لاہور : چیئرمین تحریک انصاف عمران خان نے شیخ رشید کی گرفتاری کی شدیدمذمت کرتے ہوئے کہا کہ ہماری تاریخ میں کبھی ایسی متعصب نگران حکومت نہیں آئی۔
تفصیلات کے مطابق چیئرمین پی ٹی آئی عمران خان نے سربراہ مسلم لیگ شیخ رشید کی گرفتاری کی شدید مذمت کی۔
عمران خان نے سماجی رابطے کی ویب سائٹ ٹوئٹر پر اپنے بیان میں یسی متعصب،منتقم نگران حکومت تاریخ میں پہلےہم پرکبھی مسلط نہیں ہوئی، ہم امپورٹڈ حکومت کے ہاتھوں دیوالیہ ہو چکے ہیں۔
پی ٹی آئی چیئرمین کا کہنا تھا کہ ہمیں ایسے وقت میں سڑکوں پر احتجاجی تحریک کی طرف دھکیلا جا رہا ہے، کیا ایسی صورتحال میں پاکستان احتجاجی تحریک کا متحمل ہوسکتا۔
Strongly condemn arrest of Sh Rasheed.Never in our history have we had such a biased, vindictive Caretaker govt appt by totally discredited ECP. Question is can Pak afford a street movement which we are being pushed towards at a time when we have been bankrupted by Imported Govt?
— Imran Khan (@ImranKhanPTI) February 1, 2023
دوسری جانب پی ٹی آئی رہنما اسد عمر نے اپنے ٹوئٹ میں لکھا کہ شیخ رشید اورعمران ریاض گرفتار،سیاستدان ، صحافی قید، دہشت گرد آزاد پھررہےہیں، شیخ رشید کی گرفتاری کی پرزور مذمت کرتےہیں۔
اسدعمر کا کہنا تھا کہ ملک معاشی تباہی کے دھانے پرہے، دہشت گردی کا شکار ہے، حکومت کا سارا زور سیاسی مخالفین پر کیسز اور گرفتاریوں پرہے، یہ فسطائیت کی بدترین مثال ہے۔
شیخ رشید گرفتار. عمران ریاض گرفتار. سیاست دان قید. صحافی قید. دہشت گرد آزاد پھر رہے ہیں
— Asad Umar (@Asad_Umar) February 2, 2023
