Tag: شیخ رشید

  • شیخ رشید کے حلقے کا انتخاب ملتوی ہونے کا فیصلہ برقرار

    شیخ رشید کے حلقے کا انتخاب ملتوی ہونے کا فیصلہ برقرار

    لاہور: سپریم کورٹ نے راولپنڈی کے حلقہ این اے 60 کے انتخاب ملتوی کرنے کا فیصلہ برقرار رکھتے ہوئے انتخابی امیدوار شیخ رشید کی کل انتخاب کروانے کی درخواست مسترد کردی۔

    تفصیلات کے مطابق سپریم کورٹ کے چیف جسٹس، جسٹس ثاقب نثار نے عوامی مسلم لیگ کے سربراہ شیخ رشید کی ان کے حلقے این اے 60 میں انتخاب نہ روکنے کی درخواست پر سماعت کی۔

    سماعت کے بعد چیف جسٹس نے مذکورہ حلقے میں کل طے شدہ شیڈول کے مطابق انتخاب کروانے کی استدعا مسترد کرتے ہوئے لاہور ہائیکورٹ کے فیصلے کو برقرار رکھا۔

    سپریم کورٹ نے وفاقی حکومت اور الیکشن کمیشن کو بھی نوٹس جاری کر دیے۔

    چیف جسٹس نے کہا کہ واک اوور پر جانے کی بجائے الیکشن لڑیں، اپنے لیے نہیں بلکہ ووٹر کے لیے۔ شیح رشید دوسری سیٹ پر انتخابات لڑ رہے ہیں پتہ لگ جائے گا۔

    اپنی دائر کردہ درخواست میں شیخ رشید نے مؤقف اختیار کیا تھا کہ الیکشن صرف امیدوار کی وفات کی صورت میں ملتوی کیے جا سکتے ہیں، الیکشن کمیشن کا فیصلہ الیکشن ایکٹ اور آئینی آرٹیکلز کی خلاف ورزی ہے۔

    سماعت کے دوران چیف جسٹس ثاقب نثار کا کہنا تھا کہ اس اہم قانونی نقطے کی تشریح کے لیے کیس کی سماعت بعد میں کی جائے گی۔ حلقے کے ووٹر کو من پسند امیدوار کو ووٹ دینے سے محروم نہیں رکھا جا سکتا۔

    واضح رہے کہ 2 روز قبل انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور این اے 60 کے امیدوار حنیف عباسی کو عمر قید کی سزا سنائی تھی۔

    حنیف عباسی کی سزا کے بعد الیکشن کمیشن نے این اے 60 کا انتخاب ملتوی کردیا تھا جس کے خلاف شیخ رشید نے لاہور ہائیکورٹ میں درخواست دائر کی۔

    لاہور ہائیکورٹ نے گزشتہ روز انتخاب ملتوی ہونے کے حوالے سے الیکشن کمیشن کا فیصلہ برقرار رکھتے ہوئے شیخ رشید کی درخواست خارج کر دی تھی۔

    لاہور ہائیکورٹ سے درخواست خارج ہونے کے بعد شیخ رشید نے آج سپریم کورٹ سے رجوع کیا تھا تاہم یہاں سے بھی ان کی درخواست خارج کردی گئی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • این اے60 پرالیکشن سےمتعلق شیخ رشید کی اپیل سماعت کےلیےمقرر

    این اے60 پرالیکشن سےمتعلق شیخ رشید کی اپیل سماعت کےلیےمقرر

    لاہور: این اے 60 پر الیکشن سے متعلق عوامی مسلم لیگ کے سربراہ شیخ رشید کی اپیل سپریم کورٹ لاہور رجسٹری منتقل کردی گئی۔

    تفصیلات کے مطابق عوامی مسلم لیگ کے سربراہ شیخ رشید کی این اے 60 پرالیکشن سے متعلق درخواست سپریم کورٹ لاہوررجسٹری میں سماعت کے لیے مقرر کردی گئی۔

    شیخ رشید کی درخواست پرسماعت چیف جسٹس آف پاکستان میاں ثاقب نثار کی سربراہی میں ہوگی۔

    عوامی مسلم لیگ کے سربراہ کو لاہورجانے کے لیےفلائٹ نہیں ملی جس کے بعد وہ بذریعہ موٹروے لاہور کے لیے روانہ ہوگئے۔

