Tag: شیخ رشید

راولپنڈی :سابق وزیر داخلہ شیخ رشید نے آئندہ 72 گھنٹے ملکی سیاست میں اہم قرار دے دیئے اور کہا عدلیہ ہی اس ملک کو بحران سے نکالے گی۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ آئندہ 72 گھنٹے ملکی سیاست میں بہت اہم ہوں گے، قوم کو صرف عدلیہ سے ہی توقع ہے ، باقی سب سے مایوسی ہے عدلیہ ہی اس ملک کو بحران سے نکالے گی۔

شیخ رشید کا کہنا تھا کہ عدلیہ چوروں کو آئین کے شکنجے میں لائے گی۔

وزیراعظم کی پریس کانفرنس کے حوالے سے انھوں نے کہا کہ شہباز شریف کی پریس کانفرنس قوم سے بیہودہ مذاق تھی، غریب قحط سےمر گیاہےمہنگائی کاجن حکومت کو کھا جائے گا۔

آئندہ 72 گھنٹے ملکی سیاست میں بہت اہم ہوں گے قوم کو صرف عدلیہ سے ہی توقع ہےباقی سب سے مایوسی ہے عدلیہ ہی اس ملک کو بحران سے نکالے گی اور چوروں کو آئین کے شکنجے میں لائے گی شہباز شریف کی پریس کانفرنس قوم سے بیہودہ مذاق تھی غریب قحط سےمر گیاہےمہنگائی کاجن حکومت کو کھا جائے گا

— Sheikh Rashid Ahmed (@ShkhRasheed) February 23, 2023

سابق وزیر نے ایک اور ٹوئٹ میں لکھا ’13پارٹیاں کسی صورت الیکشن نہیں چاہتیں صرف عمران خان الیکشن چاہتاہے، IMFکی صدر بھی کہتی ہےامیروں کوسبسڈی دی ہے۔

ان کا مزید کہنا تھا کہ لاہور نے جیل بھروتحریک کاحق اداکردیا، آل شریف، زرداری،فضل الرحمان کےعلاوہ سب پاکستان کےلیےپریشان ہیں، اقتدارکےبھوکوں کاجمعہ بازارلگاہے۔

راولپنڈی : عوامی مسلم لیگ ن کے سربراہ شیخ رشید کا کہنا ہے کہ آصف زرداری سب سے بڑا سیاسی ڈاکو ہے، زرداری نے چال چلی ن لیگ کو تباہ کردیا۔

تفصیلات کے مطابق عوامی مسلم لیگ ن کے سربراہ شیخ رشید نے کارکنان سے خطاب کرتے ہوئے کہا کہ چوروں،ڈاکوؤں،لٹیروں نےغریب کی زندگی عذاب بنادی ہے، خان صاحب کوفون پرکہاہےکہ ہمیں فیصلہ کرناہے، آرکرنا ہے یا پار کرنا ہے۔

شیخ رشید کا کہنا تھا کہ میرےگھرمیں ڈکیتی ڈالی گئی ہے، ناتوارکی شام تک کی مہلت دیتا ہوں، جو ڈاکو پولیس کے روپ میں میرے گھر سے چیزیں لیکر گئے واپس کردیں ، اتوار کی شام تک چیزیں واپس کردیں ورنہ پرچہ کروں گا۔

جیل کا احوال بتاتے ہوئے عوامی مسلم لیگ کے سربراہ نے کہا کہ میرے ساتھ زیادتی نہیں کی گئی بس دو راتیں جگائے رکھا، بلو کیلئے 2 راتیں بھی قربان ہیں۔

ان کا کہنا تھا کہ سندھ ہاؤس میں بولی لگا کر ان کی حکومت آئی ، اگرسندھ ہاؤس میں بولی نہ لگتی تومیں سمجھ جاتا۔

آصف زرداری کے حوالے سے شیخ رشید نے کہا کہ رشتے داروں کا گروپ گینگ آف فائیو سب سے بڑا سیاسی ڈاکوآصف زرداری ہے ، آصف زرداری نے چال چلی ن لیگ کو تباہ کردیا۔

بلاول کے دوروں سے متعلق سابق وزیر کا کہنا تھا کہ بلورانی پاکستان ہی نہیں آرہی کیونکہ میں یہاں ہوں، وہ ایسےایسےملک جارہاہےجس کا نقشے پر دیکھنا پڑتا ہےوہ ملک کہاں ہے۔

انھوں نے بتایا کہ رات کےاندھیرے میں لال حویلی پرقبضہ کرنےکی کوشش کی گئی، لال حویلی ان کا باپ بھی مجھ سےنہیں چھین سکتا۔

شیخ رشید نے انکشاف کیا کہ جیل میں اہم لوگوں سے بات چیت ہوئی ہے، میں نےکہا جب تک عمران خان چوروں کےسامنے ڈٹا ہے میں ساتھ ہوں، جس موت کی چکی میں فواد چوہدری رہ کرآیامیں بھی وہیں سے آیا ہوں۔

ان کا مزید کہنا تھا کہ ہرجمعہ کو3بجےہم قوم سےخطاب کریں گے،کل میں لاہورجارہاہوں، یہ الیکشن میں عمران خان کامقابلہ نہیں کر سکتے ، ان کو بڑی تکلیف ہے یہ عمران خان کا راستہ روکنا چاہتےہیں، یہ عمران خان کو نااہل، مرکز اورصوبےمیں اکٹھے الیکشن چاہتے ہیں ، میں کل خان صاحب سےملاقات میں بات کروں گا۔

