Tag: شیری رحمان

شیری رحمان نے کہا ہے کہ بھارت بلاول بھٹو کے نام سے ڈرگیا ہے اس لیے تنقید کررہا ہے، بھارت کو پہلی مرتبہ سفارتی سطح پر بدترین شکست ہوئی ہے۔

اے آر وائی نیوز کے پروگرام اعتراض ہے میں گفتگو کرتے ہوئے سینیٹر شیری رحمان نے کہا کہ بھارت نے اس وقت منفی رویہ اختیار کررکھا ہے، بھارت نے سفارتی محاذ پر 7 ٹیمیں بنائی ہیں جبکہ ہماری 2 ٹیمیں ہیں، ہمارے سوشل میڈیا اکاؤنٹس بھارت میں بند ہیں۔

پیپلزپارٹی کی سینیٹر شیری رحمان نے کہا کہ بھارت سچ چھپانے کےلیے بوکھلاہٹ کا شکار ہوگیا ہے، بھارت کو شکست ہوئی ہے یہ بات دنیا سے چھپ نہیں سکتی۔

انھوں نے کہا کہ امریکی صدرڈونلڈ ٹرمپ نے بار بار پاکستان کی تعریف کی، امریکی صدر نے واضح طور پر پاکستان کا شکریہ بھی ادا کیا، امریکی صدر ٹرمپ نے کہا کہ پاکستان کےساتھ تجارت کروں گا۔

پاکستان اور بھارت کے ڈی جی ایم اوز کے درمیان آج پھر رابطہ ہوگا

بھارت کو غصہ ہے کہ سیزفائر مانگنے کی بات سامنے کیوں آئی، ہمارے یورپ اور واشنگٹن الگ الگ وفود جائیں گے، بھارت میں اب اپوزیشن سوال اٹھارہی ہے۔

شیری رحمان کا کہنا تھا کہ بھارتی حکومت کے پاس اپوزیشن کو جواب دینے کےلیے کچھ نہیں، بھارت میں سوال اٹھ رہے ہیں کہ آپ کی الٹی تباہی ہوگئی، بھارت کوملٹری اورسفارتی سطح پربڑی شکست ہضم نہیں ہورہی۔

بھارت اپنے نقصانات بتانا نہیں چاہتا اس لیے کہہ رہا ہے حالت جنگ میں ہیں، بھارت اپنے عوام کے سامنے مسلسل جھوٹ کی فلم چلا رہا ہے۔

انھوں نے کہا کہ بھارت اپنی شکست چھپانے کےلیے کہہ رہا ہے کہ جنگ جاری ہے، بھارت اپنے ملک میں کچھ بھی بولے باہر تو سیزفائر ہی مانگا ہے۔

https://urdu.arynews.tv/1971-we-revenge-from-enemy-federal-information-minister/

اسلام آباد: سینیئر رہنما پاکستان پیپلز پارٹی سینیٹر شیری رحمان کا کہنا ہے کہ آئینی عدالت کا قیام میثاق جمہوریت کا حصہ ہے۔

پارلیمنٹ ہاؤس میں میڈیا سے گفتگو کرتے ہوئے شیری رحمان نے کہا کہ پیپلز پارٹی کی کوشش آئینی عدالت کا قیام ہے، پیپلزپارٹی آئینی عدالت کے قیام کیلیے بھرپور کوشش کر رہی ہے۔

شیری رحمان نے کہا کہ عدالتوں میں زیر سماعت پندرہ فیصد کیسز سیاسی ہیں، عدالتوں میں کیسز سالوں سال سے چل رہے ہیں، عدالتوں میں زیر التوا کیسز کی تعداد میں اضافہ ہو رہا ہے۔

انہوں نے کہا کہ آئین کی تشریح سپریم کورٹ کا حق ہے یہ طاقت کے حصول کی جنگ نہیں ہے، پارلیمان اپنا حق منوانے کیلیے کیوں کچھ نہ کرے۔

آئینی عدالتیں وقت کی ضرورت

چند روز قبل وزیر توانائی سندھ ناصر حسین شاہ نے اپنے بیان میں کہا تھا کہ چیئرمین پیپلز پارٹی بلاول بھٹو تفصیل سے آئینی عدالتوں کا بتا چکے ہیں، آئینی عدالتیں وقت کی ضرورت ہیں کیونکہ ہزاروں کیسز التوا کا شکار ہیں۔