    شیخ رشید کا لاہورروانگی سے قبل کہنا تھا کہ ہمارا کیس لاہورمنتقل کر دیا گیا، فوراً جانا ہوگا۔ ان کا مزید کہنا تھا کہ این اے 60 کے پولنگ ایجنٹ تیاررہیں، شام تک جوفیصلہ ہوگا تسلیم کریں گے، فیصلہ حق میں نہیں آیا توکوئی فرق نہیں پڑتا۔

    شیخ رشید کی این اے 60 کا الیکشن ملتوی کرنے پرسپریم کورٹ میں درخواست

    خیال رہے کہ آج شیخ رشید نے این اے 60 پرالیکشن کے التوا سے متعلق لاہور ہائی کورٹ کے فیصلے کے خلاف سپریم کورٹ میں درخواست دائر کی تھی۔

    این اے 60 میں الیکشن ملتوی ہونے کا فیصلہ برقرار

    واضح رہے کہ گزشتہ روز لاہور ہائی کورٹ بینچ نےعوامی مسلم لیگ کے سربراہ شیخ رشید کی پٹیشن خارج کردی تھی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مایوسی کفر ہے، این اے60 سے متعلق کل سپریم کورٹ میں آخری کوشش کروں گا: شیخ رشید

    مایوسی کفر ہے، این اے60 سے متعلق کل سپریم کورٹ میں آخری کوشش کروں گا: شیخ رشید

    اسلام آباد: عوامی مسلم لیگ کے سربراہ شیخ رشید کا کہنا ہے کہ مایوسی کفر ہے، 25 جولائی قلم دوات اور بلے کے لئے تاریخی دن ہے.

    ان خیالات کا اظہار انھوں نے انتخابی مہم ختم ہونے سے قبل اپنے ویڈیو پیغام میں کہا. ان کا کہنا تھا کہ بہادرلوگ موت کےمنہ سے کامیابی چھین لیتے ہیں.

    [bs-quote quote=”چھ لوگ نہیں چاہتے عمران خان کے ساتھ طاقتور آواز اسمبلی جائے” style=”style-2″ align=”left” author_name=”شیخ رشید”][/bs-quote]

    یاد رہے کہ آج الیکشن کمیشن کی جانب سے این اے 60 میں‌ الیکشن ملتوی کرنے کے خلاف شیخ رشید کی دائر کردہ پٹیشن خارج کر دی گئی ہے.

    شیخ رشید نے اس پر ردعمل دیتے ہوئے کہا کہ 25 جولائی قلم دوات اوربلے کے لئے تاریخی دن ہے، این اے 60 کے عوام سے کہتا ہوں تیاری جاری رکھیں.

    ان کا کہنا تھا کہ پولنگ ایجنٹ کام جاری رکھیں، اسی طرح پرچیاں تقسیم کریں، این اے60 سے متعلق کل سپریم کورٹ میں آخری کوشش کروں گا.

    شیخ رشید نے کہا کہ چیف الیکشن کمشنر کے پاس انتخاب ملتوی کرانے کا آئینی حق نہیں، کچھ لوگ نہیں چاہتے عمران خان کے ساتھ طاقتور آواز اسمبلی جائے.

    ان کا کہنا تھا کہ فتح ہمارا مقدر ہے، قلم دوات ریکارڈ سطح پر ووٹ لے گی، حلقے کےعوام مایوس نہ ہوں، کل رات تک فیصلے کا انتظار کریں.

    انھوں نے یہ بھی کہا کہ سپریم کورٹ کا جو بھی فیصلہ آیا، وہ تسلیم کریں گے.


    شیخ رشید کی پٹیشن خارج، این اے 60 میں الیکشن ملتوی ہونے کا فیصلہ برقرار


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • شیخ رشید کی پٹیشن خارج، این اے 60 میں الیکشن ملتوی ہونے کا فیصلہ برقرار

    شیخ رشید کی پٹیشن خارج، این اے 60 میں الیکشن ملتوی ہونے کا فیصلہ برقرار

    راولپنڈی: لاہور ہائی کورٹ بینچ نے عوامی مسلم لیگ کے سربراہ شیخ رشیدکی پٹیشن خارج کردی.

    تفصیلات کے مطابق ہائی کورٹ بینچ نےاین اے60 سےمتعلق الیکشن کمیشن کا فیصلہ برقرار رکھتے ہوئے پٹیشن خارج کر دی ہے.

