Tag: شیری رحمان

اسلام آباد: مقبوضہ کشمیر میں بھارتی فورسز کے مظالم میں بے پناہ اضافہ ہو گیا ہے، نہتے کشمیریوں نے بھارتی قبضے کے خلاف سخت احتجاج شروع کر دیا ہے، جس پر بھارتی فورسز نے گولیاں چلا دیں۔

ادھر پاکستان میں حکومتی اور اپوزیشن سے تعلق رکھنے والے سیاست دانوں نے متفقہ طور پر نہتے کشمیریوں پر مظالم کی شدید مذمت کی ہے۔

معاون خصوصی برائے اطلاعات فردوس عاشق اعوان نے کہا ہے کہ مودی نئے دور کا ہٹلر ہے، کشمیر پر حملہ پاکستان پر حملے کے مترادف ہے، بھارت کشمیر کا جغرافیہ بدلنا چاہ رہا ہے، کشمیری اپنے حق کے لیے کھڑے ہوئے ہیں۔

انھوں نے کہا کہ کشمیر کو گھیرے میں لے کر جیل میں تبدیل کر دیا گیا ہے، بھارت کشمیریوں کے حق کی آواز طاقت سے دبانا چاہتا ہے، لیکن یہ کرفیو زیادہ دیر نہیں چل سکے گا، مقبوضہ وادی لہو لہو ہے، آزادی کی تحریک ضرور کام یاب ہوگی۔

تازہ ترین خبریں پڑھیں:  یوم آزادی پر کشمیر سے منسوب لوگو تیار، کشمیری جھنڈے کی طلب بھی بڑھ گئی

وزیر ریلوے شیخ رشید احمد نے بھی کشمیریوں پر مظالم کے خلاف آواز بلند کرتے ہوئے کہا ہے کہ کشمیری کرفیو میں بھی نکل آئے ہیں، ابھی تھوڑا صبر کریں بہت کچھ ہونے والا ہے، مودی سرکار کے آخری دن شروع ہو گئے ہیں، کشمیریوں کی جدوجہد مزید تیز ہوگی۔

وفاقی وزیر برائے مواصلات مراد سعید کہتے ہیں آج کشمیر کا بچہ بچہ بھارتی فوج کے لیے برہان وانی بن گیا ہے، کشمیری کرفیو میں بھی نکل کر کہہ رہے ہیں ہم چاہتے ہیں آزادی، مودی کا اصل چہرہ نئے دور کے ہٹلر کے طور پر سامنے آ گیا ہے۔

انھوں نے کہا کہ مقبوضہ کشمیر میں نہتے لوگوں پر فائرنگ کی گئی، ان کی آواز دبانے کی کوشش کی گئی، برہان وانی کی شہادت کے بعد تحریک آزادی مزید بڑھی، کشمیری کہتے ہیں ہم نے بھارتی آئین کو تو کبھی تسلیم ہی نہیں کیا تھا، بھارت نے خود اپنی بربادی کا آغاز کر دیا، انشاء اللہ کشمیر آزاد ہوگا۔

پیپلز پارٹی سے تعلق رکھنے والی سینئر رہنما سینیٹر شیری رحمان نے کہا بھارت نے مقبوضہ کشمیر کو جیل بنا دیا ہے، مودی سرکار کو منہ کی کھانا پڑے گی، بڑے دکھ کی بات ہے عالمی برادری مقبوضہ کشمیر میں یہ سب ہونے دے رہی ہے، مقبوضہ کشمیر کی کہانی بھارت کسی صورت نہیں دبا سکتا، بھارت غیر قانونی اقدام سے کچھ حاصل نہیں کر سکے گا۔

اسلام آباد: پاکستان پیپلز پارٹی کی رہنما سینیٹر شیری رحمان نے پروڈکشن آرڈر قوانین میں ترمیم کے فیصلے پر ردِ عمل دیتے ہوئے کہا ہے کہ پروڈکشن آرڈر کا طریقہ ساری دنیا میں مستعمل ہے۔

تفصیلات کے مطابق پروڈکشن آرڈر سے متعلق وزیر اعظم کی ہدایت پر شیری رحمان نے کہا ہے کہ پروڈکشن آرڈر کے طریقے پر ساری دنیا میں عمل ہو رہا ہے، حکومت احتساب کو پالیسی سے نہ الجھائے۔

رہنما پیپلز پارٹی کا کہنا تھا کہ جب کوئی ملک سے باہر جانے کی بات نہیں کر رہا تو شور کس بات کا ہے، حکومت پروڈکشن آرڈر سے متعلق شور کیوں مچا رہی ہے۔

سینیٹر شیری رحمان نے کہا کہ احتساب کو سیاسی انتقام کے لیے استعمال نہ کیا جائے، آپ چور ڈاکو کہتے ہیں اور یہاں لفظ سلیکٹڈ برداشت نہیں ہوتا۔

