Tag: شیری رحمان

اسلام آباد : وفاقی وزیر موسمیاتی تبدیلی شیری رحمان کا کہنا ہے کہ بپر جوائے 10سال میں پہلا طوفان ہے جو پاکستان کی طرف آیا ہے ، حکومت کی تمام تیاریاں مکمل ہیں ملٹری اور سول ادارے ملکر کام کررہے ہیں۔

تفصیلات کے مطابق وفاقی وزیر موسمیاتی تبدیلی شیری رحمان نے پریس کانفرنس کرتے ہوئے کہا کہ طوفان بیپرجوائے کی رفتار پہلے سے کم ہوئی ہے اور کراچی کی طرف سے طوفان کارخ مڑ چکا ہے، طوفان بیپرجوئےشمال کی طرف شفٹ ہوا ہے۔

شیری رحمان کا کہنا تھا کہ لینڈ فال ہو نہ ہو کیٹی بندر بہت نزدیک ہے ،طوفان ٹھٹھہ سے 235اور کراچی سے 230 کلومیٹر اور کیٹی بندر سے 155کلو میٹر دور ہے ، جس کے باعث ہوائیں 120سے140 کلومیٹر گھنٹہ کی رفتارسےچل رہی ہیں اور سمندر میں 30،30 فٹ کی لہریں ہیں۔

وفاقی وزیر موسمیاتی تبدیلی نے بتایا کہ کراچی، حیدرآباد، دادو، ٹنڈو الہ یار میں بارش متوقع ہے ، سجاول،عمر کوٹ، ٹھٹھہ میں شدید بارش ہوسکتی ہے جبکہ تھرپارکر میں بھی طوفان کے اثرات ہوں گے۔

انھوں نے کہا کہ نقل مکانی کرنے والے افراد کیلئے6 3 کیمپس بنائے گئے ہیں ،اسٹینڈ بائے پر 106کیمپس بنائے گئے ہیں۔

وفاقی وزیر کا مزید کہنا تھا کہ طوفان آنے کے بعد فیڈرز پر اثر پڑے گا ، ساحلی علاقوں میں 90فیڈرز ہیں جو متاثر ہوسکتے ہیں۔

شیری رحمان نے بتایا کہ 10سال میں پہلا طوفان ہے جو پاکستان کی طرف آیا ہے ،حکومت کی تمام تر تیاریاں مکمل ہیں ،ملٹری اور سول ادارے ملکر کام کررہے ہیں اور نقل مکانی کرنیوالوں کو پکا ہوا کھانا اور پانی فراہم کیا جارہا ہے۔

انھوں نے مزید بتایا کہ سجاول گرڈ کی رپیئرنگ کی جارہی ہے ، پاور ڈویژن کی مزید ٹیمیں بھجوائی گئی ہیں جبکہ آئی ٹی منسٹری انٹرنیٹ اور فائبر کیبل کی صورتحال پر نظر رکھے ہوئے ہیں۔

کراچی ، حیدرآباد ، سکھر ، موہنجوڈارو ، نواب شاہ کے ایئرپورٹ متاثر ہوں گے تاہم کمرشل فلائٹس کو ابھی معطل نہیں کیا گیا۔

اسلام آباد: وفاقی وزیر موسمیاتی تبدیلی شیری رحمان کا کہنا ہے کہ طوفان پاکستان کے ساحلی علاقوں سے ضرور ٹکرائے گا، عوام طوفان کی صورتحال کومعمولی نہ سمجھیں۔

تفصیلات کے مطابق وفاقی وزیر موسمیاتی تبدیلی شیری رحمان نے پریس کانفرنس کرتے ہوئے کہا کہ سمندری طوفان کو کافی دنوں سے مانیٹر کر رہے ہیں، این ڈی ایم اے صوبائی اداروں کے ساتھ کام کر رہا ہے، طوفان غیر متوقع طور پر رفتار اور راستہ بدل سکتے ہیں۔

شیری رحمان کا کہنا تھا کہ طوفان اب تھوڑا بہت پاکستان کی طرف رخ کر چکا ہے، بلوچستان کی طرف طوفان کی شدت کم سندھ میں خطرات زیادہ ہیں اور سندھ میں متعلقہ ادارے ہائی الرٹ ہیں۔

وفاقی وزیر موسمیاتی تبدیلی نے بتایا کہ طوفان پاکستان کے ساحلی علاقوں سے ضرور ٹکرائے گا، تمام اداروں سے رابطے میں ہیں، اب طوفان نارتھ کی طرف جارہا ہے۔

ان کا کہنا تھا کہ طوفان کے حوالے سے بدین اور ٹھٹھہ ہائی رسک ایریاز ہیں، 14 سے 16 جون تک مزید علاقے تیز بارشوں اور ہواؤں کی زد میں ہوں گے۔

