ARYNews.tv | Urdu – Har Lamha Bakhabar

Tag: شیخ رشید

  • ن لیگی رہنماؤں نے میرے گھٹنوں پر ہاتھ رکھ کر معافی مانگی، طاہر القادری

    ن لیگی رہنماؤں نے میرے گھٹنوں پر ہاتھ رکھ کر معافی مانگی، طاہر القادری

    راولپنڈی: پاکستان عوامی تحریک کے سربراہ ڈاکٹر طاہر القادری نے کہا ہے کہ سانحہ ماڈل ٹاؤن میں 14 لاشیں گرائی گئیں ہم اس کا بدلہ قرآن کے قانون کے تحت قصاص کی صورت میں ہی لیں گے۔

    شیخ رشید کی رہائش گاہ لال حویلی پر منعقدہ تقریب کے موقع پر طاہرالقادری نے خطاب کرتے ہوئے کہا کہ ’’حکمران خاندان کی وجہ سے پاکستانی سالمیت کو شدید خطرات لاحق ہیں تاہم اب حکمرانوں کے اقتدار کا سورج جلد غروب ہوتا دیکھا رہا ہوں۔

    انہوں نے مزید کہا کہ’’لوگوں میں حکمرانوں کی ظالمانہ پالیسیوں کے خلاف شعور بیدار ہوگیا ہے، ملک میں جھوٹے اور باطل اقتدار کا سورج غروب ہوچکا ہے اور ملک میں جلد انصاف کا نظام نافذ ہوگا۔

    طاہر القادری نے انکشاف کیا کہ ’’مسلم لیگ ن کے اعلیٰ عہدے داران نے ماڈل ٹاؤن واقعے کے بعد مجھ سے ملاقات کی اور میرے گھٹنوں پر ہاتھ رکھ کر معافی طلب کی مگر میں نے شہداء کے اہل خانہ کے مطالبے کو مدنظر رکھتے ہوئے انہیں واپس بھیج دیا‘‘، بعد ازاں حکومت نے لواحقین کو پیسوں کی پیش کش کی مگر کارکنان کے اہل خانہ نے مال و دولت اور طاقت کے خوف سے ڈرنے کے بجائے حکومت کو اس کے عوض قصاص کی پیش کش کی۔

    انہوں نے کہا کہ سانحہ ماڈل ٹاؤن کا مسئلہ دیت یا معافی سے نہیں بلکہ قصاص سے ہی حل ہوگا، حکمرانوں نے ہماری 14 لاشیں گرائیں جس کے بدلے قرآن کے قانون کو مدنظر رکھتے ہوئے ’’قصاص لیا جائے گا، منہاج القرآن کے شہید کارکنان کے اہل خانہ دو سال سے صبر کررہے ہیں مگر حکمرانوں کی جانب سے انہیں کسی قسم کا انصاف فراہم نہیں کیا گیا۔

    طاہرالقادری نے اعلان کیا کہ آئندہ کے لائحہ عمل کا اعلان 31 جولائی کو کیا جائے گا اور اس میں صرف سانحہ ماڈل ٹاؤن نہیں بلکہ پاناما لیکس کے حوالے سے بھی حکومت کے لیے مشکلات پیدا کریں گے کیونکہ ملک میں اس وقت کرپشن ناسور کی شکل اختیار کرلی جس سے چھٹکارا حاصل کرنا بہت ضروری ہے۔

    شیخ رشید کو مبارک باد پیش کرتے ہوئے علامہ طاہر القادری نے کہا کہ ’’مسلسل 7 بار اس حلقے سے شیخ رشید کی کامیابی اس بات کی غمازی ہے کہ وہ عام آدمی کے لیے آواز بلند کرتے ہیں‘‘۔

    قبل ازیں شیخ رشید نے تقریب سے خطاب کرتے ہوئے کہا کہ میرا نیا نعرہ ہے کہ ’’چوروں ملک کی جان چھوڑو، ملک میں گینگ آف فائیو اور ان کے 23 بچے بدعنوانی کررہے ہیں مگر ان کے خلاف کارروائی نہیں کی جاتی‘‘۔

    شیخ رشید نے مزید کہا کہ پاناما لیکس والوں اور لٹیروں کا تعاقب جاری رہے گا، ملک کی دولت لوٹنے والوں کو قوم کسی صورت معاف نہیں کرے گی اور لوٹا ہوا پیسہ جلد ملک میں واپس لایا جائے گا۔

