ARYNews.tv | Urdu – Har Lamha Bakhabar

Tag: شیرنی

  • بھاری بھرکم شیرنیاں بھاگ کر اپنی مالکن کے گلے لگ گئیں

    بھاری بھرکم شیرنیاں بھاگ کر اپنی مالکن کے گلے لگ گئیں

    محبت ایک آفاقی زبان ہے جو ہر جاندار کے بیچ ایک انوکھا رشتہ قائم کردیتی ہے، یہ محبت ہی ہے جو خونخوار جانور بعض اوقات انسانوں کو نقصان پہنچانے کے بجائے ان کے محافظ بن جاتے ہیں۔

    سوشل میڈیا پر اکثر ایسی ویڈیوز وائرل ہوتی ہیں جن میں جنگل کے بادشاہ شیر کو اس انسان کے گلے لگتے اور پیار کرتے دیکھا جاسکتا ہو جس نے ان سے محبت کا سلوک کیا ہو۔

    ایسی ہی ایک اور ویڈیو نے سوشل میڈیا صارفین کا دل موہ لیا۔

    سماجی رابطے کی ویب سائٹ ٹویٹر پر وائرل ایک ویڈیو میں دیکھا جاسکتا تھا کہ دو قوی الجثہ شیرنیاں جنگلے کی طرف دوڑی چلی آرہی ہیں جہاں ایک خاتون کھڑی ہیں۔

    ان کے پاس پہنچ کر دونوں شیرنیاں بچوں کی طرح خاتون سے لپٹ جاتی ہیں اور انہیں پیار کرنے لگتی ہیں۔

    ان خاتون نے دراصل ان دونوں شیرنیوں کو اس وقت پالا تھا جب وہ چھوٹی تھیں اور اپنا تحفظ اور خوراک کا بندوبست نہیں کرسکتی تھیں۔

    ان کے بڑے ہونے کے بعد انہیں شیروں کے لیے مخصوص پناہ گاہ میں چھوڑ دیا گیا تھا جہاں خاتون ان سے ملنے آئیں تو دونوں شیرنیاں جذبات سے مغلوب ہو کر ان کے گلے جا لگیں۔

  • مگرمچھ کا شیرنی پر حملہ، لڑائی میں فتح کس کی ہوئی؟

    مگرمچھ کا شیرنی پر حملہ، لڑائی میں فتح کس کی ہوئی؟

    شیر ایسا جانور ہے جس سے دوسرے خطرناک جانور بھی الجھنے سے پرہیز کرتے ہیںِ، لیکن مگر مچھ شیر سے الجھنے سے بھی باز نہیں آتا، دونوں جانوروں کی لڑائی میں یہ طے کرنا مشکل ہوتا ہے کہ کون جیتے گا۔

    سوشل میڈیا پر وائرل ایک ویڈیو میں بھی یہی دونوں جانور ایک دوسرے کی جان کے درپے دکھائی دے رہے ہیں۔

    ویڈیو میں دیکھا جاسکتا ہے کہ ایک شیرنی پرسکون وقت گزارنے کے لیے دریا پر آئی ہے اور پانی پینے کے بعد دریا میں اتر کر تیراکی کرنے لگتی ہے۔

    لیکن اسی وقت ایک مگر مچھ خاموشی سے اس کا پیچھا کرتا ہے اور کچھ دور جانے کے بعد اس کی گردن پر جھپٹا مارتا ہے۔

    دونوں پانی کے نیچے چلے جاتے ہیں لیکن تھوڑی ہی دیر بعد اوپر ابھرتے ہیں اور بھرپور کوشش کے بعد شیرنی مگر مچھ کو دور بھگا دیتی ہے۔

    اس کے بعد شیرنی تیزی سے واپس کنارے کی طرف جاتی ہے اور جنگل میں گم ہوجاتی ہے۔

     

    View this post on Instagram

     

    A post shared by 🐾 IFELINES ~ (@feline.unity)

  • بچے کو بچانے کے لیے مادہ گینڈا شیرنی کے مدمقابل آگئی

    بچے کو بچانے کے لیے مادہ گینڈا شیرنی کے مدمقابل آگئی

    ماں کی محبت وہ لازوال قوت ہے جو اپنے بچے کی حفاظت کے لیے کسی بھی حد تک جاسکتی ہے، اپنے بچے کو خطرے میں دیکھتے ہوئے ماں بڑے سے بڑے خطرے سے لڑ جاتی ہے۔

