Tag: شیخ رشید

راولپنڈی : عوامی مسلم لیگ کے سربراہ شیخ رشید کا کہنا ہے کہ 27 ویں ترمیم پر فضل الرحمان نے کال دے دی تو حکومت کو لگ پتا جائے گا۔

تفصیلات کے مطابق عوامی مسلم لیگ کے سربراہ اور سابق وزیر داخلہ شیخ رشید نے 9 مئی کیسز میں عدالت میں پیشی کے موقع پر میڈیا سے گفتگو کرتے ہوئے کہا کہ ملکی تاریخ میں پہلی مرتبہ کوئی آفریدی چیف جسٹس آیاہے، آفریدیوں نے انگریز کو بھی شکست دی تھی، امید ہے وہ انصاف کا علم بلند رکھیں گے۔

سابق وزیر داخلہ کا کہنا تھا کہ امید ہے مولانا 27ویں ترمیم کے خلاف ملک گیراحتجاج کی کال دیں گے ، ستائیسویں ترمیم پر فضل الرحمان نے کال دے دی تو لگ پتا جائے گا۔

مزید پڑھیں : شیخ رشید نے مولانا فضل الرحمان کو آئینی ترامیم کے پہلے راؤنڈ کا فاتح قرار دے دیا

انھوں نے کہا مولانافضل الرحمان نے26ویں آئینی ترمیم کا جنازہ نکال دیا اور پاکستان کی عزت بڑھائی ہے، 26 ویں ترمیم سے کچھ نہیں ملے گا، یہ ترمیم نون شین اور دوسروں کے گلے پڑے گی۔

یاد رہے سابق وفاقی وزیرداخلہ نے آئینی ترامیم کے حوالے سے ویڈیو بیان میں کہا تھا کہ مولانا فضل الرحمان نے کل آئینی ترامیم کے مسودے کا پہلا راؤنڈ جیت لیا، انھوں نےاپنے گھر کا راستہ سب کو دکھایا ہے۔

راولپنڈی : سابق وفاقی وزیرداخلہ شیخ رشید کاکہنا ہے مولانا فضل الرحمان نے آئینی ترامیم کے مسودے کا پہلا راؤنڈ جیت لیا۔

تفصیلات کے مطابق سابق وفاقی وزیرداخلہ شیخ رشید نے آئینی ترامیم کے حوالے سے ویڈیو بیان میں کہا کہ مولانا فضل الرحمان نے کل آئینی ترامیم کے مسودے کا پہلا راؤنڈ جیت لیا، انھوں نےاپنے گھر کا راستہ سب کو دکھایا ہے۔

سابق وزیر داخلہ کا کہنا تھا کہ مفتی محمودمرحوم نے بھی تنہاذوالفقار علی بھٹو کو شکست دی تھی ، وہ لوگ جوکہتےتھےووٹ کو عزت دو انہوں نےووٹ کوٹوکری بنادیا ہے۔

انھوں نے کہا کہ کسی کے پاس آئینی مسودے کی کاپی نہیں ہے ، یہ 25کروڑ عوام کو اعتماد میں کیا لیں گے، جب بھی جمہوریت پر شب خون مارا گیا رات کو مارا گیا۔

سابق وزیر کا کہنا تھا کہ مجھے امید ہے 30 ستمبر تک جمہوریت کی سیاست کا اتار چڑھاؤ ہو جائے گا اور معلوم ہو جائے گا کہ جمہوریت کا اونٹ کس اوڑ کروٹ بدلتا ہے۔

راولپنڈی : سربراہ عوامی مسلم لیگ شیخ رشید نے پیش گوئی کی ہے کہ 31 اگست سے پہلے ملکی سیاست کا فیصلہ ہوجائے گا۔

تفصیلات کے مطابق سربراہ عوامی مسلم لیگ شیخ رشید نے میڈیا سے گفتگو میں کہا کہ اسلام آباد ہائیکورٹ کہہ چکی ہے ہمارے خلاف کوئی مقدمے نہیں ہیں، پی ٹی آئی پر پابندی لگانےسےسے کچھ نہیں ہوگا۔

سابق وزیر نے بتایا کہ کل ہمیں نوٹس ملےہیں پنجاب حکومت سپریم کورٹ گئی ہے، یہ چاہتے ہیں جن کی اے ٹی سی میں ضمانتیں ہوئیں مستردکیاجائے، میں موجودہ حکومت کوکچھ نہیں کہناچاہتاانکی کوئی اوقات نہیں۔

