Tag: شیخ رشید

لاہور : سابق وزیر داخلہ شیخ رشید نے عمران خان پر قاتلانہ حملے کو غیرملکی اورمقامی سازش قرار دے دیا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ اسلام آبادکو گوانتانا موبےجیل بنادیاگیاہے، جوجیل ہمارےلیےکل بنائی ہےاس میں انہوں نے اور 77وزرا نے رہنا ہے۔

شیخ رشید کا کہنا تھا کہ عمران خان پرحملہ کرنےوالےایک سے زیادہ منظم سازش کے آلہٰ کار تھے، اگر عمران خان کو کچھ ہوجاتا تو پاکستان ہی نہیں خطے کی سیاست بھی بدل جاتی ، آج 2 بجے لال حویلی میں احتجاجی جلسے سےخطاب کروں گا۔

اسلام آبادکو گونتا موبےجیل بنادیاگیاہےجوجیل ہمارےلیےکل بنائی ہےاس میں انھوں نےاور77وزرانےرہناہےعمران خان پےحملہ کرنےوالےایک سےزیادہ منظم سازش کےآلہ کار تھےاگر عمران خان کو کچھ ہوجاتا تو پاکستان ہی نہیں خطےکی سیاست بھی بدل جاتی آج 2 بجے لال حویلی میں احتجاجی جلسے سےخطاب کروں گا

— Sheikh Rashid Ahmed (@ShkhRasheed) November 4, 2022

سابق وزیر داخہ نے ایک اور ٹوئٹ میں لکھا اہم تعیناتی سےپہلےعمران خان پر قاتلانہ حملہ سنگین ترین سازش کی کڑی ہے، ایک ملزم سے فوری بیان دلوانااورباقیوں کو فرار کرانا سوالیہ نشان ہے۔

انھوں نے مزید کہا کہ پی ڈی ایم سیاسی طورپردفن ہو گئی ہے، عمران خان پرقاتلانہ حملہ غیرملکی اورمقامی سازش ہے، امن اورقانون کےدائرے میں رہتےہوئےاپناحق لےکررہیں گے۔

لاہور : سابق وزیرداخلہ شیخ رشید کا کہنا ہے کہ میں مارا جاؤں تو رانا ثناء کو شامل تفتیش کیا جائے اور اس پر مقدمہ درج کیا جائے۔

تفصیلات کے مطابق سابق وزیر داخلہ اور عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ حواس باختہ حکومت نےبہت غیرشائستہ وزیرداخلہ بنایا ہے، 2 بسیں تھانہ وارث شاہ گئیں ہیں کہ میرانام روزنامچے میں ڈالے، ایف آئی اے کا پنجاب کے تھانوں میں کیا کام ہے ؟

شیخ رشید کا کہنا تھا کہ یہ ملک کو خانہ جنگی کی طرف لیکر جانا چاہتے ہیں، لاہور میں حقیقی آزادی مارچ کا تاریخی استقبال ہوا، میں گرفتار ہوجاؤں یانہیں راولپنڈی میں تاریخی استقبال ہوگا، اگر میں نہ ہوا تو راشد شفیق ہوگا اور کارکنان ہوں گے۔

سابق وزیر داخلہ نے کہا کہ نسلی اوراصلی مقابلے اورامتحان کے وقت ساتھ کھڑا ہوتا ہے, میں مارا جاؤں تو رانا ثنا کو شامل تفتیش کیا جائےاور اس پر مقدمہ درج کیا جائے۔

ان کا مزید کہنا تھا کہ رانا ثنا اللہ جتنی مرضی کنٹینرز لگاو وطن کی سلامتی کا سوال ہے، رانا ثنا اللہ چھوٹے آدمی ہے بڑے گھر میں آیا ہے ، ایک بھی لاش گری تو ان میں ایک بھی بھاگ نہیں سکے گا۔

عوامی مسلم لیگ کے سربراہ نے کہا کہ سیاستدان اپنےدروازے بندنہیں کرتا ہے، لڑائی اچھی بات نہیں ہے ، عمران خان کے ساتھ بیٹھیں اور الیکشن کی تاریخ دیں۔

شیخ رشید نے موجودہ وزیر داخلہ پر الزمات کی بارش کرتے ہوئے کہا رانا ثناحالات خراب کرنا چاہتا ہے، اب بھی وقت ہے عمران خان سے بامقصد مذاکرات کریں ورنہ کوئی سیاسی حادثہ ہوسکتا ہے۔

ان کا کہنا تھا کہ عالمی سطح پر ایران، افغانستان کیخلاف استعمال ہونے جارہے ہیں، یہ اسرائیل کے تعلقات اور بھارت کے ساتھ کاروبار کرنا چاہتے ہیں۔