ناصر حسین شاہ کا کہنا تھا کہ دنیا بھر میں آئینی عدالتیں ہوتی ہیں لیکن پاکستان میں ایسا کچھ نہیں ہے، سیاسی کیسز کی وجہ سے عام آدمی کے مقدمات التوا کا شکار ہو جاتے ہیں، ذوالفقار علی بھٹو کا کیس ہی دیکھ لیں ہمیں کتنے سالوں بعد انصاف ملا ہے۔

انہوں نے کہا تھا کہ مخصوص نشستوں کا بڑا چرچہ ہے کہا جا رہا ہے کہ مکمل انصاف دیا گیا، ہمیں تو آج بھی بھٹو کیس میں مکمل انصاف نہیں ملا، ذوالفقار بھٹو کو کس نے سزا سنائی کیوں سنائی انہیں تو سزا نہیں دی گئی، یہ تاثر غلط ہے کہ کسی ایک جج کو نوازنے کیلیے آئینی عدالت بنائی جا رہی ہے، فرد واحد کیلیے کوئی قانون نہیں بن رہا اور نہ ہی پیپلز پارٹی ایسی سپورٹ کرتی ہے۔

صوبائی وزیر کا کہنا تھا کہ بلاول بھٹو کا مؤقف واضح ہے کہ کسی شخص کو سامنے رکھ کر قانون سازی نہیں ہوگی، کوئی بھی ادارہ ایسا نہیں ہو سکتا کہ وہ حکومت کو جوابدہ نہ ہو، آئینی عدالتیں وقت کی ضرورت ہے دنیا بھر میں آئینی عدالتیں موجود ہیں۔

ان کا کہنا تھا کہ اٹھارویں ترمیم اور این ایف سی پر بہت باتیں کی جا رہی ہیں، شروع سے کہہ رہے ہیں کہ این ایف سی ایوارڈ میں بہتری لانی چاہیے، ہم نے یہ بھی کہا کہ اٹھارویں ترمیم پر مکمل عمل نہیں کیا گیا، اٹھارویں ترمیم پر مکمل عمل کرنا چاہیے۔

اسلام آباد : پیپلز پارٹی کی رہنما رہنما شیری رحمان کا کہنا ہے کہ مولانا فضل الرحمان بادشاہ آدمی ہیں ۔ وہ نہیں مان رہےہیں توکوئی زورزبردستی نہیں۔

تفصیلات کے مطابق پاکستان پیپلز پارٹی کی سینئر رہنما شیری رحمان نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ آئینی ترامیم سے متعلق پیپلزپارٹی کاواضح مؤقف ہے، آئینی ترامیم جب ہوتی ہیں تو ہر سیاسی جماعت اپنی ترجیحات سامنےلاتی ہے۔

جے یو آئی کے سربراہ کے حوالے سے ان کا کہنا تھا کہ مولانافضل الرحمان بادشاہ آدمی ہیں، وہ سینیٹ میں ہمارے ساتھ کام کررہے ہیں، انھوں نے آئینی ترامیم پر اپنا مؤقف پیش کیا۔

پی پی رہنما نے کہا کہ مولانا فضل الرحمان نہیں مان رہے ہیں توکوئی زورزبردستی نہیں ہے، انھوں نے کہا ہماری مجبوریاں ہیں،کچھ شقیں ڈالنا چاہتےہیں، جس کوبھی خدشات ہیں کوشش ہےپارلیمانی میز پر لائیں گے۔

ان کا مزید کہنا تھا کہ نمبر گیمز کے بغیر کچھ بھی نہیں ہوسکتا، آئینی ترامیم ہوسکتی ہیں، سیاسی ماحول میں تیزی آئی ہوئی ہے ، کوشش ہے سیاسی جماعتوں سمیت وکلا کی بھی رائے شامل ہونی چاہیے۔

انھوں نے بتایا کہ کیسز سے متعلق لوگ کہتے ہیں ہمارے لوگ انتقال کرگئے، جوتیاں تک گھس گئیں۔

اسلام آباد : سینیٹر شیری رحمان کا کہنا ہے کہ بانی پی ٹی آئی کی تفتیشی افسرکو دھمکیاں دیناکیس پراثراندازہونےکی کوشش ہے، دھمکیاں کام نہ کریں تو یہ پاؤں پکڑتے ہیں۔

تفصیلات کے مطابق پیپلز پارٹی کی سینیئر رہنما شیری رحمان نے بانی پی ٹی آئی کی تفتیشی افسر کو دھمکی پر ردعمل دیتے ہوئے کہا کہ 2019میں نیب آفیسر صدر آصف زرداری کوگرفتارکرنےآئےتھے، آصف زرداری نیب افسران کےساتھ حسن سلوک سےپیش آئے، انھوں نے نیب افسران سے چائے کا پوچھا اور ہنستے ہنستے جیل چلےگئے.