    یاد رہے کہ عوامی مسلم لیگ کے سربراہ شیخ رشید نے این اے 60 میں انتخابات ملتوی ہونے کا فیصلہ چیلنج کرتے ہوئے موقف اختیار کیا تھا کہ امیدوار کو سزا ہونے پر الیکشن ملتوی نہیں ہوسکتا، امیدوار کوسزا ہونے کا خمیازہ ووٹرز کیوں بُھگتیں؟

    درخواست میں استدعا کی گئی تھی کہ الیکشن کمیشن کا نوٹیفکیشن کالعدم قرار دے کر پچیس جولائی کو انتخاب کا حکم دیا جائے۔

    ہائی کورٹ نے آج دوپہر سماعت کے بعد فیصلہ محفوظ کر لیا تھا، اب بینچ نے شیخ رشید کی پٹیشن خارج کر دی ہے.

    واضح رہے کہ انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور امیدوار حنیف عباسی کو عمر قید کی سزا سنائی تھی۔

    ن لیگ کے رہنما حنیف عباسی راولپنڈی این اے 60 سے الیکشن لڑ رہے تھے ، جہاں ان کا مقابلہ شیخ رشید سے تھا۔


    سزاؤں پرالیکشن روکتے تو مریم نواز اور صفدر کے کیوں نہیں روکے، شیخ رشید


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • سزاؤں پرالیکشن روکتے تو مریم نواز اور صفدر کے کیوں نہیں روکے، شیخ رشید

    سزاؤں پرالیکشن روکتے تو مریم نواز اور صفدر کے کیوں نہیں روکے، شیخ رشید

    راولپنڈی : عوامی مسلم لیگ کے سربراہ شیخ رشید کا کہنا ہے کہ سزاؤں پر الیکشن روکتے تو مریم نواز اور صفدر کے کیوں نہیں روکے, کلیئر کیس ہے، الیکشن کمیشن این اے60 میں انتخاب نہیں روک سکتا۔

    تفصیلات کے مطابق سربراہ عوامی مسلم لیگ شیخ رشید نے میڈیا سے گفتگو کرتے ہوئے کہا کہ کلیئر کیس ہے، الیکشن کمیشن این اے 60 میں انتخاب نہیں روک سکتا، این اے60 سے متعلق درخواست لے کر سپریم کورٹ جاؤں گا۔

    شیخ رشید کا کہنا تھا کہ سزاؤں پر الیکشن روکتے تو مریم نواز اور صفدر کے کیوں نہیں روکے، الیکشن کمیشن کے فیصلے کی وجہ سے الیکشن مہم روکی ہوئی ہے۔

    انھوں نے مزید کہا کہ این اے 60 میں قلم دوات کے ساتھ ناانصافی ہورہی ہے، چیف جسٹس این اے 60میں انتخابات ملتوی کرنے کا نوٹس لیں۔


    مزید پڑھیں : شیخ رشید نے این اے 60 میں الیکشن ملتوی ہونے کا فیصلہ چیلنج کردیا


    اس سے قبل  شیخ رشید نے این اے 60 میں انتخابات ملتوی ہونے کا فیصلہ چیلنج کیا تھا اور کہا کہ امیدوار کو سزا ہونے پر الیکشن ملتوی نہیں ہوسکتا، امیدوار کوسزا ہونے کا خمیازہ ووٹرز کیوں بُھگتیں؟

    گذشتہ روز بھی شیخ رشید کا کہنا تھا کہ الیکشن کمیشن نے اختیارات کا غیر آئینی استعمال کیا ہے، مریم نواز اور کیپٹن صفدر کے حلقوں میں الیکشن ملتوی کیوں نہیں کیے گئے، آئین کے تحت کوئی طاقت الیکشن روک نہیں سکتی۔

    واضح رہے کہ انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور امیدوار حنیف عباسی کو عمر قید کی سزا سنائی تھی۔

    ن لیگ کے رہنما حنیف عباسی راولپنڈی این اے 60 سے الیکشن لڑ رہے تھے ، جہاں ان کا مقابلہ شیخ رشید سے تھا۔

    حنیف عباسی کی عمر قید کی سزا کے بعد الیکشن کمیشن نے این 60 پر انتخابات ملتوی کردیئے تھے اور کہا تھا کہ تمام جماعتوں کویکساں موقع دینا چاہتے ہیں۔

    پیپلزپارٹی اورعوامی مسلم لیگ نے ان اے ساٹھ میں انتخاب ملتوی ہونے پر تحفظات کا اظہار کیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • شیخ رشید نے  این اے 60 میں الیکشن ملتوی ہونے کا فیصلہ چیلنج کردیا