  • شیخ رشید نے پانامہ پیپرز پر قومی اسمبلی میں تحریکِ التواء جمع کرادی

    شیخ رشید نے پانامہ پیپرز پر قومی اسمبلی میں تحریکِ التواء جمع کرادی

    اسلام آباد: عوامی مسلم لیگ کے سربراہ اور رکنِ قومی اسمبلی شیخ رشید احمد نے پانامہ پیپرز پرقومی اسمبلی میں بحث کرانے کے لیے آج تحریک التواء جمع کرادی۔

    تفصیلات کے مطابق عوامی مسلم لیگ کے سربراہ اور راولپنڈی سے منتخب رکنِ قومی اسمبلی شیخ رشید احمد نے پانامہ پیپرز میں وزیرِ اعظم میاں نواز شریف کے بچوں کا نام آنے پر آج اسمبلی میں بحث کرانے کے لیے تحریکِ التواء اسمبلی سیکریٹیریٹ میں جمع کرادی ہے۔

    تحریک التواء میں اسپیکر اسمبلی سے استدعا کی گئی ہے کہ پانامہ پیپرز کا معاملہ حساس اور اہم نوعیت کا ہے، جس پربین الاقوامی طور پر پاکستان کو سبکی اٹھانی پڑ رہی ہے،اس لیے اسمبلی کی معمول کی کاروائی کو معطل کر کے پانامہ پیپرز پر بحث کروائی جائے۔

    دوسری طرف پانامہ پیپرز پر موثر حکمتِ عملی اپنانے کے لیے اپوزیشن جماعتوں کا اہم اجلاس آج اسلام آباد میں ہونے جا رہا ہے جس میں اپوزیشن رہنماؤں سمیت قانونی ماہرین بھی شرکت کریں گے جن سے پانامہ پیپرز پر قانونی مشاورت کی جائے گی۔

    پاناما لیکس کے مزید انکشافات منظرعام پر

    یاد رہے آج پانامہ پیپرز کی دوسری فہرست بھی جاری کردی گئی ہے جس میں تحریک انصاف کے فنانسر،سابق ایڈمرل مظفر حسین کے بیٹے سمیت مشہور تاجر اور آصف علی زرداری و قائد ایم کیو ایم الطاف حسین کے دوست عرفان اقبال اورسیٹھ عابد کے ناموں کا انکشاف ہوا ہے، فہرست میں معروف فلمساز شرمین عیبد چنائے کی والدہ کا نام بھی شامل ہے۔

  • بلاول بھٹو کی شیخ رشید سےملنے کی خواہش پوری

    بلاول بھٹو کی شیخ رشید سےملنے کی خواہش پوری

    اسلام آباد: پاکستان پیپلز پارٹی کے چئیرمین بلاول بھٹو کی عوامی مسلم لیگ کے سربراہ شیخ رشید سے ملنے کی خواہش پوری ہوگئی۔

    برطانوی سفارتخانے اسلام آباد میں بلاول بھٹو زرداری اور شیخ رشید احمد کے درمیان ملاقات ہوئی،ملاقات میں ملک کی موجودہ صورتحال اور پانامہ لیکس پربات چیت کی گئی۔

    اس موقع پر بلاول بھٹو کا کہنا تھا سب کاکڑااحتساب ہوناچاہیے، بلاول بھٹو نے شیخ رشید سے ملاقات پر خوشی کا اظہار کرتے ہوئے کہا آپ عوامی آدمی ہیں آپ سے ہمیشہ ملنے کی خواہش رہی۔

  • نواز شریف اور عمران خان سمیت دیگر سیاستدانوں کے اثاثوں کی تفصیل جاری

    نواز شریف اور عمران خان سمیت دیگر سیاستدانوں کے اثاثوں کی تفصیل جاری

    اسلام آباد: الیکشن کمیشن نے اثاثوں کی تفصیل جاری کردی وزیراعظم نواز شریف ایک ارب چھیانوے کروڑ کےمالک ہیں ۔

