لاہور : عوامی مسلم لیگ کے سربراہ شیخ رشید نے کہا ہے کہ صرف پاکستان کے لیے میچ دیکھنے جا رہا ہوں اور بلا خوف و خطر 500 روپے والے انکلوژر میں عام آدمی کے ساتھ بیٹھ کر میچ دیکھوں گا۔

یہ بات انہوں نے سماجی رابطے کی ویب سائیٹ ٹوئٹر میں تحریر کیے گئے اپنے پیغام میں کہی انہوں اپنے ویڈیو پیغام میں انتباہ کیا کہ مجھے کچھ ہوا تو اس کے ذمہ دار نواز شریف، شہباز شریف کے ساتھ ساتھ رانا ثناء اللہ بھی ہوں گے۔

my Video message pic.twitter.com/DqEA4hspb9

— Sheikh Rashid Ahmad (@ShkhRasheed) March 5, 2017

شیخ رشید کا کہنا تھا کہ پشاور زلمی ہو یا کوئٹہ گلیڈی ایئٹر ہو دونوں میری ٹیمیں ہیں اور میں پاکستان کے لیے میچ دیکھنے جا رہا ہوں تا کہ دنیا کو ہمارے ملک کے حوالے سے مثبت پیغام جائے۔

انہوں نے کہا کہ جو لوگ بات بہ بات سیاست کرتے ہیں تو جو ان کا کام ہے وہ کریں جب کہ میرا مقصد صرف اپنے ملک میں ہونے والی مثبت سرگرمیاں کو سراہنا ہے ۔

as i promised
i m with Public pic.twitter.com/RT10BqXRMr

— Sheikh Rashid Ahmad (@ShkhRasheed) March 5, 2017

قبل ازیں انہوں نے ایک بیان میں کہا تھا کہ پی ایس ایل فائنل کا لاہور میں انعقاد کے حوالے سے عمران خان کا اپنا نقطہ نظر ہے اور میرا اپنا نقطہ نظر ہے اس لیے میں پیچ دیکھنے ضرور جاؤں گا۔

راولپنڈی : عوامی مسلم لیگ کے سربراہ شیخ رشید نے کہا ہے کہ لاہور میں پی ایس ایل فائنل کا انعقاد سب اداروں کی محنت اور کارکردگی کے مرہون منت ہے اس کا کریڈٹ کسی ایک کو دینا مناسب نہیں۔

وہ پی ایس ایل فائنل کے حوالے سے میڈیا سے بات کر رہے تھے انہوں نے بتایا کہ ہمارے پاس دو ٹکٹ ہیں لیکن ابھی فیصلہ نہیں کیا ہے کہ 8 ہزار والے ٹکٹ کو استعمال کروں گا یا 500 روپے والے انکلوژر میں بیٹھوں گا۔

شیخ رشید نے کہا کہ میری پسندیدہ ٹیم پشاور زلمی ہے اور میدان میں شاہد آفریدی کی ٹیم کو سپورٹ کروں گا کیوں پٹھان بھائی حکومتی رویے کے باعث افسردہ اور مایوس ہیں اس لیے پشاور کی ٹیم کا پورا ساتھ دوں گا۔

ایک سوال کے جواب میں انہوں نے بتایا کہ ٹکٹ جیب میں ہے، حکومت نے وی آئی پی نشست کی آفر کی تو دیکھیں گے اس حوالے سے نجم سیٹھی سے ابھی تک کوئی بات نہیں ہوئی اور عمران خان میچ دیکھنے آتے ہیں یا نہیں یہ ان کی مرضی ہے۔

انہوں نے کہا کہ میرا جینا مرنا عوام کے ساتھ ہے اسی لیے عوامی سیاست کرتا ہوں اس لیے عام لوگوں کے درمیان بیٹھ کر میچ دیکھیں گے اور ساتھ ساتھ سگار بھی سلگائیں گے اور ملک میں کرکٹ کے فروغ کو سپورٹ کریں گے۔

ایک سوال کے جواب میں شیخ رشید نے کہا کہ ایک طرف ملک کا غریب ہے جسے کھانے پینے کے بھی لالے پڑے ہوتے ہیں لیکن پھر بھی وہ دھرتی پہ جان دینے کو تیار رہتا ہے جب کہ دوسری طرف ایسے روساء بھی ہیں جو بیرون ملک خریدے گئے معمولی فلیٹوں پر بھی مرتے ہیں۔