شیری رحمان نے بتایا کہ طوفان کے اثرات دوسرے علاقوں میں پہنچیں گے، کراچی کو لوگ سی ویو خالی کرنا چاہیں تو ضرور کریں،ٓ سولر پینل، چھتیں، کمزور مکان ہواؤں اور بارشوں کی زد میں آسکتے ہیں۔

وفاقی وزیر نے کہا کہ کراچی میں بھی ہنگامی حالات ہیں، عوام طوفان کی صورتحال کومعمولی نہ سمجھیں، ماہی گیر طوفان کی وارننگ کو سنجیدگی سے لیں۔

ان کا کہنا تھا کہ سمندری طوفان آئندہ چند دنوں میں پاکستان پہنچ جائے گا، طوفان بھارت سے پاکستان کی طرف رخ کر چکا ہے، سمندری طوفان بلوچستان کی طرف رخ کر رہا ہے، جس کے باعث تیز ہواؤں اور بارشیں برسنے کا سبب بنے گا۔

شیری رحمان نے مزید کہا کہ سجاول آدھااورکیٹی بندرکو تقریباًخالی کرالیاگیا ہے، کئی علاقوں سےلوگوں کازبردستی انخلاکرایاجارہا ہے،جان ہے تو جہان ہے۔

وزیر موسمیاتی تبدیلی نے کہا کہ آج شام وزیر اعظم کو سائیکلون سے متعلق بریفنگ دیں گے، سندھ سیلاب سے سب سے زیادہ متاثر ہوا تھا، کوشش ہوگی کہ لوگوں کو ریلیف کیمپ سے گھروں تک لے جائیں، ہم چاہتے ہیں فلڈ ریلیف کا تخمینہ الگ کیا جائے.

اسلام آباد : سینٹر شیری رحمان نے مارکیٹوں کو جلد بند کرنے مطالبہ کرتے ہوئے کہا توانائی کی بچت ضروری ہےکیونکہ ہم توانائی درآمد کرکے ضرورت پوری کرتے ہیں۔

تفصیلات کے مطابق سینیٹ کی قائمہ کمیٹی برائے خزانہ کا اجلاس ہوا ، جس میں سینٹر شیری رحمان نے مطالبہ کیا کہ ہمیں معاشرتی رویوں کو تبدیل کرنا ہوگا، مارکیٹوں کو جلد بند کرنا ہوگا۔

شیری رحمان کا کہنا تھا کہ توانائی کی بچت ضروری ہےکیونکہ ہم توانائی درآمد کرکے ضرورت پوری کرتے ہیں، دوست ملک ہم سے پوچھتے ہیں کہ پاکستان اس وقت کیا اصلاحات کررہا ہے۔

پی پی رہنما نے کہا کہ ملک میں موسمیاتی تبدیلی کی وجہ سے جی ڈی پی کا 11 فیصد نقصان ہوا ہے، موسمیاتی تبدیلی کی وجہ سے نقصانات پر قابو پانا بھی ضروری ہے۔

اسلام آباد : پیپلز پارٹی کی سینیٹر شیری رحمان نے کہا ہے کہ عمران خان ایک طرف اداروں پر الزامات تو دوسری طرف ان سے ملاقاتوں کی درخواستیں کر رہے۔

پیپلز پارٹی کی سینیٹر شیری رحمان نے ٹوئٹ میں کہا ہے کہ عمران خان کے الزامات افسوسناک اور قابل مذمت ہیں،  بار  بار اداروں پر جو الزمات لگا رہے ہیں جو انتہائی خطرناک  ہیں۔

وہ بغیر ثبوت کے الزامات لگا رہے ہیں۔ایک طرف اداروں پر الزامات تو دوسری طرف ان سے ملاقاتوں کی درخواستیں کررہے۔ عمران خان پر گزشتہ سال 3 نومبر کو حملہ ہوا جس کی ہم سب نے مذمت کی، جنوری 12 تک ان کی پنجاب میں حکومت قائم تھی۔ان کی صوبائی حکومت نے اس حملے کے حوالے سے کیا تحقیقات کی؟2/3

— SenatorSherryRehman (@sherryrehman) May 9, 2023

ان کا کہنا تھا کہ اس طرح کے بے بنیاد اور اشتعال انگیز الزامات سے وہ کارکنان کو اکسا رہے ہیں، عمران خان  بغیر ثبوت کے الزامات لگا رہے ہیں، ایک طرف اداروں پر الزامات تو دوسری طرف ان سے ملاقاتوں کی درخواستیں کررہے۔

شیری رحمان نے کہا کہ  عمران خان پر گزشتہ سال 3 نومبر کو حملہ ہوا جس کی ہم سب نے مذمت کی، جنوری 12 تک ان کی پنجاب میں حکومت قائم  تھی، ان کی صوبائی حکومت نے اس حملے کے حوالے سےکیا تحقیقات کیں؟۔