لاہور: سابق وزیر داخلہ شیخ رشید نے آج شام 5 بجے اہم پریس کانفرنس کرنے کا اعلان کردیا۔

تفصیلات کے مطابق سابق وزیر داخلہ شیخ رشید نے ویڈیو بیان میں کہا ہے کہ اسلام آباد میں میرے لئے حالات بہتر نہیں تھے، لاہور پہنچ چکا ہوں۔

شیخ رشید کا کہنا تھا کہ شام پانچ بجے اہم پریس کانفرنس کروں گا، لانگ مارچ کی حمایت اورارشد شریف کوخراج عقیدت پیش کرنے کیلئےپریس کانفرنس کروں گا۔

سابق وزیر نے کہا کہ کل11بجے لانگ مارچ میں شرکت کیلئے لبرٹی چوک پہنچوں گا، قوم سے اپیل ہے جوش جذبے کے ساتھ مارچ میں شریک ہوں۔

گذشتہ روز سابق وزیر داخلہ شیخ رشید کا کہنا تھا کہ سیاست کا فائنل راؤنڈ شروع ہو گیا ہے، نومبرمیں آرپار ہو جائے گا، جس طرح وزیر قانون سے استعفیٰ لیا گیا اسی طرح الیکشن کی تاریخ لی جائے گی۔

ان کا مزید کہنا تھا کہ پرامن آئینی اورقانونی احتجاج قوم کاحق ہے، راناثنااللہ میں ایئرپورٹ جانے کی بھی ہمت نہیں ہوئی، اگر رانا ثنا نے طاقت استعمال کی تو اسے بھاگنےکی بھی مہلت نہیں ملےگی۔

راولپنڈی : سابق وزیر داخلہ شیخ رشید نے رانا ثنا اللہ کو خبردار کیا ہے کہ اگر طاقت استعمال کی تو بھاگنے کی بھی مہلت نہیں ملے گی۔

تفصیلات کے مطابق تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا ہے کہ سیاست کا فائنل راؤنڈ شروع ہو گیا ہے، نومبرمیں آرپار ہو جائے گا، جس طرح وزیر قانون سے استعفیٰ لیا گیا اسی طرح الیکشن کی تاریخ لی جائے گی۔

شیخ رشید کا کہنا تھا کہ غیرمقبول بھکاریوں کوکہیں سےخیرات نہیں ملےگی، مریم کےٹویٹ اور دیوالی کاکیک کاٹنے والے نواز شریف پر قوم لعن طعن بھیج رہی ہے۔

سیاست کافائنل راؤنڈ شروع ہو گیا ہے۔نومبر میں آر پار ہوجائے گا۔جس طرح وزیر قانون سےاستعفیٰ لیاگیا،اسی طرح حکومت سےالیکشن کی تاریخ لی جائےگی۔غیر مقبول بھکاریوں کو کہیں سے خیرات نہیں ملے گی۔ارشدشریف پرمریم کے ٹویٹ اور دیوالی کا کیک کاٹنے والے نواز شریف پرساری قوم لعن طعن بھیج رہی ہے

— Sheikh Rashid Ahmed (@ShkhRasheed) October 26, 2022

سابق وزیر داخلہ نے ایک اور ٹوئٹ میں لکھا کہ جمعرات کو 2بجے فیصل مسجدمیں شہید کانمازجنازہ پڑھیں گے اور جمعہ کو11بجےلبرٹی چوک سے چوروں کیخلاف عمران خان کی قیادت میں نکلیں گے۔

ان کا مزید کہنا تھا کہ پرامن آئینی اورقانونی احتجاج قوم کاحق ہے، راناثنااللہ میں ایئرپورٹ جانے کی بھی ہمت نہیں ہوئی، اگر رانا ثنا نے طاقت استعمال کی تو اسے بھاگنےکی بھی مہلت نہیں ملےگی۔

جمعرات کو 2بجے فیصل مسجد میں شہید کا نمازجنازہ پڑھیں گے۔جمعےکو11بجے لبرٹی چوک لاہور سےظالم چوروں کے خلاف عمران خان کی قیادت میں نکلیں گے۔پرامن آئینی اورقانونی احتجاج قوم کاحق ہے۔راناثناءاللہ جسےایرپورٹ جانےکی ہمت نہیں ہوئی،اگراسنےطاقت استعمال کی تواسے بھاگنےکی بھی مہلت نہیں ملےگی

— Sheikh Rashid Ahmed (@ShkhRasheed) October 26, 2022

راولپنڈی : سابق وزیر داخلہ شیخ رشید نے کہا ہے کہ رات میں اسلام آباد پولیس نے میرے گھر پرچھاپہ مارا، میں لال حویلی میں تھا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ رات ساڑھے 12 بجے اسلام آباد پولیس نے میرے اسلام آباد گھرپرریڈ کیا جبکہ میں لال حویلی میں تھا۔

