Tag: شیخ رشید

سینئر سیاستدان شیخ رشید نے کہا ہے کہ ان کا اگلا مشن سپریم کو آپس میں لڑوانا ہے۔

اے آر وائی نیوز کے مطابق پاکستان مسلم لیگ عوامی کے سربراہ شیخ رشید احمد نے موجودہ صورتحال پر ٹوئٹ میں کہا کہ اس وقت شدید سیاسی طوفان ہے جس کی زد میں صرف غریب عوام ہے۔

شیخ رشید نے کہا کہ ان کا اگلا مشن سپریم کو آپس میں لڑوانا ہے، سپریم کورٹ کو ایگزیکٹو کے تحت دباؤ میں لانا ہے، اس وقت قوم آسمان اور سپریم کورٹ کی طرف دیکھ رہی ہے۔

اس وقت شدید سیاسی طوفان ہےجس کی زدمیں صرف غریب عوام ہےاگلامشن سپریم کوآپس میں لڑواناہےاورسپریم کورٹ کوایگزیکٹوکےتحت دباؤمیں لاناہےملک کوکھائی میں لےجاناہےالیکشن میں اپنی مرضی کانتیجہ لاناہے سب کچھ سوچے سمجھے منصوبے کے تحت ہورہاہے قوم آسمان اورسپریم کورٹ کیطرف دیکھ رہی ہے

— Sheikh Rashid Ahmed (@ShkhRasheed) May 27, 2023

شیخ رشید نے ٹوئٹ میں لکھا کہ چینی وزیر خارجہ نے پاکستان آکر سمجھایا سعودی عرب نے پیغام بھجوایا، انہوں نے میں نہ مانوں کی رٹ لگا رکھی ہے۔

انہوں نے کہا کہ حکومت نے سندھ میں سیلاب متاثرین کو پیسے نہیں بانٹے، پنجاب میں 18 لاکھ آٹے کے تھیلے غریبوں کو نہیں  دیے۔

چینی وزیرخارجہ نےپاکستان آکرسمجھایااور سعودی عرب والوں نے وہاں سے پیغام بھجوایا لیکن میں نہ مانوں کی رٹ لگا رکھی ہےنہ سندھ میں سیلاب کے پیسے بانٹےنہ پنجاب میں18لاکھ آٹےکےتھیلے غریب کو دیے ارشد شریف کے بعد سمیع ابراھیم اور عمران ریاض کی باری ہے یہ ہے جمہوریت جس کی گروتھ زیرو ہے

— Sheikh Rashid Ahmed (@ShkhRasheed) May 27, 2023

شیخ رشید کا مزید کہنا تھا کہ آصف زرداری نے امریکا میں ڈاکٹر سے دماغی توازن ٹھیک نہیں کا سرٹیفکیٹ لیا، نوازشریف نے پلیٹ لیٹس کا سرٹیفکیٹ لندن سے لیا، قادر پٹیل کو رپورٹ میں پتہ چلا سارے جہاں سے لڑنے والا دماغی طور پر مضبوط نہیں ہے۔

سینئر سیاستدان شیخ رشید نے کہا ہے کہ 9 مئی کے سازشی مجرموں کو سزا دیں بے گناہوں  کو رہا کریں۔

اے آر وائی نیوز کے مطابق پاکستان مسلم لیگ عوامی کے سربراہ شیخ رشید احمد نے ملک کی موجودہ سیاسی صورتحال پر سماجی رابطوں کی ویب سائٹ ٹوئٹر پر اظہار خیال کیا ہے۔

شیخ رشید نے اپنے ٹویٹ میں کہا ہے کہ ہر دور میں ضرورت مندوں مفاد پرستوں کی پارٹی بنائی جاتی ہے، اس لیے جمہوریت ناکام ہوتی اور کوئی حکومت 5 سال پورے نہیں کرتی۔

سابق وفاقی وزیر نے کہا کہ وزیر اعظم دن میں 3 بار بے کار خطاب کر رہا ہے حکومت چلانا ان کے بس میں نہیں، پاکستان کی معیشت ڈیفالٹ کو چھو سکتی ہے، آئی ایم ایف سے چھٹی ہوگئی ڈالر 307 روپےکا ہوگیا۔

