Tag: شیخ وقاص اکرم

اسلام آباد: مسلم لیگ ن کے رہنما شیخ وقاص اکرم کا کہنا ہے کہ ووٹ کو عزت دینے سے پہلے ووٹر کو عزت دینا ضروری ہے، ووٹر کو عزت اس کا لیڈر ہی دے سکتا ہے۔

تفصیلات کے مطابق مسلم لیگ ن کی قیادت کے خلاف علم بغاوت بلند ہونے لگا۔ مسلم لیگ ن کی رہنما ماروی میمن کے بعد شیخ وقاص اکرم نے بھی لیگی قیادت پر تنقید شروع کردی۔

سماجی رابطوں کی ویب سائٹ ٹویٹر پر اپنے ٹویٹ میں کہنا تھا کہ ووٹر کو عزت اس کا لیڈر ہی دے سکتا ہے۔ کاش لیڈران کو یہ بات سمجھ میں آتی۔

ووٹ کو عزت دو سے پہلے ووٹر کو عزت دینا ضروری ہے۔اگر ہم یہ سمجھ لیں تو شاید رونا دھونا کم پڑے۔ ـ

— Sheikh Waqqas Akram (@SheikhWaqqas) April 13, 2018

انہوں نے کہا کہ جب ووٹر عدالتوں میں ذلیل ہوتا ہے تو کسی لیڈر کو ووٹر کی عزت یاد نہیں آتی۔ ’لیڈر سے زیادتی قوم سے زیادتی، جب عوام سے ایسا ہو تو اسے کیا کہتے ہیں‘۔

ان کا کہنا تھا کہ ووٹ کو عزت دو سے پہلے ووٹر کو عزت دینا ضروری ہے۔ اگر ہم یہ سمجھ لیں تو شاید رونا دھونا کم ہوجائے۔

ووٹر کو عزت اُسکا لیڈر ہی دے سکتا ہے۔ کاش لیڈران کو یہ بات سمجھ میں آتی۔ جب یہی ووٹر عدالتوں میں ذلیل ھوں تو کسی لیڈر کو ووٹ یا ووٹر کی عزت یاد نہیں آتی۔ لیڈر سے ذیادتی قوم سے ذیادتی مگر جب عوام سے ذیادتی ہو تو اُسے کیا کہتے ہیں۔یہ تمام parties کیلئے ہے

— Sheikh Waqqas Akram (@SheikhWaqqas) April 13, 2018

خیال رہے کہ کچھ عرصہ قبل ماروی میمن نے بھی مسلم لیگ ن کی قیادت پر تنقید کی تھی۔

انہوں نے کہا تھا کہ بدقسمتی سے جماعت میں صرف جی حضوری چل رہی ہے، جو اس وقت جی حضوری کے بغیر کام کر رہے تھے ان کو سائیڈ پر کردیا گیا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