ان کا کہنا تھا کہ یہ توپی ٹی آئی پرپابندی لگانےاورغداری کاکیس لگانےکافیصلہ کررہےتھے، ان لوگوں کےپاس عقل نہیں ،ملکی سیاست میں انکی کوئی حیثیت نہیں۔

سربراہ عوامی مسلم لیگ نے پیش گوئی کی کہ 31 اگست سے پہلے پہلے فیصلہ ہوجائے گا اور عملی طور پر میں 31 اگست کے بعد سیاست میں آجاؤں گا۔

انھوں نے بتایا کہ کسی وزارت میں کوئی کام نہیں ہورہا ہے ، شہباز شریف خود فون کرکے کہتے ہیں انہیں کوئی بلائے، پاکستان کو بچانا ادارواں کی ذمہ داری ہے۔

راولپنڈی : بجلی اورگیس کے بھاری بلوں سے شیخ رشید بھی پریشان ہوگئے اور کہا ویڈیو پیغام میں کہا صرف ایک ٹائم چولہا جلنے پر گیس کا بل ایک لاکھ روپے آگیا ہے۔

تفصیلات کے مطابق عوامی مسلم لیگ کے سربراہ شیخ رشید نے بجلی اورگیس کے بھاری بلوں سے تنگ آکر دونوں یوٹیلیٹی بلز میڈیا کو دکھا دیئے۔

ویڈیو پیغام میں کہا ناشتہ ریڑھی پر کرتا ہوں، جب سے اسلامی دوست مجھے چلے پر لے گئے تب سے گھر میں دوپہر کا چولہا نہیں جلاتا۔

صرف شام کو کھانا پکتا ہے اور گیس کا ایک لاکھ روپے کا بل آگیا اس سے کو پہلےبجلی کا بل ایک لاکھ 68 ہزار روپے آ چکا ہے۔

اندرون شہر کے محلوں میں شہریوں کا گیس کا بل چھ سے آٹھ ہزار آیا، حکومت کو غریب کا چولہا بند ہونے کا احساس نہیں۔

ملک کے ذمہ داران سن لیں گلی محلوں میں اندھا انقلاب پرورش پا رہا ہے، لوگ بے بس ہوگئے ہیں، حلق سے فلک تک مہنگائی نے زندہ دفن کر دیا۔

ملک ڈوب رہا ہے، سمجھنے کی ضرورت ہے، گاڑی ہاتھ سے چھوٹ رہی ہے۔

سابق وفاقی وزیر کا کہنا تھا کہ وقت کسی کا نہیں ہوتا، چور ڈاکو لٹیرے اپنے کیس ختم کرانے آئے تھے، غریب کا چولہا بجھا دیا، اب فارم 45 اور 47 کی لڑائی نہیں، غریب کے زندہ رہنے کی جستجو ہے، ذمہ دار حلقے خدا کیلئے غریب کو مرنے سے بچا لیں۔

راولپنڈی : سربراہ عوامی مسلم لیگ شیخ رشید کا کہنا ہے کہ یہ حکومت صرف اپنےکیس ختم کرنے اور عوام کوبجلی کےتاروں پر لٹکانےآئی ہے۔

تفصیلات کے مطابق سربراہ عوامی مسلم لیگ شیخ رشید نے عدالت میں پیشی کے موقع پر میڈیا سے گفتگو کرتے ہوئے کہا کہ حکومت بتائے کسی ملک نے انہیں پانچ ڈالر بھی دیے۔

ان کا کہنا تھا کہ یہ حکومت اپنے کیسز معاف کروانے اور عوام کو بجلی کے تاروں پر لٹکانے آئی ہے، میرا بجلی کا بل ایک لاکھ 68 ہزار روپے آیا۔

سابق وزیر داخلہ نے کہا کہ کشمیر کے بعد خیبرپختونخوا اور بلوچستان کے بھی حالات خراب ہو رہے ہیں، اگلے مہینے کے آخر تک نواز شریف بھی اپنابیانیہ بدلے گا۔

جواِس حکومت سےمذاکرات کرےگاوہ منہ کالاکرےگا، کوئی درمیانی راستہ نکالا جائے۔

گذشتہ روز پاکستان مسلم لیگ عوامی کے سربراہ اور سابق وفاقی وزیر شیخ رشید احمد نے راولپنڈی میں اڈیالہ جیل کے باہر میڈیا سے گفتگو کرتے ہوئے دعویٰ کیا ہے کہ ملک کے جو موجودہ حالات ہیں، اس صورتحال میں بانی پی ٹی آئی کو رہا نہیں کیا جائے گا۔