حکوت کی نہ کوئی بات نہ اوقات نہ معاملات ہیں نہ حالات ہیں ملک میں صف ماتم بچھی ہوئی ہے 9مئی کے حقیقی سازشی مجرموں کو سزا دیں بے گناہوں معصوموں کو رہا کریں یہ حکومت ملک چلانے میں ناکام ہوگئی ہے گروتھ منفی ہوگئی ہے قومی اسمبلی میں بِکنے اور بکنے والوں کا جمعہ بازار لگا ہے

— Sheikh Rashid Ahmed (@ShkhRasheed) May 23, 2023

شیخ رشید کا کہنا تھا کہ دوستوں سے تنہائی معاشی تنزلی اقتصادی تباہی سیاسی بحران ہے، غریب کے پاس قبر کے پیسے نہیں، غریب اللہ کے بعد صرف سپریم کورٹ کی طرف دیکھ رہا ہے۔

انہوں نے کہا کہ حکومت کی نہ کوئی بات  نہ اوقات نہ معاملات ہیں نہ حالات ہیں، ملک میں صف ماتم بچھی ہوئی ہے، 9 مئی کے سازشی مجرموں کو سزا دیں بے گناہوں  کو رہا کریں۔

وزیراعظم دن میں3باربےکارخطاب کررہاہےحکومت چلانا انکے بس کی بات نہیں پاکستان کی معیشت ڈیفالٹ کوچھو سکتی ہےIMFسےچھٹی ڈالر307روپےکادوستوں سےتنہائی معاشی تنزلی اقتصادی تباہی سیاسی بحران یہ ہےان کی کارکردگی غریب کےپاس قبرکےپیسےنہیں وه اللہ کے بعد صرف سپریم کورٹ کی طرف دیکھ رہا ہے

— Sheikh Rashid Ahmed (@ShkhRasheed) May 23, 2023

شیخ رشید نے ٹوئٹ میں مزید لکھا کہ یہ حکومت ملک چلانے میں ناکام ہوگئی ہےگروتھ منفی ہوگئی، قومی اسمبلی میں بکنے والوں کا جمعہ بازار لگا ہے۔

راولپنڈی: پاکستان مسلم لیگ عوامی کے سربراہ شیخ رشید احمد نے کہا ہے کہ جب لیڈر شپ گرفتار کر لیں گے تو ہجوم کو کون قابو کریگا۔

پاکستان مسلم لیگ عوامی کے سربراہ شیخ رشید احمد نے ایک ٹوئٹ میں لکھا کہ چین کے بعد یو این سیکرٹری جنرل نے بھی حالات پر تشویش کا اظہارکیا، امریکا نے بھی انسانی حقوق میڈیا اور انٹرنیٹ کی پابندی پر تشویش کا اظہار کیا۔

شیخ رشید کا کہنا تھا کہ آئی ایم ایف سے مسئلہ کھٹائی میں، دنیا سے مسئلہ تنہائی میں یہ ہے حکومتی کارکردگی، اپنےگھروں کیلئے 245 کے تحت سیکیورٹی میسر ہے لیکن الیکشنز کیلئے نہیں، عدلیہ خدا کی نعمت ہے ورنہ جنگل کا قانون ہے۔

انہوں نے ٹوئٹ میں لکھا کہ انٹرنیٹ کی پابندی بیرروزگاری پھیلا رہی ہے، آٹا، مہنگائی سیاسی قحط پھیلارہا ہے حکومت سے نفرت بھی ہنگاموں کی موجب ہے، الیکشن سے انکار اقتدار سے چمٹے رہنےکا اسرار جلتی پر تیل کاکام کرے گا۔