یہ بھی پڑھیں:  منی لانڈرنگ اور کرپٹ ارکان کے پروڈکشن آرڈر جاری نہیں ہونے چاہئیں، وزیراعظم

واضح رہے کہ آج وزیر اعظم عمران خان نے وفاقی کابینہ کے اجلاس میں ہدایت کی کہ اراکین پارلیمنٹ کے پروڈکشن آرڈر سے متعلق قوانین میں ترمیم کی جائے، جس کے بعد یہ معاملہ وزارت قانون کے سپرد کر دیا گیا۔

اجلاس میں وزیر اعظم نے کہا کہ منی لانڈرنگ اور اور کرپشن میں ملوث ارکان کے پروڈکشن آرڈر جاری نہیں ہونے چاہئیں اور نہ ایسے قیدیوں کو جیل میں سیاسی قیدی کا درجہ ملنا چاہیے۔

انھوں نے مزید کہا کہ جن پر پیسے چوری کرنے کا الزام ہے وہ اسمبلی میں تقرریں کیسے کر سکتے ہیں، یہ ہمیں سلیکٹڈ کس منہ سے کہتے ہیں، یہ تاریخی خسارہ چھوڑ کر گئے ہیں۔

اسلام آباد: سینیٹر شیری رحمان نے حکومت کی طرف سے بلاول بھٹو کے خلاف قرارداد پر ردِ عمل دیتے ہوئے کہا ہے کہ اپوزیشن کا کام ہی تنقید اور احتساب کرنا ہے۔

تفصیلات کے مطابق سینیٹر شیری رحمان نے کہا ہے کہ تحریک انصاف نے ساری عمر دوسروں پر تنقید کی ہے، اب خود تنقید سننے کا حوصلہ نہیں ہے، جب کہ اپوزیشن کا تو کام ہی تنقید ہے۔

شیری رحمان نے کہا کہ ہم بلاول بھٹو کے خلاف قرارداد کی مذمت کرتے ہیں، حکومت کرنی ہے تو تنقید سننے کا حوصلہ پیدا کریں۔

پی پی رہنما کا کہنا تھا کہ قومی اسمبلی میں بلاول بھٹو زرداری کے الفاظ پر پابندی لگائی جا رہی ہے، لیکن ایسے ہتھکنڈوں سے بلاول بھٹو کو خاموش نہیں کرایا جا سکتا۔

یہ بھی پڑھیں:  اسپیکر کے خلاف توہین آمیز الفاظ، بلاول بھٹو کے خلاف مذمتی قرار داد منظور

خیال رہے کہ آج ارکان قومی اسمبلی نے بلاول بھٹو زرداری سے اسپیکر کے خلاف توہین آمیز الفاظ استعمال کرنے پر معافی مانگنے کا مطالبہ کر دیا تھا، ارکان نے بلاول بھٹو کے خلاف مذمتی قرار داد بھی منظور کی۔

گزشتہ روز بجٹ کی منظوری کے بعد ایوان کے باہر بلاول بھٹو زرداری کی جارحانہ تقریر کے خلاف مذمتی قرار داد جمع کروائی گئی۔

جس کے بعد اسپیکر کے حق میں تحریک انصاف کی سینئر پارلیمانی قیادت سامنے آ گئی، مذمتی قرار داد پر پرویز خٹک، شاہ محمود قریشی، شیریں مزاری، اسد عمر اور شفقت محمود نے دستخط کیے۔

اسلام آباد: سینیٹر شیری رحمان نے اسپیکر قومی اسمبلی سے آصف زرداری کے پروڈکشن آرڈر کا مطالبہ کیا ہے، پی پی رہنما نے کہا کہ گرفتار اراکین کے پروڈکشن آرڈرز کا اجرا اسپیکر کی ذمہ داری ہے۔

تفصیلات کے مطابق شیری رحمان نے اسپیکر سے آصف زرداری کے پروڈکشن آرڈر کا مطالبہ کرتے ہوئے کہا ہے کہ اسپیکر بلا تاخیر جمعے کے لیے آصف زرداری کے پروڈکشن آرڈرز جاری کریں۔

سینیٹر شیری رحمان کا کہنا تھا کہ آصف زرداری کے پروڈکشن آرڈرز کے فوری اجرا پر سمجھوتا نہیں ہوگا، فوری پروڈکشن آرڈر جاری نہ ہوا تو اسے متعصبانہ رویہ سمجھا جائے گا۔

دوسری طرف پاکستان پیپلز پارٹی عوامی رابطہ مہم کے لیے سرگرم ہو گئی ہے، مہم کے سلسلے میں کوآرڈینیشن کمیٹی کا اعلان کر دیا گیا ہے۔

یہ بھی پڑھیں:  آصف زرداری کا آر آئی سی میں طبی معائنہ، صحت تسلی بخش قرار

سابق وزیر اعظم یوسف رضا گیلانی، راجہ پرویز اشرف کمیٹی کا حصہ ہوں گے، فرحت اللہ بابر، نیئر بخاری، قائم علی شاہ، تاج حیدر، نجم الدین خان، صابر بلوچ بھی شامل ہوں گے۔