    شیخ رشید نے این اے 60 میں الیکشن ملتوی ہونے کا فیصلہ چیلنج کردیا

    راولپنڈی : عوامی مسلم لیگ کے سربراہ شیخ رشید نے این اے 60 میں انتخابات ملتوی ہونے کا فیصلہ چیلنج کردیا  اور کہا امیدوار کو سزا ہونے پر الیکشن ملتوی نہیں ہوسکتا، امیدوار کوسزا ہونے کا خمیازہ ووٹرز کیوں بُھگتیں؟

    تفصیلات کے مطابق سربراہ عوامی مسلم لیگ شیخ رشید کی جانب سے راولپنڈی این اے 60 کے الیکشن ملتوی ہونے پر پٹیشن دائرکردی، رٹ پٹیشن لاہورہائی کورٹ راولپنڈی بینچ میں دائرکی گئی۔

    جس میں کہا گیا ہے کہ امیدوار کو سزا ہونے پر الیکشن ملتوی نہیں ہوسکتا، امیدوار کو سزا ہونے کا خمیازہ ووٹرز کیوں بُھگتیں؟

    درخواست میں استدعا کی گئی ہے کہ الیکشن کمیشن کا نوٹیفکیشن کالعدم قرار دے کر پچیس جولائی کو انتخاب کا حکم دیا جائے۔

    گذشتہ روز شیخ رشید نے چیف جسٹس آف پاکستان ثاقب نثار سے اپیل کی ہے کہ وہ این اے 60 میں انتخاب ملتوی کیے جانے کا نوٹس لیں۔


    مزید پڑھیں : چیف جسٹس این اے 60 میں انتخاب ملتوی کرنے کا نوٹس لیں، شیخ رشید


    شیخ رشید کا کہنا تھا کہ الیکشن کمیشن نے اختیارات کا غیر آئینی استعمال کیا ہے، مریم نواز اور کیپٹن صفدر کے حلقوں میں الیکشن ملتوی کیوں نہیں کیے گئے، آئین کے تحت کوئی طاقت الیکشن روک نہیں سکتی۔

    واضح رہے کہ انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور امیدوار حنیف عباسی کو عمر قید کی سزا سنائی تھی۔

    ن لیگ کے رہنما حنیف عباسی راولپنڈی این اے 60 سے الیکشن لڑ رہے تھے ، جہاں ان کا مقابلہ شیخ رشید سے تھا۔

    حنیف عباسی کی عمر قید کی سزا کے بعد الیکشن کمیشن نے این 60 پر انتخابات ملتوی کردیئے تھے اور کہا تھا کہ تمام جماعتوں کویکساں موقع دینا چاہتے ہیں۔

    پیپلزپارٹی اورعوامی مسلم لیگ نے ان اے ساٹھ میں انتخاب ملتوی ہونے پر تحفظات کا اظہار کیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • چیف جسٹس  این اے 60 میں انتخاب ملتوی کرنے کا نوٹس لیں، شیخ رشید

    چیف جسٹس این اے 60 میں انتخاب ملتوی کرنے کا نوٹس لیں، شیخ رشید

    راولپنڈی: عوامی مسلم لیگ کے سربراہ شیخ رشید نے چیف جسٹس آف پاکستان ثاقب نثار سے اپیل کی ہے کہ وہ این اے 60 میں انتخاب ملتوی کیے جانے کا نوٹس لیں۔

    تفصیلات کے مطابق شیخ رشید احمد نے پریس کانفرنس کرتے ہوئے الیکشن ملتوی کیے جانے کو سازش قرار دیا اور کہا کہ آج پاکستان کی تاریخ کا سیاہ دن ہے، وہ الیکشن کمیشن کے فیصلے کے خلاف کل ہائی کورٹ میں اپیل کریں گے۔

    شیخ رشید نے کہا ’الیکشن کمیشن نے اختیارات کا غیر آئینی استعمال کیا ہے، میں الیکشن کمیشن گیا تو مجھ سے کہا گیا کہ کل آپ کو فیصلے کی کاپی دی جائے گی۔‘

    ان کا کہنا تھا کہ قانون کے تحت صرف امیدوار کی موت پر الیکشن ملتوی ہوتا ہے، الیکشن کمیشن نے الیکشن ایکٹ 2017 کا غلط استعمال کیا۔

    ایفی ڈرین کوٹہ کیس، حنیف عباسی کو عمر قید کی سزا

    سربراہ عوامی مسلم لیگ نے کہا کہ الیکشن کمیشن کو ہائی کورٹ میں اپنے اقدام کا جواب دینا ہوگا، الیکشن کے لیے ہماری تیاری مکمل تھی، اب ہمیں خوف زدہ کیا جا رہا ہے۔

