Tag: شیخ رشید

راولپنڈی : سابق وفاقی وزیرداخلہ شیخ رشید نے جیل سے ہی الیکشن لڑنے کا اعلان کردیا اور کہا اتنے مقدمات بنادیے گئے ہیں کہ میں باہر نہیں نکل سکتا۔

تفصیلات کے مطابق سابق وفاقی وزیرداخلہ شیخ رشید نے میڈیا سے گفتگو کرتے ہوئے کہا کہ چلے سے پہلے تو کوئی مقدمات نہیں تھے ، کل اےٹی سی سےپتہ چلےگاکہ میرےاوپر کتنےمقدمات ہیں۔

سابق وفاقی کا کہنا تھا کہ 20مقدمات میں ضمانتوں پرہوں، اتنے مقدمات بنادیے گئے ہیں کہ میں باہر نہیں نکل سکتا، چلےسے 2روزقبل انہوں نےجسٹس عبدالعزیزکی عدالت کوبتایاتھاکہ میرے اوپر کوئی اورمقدمہ نہیں۔

انھوں نے بتایا کہ ملک کے5بڑےقانون دانوں کواسٹامپ لکھ دیا ہے اگر جیل میں ہوا تو جیل سے الیکشن لڑوں گا۔

نواز شریف کے حوالے سے ان کا کہنا تھا کہ نواز شریف بول رہا ہے تو پھر میں بھی بولوں گا، ملک بھرکےپریس کلبزکادورہ کرنےجارہا ہوں ، جہاں مقدمہ ہوگا اس شہرکاپریس کلب ضمانت دےگا۔

راولپنڈی : لاہور ہائیکورٹ راولپنڈی بنچ نے دوہفتے میں شیخ رشید کے خلاف تمام مقدمات کی تفصیلات طلب کرلیں اور کہا شیخ رشید سسرال جانے سے کیوں گھبرا رہے ہیں۔

تفصیلات کے مطابق عوامی مسلم لیگ کے سربراہ شیخ رشیدکی نومئی مقدمات میں ملوث کرنے کے خلاف رٹ پٹیشن پر لاہور ہائیکورٹ راولپنڈی بنچ نےسماعت کی۔

وکیل سردارعبدالرازق ایڈووکیٹ نےعدالت کوبتایاکہ شیخ رشید کوسیاسی انتقام کانشانہ بنایاجارہاہے، جس پر جسٹس چوہدری عبدالعزیزنے پوچھا کہ شیخ رشید چِلے سے واپس آ گئے ہیں تو اب کیا مسئلہ ہے، شیخ رشید سسرال جانے سے کیوں گھبرا رہے ہیں۔

جس پر وکیل سردار عبدالرازق نےکہاکہ شیخ رشید سسرال جانے سے نہیں گھبراتے، اس دفعہ انہیں سسرال کے بجائے چلے پر لے گئے تھے۔

عدالت نے ابتدائی سماعت کے بعد حکومت پنجاب ، آئی پنجاب،آر پی او ، سی پی او سمیت دیگرکو نوٹس جاری کردیئے اور دوہفتے میں شیخ رشید کے خلاف تمام مقدمات کی تفصیلات طلب کرلیں۔

اسلام آباد: عوامی مسلم لیگ کے سربراہ اور سابق وزیر داخلہ شیخ رشید کا کہنا ہے کہ چلہ تو پورا ہوگیا مگر اس کے اثرات ابھی تک ہیں۔

تفصیلات کے مطابق فیض آباد دھرنا کیس میں سپریم کورٹ آمد کے موقع پر عوامی مسلم لیگ کے سربراہ شیخ رشید سے میڈیا گفتگو میں صحافی نے سوال کیا شیخ صاحب چلہ پورا ہوگیا؟ جس پر شیخ رشید نے کہا کہ چلہ تو پوار ہوگیا مگر اس کے اثرات ابھی تک ہیں۔

صحافی نے پوچھا شیخ صاحب کیا پی ٹی آئی کیساتھ آج بھی کھڑے ہیں یا ہتھیارڈال دیئے تو ان کا کہنا تھا کہ اللہ کے فضل سے زندگی میں دوستی اوردشمنی دونوں آخر تک نبھائی ہے۔

یاد رہے دو روز قبل سابق وزیر داخلہ شیخ رشید کا کہنا تھا کہ میں نے ہمیشہ اداروں کی عزت کی لیکن مجھے نظر لگ گئی ، نواز شریف کو کب نظر لگتی ہے اس کا انتظار کروں گا۔