    الیکشن کمیشن آف پاکستان کے نوٹی فکیشن کے مطابق وزیراعظم نواز شریف کے اثاثوں کی مجموعی مالیت 1 ارب 70 کروڑ سے روپے سے زائد ہے۔ ان کی اپر مال لاہور میں 25 کروڑ روپے کی جائیداد ہے جبکہ وراثت میں ملی زرعی زمین کی مالیت ایک ارب روپے ظاہر کی گئی ہے۔ وزیراعظم کے پاس ایک کروڑ روپے مالیت سے زائد کی 4 گاڑیاں ہیں اور ان کا بینک بیلنس 16 کروڑ روپے ہے۔

    وزیراعظم کی اہلیہ کلثوم نواز کا بینک بیلنس 64 لاکھ روپے ہے جبکہ مری میں ان کا 10 کروڑ روپے کا بنگلہ ہے، وزیراعظم نواز شریف اور کلثوم نواز نے 13کروڑ روپے کی سرمایہ کاری کر رکھی ہے جبکہ وزیراعظم کی بیرون ملک کوئی جائیداد نہیں ہے۔

    پاکستان تحریک انصاف کے چیئرمین عمران خان کے اثاثوں کی مالیت 3 کروڑ33 لاکھ 63 ہزار روپے ہے جبکہ گزشتہ سال کی نسبت عمران خان کے اثاثوں میں 30 لاکھ روپے کا اضافہ ہوا ہے، عمران خان کا زمان پارک میں 7 کنال اور بنی گالہ میں 300 کنال 5 مرلے کا گھر ہے۔ اُن کے پاس 50 لاکھ روپے کی گاڑی اور بینک بیلنس 1 کروڑ 66 لاکھ روپے ہے۔ عمران خان کی ملکیت میں 2 گائے اورایک بھینس بھی ہے جبکہ بیرون ملک ان کی کوئی جائیداد نہیں ہے ۔

    تحریک انصاف کے رہنما شاہ محمود قریشی کے اثاثوں کی مالیت 13 کروڑ روپے سے زائد ہے جبکہ ان کا بینک بیلنس 1 کروڑ 48 لاکھ روپے سے زائد ہے۔ وزیر خزانہ اسحاق ڈار کے اثاثوں کی مالیت 70 کروڑ روپے سے زائد ہے۔ ان کے پاس 2 کروڑ روپے مالیت سے زائد کی 4 گاڑیاں، ایک لاکھ 30 ہزار روپے کی گھڑی اور 24 ہزار روپے مالیت کا اسلحہ ہے۔ مجموعی طور پر اسحاق ڈار کا بینک بیلنس 37 کروڑ روپے سے زائد ہے۔

    وفاقی وزیر داخلہ چوہدری نثار نے 650 کنال کی وراثت میں ملی اراضی ظاہر کی ہے۔ ان کا بینک بیلنس 53 لاکھ روپے ہے جبکہ چوہدری نثار کے پاس ایک مرسڈیز اور پجارو گاڑی بھی موجود ہے۔

    وزیر اطلاعات و نشریات پرویز رشید 2 لاکھ روپے مالیت کے اثاثے رکھتے ہیں۔ قائد حزب اختلاف خورشید شاہ کے اثاثوں کی مالیت 2 کروڑ روپے سے زائد ہے۔ چوہدری شجاعت نے 10 کروڑ روپے سے زائد کے اثاثہ جات ظاہر کیے ہیں۔ ان کا بینک بیلنس 6 کروڑ 37 لاکھ روپے ہے۔ وہ 100 تولہ سونے کے مالک ہیں۔

    پاکستان تحریک انصاف کے رہنما اور صوبہ خیبر پختونخوا کے وزیرِ اعلیٰ پرویز خٹک کے اثاثوں کی مالیت 27 کروڑ روپے سے زائد ہے۔ جمعیت علمائے اسلام (ف) کے سربراہ مولانا فضل الرحمان نے اثاثوں کی مالیت 67 لاکھ روپے ظاہر کی ہے۔ ان کا بینک بیلنس 10 لاکھ روپے سے زائد ہے۔ ان کے پاس کوئی گاڑی موجود نہیں ہے۔

    عوام مسلم لیگ کے سربراہ شیخ رشید کے اثاثوں کی مالیت 3 کروڑ روپے سے زائد ہے۔ ان کی ملکیت میں 6 لاکھ 30 ہزار روپے کا اسلحہ بھی ہے۔ نوٹی فکیشن کے مطابق رکن قومی اسمبلی جمشید دستی کے پاس کوئی اثاثے نہیں ہیں۔

