں نے کہا کہ ملک سیاسی طور پر عدم استحکام کا شکار ہے لیکن بانی پی ٹی آئی کے سوا کسی کو نہیں جانتا۔

سابق وزیر نے بتایا کہ سعودی عرب سے آیاہوں ،ہر بندہ دعا کرتا ہے کہ پاکستان کےحالات اچھے ہوجائیں۔

یاد رہے سابق وفاقی وزیر نے کہا کہ ان حکمرانوں سے جو کام لینا تھا وہ لے لیا گیا ہے، اب یہ خود کہہ رہے ہیں انڈے اور ٹماٹر پڑتے ہیں، آپ دونوں پارٹیاں نفرت کا نشان ہیں ہر کوئی آپ سے نفرت کرتا ہے، حالات اتنا خراب ہوتے دیکھ رہا ہوں کہ قومی حکومت وجود میں آسکتی ہے۔

راولپنڈی : عوامی مسلم لیگ کے سربراہ شیخ رشید کا کہنا ہے کہ 30 دسمبر سے پہلے اچھی خبریں آئیں گی۔

تفصیلات کے مطابق عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ ملک میں آئین، قانون اور انصاف نہیں ہے، بےگناہ لوگوں کو رہا کیا جائے، 102 ملزم ایسے ہیں جنہوں نے اپیل ہی نہیں کی۔

سابق وفاقی وزیر نے کہا کہ میرے خلاف 11 کیسز ہیں، چالان کی کوئی نقول نہیں دی گئی، یہ کوئی آسانی سے فیصلہ ہونے والا نہیں۔

شیخ رشید کا کہنا تھا کہ 24 نومبر کو پی ٹی آئی کے لیڈر آرہے ہیں وہ بتائیں گے، ہم نے 60 تعلیمی ادارے بنائے، بچوں کے پاس داخلہ فیس نہیں ہے، جو بچے داخلہ فیس نہ ہونے پر واپس جارہے ہیں وہ ہم سے رابطہ کریں، ہم تمام بچوں کی داخلہ فیس بھرنےکو تیار ہیں۔

شیخ رشید نے کہا کہ سیاست میں تبدیلی آئے گی، ن، ش اور پیپلزپارٹی ایک ہیں، 30دسمبر سے پہلے اچھی خبریں آئیں گی، خدا کو گواہ بنا کر کہتا ہوں کسی سےکوئی رابطہ نہیں۔

شیخ رشید نے کہا کہ چاہتا ہوں مذاکرات ہوں اور حل نکلے، بانی پی ٹی آئی سمیت تمام لوگوں کو رہائی ملنی چاہئے۔

راولپنڈی: سربراہ عوامی مسلم لیگ شیخ رشید کا کہنا ہے کہ جن کا سیاست سے تعلق ہے ان کا ٹرائل کریں اور جو عام آدمی ہیں انہیں معاف کریں۔

انسداد دہشتگردی عدالت میں 9 مئی اور جی ایچ کیو حملہ کیسز کی سماعت کے موقع پر شیخ رشید نے میڈیا سے گفتگو میں کہا کہ میرے اوپر 14 مقدمات ہیں امید ہے سرخرو ہوں گا۔

شیخ رشید نے کہا کہ 24 نومبر کی احتجاج کی کال پر میں کچھ نہیں کہہ سکتا، 24 نومبر کی کال کا پی ٹی آئی والوں سے پوچھا جائے۔

انہوں نے زور دیا کہ اصل مسائل کی طرف آئیں کیونکہ لوگ مہنگائی سے مر رہے ہیں، مہنگائی میں جو سب کا حال ہے وہی میرا بھی ہے، آئی ایم ایف نے اس قوم کا مزید امتحان لینا ہے۔

ان کا کہنا تھا کہ میں عام معافی اور مہنگائی کا خاتمہ چاہتا ہوں، بے گناہ لوگوں کو رہا کیا جائے۔

سابق وفاقی وزیر نے بتایا کہ میں نے بہاولپور میں 7 سال قید کاٹی لیکن 40 دن کا چلہ زیادہ سخت تھا، میں مشکور ہوں چلے کے دوران تشدد نہیں کیا گیا، 40 دن جس غار میں رکھا ہوا تھا وہ بہت مشکل تھا۔

آخر میں انہوں نے کہا کہ میری خواہش ہے کہ تعلقات بہتر ہوں مجھ سے کسی نے رابطہ نہیں کیا۔

راولپنڈی : سابق وفاقی وزیر داخلہ شیخ رشید کا کہنا ہے کہ اللہ کو پتہ ہے بانی پی ٹی آئی کی رہائی کب ہوگی، جوتاریخیں دےرہےہیں وہ نجومی ہوں گے۔

تفصیلات کے مطابق نو مئی جی ایچ کیو حملہ کیس سابق وفاقی وزیر داخلہ شیخ رشید احمد انسداد دہشت گردی کی خصوصی عدالت میں پیش ہوئے۔

اس موقع پر سابق وزیر داخلہ اور عوام مسلم لیگ کے سربراہ نے میڈیا سے گفتگو کرتے ہوئے کہا کہ درخواست کرتاہوں غریبوں کیلئےعام معافی کااعلان کریں، پوری قیادت ملک کواسموگ میں چھوڑگئی ہے، معیشت تباہ ہوگئی ہےانہیں ایک ملین ڈالرتک نہیں ملا۔

سابق وزیر کا کہنا تھا کہ سنا ہے یہ منی بجٹ لارہے ہیں، لوگ اپنے بچوں کو اسکولوں سے ہٹا رہے ہیں، لوگوں کےپاس داخلہ فیس کیلئے پیسے نہیں ہیں۔

انھوں نے کہا کہ میں نے 40 دن کاچلہ کاٹا ، جس کا مرتے دم تک دکھ رہے گا، ملک میں قانون ہے نہ آئین اور نہ ہی جمہوریت۔

بانی پی ٹی آئی کی رہائی کی خبروں پر سابق وزیر داخلہ کا کہنا تھا کہ اللہ کوپتہ ہےبانی پی ٹی آئی کی رہائی کب ہوگی، جوتاریخیں دے رہے ہیں وہ نجومی ہوں گے۔