شیخ رشید کا کہنا تھا کہ یہ کیس پر کیس کریں گے مگر بانی پی ٹی آئی کو رہا نہیں کریں گے۔ قبرایک جب کہ مُردے تین ہیں، بڑا ریلیف سپریم کورٹ سے ہی مل سکتا ہے۔

اسلام آباد : اسلام آباد ہائی کورٹ نے عوامی مسلم لیگ کے سربراہ شیخ رشید کیخلاف درج مقدمات خارج کردیئے، ان پر بلاول بھٹو کے خلاف نازیبا الفاظ کے استعمال پر مقدمہ درج کیا گیا تھا۔

تفصیلات کے مطابق اسلام آباد ہائی کورٹ میں عوامی مسلم لیگ کے سربراہ شیخ رشید کی درج مقدمات خارج کرنے درخواست پر سماعت ہوئی، شیخ رشید کمرہ عدالت میں موجود تھے۔

اسلام آباد ہائیکورٹ کے جسٹس طارق محمود جہانگیری نے سربراہ عوامی مسلم لیگ کی ایک ہی الزام پر مختلف صوبوں درج مقدمات خارج کرنے کی درخواستیں منظور کرلیں۔

عوامی مسلم لیگ کے سربراہ کیخلاف کراچی کے تھانہ موچکو اورلسبیلہ میں درج مقدمات خارج کردیئے۔

عوامی مسلم لیگ کے سربراہ پر بلاول بھٹو کیخلاف نازیبا الفاظ کے استعمال پر مقدمہ درج کیا گیا تھا جبکہ انھوں نے آصف علی زرداری پر بانی پی ٹی آئی کے قتل کی سازش کا الزام بھی لگایا تھا۔

بعد ازاں سابق وزیر داخلہ کے خلاف اسلام آباد کے علاوہ سندھ اور بلوچستان میں بھی مقدمات درج کیے گئے تھے۔

اسلام آباد : سربراہ عوامی مسلم لیگ شیخ رشید کا کہنا ہے کہ دکھ ہےبانی پی ٹی آئی کو مجھ سے تعلق نبھانا چاہیے تھا لیکن ایسا نہیں ہوا۔

تفصیلات کے مطابق سربراہ عوامی مسلم لیگ شیخ رشیداحمد نے اے آر وائی نیوز کو خصوصی انٹرویو میں مستقبل کے حوالے سے سوال پر کہا کہ مستقبل سے متعلق بانی پی ٹی آئی سے بات کروں گا تو پھر بتا سکتا ہوں، ابھی میں اڈیالہ نہیں گیا کیونکہ پی ٹی آئی کی نئی ٹیم سے کوئی تعلق ہی نہیں، میں اڈیالہ جاکرنئی مصیبت کو جنم نہیں دینا چاہتا۔

شیخ رشید نے بتایا کہ میں کھڑا رہا اور 40 دن کیا اگر 40 سال بھی کھڑارہنا پڑتا تو رہ جاتا، آپ حیران ہوں گے میرے خلاف جتنی بھی شہادتیں ہیں وہ پی ٹی آئی کی ہیں لیکن میرا ضمیر مطمئن اور دل کو سکون ہے، کھڑارہا اور لوگ مجھےعزت دے رہے ہیں۔

سربراہ عوامی مسلم لیگ نے شکوہ کرتے ہوئے کہا کہ دکھ ہے بانی پی ٹی آئی کو مجھ سے تعلق نبھانا چاہیے تھا لیکن ایسا نہیں ہوا، بانی پی ٹی آئی کی حد تک میرا سافٹ کارنر تھا، ہے اور رہے گا لیکن میرے ساتھ ٹھیک نہیں ہوا۔

ان کا کہنا تھا کہ میری صحت خراب ہوگئی تھی ورنہ چلہ لمبا ہوجاتا ، چاہتا تو اسی گاڑی میں واپس آجاتا جس میں گیا تھا لیکن میں نے کوئی تحریردی نہ ویڈیوبنوائی۔

عون چوہدری کے حوالے سے سابق وزیر داخلہ نے کہا کہ تحریرمیں بشریٰ بی بی سے متعلق عون چوہدری کی باتیں غیراخلاقی تھیں، انسان کوسچ کےساتھ کھڑا ہونا چاہیے، ایسی بات کیسےکرتا جو دیکھی ہی نہیں۔

سربراہ عوامی مسلم لیگ کا مزید کہنا تھا کہ 9 مئی میں کوئی قلفی والا اور ریڑھی والا پکڑکر پولیس نے گنتی پوری کی اصل لوگ تو باہر ہیں، زلفی بخاری سمیت کئی لوگ ہیں جو پہلے ہی ملک سے بھاگ گئے۔