آئی ایم سے معاہدے کے حوالے سے سربراہ عوامی مسلم لیگ نے کہا کہ آئی ایم ایف کیساتھ معاہدہ ہونے کے باوجود ڈیفالٹ ہونے کا خطرہ ہے، ڈیفالٹ سے بچنے کا ایک ہی طریقہ ہے شفاف الیکشن کرائے جائیں۔

راولپنڈی : عوامی مسلم لیگ کے سربراہ شیخ رشید نے مریم نواز کو مخاطب کرتے ہوئے کہا کہ مریم بی بی تمہارابیانیہ گھر میں نہیں مانا جارہا، اپنے شوہر کو تو ساتھ ملاؤ۔

تفصیلات کے مطابق عوامی مسلم لیگ کے سربراہ شیخ رشید نے کارکنان سے خطاب کرتے ہوئے کہا کہ صرف 15 دن کیلئے سسرال گیا تھا اور اس کی کانپیں ٹانگ رہی ہیں، ابھی تومیں نے کہا ہی کچھ نہیں ، ابھی تو لحاظ کررہاتھا۔

کیپٹن صفدر کے انٹرویو پر سربراہ عوامی مسلم لیگ کا کہنا تھا کہ مریم بی بی صاحبہ اپنے شوہرکو تو اپنےساتھ ملاؤ، مریم بی بی تمہارا بیانیہ تمہارے گھر میں نہیں مانا جا رہا۔

مریم نواز کے بیان پر انھوں نے کہا کہ مریم کہہ رہی ہےحکومت ہماری نہیں توپھرکس کی ہے، مریم جرات کرونام لوپھرکس کی حکومت ہے۔

شہباز شریف کے دورہ ترکیہ کے حوالے سے شیخ رشید نے کہا کہ ترکیہ نےسیلاب میں جوٹینٹ اور کیمپ بھیجے شہبازشریف وہی واپس لے گیا۔

اسحاق ڈار پر تنقید کرتے ہوئے ان کا کہنا تھا کہ ڈریکولہ کہتا تھا میں آؤں گا تو ڈالر200 کا ہو جائےگا، یہ کبھی بھی ڈالر 200 روپے نہیں کر سکتا۔

سابق وزیر نے کہا کہ ہر چینل پر جاؤں گا اور کہوں گا کہ زندگی اور موت کا سوال ہے، یہ زندگی موت کاسوال ہےاپریل میں خانہ جنگی ہو جائے گی۔

انھوں نے خبردار کیا کہ ملک قحط کی طرف جارہاہےلوگ دکانیں لوٹیں گے، جب لوگ بھوک سے مررہےہونگےتوشہبازشریف کی ٹوپی کون دیکھے گا۔

شیخ رشید نے کہا کہ میں ن لیگ کے شاہد خاقان عباسی کا مشکور ہوں سب نے دیکھنا مہتاب عباسی اور شاہدخاقان عباسی کیا کہہ رہا ہے، گھر کا بھیدی لنکا ڈھائے، صفدر کیا کہہ رہاہے، صفدرکہہ رہا ہے کہ کھیل ختم ہے۔

اسلام آباد ہائیکورٹ نے سابق وزیر داخلہ شیخ رشید کی ضمانت منظور کرتے ہوئے فوری رہائی کا حکم دیا ہے۔

اسلام آباد ہائیکورٹ میں شیخ رشید کی درخواست ضمانت پر سماعت ہوئی جس میں سابق وزیر کے وکیل سلمان اکرم راجا، ایڈووکیٹ جنرل اسلام آباد جہانگیر جدون اور ایس ایچ او آبپارہ عدالت میں پیش ہوئے۔

عدالت نے آج سماعت کرتے ہوئے فریقین کے دلائل سننے کے بعد شیخ رشید کی درخواست ضمانت پر فیصلہ محفوظ کرلیا۔

جس کے کچھ دیر بعد جسٹس محسن اختر کیانی نے فیصلہ سناتے ہوئے عوامی مسلم لیگ کے سربراہ شیخ رشید کی ضمانت منظور کرلی۔

اسلام آباد ہائیکورٹ نے 50 ہزار روپے کے ضمانتی مچلکوں کے عوض شیخ رشید کی رہائی کا حکم جاری کیا۔

اسلام آباد : عوامی مسلم لیگ کے سربراہ شیخ رشید کا کہنا ہے کہ جیل میں زندگی گزارسکتا ہوں بے وفائی نہیں کرسکتا۔

تفصیلات کے مطابق سربراہ عوامی مسلم لیگ شیخ رشید نے پیشی پر میڈیا سے گفتگو کرتے ہوئے کہا کہ کوئی کیس نہیں ، اس کے پیچھے فیس ہے ، کیس کچھ نہیں۔

شیخ رشید کا کہنا تھا کہ میرے گھر میں ڈکیتی کی ہے ، میرے گھر سے سامان لوٹا گیا ہے، کوئی پرچہ نہیں ہے سارے فراڈ کے پرچے ہیں۔

سربراہ عوامی مسلم لیگ نے انکشاف کیا کہ یہ نئی پارٹی پیٹریاٹ بنانے جارہے ہیں،یہ چاہتے ہیں پیٹریاٹ پارٹی کی سربراہی کروں لیکن ساری زندگی جیل میں گزار سکتا ہوں بے وفائی نہیں کرسکتا۔

انھوں نے دعویٰ کیا کہ یہ صوبائی الیکشن نہیں کرا رہے ، یہ صوبے اورقومی اسمبلی کا اکٹھا الیکشن کریں گے۔

شیخ رشید نے بتایا کہ این اے 62 سے قلم دوات کےنشان سے لڑرہا ہوں، جیل سے لڑوں گا، رمضان میں لڑوں گا، انشااللہ پاکستان اور غریب عوام کی فتح ہوگی۔