    ایسی ہی ایک ویڈیو سوشل میڈیا صارفین کو حیرت میں مبتلا کیے ہوئے ہے جس میں ایک مادہ گینڈا اپنے بچے کو بچانے کے لیے شیرنی کے مدمقابل آجاتی ہے۔

    جنوبی افریقہ کے نیشنل پارک میں ریکارڈ کی گئی اس ویڈیو میں دیکھا جاسکتا ہے مادہ گینڈا اپنے بچے کے ساتھ جنگل میں چہل قدمی کر رہی ہے جبکہ سامنے سے ایک شیرنی آتی دکھائی دے رہی ہے۔

    بظاہر دونوں پرسکون ہو کر اپنی راہ چلتے دکھائی دے رہے ہیں لیکن ایک موقع پر شیرنی گینڈے کے بچے کے کچھ قریب آجاتی ہے جس پر مادہ گینڈا بھڑک کر حملے کی نیت سے شیرنی کی طرف بڑھتی ہے۔

    لیکن اس سے پہلے ہی شیرنی وہاں سے دور ہو جاتی ہے اور راستہ بدل کر فرار ہوجاتی ہے۔

    سوشل میڈیا صارفین نے اس ویڈیو پر حیرانی کا انتظار کیا، کچھ صارفین کا کہنا تھا کہ مادہ گینڈے کے ڈیل ڈول سے ظاہر ہے کہ وہ شیرنی پر حاوی ہوسکتی ہے چنانچہ شیرنی نے راستہ بدلنے میں ہی عافیت جانی، ورنہ اسے اپنی جان کے لالے پڑ جاتے۔

  • غصے میں بھری شیرنی کا حملہ، تیندوے کی گردن توڑ ڈالی

    غصے میں بھری شیرنی کا حملہ، تیندوے کی گردن توڑ ڈالی

    یوں تو شیر اور تیندوا دونوں ہی شکاری جانور ہیں اور کسی بھی جانور کے لیے خطرہ بن سکتے ہیں، لیکن کیا آپ نے کبھی سوچا ہے کہ اگر ان دونوں کی لڑائی ہوگی تو جیت کس کی ہوگی؟

    سوشل میڈیا پر وائرل ایک دل دہلا دینے والی ویڈیو میں ایسے ہی مناظر ہیں جس میں ایک شیرنی نے تیندوے کو نہ صرف مار گرایا ہے بلکہ غصے میں جنگل میں اسے گھسیٹتے ہوئے دور تک لے گئی۔

    یہ ویڈیو بھارتی ریاست راجھستان کے سرسکا ٹائیگر ریزرو کی ہے، ریزرو دو بزنس مین بھائیوں کی نجی ملکیت ہے جو اس واقعے کے وقت وہاں موجود تھے۔

    مالکان کا کہنا ہے کہ مذکورہ روز وہ صبح اٹھے تو ریزرو میں موجود دوسرے جانور جیسے بندروں اور ہرنوں نے شور مچا مچا کر آسمان سر پر اٹھا رکھا تھا اور ایک دوسرے کو خطرے سے آگاہ کر رہے تھے۔

    اس غیر معمولی صورتحال پر وہ گاڑی میں باہر نکلے اور جلد ہی انہیں شیرنی دکھائی دے گئی۔ دونوں بھائیوں کا کہنا ہے کہ درخت پر ایک تیندوا موجود تھا جبکہ شیرنی آہستگی سے قریب موجود دوسرے درخت پر چڑھنے کی کوشش کر رہی تھی۔

    دیکھتے ہی دیکھتے شیرنی نے 8 فٹ بلند چھلانگ لگائی اور جھپٹ کر تیندوے کی گردن پکڑ لی، دونوں خونخوار آوازوں میں صرف چند سیکنڈ تک لڑتے رہے جس میں شیرنی کو فتح حاصل ہوئی۔

    شیرنی نے تیندوے کی گردن توڑ ڈالی اور پھر موت کے گھاٹ اتارنے کے بعد اسے جھاڑیوں میں دور تک گھسیٹتی ہوئی لے گئی۔

    مالکان کے مطابق ان کا ابتدائی اندازہ تھا کہ شیرنی نے شکار کے لیے تیندوے پر حملہ کیا، لیکن بعد ازاں ریزرو عملے نے تیندوے کا مردہ جسم صحیح سلامت پایا یعنی شیرنی نے اسے کھایا نہیں تھا۔