انھوں نے کہا تھا کہ چلے کے اثرات ابھی باقی ہیں ختم نہیں ہوئے، امید ہے یہ اثرات جلد ختم ہوں گے ہارتا وہ ہے جو ہار مانتا ہے اللہ سے مدد کی امید ہے، جو ہار نہیں مانتا اللہ اس کی مدد کو آتا ہے۔

راولپنڈی : سابق وزیر داخلہ شیخ رشید کا کہنا ہے کہ میں نے ہمیشہ اداروں کی عزت کی لیکن مجھے نظر لگ گئی ، نواز شریف کو کب نظر لگتی ہے اس کا انتظار کروں گا۔

تفصیلات کتے مطابق سابق وزیر داخلہ شیخ رشید نے عدالت میں پیشی کے موقع پر میڈیا سے گفتگو کرتے ہوئے کہا کہ پاکستان میں 2لوگ ہی خاموش ہیں میں اور نواز شریف۔

شیخ رشید کا اپنے اوپر مقدمات کے حوالے سے کہنا تھا کہ جتنے بھی مقدمات بنے وہ چلے کے دوران بنائے گئے، میرا خیال ہے کہ کیسز زیادہ ہوگئے ہیں، درخواست ہے میرے خلاف جو بھی کیس ہے اس کا مجھے پتہ ہو، چلے کے دوران ایسے شہروں میں مقدمات ہوئے جہاں کبھی گیاہی نہیں۔

سابق وزیر داخلہ نے کہا کہ چلے کے اثرات ابھی باقی ہیں ختم نہیں ہوئے، امید ہے یہ اثرات جلد ختم ہوں گے ہارتا وہ ہے جو ہار مانتا ہے اللہ سے مدد کی امید ہے، جو ہار نہیں مانتا اللہ اس کی مدد کو آتا ہے۔

ان کا مزید کہنا تھا کہ لوگ کہتے ہیں کہ آپ سیاست نہیں کرتے، جس دن الیکشن شیڈول آئے گا اس دن ہم ہی سیاست کریں گے، ابھی کسی کو سمجھ نہیں آ رہی کہ ملکی سیاست کس طرف جارہی ہے۔

شیخ رشید نے کہا کہ میں کہتا ہوں الیکشن سیاسی جماعتوں کے درمیان ہونے چاہئیں، فیصلہ عوام نے کرنا ہے، عوام سیاستدانوں سے زیادہ سمجھ دار ہیں۔

نواز شریف کے حوالے سے سابق وزیر کا کہنا تھا کہ 21اکتوبر کو نواز شریف واپس آیا اور 22اکتوبرکو میں واپس آیا ، میں نے ہمیشہ اداروں کی عزت کی لیکن مجھے نظر لگ گئی ، نواز شریف کو کب نظر لگتی ہے اس کا میں انتظار کروں گا۔

راولپنڈی : سرابرہ عوامی مسلم لیگ شیخ رشید نے اپنے گرفتاری میں ملوث سی سی پی او راولپنڈی اور دیگر اہکاروں کو فی سبیل اللہ معاف کردیا۔

تفصیلات کے مطابق لاہور ہائیکورٹ راولپنڈی بینچ میں میں سرابرہ عوامی مسلم لیگ شیخ رشید کی گرفتاری کیخلاف درخواست پر سماعت ہوئی ، لاہور ہائیکورٹ راولپنڈی بینچ کے جسٹس صداقت علی خان نے سماعت کی۔

شیخ رشید عدالت کےروبرو پیش ہوگئے اور بیان میں اپنی گرفتاری میں ملوث سی سی پی او راولپنڈی اور دیگر پولیس اہلکاروں کو آڑے ہاتھوں لیا۔

سرابرہ عوامی مسلم لیگ کا کہنا تھا کہ سی پی او اور یہ سب میرےملزم ہیں ،میری گرفتاری میں یہ چہرے شامل ہیں ، فی سبیل اللہ انھیں معاف کرتا ہوں، بعد ازاں لاہور ہائیکورٹ راولپنڈی بینچ نے درخواست نمٹا دی۔

پیشی کے بعد شیخ رشید نے میڈیا سے گفتگو کرتے ہوئے کہا کہ آج عدالت میں میری گرفتاری پرسماعت ہوئی، پٹیشن میں جو کچھ لکھا تھا وہ بالکل درست ہے ، میری گرفتاری کے پیچھے سی پی او کا چہرہ چھپا ہے، گرفتار مجھے پولیس نے کیا بدنام دوسرے لوگوں کو کیا گیا، 30 اکتوبر کو لال حویلی کا کیس ہے پھر بات کروں گا۔

