لاہور : عوامی مسلم لیگ کے سربراہ شیخ رشید نے کہا ہے کہ پنجاب میں آپریشن کیے بغیر دہشت گردی جڑ سے ختم نہیں ہوسکتی۔

وہ لاہور دھماکے میں قیمتی جانوں کے نقصان پر افسوس کا اظہار کر رہے تھے، انہوں نے کہا کہ پنجاب میں دہشت گردی کا معاملہ سندھ یا بلوچستان کے مقابلے میں زیادہ حساس ہے کیوں کہ دہشت گرد بنانے کی فیکٹریاں پنجاب میں ہی قائم ہیں۔

انہوں نے کہا کہ جب تک رینجرز کے زریعے پنجاب میں سخت آپریشن نہیں کیا جاتا اُس وقت تک کوئی بھی آپریشن کامیاب نہیں ہوسکتا کیوں کہ پنجاب دہشت گردوں کی محفوظ آماج گاہ بن چکا ہے۔

شیخ رشید نے کہا کہ شریف خاندان نے پنجاب پولیس کو سیاست سے پراگندہ کردیا ہے جہاں پولیس افسران کو کسی سے وفاداری پر عہدے دیے جاتے ہیں اس طرح پولیس کیسے دہشت گردوں کے خلاف مضبوط اور موثر ثابت ہو سکتی ہے؟

انہوں نے کہا کہ جتنے سخت آپریشن کی ضرورت پنجاب میں ہے اتنی ملک کے کسی دوسرے حصے میں نہیں اگر پنجاب میں آپریشن ہوتا ہے تو دہشت گرد بنانے کی جامعات بند ہو جائیں گی اور پورے ملک میں پائیدار امن قائم ہو جائے گا۔

شیخ رشید نے کہا کہ پنجاب حکومت کی ہٹ دھرمی کے باعث یہاں آپریشن نہیں ہو پارہا ہے جس کا خمیازہ پوری قوم کو بھگتنا پڑ رہا ہے اس لیے اب ہر قسم کو مصلحت کو پس پشت ڈال کر پنجاب میں سخت آپریشن کیا جانا چاہیے۔

راولپنڈی : وزیرِ مملکت برائے پانی و بجلی عابد شیر علی نے کہا ہے کہ شیخ رشید محکمہ اوقاف کی لال حویلی پرقبضہ کر کے بیٹھے ہیں۔

وہ فیصل آباد میں میڈیا سے گفتگو کر رہے تھے انہوں نے عوامی لیگ کے سربراہ شیخ رشید کو ہدفِ تنقید کا نشانہ بناتے ہوئے کہا کہ شیخ رشید سے بڑا کوئی فقیر آدمی نہیں ہے لیکن اب سائیکل پر سفر کرنے والے نے کروڑوں کی جائیدادیں بنا لی ہیں۔

انہوں نے کہا کہ نوازشریف اور پرویز مشرف کے دور میں شیخ رشید فقرا تھا اور اب کروڑ پتی ہیں شیخ رشید بتاناپسند کریں گے ان کے پاس زمینیں اور جائیدادیں کہاں سے آئیں۔

عابد شیر علی نے کہا کہ دربار میں پیسے شیخ رشید کوملیں یا شاہ محمود قریشی کو یہ سب سے بڑے فقیر ہیں اب وقت آگیا ہے کہ نیازی صاحب کی زبان میں ہی جواب دیا جائے۔

انہوں نے کہا کہ ہم نے پرویز مشرف کوحساب کتاب دیا اب عدالت میں بھی دے رہے ہیں لیکن یہ خان صاحب اور ان کے مداری اپنا حساب کب دیں گے۔

عابد شیر علی نے کہا کہ تین سال سے معزز اداروں اور ملک کی اعلیٰ شخصیات کے خلاف غلیظ زبان استعمال کی جا رہی ہے لیکن ہم نے برداشت سے کام لیا لیکن اب جس زبان میں وہ بات کریں گے اسی زبان میں جواب دیاجائے گا۔

ساہیوال : سربراہ عوامی مسلم لیگ شیخ رشید نے کہا ہے کہ پاناما کیس پاکستان کی زندگی اور موت کی جنگ ہے، کرپٹ نواز شریف ڈیوس میں تقریر کرنے کا حق دار نہیں تھا اسی لیے کسی نہیں وہاں گھاس نہیں ڈالی تو واپس آکر سارا غصہ راحیل شریف پر نکالا۔