    مالکان کا کہنا ہے کہ انہوں نے شیرنی کو فی الحال سب سے الگ تھلگ کردیا ہے۔

    خیال رہے کہ شیر کسی دوسرے شکاری جانور جیسے تیندوے یا مگر مچھ سے خطرہ محسوس کریں تو پہلے ہی ان پر حملہ کردیتے ہیں۔

  • کھلے جنگل میں درندے کو پیار کرنے کا بھیانک انجام، ویڈیو وائرل

    کھلے جنگل میں درندے کو پیار کرنے کا بھیانک انجام، ویڈیو وائرل

    کیپ ٹاؤن: جنوبی افریقا کے کھلے جنگل میں ایک شخص کو درندے کو پیار کرنے کی کوشش نہایت مہنگی پڑ گئی۔

    تفصیلات کے مطابق جنوبی افریقا کے ایک وائلڈ لائف پارک کے اندر درندے کو پیار کرنے کا بھیانک انجام نکل آیا، ایک شخص نے شیرنی کے سر پر پیار سے سہلانا چاہا اور پھر وہ ہوا جس کا اس نے سوچا بھی نہیں تھا۔

    جب پیٹر نامی شخص وائلڈ پارک میں شیرنی کے سر پر پیار سے ہاتھ پھیر رہا تھا، تو اس وقت اس کی بیوی اس منظر کو موبائل کیمرے میں قید کر رہی تھی، لیکن پھر جو ہوا، اسے دیکھ کر بیوی کی بھی چیخیں نکل گئیں۔

    اکثر لوگ جانوروں کو پیار کرتے ہیں، لیکن کچھ لوگ جنگلی درندوں کو بھی پیار کرنے کی جرات کر لیتے ہیں، ایسی ہی ایک ویڈیو سوشل میڈیا پر تیزی سے وائرل ہوئی جس میں دیکھا جا سکتا ہے کہ ایک شخص شیر کے سر پر مزے سے ہاتھ پھیر رہا ہے۔

    پیٹر نامی شخص نے وائلڈ لائف پارک میں لوہے کی باریک جالی میں ہاتھ ڈال کر شیر کے سر پر ہاتھ پھیرنا شروع کیا، شیر کو شاید انسان کے ہاتھ کا لمس اچھا لگا، اس لیے اس نے کچھ نہیں کہا، لیکن پھر وہاں شیرنی آ گئی، پیٹر نے اس کے بعد شیرنی کے سر پر بھی ہاتھ پھیرنے کی کوشش کی۔

    لیکن پیٹر کو ایسا کرنا بہت ہی مہنگا پڑ گیا، شیرنی نے ایک دم سے پیار کے لیے بڑھنے والا اس کا ہاتھ جبڑوں میں جکڑ لیا اور اسے بھنبھوڑنے لگی، اس منظر کی موبائل سے ویڈیو بنانے والی بیوی کے ہاتھوں کے طوطے بھی اڑ گئے اور وہ ویڈیو بنانا بھول گئی اور چیخنے چلانے لگی۔

    پیٹر نے جلدی سے جال پکڑ کر اپنا ہاتھ شیرنی کے منہ نکالنے کی جدوجہد شروع کی اور یہ اس کی خوش قسمتی کہ جلد ہی اس کا ہاتھ شیرنی کے جبڑوں سے آزاد ہو گیا لیکن ذرا دیر میں وہ لہو لہان ہو چکا تھا۔

    واقعے کے بعد پیٹر کو فوری طور پر طبی امداد کے لیے قریبی اسپتال پہنچایا گیا۔

  • جانوروں میں ’انسانیت‘ کی انوکھی مثال

    جانوروں میں ’انسانیت‘ کی انوکھی مثال

    بعض جانور آپس میں جانی دشمن ہوتے ہیں لیکن ان کے علاوہ دیگر جانوروں میں محبت، ہمدردی اور ایک دوسرے کی مدد کرنے کا جو جذبہ ہوتا ہے وہ انسانوں کو بھی دنگ کردیتا ہے۔

    ایسا ہی ایک منظر افریقہ کے جنگلات میں دیکھنے میں آیا جہاں ہاتھی نے ایک خونخوار شیرنی کی مدد کر کے انوکھی مثال قائم کردی۔

    ہوا کچھ یوں کہ تپتی دوپہر میں ایک شیرنی اپنے ننھے سے بچے کے ساتھ کسی سایہ دار جگہ پر جانا چاہتی تھی مگر ننھا شیر کچھ بیمار بھی تھا اور گرم زمین پر چل نہیں پارہا تھا۔