  • نواز شریف بیمارہیں، متبادل وزیراعظم کیلئے باتیں ہورہی ہیں، شیخ رشید

    نواز شریف بیمارہیں، متبادل وزیراعظم کیلئے باتیں ہورہی ہیں، شیخ رشید

    کراچی : عوامی مسلم لیگ کے سربراہ شیخ رشید نے کہا ہے کہ وزیر اعظم نواز شریف بیمارہیں ،اور ان کی فیملی میں متبادل وزیراعظم کے لئے باتیں ہو رہی ہیں، یہ بات میں مکمل ذمہ داری سے کہہ رہا ہوں، اللہ تعالیٰ نواز شریف کو صحت دے۔

    ان خیالات کا اظہارانہوں نے اے آر وائی کے پروگرام نیوزایٹ سکس میں خصوصی گفتگو کرتے ہوئے کیا، شیخ رشید نے کہا کہ چوہدری نثار کومشورہ دیتا ہوں کہ وہ اس گند سے باہر ہوجائیں۔

    انہوں نے کہا کہ پانامہ لیکس پاکستان کو ایک بڑے بحران سے دوچار کرنے والی ہے، اورآئندہ دس پندرہ روز میں اس کا نتیجہ واضح ہوجائے گا۔

    اس کا واحد حل یہ ہے کہ چیف جسٹس پاکستان اپنی سربراہی میں ایک کمیٹی بنا دیں، ورنہ یہ بات اتنی بڑھ جائے گی کہ یہ ایک بڑے بحران کو جنم دے گی۔

    شیخ رشید کا کہناتھا کہ آصف زرداری نے نوازشریف کا ساتھ دیا تو پیپلزپارٹی پنجاب میں گروپ بن جائے گا اور اس گروپ کو لیڈ بھی اعتزازاحسن کریں گے۔

    انہوں نے کہا کہ آصف علی زرداری ڈاکٹرعاصم کی رہائی ،نیب مقدمات ختم کرانا چاہتے ہیں۔ شیخ رشہید نے کا کہنا تھا کہ چوہدری نثار پہلی مرتبہ نواز شریف کے حق میں بولے ہیں اب دیکھنا یہ ہے کہ شہباز شریف اورحمزہ شہباز کب بولتے ہیں۔

     

  • اپوزیشن کا پانامہ لیکس پرحکومت کو ٹف ٹائم دینے کا فیصلہ

    اپوزیشن کا پانامہ لیکس پرحکومت کو ٹف ٹائم دینے کا فیصلہ

    اسلام آباد: اپوزیشن جماعتوں نے پانامہ لیکس کے معاملے پر حکومت کو ٹف ٹائم دینے کا فیصلہ کرلیا۔

    قومی اسمبلی کے اجلاس میں پاناما لیکس کے معاملے پر خورشید شاہ کا کہنا ہے کہ حکمران خاندان کے لوگ ٹیکس بچانے کیلئے ملک سے باہر کاروبار کررہے ہیں، بتایا جائے پیسہ ملک سے باہر کیسے گیا۔

    اپوزیشن لیڈر خورشید شاہ کا کہنا تھا کہ پانامہ لیکس کا معاملہ میڈیا یا پی ٹی آئی نے نہیں اٹھایا، انکا کہنا تھا کہ وزیر اعظم نے اپنے خطاب میں دوسروں پرالزامات لگا کر توپوں کا رخ خود اپنی جانب موڑا اور ہمیں جواب دینے پر مجبور کیا ہے۔

    اپوزیشن لیڈر کا کہنا ہے کہ پانامہ لیکس پر پیدا ہونے والے اہم سوالات پرجواب جوڈیشل کمیشن بنانا نہیں، بلکہ ایوان کو بتایا جائے کہ برے وقت میں ہی سہی پیسہ باہر بھجوایا تو کیسے؟ کیا پیسے منی لانڈرنگ سے باہر گئے یا کسی اور طریقے سے، معاملے کا غیر ملکی کمپنیوں سے آڈٹ کرانے سمیت اس پر ایک عالمی تحقیقات کمیشن مقرر کیا جائے۔