وہ ساہیوال میں تحریک انصاف کے جسلہ عام سے خطاب کر رہے تھے انہوں نے کہا کہ وزیراعظم کوڈیووس میں برف اورپہاڑ دیکھنےکابہت شوق ہے اسی لیے گئے تھے ورنہ وہاں کسی بڑے لیڈر نے نوازشریف کوگھاس نہیں ڈالی جب کہ راحیل شریف کے خطاب کو سب نے توجہ سے سنا۔

انہوں نے کہا کہ ڈیووس میں اُٹھانے والے ہزیمت پر نواز شریف نے واپس آکر سارا غصہ راحیل شریف پر نکالا اور انکی کردار کشی کرنے کی کوشش کی گئی لیکن وہ بھول گئے کہ پوری قوم اس شریف کے ساتھ ہے جس کا نام راحیل ہے

شیخ رشید نے کہا کہ لال حویلی مفت کا مال نہیں‌ جو مجھ سے چھین لی جائے گی یہ ہمارے خاندان کی وراثت ہے اور کوئی مائی کا لال مجھ سے نہیں چھین سکتا نواز شریف میری لاش سے گذر کر ہی لال حویلی چھین سکتے ہیں۔

انہوں نے کہا کہ نوازشریف کوئلےکابوسیدہ پلانٹ لگاناچاہتے ہیں جب کہ کوئلےکابوسیدہ پلانٹ لگنےسے معذور بچے پیداہونگے لیکن کمیشن کے پجاریوں کو اس کی پرواہ نہیں کیوں کہ جب نوازشریف کے لیےاسپتال یا تعلیمی ادارے تباہ ہونا مسئلہ نہیں تو یہ کون سی بڑی بات ہے۔

شیخ رشید کا کہنا تھا کہ جس دن نوازشریف نے سچ بولا وہ ان کی سیاست کا آخری دن ہوگا نوازشریف پکڑے جائیں توالثانی گروپ مدد کو پہنچتا ہے سمجھ نہیں آتا کہ ہر بار نوازشریف کو بچانےکے لیےالثانی گروپ ہی کیوں آتاہے؟ اتنے خط تو شہزادہ سلیم نے انار کلی کو نہیں لکھے جتنے قطری شہزادے نے شریف خاندان کو لکھے ہیں۔

شیخ رشید نے کہا کہ مودی ہماراپانی، اور ٹرمپ ہمارے ویزے بند کر رہا ہے لیکن ہمارے حکمراں سو رہے ہیں اور مودی کو تحائف بھیجے جا رہے ہیں اور کاروباری سنگت نبھائی جا رہی ہے۔

راولپنڈی : عوامی مسلم لیگ کے سربراہ شیخ رشید احمد کا کہنا ہے کہ مسلم لیگ (ن) کے وزراء پر پاناما کا خوف طاری ہے اسی لیے وزراء کی ذہنی کیفیت خراب ہو رہی ہے۔

وہ وفاقی وزیر خواجہ سعد رفیق کی جانب سے میڈیا چینل کو ہدفِ تنقید بنانے پر ردعمل دے رہے تھے انہوں نے کہا کہ وفاقی وزراء درباری بن چکے ہیں اور صبح شام عدالتوں میں بھاگتے پھرتے رہنے کے باوجود خفگی کے سوا کچھ ہاتھ نہیں آرہا ہے ۔

*عمران خان کی پالیسی نہیں چلے گی، ملک ترقی کرے گا، سعد رفیق

یہی وجہ ہے کہ وفاقی وزراء اس بگڑتی ذہنی حالت کی وجہ سے اپنا غصہ میڈیا چینلز بالخصوص اے آر وائی پر نکال رہے ہیں، وہ سمجھ رہے ہیں کہ دھونس دھمکی سے لوگ مرعوب ہوجائیں گے لیکن انہیں پتہ کہ پوری قوم اے آر وائی کے ساتھ ہے ۔

*خواجہ آصف اورسعد رفیق کی تقاریرسے مایوسی جھلک رہی ہے، نعیم الحق

انہوں نے کہا کہ یہ لوگ جتنا شور شرابہ کر لیں جتنا مرضی جان لڑا لیں لیکن فتح حق کی ہو گی اور اس سپریم کورٹ سے کرپشن کا جنازہ نکلے گا تب انہیں منہ چھپانے کو جگہ بھی نہیں ملے گی۔

شیخ رشید کا کہنا تھا کہ وفاقی وزراء حکم امتناع پر چل رہے ہیں ان کا مستقبل زیرو ہے اور وظیفے پر پلنے والوں کو اپنے گریبان میں جھانکنا چاہیے کہ وہ قوم کے ساتھ کیسا گھناؤنا مذاق کر رہے ہیں۔