    شیخ رشید احمد نے کہا کہ مریم نواز اور کیپٹن صفدر کے حلقوں میں الیکشن ملتوی کیوں نہیں کیے گئے، آئین کے تحت کوئی طاقت الیکشن روک نہیں سکتی، مجھے امید ہے الیکشن کمیشن آئینی راستہ اختیار کرے گا۔

    واضح رہے کہ انسداد منشیات عدالت نے ایفی ڈرین کوٹا کیس میں مسلم لیگ ن کے رہنما اور امیدوار حنیف عباسی کو عمر قید کی سزا دی ہے، ان پر 500 کلو ایفی ڈرین منشیات اسمگلروں کو فروخت کرنے کا الزام تھا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نوجوانوں کو روزگار نہ دینے والے نظام کو آگ لگا دوں گا، حنیف عباسی نے جو بویا وہی کاٹا، شیخ رشید

    نوجوانوں کو روزگار نہ دینے والے نظام کو آگ لگا دوں گا، حنیف عباسی نے جو بویا وہی کاٹا، شیخ رشید

    راولپنڈی: عوامی مسلم لیگ کے سربراہ شیخ رشید نے کہا ہے کہ وہ نوجوانوں کو روزگار نہ دینے والے نظام کو آگ لگا دیں گے، اور 20 ہزار نوجوانوں کو روزگار دیں گے۔

    ان خیالات کا اظہار انھوں نے ہزارہ کالونی میں جلسے سے خطاب کرتے ہوئے کیا، انھوں نے کہا ’چاہے ہتھکڑیاں لگ جائیں 20 ہزار نوجوانوں کو روزگار دوں گا۔‘

    شیخ رشید نے کہا کہ راولپنڈی میں تعلیمی اداروں کے جال بچھانے کا سہرا ان کے سر ہے، حکومت بننے کے فوراً بعد لئی ایکسپریس وے پر کام کا از سرِ نو آغاز کریں گے، جیے یا مریں لئی ایکسپریس وے منصوبہ جلد مکمل کریں گے۔

    انھوں نے دعویٰ کیا کہ منتخب ہو کر راولپنڈی شہر کے لیے غازی بروتھا نہر سے پانی کی خصوصی لائن لائیں گے جس سے شہر کو 200 ملین گیلن یومیہ پانی ملے گا۔

    دریں اثنا شیخ رشید نے اے آر وائی نیوز کی الیکشن ٹرانسمیشن میں گفتگو کرتے ہوئے ن لیگی رہنما کے خلاف آنے والے فیصلے پر تبصرہ کیا ’حنیف عباسی نے جو بویا وہی کاٹا۔‘

    ایفی ڈرین کوٹہ کیس، حنیف عباسی کو عمر قید کی سزا


    انھوں نے کہا کہ حنیف عباسی اپنے کرتوتوں کی وجہ سے اس حال کو پہنچے ہیں، ان کے خلاف فیصلہ بہت عرصے سے التوا میں تھا۔

    شیخ رشید نے کہا ’این اے 60 میں حنیف عباسی کا کوئی متبادل امیدوار نہیں ہے، اب اس حلقے میں ہمارا مقابلہ پیپلز پارٹی سے ہوگا۔‘

    ان کا کہنا تھا کہ نواز شریف اور مریم کے جیل جانے سے ن لیگ کو بہت نقصان ہوا، پہلے ہی کہہ چکا تھا کہ نواز شریف جیل گئے تو ملاقات کے لیے بہت کم لوگ آئیں گے، انتخابات میں تحریک انصاف 100 سے زائد نشستیں لے گی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شکست سے خوفزدہ عناصر الیکشن کو مشکوک بنارہے ہیں، شیخ رشید

    شکست سے خوفزدہ عناصر الیکشن کو مشکوک بنارہے ہیں، شیخ رشید

    راولپنڈی: عوامی مسلم لیگ کے سربراہ شیخ رشید احمد نے کہا ہے کہ 25 جولائی کو پاکستان کی تاریخ کا اہم ترین الیکشن ہے، شکست سے خوفزدہ عناصر الیکشن کو مشکوک بنارہے ہیں۔

    ان خیالات کا اظہار انہوں نے ڈھوک کالا خان میں کارنر میٹںگ سے خطاب کرتے ہوئے کیا، شیخ رشید نے کہا کہ 22 جولائی کو لیاقت باغ میں تاریخی جلسہ ہوگا، میرا ووٹ عمران خان کی کامیابی کے لیے ہے۔