شیری رحمان کا کہنا تھا کہ رپورٹس کےمطابق بانی پی ٹی آئی نےاڈیالہ میں نیب تفتیشی افسرکودھمکیاں دی ہیں، دھمکی دی گئی نیب افسرکی وجہ سےبشریٰ بی بی جیل میں ہیں،باہرآکرنہیں چھوڑوں گا۔

انھوں نے کہا کہ تفتیشی افسرکو دھمکیاں دیناکیس پراثراندازہونےکی کوشش ہے، ریلیف نہ ملے توگریبان پکڑناان کی عادت ہے، دھمکیاں کام نہ کریں تویہ پاؤں پکڑتے ہیں۔

پیپلز پارٹی کی سینیئر رہنما کا کہنا تھا کہ نیب قوانین میں ترامیم کی بحالی کےبعدبعدیہ ریلیف مانگ رہے ہیں۔

اسلام آباد : پاکستان کے سیاسی رہنماؤں نے حماس کے سربراہ اسماعیل ہنیہ کے قتل کی مذمت کردی اور کہا ایران کی خود مختاری پر حملہ کیا گیا۔

تفصیلات کے مطابق نائب صدر پیپلزپارٹی شیری رحمان نے حماس رہنما اسماعیل ہنیہ کے قتل کی مذمت کرتے ہوئے کہا کہ اسرائیل کا ایران میں حملہ کھلی مداخلت ہے، ہنیہ کا قتل کرکے اسرائیل نے پیغام دیاکہ ہمیں کوئی روک نہیں سکتا۔

شیری رحمان کا کہنا تھا کہ ایران میں نئے صدر کی حلف برداری تھی اورایسا حملہ کیا گیا، دنیابھرسےمعززمہمان ایرانی صدرکی حلف برداری تقریب میں آئےتھے ، تہران کی سرزمین پرحملےسےظاہرہوتاہےاسرائیل جنگ بندی میں سنجیدہ نہیں،اسرائیل نےایران کی خود مختاری پر حملہ کیا ہے۔

نائب صدر پیپلزپارٹی نے مزید کہا کہ اسرائیل جنگ کو پھیلانا چاہتاہے اور مشرق وسطیٰ کوعدم استحکام کا شکار کرنا چاہتاہے، اسرائیل اقدام سے مشرق وسطیٰ کے حالات مزیدبگڑسکتےہیں ، مشرق وسطیٰ کے حالات کشیدہ ہونگے تو اثرات پوری دنیاپرپڑیں گے۔

ان کا کہنا تھا کہ اسرائیل کےاس حملے کے بعد اب دنیا بھی ملوث ہوگی، دنیاکوبھی سوچناہوگاکہ کس طرف جارہے ہیں۔

شیری رحمان نے کہا کہ اسرائیل ڈنکے کی چوٹ پرآپریٹ کررہاہے، اسرائیل کیلئےعالمی قوانین کی کوئی حدنہیں ہے، مسلسل عالمی قوانین کی دھجیاں اڑارہاہے، دنیاکواب ایکشن لیناچاہیے،اسرائیل کوچھوٹ نہیں دی جاسکتی۔

حالات مزید کشیدہ ہوں گے، مشاہد حسین سید

سینئر سیاستدان مشاہد حسین سید نے حماس رہنما کی شہادت پر حالات مزید کشیدہ ہونے کا خطرہ ظاہر کرتے ہوئے کہا کہ ایران ردعمل ضرور کرے گا۔

مشاہد حسین سید کا کہنا تھا کہ ایران کی خودمختاری پر حملہ کیاگیا، ایران کی طرف سے2قسم کے جواب ہوسکتےہیں، اسرائیل مخالف ممالک کی طرف سےردعمل ہوسکتاہے یا ایران براہ راست پر بھی کوئی جواب دے سکتا ہے۔

حماس رہنما کے خاندان کی شہادت لہو سے لکھی قربانیوں کی تاریخ کا نیا باب ہے، فواد چوہدری

سابق وزیر فواد چوہدری نے بھی حماس رہنما کی شہادت پر کہا کہ عید پراسماعیل ہنیہ کے3بیٹوں اور 4 پوتوں کو بمباری میں شہیدکیاگیا، اب تہران میں اسماعیل ہنیہ کوان کےگھر میں شہید کر دیا گیا، فلسطین کی تاریخ قربانیوں سے عبارت ہے.

سابق وفاقی وزیر کا کہنا تھا کہ حماس رہنما کےخاندان کی شہادت لہو سے لکھی قربانیوں کی تاریخ کا نیا باب ہے۔