شیخ رشید کا کہنا تھا کہ ڈار کی آمد کے بعد پاکستان کی ریٹنگ مائنس سے کم کرکے ٹرپل پلس سی دوسری بار گری ہے، ساری قوم سپریم کورٹ نیب کےترمیمی آرڈیننس پرفیصلے کی منتظر ہے۔

سابق وزیر نے مزید کہا کہ الیکشن کی تاریخ کا فیصلہ چوک چوراہے پر ہوگا یا میز پر 30 نومبر سے پہلے ہوگا۔

رات12:30بجےاسلام آباد کی پولیس نےمیرےاسلام آباد کےگھرپرریڈکیاجبکہ میں لال حویلی میں تھا۔ڈارکی آمد کےبعدپاکستان کی ریٹنگ مائنس سےکم کرکےٹرپلC+دوسری بارگری ہےساری قوم سپریم کورٹ نیب کےترمیمی آرڈینیس پرفیصلےکی منتظرہےالیکشن کی تاریخ کافیصلہ چوک چوراہےمیں ہوگایامیزپر30نومبرسےپہلےہوگا

— Sheikh Rashid Ahmed (@ShkhRasheed) October 22, 2022

ایک اور ٹوئٹ میں انھوں نے لکھا کہ گرےلسٹ سے نکلنے کا کریڈٹ عمران خان حکومت اوراداروں کو جاتا ہے۔

شیخ رشید کا کہنا تھا کہ الیکشن کمیشن کی نااہلی کافیصلہ ہائیکورٹ،سپریم کورٹ کی ایک پیشی کی مارہے، یہ مبہم ہے سقم ہے اورغیرآئینی ہے، جیلوں سے بھاگنے والے عمران کو جیل میں ڈالناچاہتے ہیں۔

آرمی چیف کاازخود ایکسٹنیشن نہ لینےکا فیصلہ خوش آئند ہےگرے لسٹ سے نکلنے کاکریڈٹ عمران خان کی حکومت اور سارےاداروں کوجاتا ہے۔الیکشن کمیشن کی نااہلی کافیصلہ ہائیکورٹ سپریم کورٹ کی ایک پیشی کی مارہے یہ مبہم ہے سقم ہےاور غیرآئینی ہے۔جیلوں سے بھاگنے والے عمران کو جیل میں ڈالناچاہتےہیں

— Sheikh Rashid Ahmed (@ShkhRasheed) October 22, 2022

اسلام آباد : سابق وزیر داخلہ شیخ رشید نے خبردار کیا ہے کہ الیکشن کمیشن نے سیاسی بنیادوں پر فیصلہ دیا تو حالات مزید خراب ہوجائیں گے۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ الیکشن کمیشن نےسیاسی بنیادوں پر فیصلہ دیا توحالات مزیدخراب ہوجائیں گے۔

شیخ رشید کا کہنا تھا کہ برطانوی وزیراعظم نے45  دن میں مہنگائی کے سامنے ہتھیارڈال دیے جبکہ پاکستان میں 77وزرا مزید مہنگائی کا سبب بن رہے ہیں، حکومت وینٹی لیٹرپر ہے اور پی ڈی ایم قومہ میں ہے، اپنےکیس ختم،غریب کے لیے مہنگائی اورمعاشی کفن ہے۔

الیکشن کمیشن نے سیاسی بنیادوں پر فیصلہ دیا تو حالات مزید خراب ہو جائیں گے۔برطانوی وزیراعظم نے 45 دن میں مہنگائی کے سامنے ہتھیار ڈال دیے،پاکستان میں 77 وزراء مزید مہنگائی کا سبب بن رہے ہیں۔ حکومت وینٹیلیٹر پر ہے اور PDM قومہ میں ہے۔اپنے کیس ختم،غریب کے لیے مہنگائی اور معاشی کفن ہے

— Sheikh Rashid Ahmed (@ShkhRasheed) October 21, 2022

خیال رہے سابق وزیراعظم عمران خان کیخلاف توشہ خانہ کیس کا فیصلہ ایک گھنٹے بعد سنایا جائے گا۔

اس موقع پر الیکشن کمیشن میں غیر متعلقہ افراد کا داخلہ بند کردیا گیا ہے جبکہ رینجرز، ایف سی اور پولیس کی بھاری نفری الیکشن کمیشن کی سیکیورٹی پر تعینات ہے۔

تحریک انصاف کی جانب سے ممکنہ احتجاج کے پیش نظر بڑی تعداد میں آنسو گیس کے شیل بھی پہنچا دیے گئے ہیں۔