سینیٹر شیریں رحمان کا کہنا تھا کہ سابق وزیر اعلی پنجاب خود عمران خان کے الزامات مسترد کر چکے ہیں،  عمران خان کہہ رہے کرپٹ لوگوں کےخلاف ایکشن لینے سے ادارے کی ساکھ بڑھتی ہے لیکن اپنے دور میں انہوں نے اپنے وزراء کی کرپش پر کسی کے خلاف ایکشن نہی لیا۔

اسلام آباد: سینیٹر شیری رحمان نے کہا ہے کہ صدر عارف علوی کا بل پر مشروط دستخط کرنے کا بیان افسوسناک ہے۔

وفاقی وزیر اور سینیٹر شیری رحمان نے ٹوئٹ میں لکھا ہے کہ سپریم کورٹ پریکٹس اینڈ پروسیجربل سینیٹ میں پیش ہو رہا ہے، بارکونسلز، قانونی ماہرین نے نئی قانون سازی کو مثبت قرار دیا ہے۔

تحریک انصاف کی سابق حکومت کی طرح بل کو پارلیمانی قوائد و ضوابط کی خلافورزی کر کے بلڈوز نہیں کیا گیا۔ ہم آئین اور 18ویں ترمیم پاس کرانے والی جماعت ہیں۔ صدر عارف علوی اور تحریک انصاف کے رہنما ہمیں قانون سازی اور مشاورت کا طریقہ کار نا سکھائیں۔ 3/3

— SenatorSherryRehman (@sherryrehman) March 30, 2023

انہوں نے کہا کہ قانون سازی پارلیمان کاحق اورذمہ داری ہے، اس بل سے کسی کے اختیار کو محدود نہیں کیا گیا نا ہی شخصی اختیارات کو عدالتی اختیار میں تبدیل کیا ہے۔

شیری رحمان نے ٹوئٹ میں لکھا کہ صدر عارف علوی کا بل پر مشروط دستخط کرنے کا بیان افسوسناک ہے، صدر پی ٹی آئی کارکن بن کر پارٹی پالیسی کا دفاع کرنے لگ جاتے ہیں، بل قوائدوضوابط اور آئینی طریقہ کار کے مطابق پاس کیا گیا ہے۔

سینیٹر شیری رحمان نے مزید کہا کہ بل کو پارلیمانی قوائد و ضوابط کی خلاف ورزی کر کے بلڈوز نہیں کیاگیا، ہماری جماعت آئین اور 18ویں ترمیم پاس کرانے والی جماعت ہے۔

انہوں نے مزید کہا کہ صدر عارف علوی تحریک انصاف کے رہنما ہیں، وہ ہمیں قانون سازی اور مشاورت کا طریقہ کار نہ سکھائیں۔

اسلام آباد : پیپلز پارٹی کی سینیٹر شیری رحمان نے مطالبہ کیا ہے کہ  آئینی اور انتخابی تنازعہ کا حل صرف فل کورٹ بینچ میں ہے۔

تفصیلات کے مطابق پیپلز پارٹی کی سینیٹر شیری رحمان نے سماجی رابطے کی ویب سائٹ ٹوئٹر پر اپنے بیان میں کہا ہے کہ عدلیہ کی ذمہ داری ہے اپنے اوپر اٹھنے والے سوالات، ابہام دور کرنےکیلئے فل کورٹ بینچ بنائے۔

انہوں نے کہا کہ حکومت پہلے بھی اس معاملے پر فل بینچ کا مطالبہ کر چکی ہے، اب تک بار کونسلز اور قانونی ماہر اس بات پر بھی متفق نہیں ہو سکے۔

اعلی عدلیہ کا فرض ہے کے بینچ کے اندر اٹھنے والے اعتراضات پر نظر ثانی کرے۔ فل کورٹ بینچ نا بنا تو عدلیہ اور فیصلے کی غیر جانبداری پر مزید سوالات اٹھے گے، معاملہ سلجھنے کے بجائے مزید الجھ جائے گا۔ انتخابات اور آئین کے اس معاملے میں مزید ابہام پیدا کرنے کی کوئی گنجائش نہیں۔ 3/3

— SenatorSherryRehman (@sherryrehman) March 28, 2023

شیری رحمان نے ٹوئٹ میں لکھا کہ ’ پنجاب اور کے پی میں انتخابات کا عدالتی فیصلہ 3 دو کا ہے یا 4 تین کا، آئینی اورانتخابی تنازعہ کاحل صرف فل کورٹ بینچ میں ہے‘۔

پیپلز پارٹی کی سینیٹر اور وفاقی وزیر شیری رحمان نے مزید کہا کہ 2 ججز نے جو عدلیہ کے اختیارات پر سوالات اٹھائے ہیں وہ بھی سنجیدہ نوعیت کے ہیں۔