    قومی اسمبلی میں بحث میں حصہ لیتے شیخ رشید احمد نے کہا کہ سپریم کورٹ کے جسٹس کی نگرانی میں کمیشن نہ بنا تو حکومت کے گرد گھیرا تنگ ہو جائے گا۔انہوں نے کہا کہ حکومت حالات و معاملات کو پرکھنے کی کوشش کرے،ورنہ حکمران برے حالات میں پھنس جائیں گے۔

    انہوں نے کہا کہ اب اگر پی ٹی آئی ایوان سے گئی تو کبھی واپس نہیں آئے گی۔نواز شریف کا کاندان باہر سرمایہ کاری کرے گا تو اور کوئی پاکستان میں سرمایہ کاری کیوں کرے گا۔

    شیخ رشید احمد نے انکشاف کیا کہ نواز شریف کو کسی نے زبردستی جلا وطن نہیں کیا تھا بلکہ وہ کود اپنی خواہش پر جلا وطن ہوئے،انہوں نے کہا کہ شہباز شریف جلا وطن نہیں ہونا چاہتے تھے۔شاہد خاقان عباسی نواز شریف کی اپنی مرضی کی جلا وطنی اور شہباز شریف کے انکار کی گواہی خود دیں گے۔

    دوسری جانب اپوزیشن لیڈر خورشید شاہ سے تحریک انصاف کے رہنما شاہ محمودقریشی نے ملاقات کی، اس موقع پر دونوں رہنماؤں نےپاناما لیکس پر مشترکہ حکمت عملی اپنانے کا فیصلہ کیا۔

    شاہ محمود قریشی کا کہنا تھا کہ پاناما لیکس پاکستان کی بدنامی کا با عث بنی ہے، وزیراعظم اورانکی فیملی کاپاناما لیکس میں ذکر آنا انتہائی سنگین ہے، شاہ محمود قریشی نے مزید کہا کہ چاہتے ہیں پارلیمنٹ میں پاناما لیکس پر بات ہو اور بات ضرور ہوگی ۔

  • عمران، طاہرالقادری،شیخ رشید بھارت میں اگلی پلاننگ کررہے ہیں، ایازصادق

    عمران، طاہرالقادری،شیخ رشید بھارت میں اگلی پلاننگ کررہے ہیں، ایازصادق

    لاہور : اسپیکر قومی اسمبلی سردار ایاز صادق نے کہا ہے کہ عمران خان، طاہر القادری اورشیخ رشید اگلی پلاننگ کے لئے بھارت میں اکٹھے ہوئے ہیں۔

    پاک بھارت میچ دیکھنے کیلئے منصوبے کا افتتاح پہلے کیا ہے، تفصیلات کے مطابق لاہور کے علاقے شادمان میں ایک منصوبے کے افتتاح کے موقع پر میڈیا سے گفتگو کرتے ہوئے اسپیکر قومی اسمبلی سردار ایازصادق کا کہنا تھا کہ بھارت جانے والے سیاسی رہنماؤں کو حکومت مخالف پلاننگ کی بجائے ٹیم کی حوصلہ افزائی کرنی چاہیئے۔

    انہوں نے کہا کہ پاکستان اور بھارت کے درمیان میچ ورلڈ کپ کا سب سے اہم میچ ہے، پاکستانی ٹیم جیت کر قوم کو تحفہ دے گی۔

    انہوں نے بتایا کہ منصوبوں کا افتتاح رات کو کرتا تھا،آج اس لئے پہلے کیا ہے کہ پاک بھارت میچ دیکھنا ہے۔

     

  • قومی اسمبلی میں ایاز صادق اور شیخ رشید میں دلچسپ مکالمہ

    قومی اسمبلی میں ایاز صادق اور شیخ رشید میں دلچسپ مکالمہ

    اسلام آباد : قومی اسمبلی اجلاس کے دوران استعفی کے معاملے پر اسپیکر قومی اسمبلی سردار ایاز صادق اور شیخ رشید کے درمیان دلچسپ مکالمہ ہو ا۔

    شیخ رشید اور ایاز صادق کے درمیان مکالمے نے ایوان میں موجود ہر شخص کے چہرے پر مسکراہٹ بھکیر دی۔

