Tag: شیخ روحیل اصغر

کراچی : مسلم لیگ (ن) کے سینیئر رہنما شیخ روحیل اصغر کا کہنا ہے کہ مسلم لیگ ن کی شکست کی ایک وجہ حد سے زیادہ خوداعتمادی بھی ہے،خود اعتمادی زیادہ ہو جاتی ہے تو پھر آپ سےغلطیاں بھی ہوتی ہیں۔

تفصیلات کے مطابق مسلم لیگ (ن) کے سینیئر رہنما شیخ روحیل اصغر نے اے آر وائی نیوز کے پروگرام الیونتھ آور مین گفتگو کرتے ہوئے کہا کہ شکست تسلیم کرنے والا شخص ہوں، رونا دھونا نہیں کروں گا، میرے حلقے میں پی ٹی آئی حمایت یافتہ امیدوار نے ن لیگ میں شمولیت کرلی ہے۔

شیخ روحیل اصغر کا کہنا تھا کہ پی ٹی آئی حمایت یافتہ والےرکن سےسوال پوچھناچاہیے، عوام کودیکھناچاہیےانہوں نےپی ٹی آئی والےکوووٹ دیااوروہ ن لیگ میں چلاگیا۔

ن لیگی رہنما نے کہا کہ خوداعتمادی زیادہ ہوجاتی ہےتوپھرآپ سےغلطیاں بھی ہوتی ہیں، مسلم لیگ ن کی شکست کی ایک وجہ حدسےزیادہ خوداعتمادی بھی ہے۔

نواز شریف کے حوالے سے ان کا کہنا تھا کہ میرے علم میں ہے نواز شریف کی صحت اس وقت بہترنہیں ہے، وزیراعظم کے عہدے پر بڑی تگ و دو کرنا پڑتی ہے، بڑی ذمہ داری ہے۔

شیخ روحیل اصغر نے بتایا کہ لیکشن سے پہلے لوگوں میں تاثر بنا ہوا تھا کہ نوازشریف وزیراعظم بنیں گے، ایسے موقع پر نواز شریف یہ نہیں کہہ سکتے تھے کہ وزیراعظم نہیں بنوں گا، نواز شریف اگر پہلے کہہ دیتےکہ وزیراعظم نہیں بنوں گا تو بڑا بلنڈر ہوجاتا۔

سینئر رہنما نے مزید کہا کہ نواز شریف واپس نہ آتے تو الیکشن کے نتائج بالکل ہی مختلف ہوتے، نوازشریف اب جب چاہیں بیرون ملک جاسکتےہیں واپس بھی آسکتےہیں۔

ان کا کہنا تھا کہ عوام کی یہ ہی توقعات ہیں کہ جلد سے جلد ڈیلیور کریں، لوگوں ایک دوماہ میں ایک ڈائریکشن نظر آنا شروع ہو جائے گی۔