    ایسے میں ہاتھی نے انہیں دیکھا تو ننھے شیر کو اٹھا کر اپنی سونڈ پر رکھ لیا اور شیرنی کے ساتھ چلتا ہوا سایہ دار مقام پر پہنچ گیا۔

    گو کہ شیرنی شکار کے معاملے میں ہاتھی کو بھی نہیں بخشتی اور اس پر حملہ کردیتی ہے لیکن ہاتھی کے اس ہمدردانہ جذبے کے بعد یقیناً وہ ساری زندگی کسی ہاتھی پر حملہ کرنے سے گریز کرے گی۔

    یہی نہیں وہ اپنے بچے کو بھی یہ بتائے گی کہ کس طرح اس کے بچپن میں ایک ہاتھی نے اس کی مدد کی لہٰذا وہ کبھی ہاتھیوں پر حملہ نہ کرے۔

    مدد اور ہمدردی کا یہ جذبہ دیکھ کر کیا آپ اب بھی ان کو جنگلی جانور کہیں گے؟

  • شیرنی کا اپنے نگہبان سے محبت اور اعتماد کا خوبصورت تعلق

    شیرنی کا اپنے نگہبان سے محبت اور اعتماد کا خوبصورت تعلق

    شیرنی ویسے تو ایک خوفناک جانور ہے، تاہم اس کی خطرناکی میں اس وقت اور بھی اضافہ ہوجاتا ہے جب اس کے بچے چھوٹے ہوتے ہیں اور اپنی حفاظت کرنے کے قابل نہیں ہوتے۔

    شیرنی اپنے ننھے ننھے بچوں کے قریب کسی دوسرے جانور یا انسان کو ہرگز نہیں آنے دیتی اور اگر کوئی بچوں کے قریب آنے کی کوشش کرے تو اس پر نہایت جارحانہ حملہ کرسکتی ہے۔

    تاہم جنوبی افریقہ کے ایک چڑیا گھر میں موجود شیرنی اور اس کے نگہبان کا تعلق نہایت انوکھا اور اعتماد پر مبنی ہے۔

    کیون رچرڈسن نامی یہ نگہبان اپنی نرمی اور رحمدلی کے باعث شیرنی کے دل میں اپنی جگہ بنا چکا ہے یہی وجہ ہے کہ وہ اسے باآسانی اپنے ننھے بچوں کے قریب آنے دیتی ہے۔

    کیون ان بچوں کے ساتھ کھیلتا ہے اور اس دوران شیرنی دور بیٹھی انہیں دیکھتی رہتی ہے۔ اسے یقین ہوتا ہے کہ یہ نگہبان اس کے بچوں کو کوئی نقصان نہیں پہنچائے گا۔

    اکثر و بیشتر کیون تھک ہار کر شیرنی کے پنجرے میں ہی سوجاتا ہے تب شیرنی کیون کو بھی ایسے ہی پیار کرتی ہے جیسے اپنے بچوں کو کرتی ہے۔ اس کے بعد وہ بھی اس کے اوپر سر رکھ کر سوجاتی ہے۔

    ان دونوں کی محبت اور دوستی کی یہ خوبصورت ویڈیو دیکھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شیرنی کا اپنے بچوں سے لازوال محبت کا خوبصورت اظہار

    شیرنی کا اپنے بچوں سے لازوال محبت کا خوبصورت اظہار

    ماں چاہے انسان کی ہو، یا جانور کی، اپنے بچوں سے اس کی محبت لازوال اور یکساں ہوتی ہے جس کا کوئی نعم البدل نہیں ہوسکتا۔

    آپ نے کئی مادہ جانوروں کو اپنے بچوں سے انوکھے انداز میں اظہار محبت کرتے دیکھا ہوگا لیکن آج جو ویڈیو ہم آپ کو دکھا رہے ہیں اسے دیکھ کر آپ کی آنکھیں نم ہوجائیں گی۔

    یہ ویڈیو چین میں ریکارڈ کی گئی جو ایک سفید شیرنی اور اس کے 3 ننھے بچوں کی ہے۔

    ویڈیو میں دیکھا جاسکتا ہے کہ شیرنی اپنے بچوں کے ساتھ شکار کی تلاش میں گھوم رہی ہے کہ ان کے راستے میں ایک چھوٹی سی ندی آجاتی ہے۔