شیخ رشید نے کہا کہ فضل الرحمان کی پریس کانفرنس میں صف ماتم بچھی ہوئی تھی، جو کابینہ حفاظتی پہروں میں رہ رہی ہے ان کے فیصلے کون سنےگا اور مانے گا، عدلیہ کے احاطوں سے سیاستدانوں کی گرفتاری ایسے کی جاتی ہے جیسے اغوا برائے تاوان، جب لیڈر شپ گرفتار کر لیں گے تو ہجوم کو کون قابو کریگا  اب شہباز شریف استعفیٰ دے۔

راولپنڈی: پاکستان مسلم لیگ عوامی کے سربراہ شیخ رشید احمد نے کہا ہے کہ جن سے مذاکرات کرنے ہیں انہیں آپ گرفتار کررہے ہیں۔

اے آر وائی نیوز سے گفتگو کرتے ہوئے پاکستان مسلم لیگ عوامی کے سربراہ شیخ رشید احمد نے کہا کہ محلے میں نعرے لگ رہے ہیں، ڈپریشن میں ہوں اس سے اچھا ہے بندہ جیل چلاجائے، 13 جماعتوں کی خواہش ہے کہ عمران خان نااہل ہو، جیل میں ہو۔

انہوں نے کہا کہ اداروں کو بخوبی علم ہے حکومت کی اہلیت، صلاحیت صفر ہے، انکی سیاسی موت ہوچکی، عدالتوں کے احترام کے بجائے عدالتوں سے گرفتاریاں کی جارہی ہیں۔

سربراہ عوامی مسلم لیگ شیخ رشیدکا کہنا تھا کہ ملک دیوالیہ ہوتا ہے یا لوگ بھوکے مریں اس سے شریف، زرداری، مولانا کو فرق نہیں پڑتا،  ان کا مسئلہ صرف عمران خان اور انتقام ہے، یہ سمجھتے ہیں عمران خان کو ختم کر کے پی ٹی آئی کی سیاست ختم ہوجائےگی لیکن انہیں یہ یہ نہیں پتا کہ عمران خان کو ختم کیاگیا تو پی ٹی آئی اور مضبوط ہوجائےگی۔

شیخ رشید نے کہا کہ یہ عوام میں جانے کے قابل نہیں ،جس چینل پر آتے ہیں لوگ چینل بدل لیتے ہیں، جن سے مذاکرات کرنے ہیں انہیں آپ گرفتارکررہے ہیں، حکومت ایسے اقدام کر کے خود اپنے پاؤں پر کلہاڑی مار رہی ہے ۔

سابق وفاقی وزیر نے کہا کہ لیڈروں کو عدالت سے گرفتارکیا گیا، عوام  نے احتجاج خود لیڈ کیا، احتجاج کی آڑ میں توڑ پھوڑ قابل قبول نہیں ہے، نیب قانون میں کی جانیوالی ترامیم کا فائدہ عمران خان کو ہوگا۔

راولپنڈی: پاکستان مسلم لیگ عوامی کے سربراہ شیخ رشید احمد نے کہا ہے کہ عمران خان سیاست کا ہیرو ہوگا یہ زیرو ہونگے وہ سیاست میں مقدر کا سکندر بنے گا۔

تفصیلات کے مطابق پاکستان مسلم لیگ عوامی کے سربراہ اور سابق وزیر شیخ رشید احمد نے کہا کہ عمران خان کی گرفتاری فسطائیت ظلم دہشتگردی اور غنڈہ گردی ہے، یہ حکومت کی نا اہلی ہے فیصلہ کروانے والے سارے لندن میں چھپ کر بیٹھ گئے ہیں۔

عمران خان کی گرفتاری فسطائیت ظلم دہشتگردی اورغنڈہ گردی ہےجوساری دنیا میں عمران خان کودھکےمارتےہوئےدکھائی جارہی ہےیہ حکومت کی نااہلی ناکامی ہےفیصلہ کروانےوالےسارےبھگوڑےلندن میں چھپ کربیٹھ گئےہیں۔جسکو2مرتبہ قتل کی کوشش کی وہ بچ گیااب گرفتارکرکےحکومت مزیدذلیل اوررسواء ہونے جارہی ہے