یاد رہے 21 اکتوبر کو شیخ رشید احمد ایک ماہ کی گمشدگی کے بعد دوبارہ منظر عام پر آئے تھے اور 9 مئی کے فسادات کی مذمت کرتے ہوئے پاکستان تحریک انصاف (پی ٹی آئی) کے سربراہ کو ’ضدی‘ قرار دیا۔

نجی نیوز چینل سے گفتگو کرتے ہوئے سابق وزیر داخلہ کا کہنا تھا کہ وہ گزشتہ 40 دنوں سے ’چِلا‘ (بظاہر زیر زمین وقت گزار رہے ہیں) پر تھے۔

راولپنڈی : عوامی مسلم لیگ کے سربراہ اور سابق وفاقی وزیر داخلہ شیخ رشید کو سینے میں تکلیف کے باعث آر آئی سی منتقل کردیا گیا۔

تفصیلات کے مطابق عوامی مسلم لیگ کے سربراہ اور سابق وفاقی وزیر شیخ رشید احمد کی طبیعت اچانک ناساز ہوگئی، ذرائع نے بتایا ک شیخ رشید کو سینے میں تکلیف کے باعث آر آئی سی منتقل کیا گیا۔

ذرائع کا کہنا تھا کہ اسپتال میں شیخ رشید کا شعبہ ایمرجنسی میں ابتدائی طبی معائنہ کیا گیا اور ای سی جی کی گئی، جس کے بعد شیخ رشید کو عارضہ قلب کے باعث اسپتال میں داخل کرلیا گیا۔

واضح رہے کہ سابق وزیرداخلہ شیخ رشید کئی دن تک روپوش رہنے کے بعد منظرِ عام پر آئے تھے اور نجی ٹی وی سے گفتگو کرتے ہوئے ان کاکہنا تھا کہ چلے پر گیا تھا کسی نے کوئی نقصان نہیں پہنچایا، خبریں لگتی رہتی ہیں اللہ نے چلے لگانے کا موقع دیا خوش اسلوبی سے گزرے۔

شیخ رشید کا کہنا تھا کہ پہلے دن سے اپنی افواج کے ساتھ ہوں، چیئرمین پی ٹی آئی کو ہمیشہ کہا فوج کے ساتھ بنا کر رکھنی چاہیے، مجھے خود کو فوج کا ترجمان کہنے پر فخر ہے۔

سربراہ عوامی مسلم لیگ اور شیخ رشید نے کہا ہے کہ ڈنڈا مسائل کا حل نہیں رہا حالات بہتری کی طرف لیکر جانے پڑیں گے۔

تفصیلات کے مطابق سربراہ عوامی مسلم لیگ اور شیخ رشید نے سماجی رابطے کی ویب سائٹ ایکس پر جاری ٹوئٹ میں لکھا کہ 13 جماعتیں اور اُس کے لیڈر عوام کو معاشی عذاب میں ڈال کر بھاگ گئے اور اب معاشی عذاب کا ملبہ نگران حکومت پر ڈال رہے ہیں۔

شیخ رشید نے کہا کہ  ایک لیڈر لندن، دوسر ادبئی، تیسرا سعودی عرب چلا گیا اور عوام  دھکے کھا رہے ہیں، ملک میں کل کی ہڑتال نے ثابت کیا کہ کاروباری طبقہ بھی مسائل کے شکنجے میں آگیا ہے، 48 گھنٹے میں بجلی میں ریلیف دینے کی بات کی تھی ایک ہفتہ بعد بھی اس کا کوئی نتیجہ نہ نکلا۔

انہوں نے کہا کہ پکڑ دھکڑ وقت ضائع کرے گی اور نفرت کو بڑھائےگی، بات چیت کی ضرورت ہے اور بات چیت سے ہی ملک کے مسائل کا حل نکلےگا، سیاست میں کبھی بھی بات چیت کے دروازے بند نہیں کیے جاتے۔

ان کا کہنا تھا کہ  ڈنڈا مسائل کا حل نہیں رہا حالات بہتری کی طرف لیکر جانے پڑیں گے، افسوس کی بات ہے کہ عدلیہ کے فیصلوں کو بھی نہیں مانا جارہا لیکن اس وقت پاکستان کو سیاسی استحکام کی  اشد ضرورت ہے۔

 شیخ رشید نے ٹوئٹ میں مزید لکھا کہ استحکام نہیں آئے گا تو حالات سنگین اور گھمبیر ہو جائیں گے، ستمبر اہم ترین مہینہ ہے دیکھنا یہ ہے یہ ستمگر ہوگا یا عوام کیلئے خوش آئند۔