    سربراہ عوامی مسلم لیگ نے کہا کہ بیروزگار نوجوانوں کو روزگار دوں گا، سب سے زیادہ خواتین کے لیے تعلیمی ادارے راولپنڈی میں قائم کیے، عوام نے فیصلہ کرنا ہے چوروں کے ساتھ ہیں یا چوکیداروں کے ساتھ، ایفیڈرین کیس میں میرا کردار نہیں، خواہش ہے مقابلہ کروں۔

    شیخ رشید کا کہنا تھا کہ عام انتخابات میں واضح کامیابی حاصل کریں گے، پنڈی والوں سے کہتا ہوں کہ قبضہ گروپ کو ووٹ نہ دینا۔

    ان کا کہنا تھا کہ ن لیگ والے وقت پڑنے پر لوگوں کے پاؤں پڑتے ہیں بعد میں گلے پڑتے ہیں، شریف خاندان نے ملک کو لوٹ کر اپنی جائیدادیں بنائی۔

    خیال رہے کہ دو روز قبل میڈیا سے گفتگو کرتے ہوئے شیخ رشید نے کہا تھا کہ ملک میں خوش اسلوبی سے انتخابات چاہتے ہیں، بیرونی قوتیں سازشیں کررہی ہیں، الیکشن میں التوا چاہتی ہیں، قوم کے لیے 10 دن اہم ہیں، سیکیورٹی مزید بہتر کی جائے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ریلی میں آتش بازی ،عوامی مسلم لیگ کے سربراہ  شیخ رشید کے خلاف مقدمہ درج

    ریلی میں آتش بازی ،عوامی مسلم لیگ کے سربراہ شیخ رشید کے خلاف مقدمہ درج

    راولپنڈی : عوامی مسلم لیگ کے سربراہ کی ریلی میں آتشبازی پر شیخ رشید سمیت 8 افراد کے خلاف مقدمہ درج کرلیا گیا ہے، انتخابی مہم کے دوران دکانداروں اور کارکنوں نے خوب آتش بازی کی تھی۔

    تفصیلات کے مطابق عوامی مسلم لیگ کے سربراہ شیخ رشید انتخابی مہم پر نکلے تو انھیں دیکھ کر دکانداروں نے آتش بازی کی، جس کے بعد ضابطہ اخلاق کی خلاف ورزی پر شیخ رشید اور ان کے بھتیجے کیخلاف مقدمہ درج کرلیا گیا۔

    راولپنڈی کے تھانہ سٹی میں درج مقدمے میں شیخ رشید اور ان کے بھتیجے شیخ راشد شفیق سمیت 8 افراد کو نامزد کیا گیا ہے جب کہ مقدمے میں دیگر 15 نامعلوم افراد بھی شامل ہیں۔

    پولیس کے مطابق مقدمہ این اے 60 اور این اے 62 کی یونین کونسل 40 میں آتشبازی پر درج کیا گیا جب کہ پولیس افسر محمد یعقوب کی مدعیت میں زیر دفعات 285 اور 286 کے تحت درج کیا گیا ہے۔

    ایف آئی آر کے مطابق آتشبازی پر حکومت پنجاب کی جانب سے پابندی ہے، آتشبازی سے ملحقہ رہائشی آبادی کو خطرے میں ڈالا گیا۔

    خیال رہے کہ عوامی مسلم لیگ کے سربراہ شیخ رشید راولپنڈی کے حلقہ 60 اور 62 سے امیدوار ہیں اور  حلقہ این اے 62 میں انتخابی مہم کے دوران دکان داروں اور کارکنوں نے خوب آتش بازی کی تھی۔


    مزید پڑھیں : ووٹر کا اعتماد حاصل کرنے کے لیے شیخ رشید کا عوامی انداز، ویڈیو دیکھیں


    یاد رہے کہ چند روز قبل شیخ رشید احمد اپنے حلقے کے علاقے سیٹلائٹ ٹاؤن میں ووٹر کا اعتماد حاصل کرنے کے لیے نیا انداز اپنایا، جو سوشل میڈیا پر مقبول ہوا تھا۔

    شیخ رشید احمد نے تندور میں روٹیاں لگائیں اور پکنے کے بعد باہر نکال کر خریدار کو کاغذ میں لپیٹ کر نہ صرف تھمائی بلکہ اپنے ہاتھ سے تندور میں روٹی بھی لگائی تھی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