— Sheikh Rashid Ahmed (@ShkhRasheed) May 9, 2023

ان کا کہنا تھا کہ جس کو 2 مرتبہ قتل کی کوشش کی وہ بچ گیا،  اب گرفتار کر کے حکومت مزید ذلیل اور رسوا ہونے جارہی ہے، یہ کہہ رہے ہیں ججوں کو پی اے سی میں تھانےکی طرح طلب کریں گے۔

یہ کہہ رہےہیں ججوں کو چوکوں میں لٹکائیں گے اور PAC میں تھانے کی طرح طلب کر رہے ہیں170ارب غریب پر بوجھ ڈال دیا IMF سے کچھ نہیں ملا۔ملک ڈیفالٹ ہونے جا رہا ہے۔ عمران خان سیاست کا ہیرو ہوگا یہ زیرو ہونگے وہ سیاست میں مقدر کا سکندر بنے گا اور عوام13 جماعتوں کو سیاسی طور پر دفن کردے گی

— Sheikh Rashid Ahmed (@ShkhRasheed) May 9, 2023

شیخ رشید احمد نے مزید کہا کہ 170 ارب غریب پر بوجھ ڈال دیا آئی ایم ایف سے کچھ نہیں ملا، ملک ڈیفالٹ ہونے جارہا ہے، عمران خان سیاست کا ہیرو ہوگا یہ زیرو ہونگے وہ سیاست میں مقدر کا سکندر بنےگا، عوام 13 جماعتوں کو سیاسی طور پر دفن کردے گی۔

راولپنڈی : سابق وزیر داخلہ شیخ رشید نے طنزیہ وار کرتے ہوئے آصف زرداری جتنی کوشش کرلے بلاول کو وزیراعظم بنانے کی خواہش پوری نہیں ہوگی۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر بیان میں کہا کہ جتنے بیرون ملک دورے بلاول نےایک سال میں کیےہیں، پاکستانی 75 سالہ تاریخ میں وزارت خارجہ نے اتنے دورے نہیں کیے، بلاول نے بھارت جا کر سارے ملک کی ناک کٹوا دی ہے، مقبوضہ کشمیر کی عوام میں بھی اس دورے پرغم وغصہ پایا جاتا ہے۔

شیخ رشید نے طنزیہ وار کرتے ہوئے کہا آصف زرداری جتنی کوشش کرلے بلاول کووزیراعظم بنانےکی خواہش پوری نہیں ہوگی۔

جتنےبیرون ملک دورےبلاول نےایک سال میں کیےہیں پاکستانی75سالہ تاریخ میں وزارت خارجہ نےاتنےدورےنہیں کیےبلاول نے بھارت جا کر سارے ملک کی ناک کٹوا دی ہےمقبوضہ کشمیر کی عوام میں بھی اس دورےپرغم وغصہ پایا جاتا ہےآصف زرداری جتنی کوشش کرلےبلاول کووزیراعظم بنانےکی خواہش کبھی پوری نہیں ہوگی

— Sheikh Rashid Ahmed (@ShkhRasheed) May 6, 2023

سابق وزیر داخلہ نے ایک اور ٹوئٹ لکھا کہ جو زبان سپریم کورٹ کے خلاف استعمال کی جارہی ہےاسکی مثال نہیں ملتی،سپریم کورٹ اس معاملے پر بہت تحمل کا مظاہرہ کررہی ہے۔

ان کا کہنا تھا کہ سپریم کورٹ نےآئین وقانون کےمطابق فیصلہ کرناہے، پوری قوم سپریم کورٹ کے پیچھےکھڑی ہے، آئی ایم ایف نے جھنڈی کرادی معیشت بے حال ہے ، بالآخر الیکشن ہی ملک کوبچانےکا واحد حل ہے۔

جوغیرمہذب زبان سپریم کورٹ کےخلاف استعمال کی جارہی ہےاس کی مثال کہیں نہیں ملتی۔سپریم کورٹ اس معاملے پربہت تحمل کامظاہرہ کررہی ہےسپریم کورٹ نےآئین اورقانون کےمطابق فیصلہ کرناہےپوری قوم سپریم کورٹ کےپیچھےکھڑی ہےIMFنےجھنڈی کرادی معیشت بےحال ہےبالآخر الیکشن ہی ملک کوبچانےکا واحد حل ہے