    وزیرخزانہ اسحاق ڈار کے جے یو آئی اور ایم کیو ایم کی تحریک سے متعلق بیان کے بعد شیخ رشید ایوان میں کھڑے ہوئے اور اسپیکر ایاز صادق کو مخاطب کرتے ہوئے کہاکہ شکر ہے کہ انھوں نے استعفیٰ نہیں دیا ورنہ اسپیکر صاحب آپ اسے دو منٹ میں منظور کر لیتے۔

    اسپیکر ایاز صادق نے بھی ازراہ مذاق جواب دیتے ہوئے کہا کہ شیخ صاحب دو منٹ کیا میں اسے دو سیکنڈ میں منظور کر لیتا جسے سنتے ہی ایوان میں موجود ہر شخص مسکرا اٹھا۔

    بعد ازاں اسپیکر ایاز صادق کاکہناتھاکہ شیخ صاحب میں آپ سے بھی وہی سلوک کرتا جو تحریک انصاف کے ساتھ کیا ہے۔

  • بھارت باز نہ آیا تو زبان کھینچ کے نکالنا بھی جانتے ہیں، شیخ رشید

    بھارت باز نہ آیا تو زبان کھینچ کے نکالنا بھی جانتے ہیں، شیخ رشید

    اسلام آباد :  پاکستان عوامی مسلم لیگ کے سربراہ شیخ رشید احمد نے کہا ہے کہ دشمن اپنے زبان اور بیان سمبھال کررکھے۔

    سماجی رابطے کی ویب سائٹ ٹوئٹر پر اپنے ایک ٹوئٹ میں پاکستان عوامی مسلم لیگ کے سربراہ شیخ رشید احمد کا کہنا تھا کہ دشمن اپنے بیان اور زبان سمبھال کے رکھے ۔

    شیخ رشید احمد بھارتی جارحیت کا کرارا جواب دیتے ہوئے کہا کہ پاکستان کے لئے ہم ہاتھ توڑنا بھی جانتے ہیں اور زبان کھینچ کے نکالنا بھی جانتے ہیں۔

    اس سے قبل قومی اسمبلی کے باہر میڈیا سے گفتگو کرتے ہوئے شیح رشید احمد کا کہنا تھا کہ نواز شریف بھارت کو منہ توڑ جواب دیں، اگر بھارت نے جارحیت بند نہ کی تو نہ مندروں میں گھنٹیاں بجیں گی نہ چڑیا چہکیں گی۔

  • اسپیکرایازصادق کے رویّے پرشیخ رشید دلبرداشتہ ہوگئے

    اسپیکرایازصادق کے رویّے پرشیخ رشید دلبرداشتہ ہوگئے

    اسلام آباد : عوامی مسلم لیگ کے سربراہ شیخ رشید ایک بار پھر اسپیکر قومی اسمبلی  کے رویے پر شاکی نظر آئے۔ یمنی بحران پر پارلیمنٹ کے مشترکہ اجلاس میں اک بار پھر شیخ رشید کے ساتھ ہاتھ  ہوگیا۔

    اسپیکر قومی اسمبلی  ایاز صادق سے اپنا موقف بیان کرنے کی اجازت چاہی تو اسپیکر نے اجازت نہ دی جس پر شیخ رشید اجلاس سے اُٹھ کر باہر چلے آئے اورشیخ صاحب نے پارلیمنٹ کے باہر اپنے دل کی بھڑاس نکالی۔

    انہوں نے صحافیوں سے بات چیت کرتے ہوئے کہا کہ اسپیکر نے ایک بار پھر ان کی حق تلفی کی ہے، ایوان میں عوامی مسلم لیگ کے سربراہ نے اپنی رائے کا اظہار کرنا چاہا تو اسپیکر نے انہیں روک دیا کہاکہ آپ کو کیسے باری دوں۔

    پہلے ہی ایک ایک جماعت کے پانچ پانچ ارکان ہیں۔ آپ کل بات کر لیجئے گا،اسپیکر نے شیخ رشید کو اگلے روز کاوقت دے دیا۔

    شیخ رشید  نے الزام لگایا کہ اسپیکر کو ریموٹ کنٹرول سے چلایا جا رہا ہے۔ اب دیکھنا یہ ہے کہ چوتھے روز بھی شیخ صاحب کو موقع ملتا ہے کہ نہیں۔