    شیرنی اس ندی کو باآسانی پار کرلیتی ہے لیکن جب پلٹ کر دیکھتی ہے تو اس کے بچے دوسرے کنارے پر کھڑے ندی پار کرنے سے خوفزدہ نظر آرہے ہوتے ہیں۔

    شیرنی واپس جاتی ہے اور ایک ایک کر کے اپنے بچے کو گردن سے پکڑ کر بحفاظت دوسرے کنارے پر لے آتی ہے۔ یاد رہے کہ اکثر جانور اپنے بچوں کو حفاظت کی غرض سے گردن ہی سے پکڑتے ہیں جہاں سے انہیں کوئی نقصان نہیں پہنچتا۔

    اس دوران تیسرا بچہ تھوڑی سی بہادری دکھا کر ندی کے نسبتاً کم پانی میں چھلانگیں مارتا ہوا دوسرے کنارے پر پہنچ جاتا ہے۔

    شیرنی اپنے تینوں بچوں کو لیتی ہے اور پھر سے اپنی مہم پر نکل جاتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنگلی حیات کی زندگی کے خوبصورت لمحات

    جنگلی حیات کی زندگی کے خوبصورت لمحات

    جنگلی حیات ہماری زمین کا توازن برقرار رکھنے کے لیے نہایت ضروری ہیں۔ ماہرین کا کہنا ہے کہ ہماری زمین پر موجود جانور، پرندے، پودے اور ایک ایک چیز آپس میں منسلک ہیں اور اگر کسی ایک شے کو بھی نقصان پہنچا تو اس سے پورے کرہ ارض کی زندگی متاثر ہوگی۔

    تاہم موسمیاتی تغیرات اور شکار میں بے پناہ اضافے کی وجہ سے جنگلی حیات کی کئی اقسام تیزی سے معدومی کی جانب بڑھ رہی ہیں۔ ماہرین نے خدشہ ظاہر کیا ہے کہ سنہ 2020 تک ہماری زمین سے ایک تہائی جنگلی حیات کا خاتمہ ہوجائے گا جس سے زمین کا توازن بری طرح بگڑ جائے گا۔

    آج ہم نے مختلف جنگلی حیات کی کچھ منفرد تصاویر جمع کی ہیں۔ وائلڈ لائف فوٹو گرافرز کی جانب سے کھینچی گئی ان تصاویر میں جانوروں کی زندگی کو مختلف انداز میں پیش کیا گیا ہے۔ آئیے آپ بھی ان تصاویر سے لطف اندوز ہوں۔

    10

    افریقہ کے کرگر نیشنل پارک میں ایک ندی سے پانی پیتے ہرنوں کو مگر مچھ کی جھلک نے اچھلنے پر مجبور کردیا۔

    8

    انٹارکٹیکا کا یہ پینگوئن کیمرے کو دیکھ کر شرارت سے آنکھ مار رہا ہے یا سرد ہوا نے اس کی آنکھ بند کردی، اس کا علم خود اس پینگوئن کو ہی ہے۔

    11

    جنوبی افریقہ کے ایک جنگل میں زرافے کا جادو ۔ وہ اپنی گردن درخت کے اندر سے موڑ کر باہر لے آیا۔

    5

    روس کے کوریل لیک پارک میں دو ریچھ ایک دوسرے سے دست و گریباں۔

    1

    زمبابوے کے ایک جنگل میں ایک شیرنی اس بات سے بے خبر ہے کہ اس کے پیچھے اس کی دم کو کاٹنے کے لیے کون آرہا ہے۔

    4

    بوٹسوانا میں ایک حقیقی زیبرا کراسنگ۔

    3

    نیدر لینڈز کے ایک چڑیا گھر میں ایک سمندری سیل یا سگ ماہی حسب عادت دعا مانگتے ہوئے۔

    6

    سترہ فٹ لمبے مگر مچھ کے ساتھ تیراکی۔

    12

    کینیا میں ایک ہتھنی اپنے بچوں کو بچانے کے لیے بھینسے سے لڑ پڑی۔

    7

    برازیل میں ایک مگر مچھ مچھلی کا شکار کرتے ہوئے۔

    13

    چاندنی رات میں ایک بارہ سنگھا۔

    2

    میکسیکو کے سمندر میں زیر آب جانے والے ان تیراکوں کی ہمت دیکھیئے، ایک خونخوار شارک کے ساتھ چھیڑ خانی کر رہے ہیں۔

    15

    مگر مچھ کا ایک بچہ سبز پتوں سے جھانکتے ہوئے۔