— Sheikh Rashid Ahmed (@ShkhRasheed) May 6, 2023

عوامی مسلم لیگ کے سربراہ شیخ رشید نے کہا ہے کہ پرویز الہٰی کےگھر جو کچھ ہوا وہ نگران وزیر اعلیٰ کا کیا دھرا ہے۔

عوامی مسلم لیگ کے سربراہ اور سابق وفاقی وزیر شیخ رشید نے ٹوئٹ میں لکھا کہ حکومت کا اگلا نشانہ ہماری ملکیتی 4 مرلے کی لال حویلی ہے، لیکن اس کے نتائج کے لیے بھی تیار رہیں ہائی کورٹ میں کیس جیت چکے ہیں۔

انہوں نے کہا کہ حویلی میں اکیلا آدمی رہتا ہوں اگر مارا گیا تو 8 آدمیوں کے نام متعلقہ اداروں کو لکھ کر درخواست وصول کرا چکا ہوں، سیاست دشمنی کا رنگ اختیار کر چکی ہے جس کے نتائج سنگین نکلیں گے۔

گھرکابھیدی خاقان عباسی آٹےکی چوری پر20ارب روپےکاحکومت پرالزام لگارہاہےآٹےکی لائنوں میں20آدمی مرگئےبقول خاقان عباسی کےحکومت کی20ارب کی دیہاڑی لگ گئی پرویزالہی کےگھرجوکچھ ہواوہ نگران وزیراعلی کاکیادھراہےسعودی عرب جاناایک بہانہ ہےاصل میں آصف زردای کی ہدایت پرپرویزالہی نشانہ ہے

— Sheikh Rashid Ahmed (@ShkhRasheed) April 30, 2023

سابق وفاقی وزیر کا کہنا تھا کہ گھر کا بھیدی خاقان عباسی آٹے کی چوری پر 20 ارب روپے کا حکومت پر الزام لگا رہا ہے، آٹےکی لائنوں میں 20 آدمی مرگئے، بقول خاقان عباسی کے حکومت کی 20 ارب کی دیہاڑی لگ گئی۔

انکا کہنا تھا کہ پرویز الہٰی کے گھر جو کچھ ہوا وہ نگران وزیراعلیٰ کا کیا دھرا ہے، سعودی عرب جانا ایک بہانہ ہے اصل میں آصف زرداری کی ہدایت پر پرویزالہٰی نشانہ ہے، 10 مئی تک کٹی کٹا نکل آئے گا آر ہوجائے گا یا پار ہوجائےگا۔

حکومت کااگلا نشانہ ہماری ملکیتی4مرلے کی لال حویلی ہےلیکن اُس کےنتائج کےلیے بھی تیاررہیں ہائی کورٹ میں کیس جیت چکے ہیں اکیلا آدمی رہتا ہوں اگر مارا گیا تو8آدمیوں کے نام متعلقہ اداروں کو لکھ کر درخواست وصول کراچکا ہوں سیاست دشمنی کا رنگ اختیار کرچکی ہےجس کے نتائج سنگین نکلیں گے

— Sheikh Rashid Ahmed (@ShkhRasheed) April 30, 2023

شیخ رشید نے ٹوئٹ میں لکھا کہ جب دروازے بکتر بند سے توڑیں گےتو ووٹ بھی تندور میں پڑیں گے، مذاکرات سپریم کورٹ کو دھوکا دینے کا ایک بہانہ ہے ورنہ ڈنگ ٹپاؤا پالیسی ہے۔

شیخ رشید کا مزید کہنا تھا کہ 10مئی کو آئی ایم ایف کی ایگزیکٹو بورڈ میٹنگ میں پاکستان ایجنڈے میں نہیں، حکمران ریلیف میں اور عوام تکلیف میں ہیں۔