پیپلز پارٹی کے صوبائی پارٹی صدور اور جنرل سیکریٹریز بھی کمیٹی کا حصہ ہوں گے، پی پی آزاد جموں کشمیر، گلگت بلتستان کے صدور بھی کمیٹی میں شامل ہوں گے۔

پیپلز پارٹی کی یہ کوآرڈینیشن کمیٹی عوامی رابطہ مہم سے متعلق امور دیکھے گی۔

اسلام آباد: سینیٹر شیری رحمان نے تیل کی قیمتوں میں اضافے پر رد عمل دیتے ہوئے کہا ہے کہ حکومت نے 9 ماہ میں مہنگائی اور بے روزگاری کے علاوہ کچھ نہیں دیا۔

تفصیلات کے مطابق پی پی رہنما شیری رحمان نے کہا کہ انقلابی سرکار نے گزشتہ 9 ماہ میں تیل کی قیمت میں 20 روپے اضافہ کیا جب کہ عالمی منڈی میں تیل کی قیمتوں میں 3 فی صد کمی ہوئی۔

شیری رحمان نے کہا کہ حکومت کے پاس تیل کی قیمتیں بڑھانے کا کوئی جواز نہیں، کیا بجٹ سے چند دن پہلے قیمتوں میں اضافہ آئی ایم ایف کے کہنے پر کیا گیا ہے؟

انھوں نے کہا کہ ثابت ہو چکا ہے معیشت آئی ایم ایف کے حوالے کر دی گئی ہے۔

یہ بھی پڑھیں:  پیٹرول مہنگا ہونے سےگھبرانا نہیں ! ابھی آئی ایم ایف کا بجٹ آنا ہے،مریم اورنگزیب

خیال رہے کہ حکومت کی جانب سے پٹرولیم مصنوعات کی قیمتوں میں اضافہ کر دیا گیا ہے، پٹرول کی قیمت میں 4 روپے 26 پیسے اضافے کے بعد پٹرول 112 روپے 68 پیسے کا ہو گیا ہے۔

مسلم لیگ ن کی رہنما مریم اورنگ زیب نے بھی قیمتوں میں اضافے پر رد عمل میں کہا کہ عید سے چند دن پہلے پٹرول کی قیمت میں اضافہ عوام دشمنی ہے، گھبرانا نہیں، ابھی آئی ایم ایف کا بجٹ آنا ہے، جب بجٹ آئی ایم ایف بنائے گا تو پیشگی عیدی کی اقساط آئیں گی۔

اسلام آباد: پاکستان پیپلز پارٹی کے رہنماؤں نے کارکنوں کی ہنگامہ آرائی پر پولیس تشدد کے خلاف رد عمل دیتے ہوئے کہا ہے کہ ہم قانون پر یقین رکھنے والے لوگ ہیں لیکن تنگ کیا گیا تو دما دم مست قلندر ہوگا۔

تفصیلات کے مطابق جیالوں پر پولیس کی جانب سے واٹر کینن کے استعمال اور گرفتاریوں پر سابق وزیر اعظم اور پی پی رہنما راجہ پرویز اشرف نے دھمکی دیتے ہوئے کہا ہے کہ ہم پر امن اور قانون پر یقین رکھنے والے لوگ ہیں، لیکن کارکنوں کو تنگ کیا گیا تو دما دم مست قلندر ہوگا۔

سینیٹر شیری رحمان نے بھی کہا ہے کہ تبدیلی والے ایک نہتے لڑکے سے ڈرتے ہیں، کارکنان کو گرفتار اور سخت گرمی میں تشدد کیا گیا۔

شیری رحمان نے ٹویٹر اکاؤنٹ پر اپنے پیغام میں کہا کہ نیب دفتر جاتے ہوئے کارکنوں پر شیلنگ کی گئی اور واٹر کینن کا استعمال کیا گیا، ہمارے ورکرز کو گرفتار اور سخت گرمی میں تشدد کیا گیا۔

ان کا کہنا تھا کہ اسلام آباد بند کر دیا گیا ہے، یہ لاٹھی گولی کی سرکار کس سے ڈرا رہے ہیں؟ تمام کوششوں کے با وجود یہ کسی کو روک نہیں سکیں گے۔

یہ بھی پڑھیں:  قانون ہاتھ میں لیں گے تو قانون حرکت میں آئے گا: فیصل جاوید کا جیالوں کی ہنگامہ آرائی پر رد عمل

پیپلز پارٹی کی رکن قومی اسمبلی شازیہ مری نے کہا کہ اسلام آباد پولیس کی کارکنوں کی گرفتاریاں نا قابل برداشت ہیں، رکن قومی اسمبلی شازیہ ثوبیہ اور مسرت مہیسر کو بھی گرفتار کیا گیا ہے۔

انھوں نے کہا کہ کارکنوں پر لاٹھی چارج اور آنسو گیس کی شیلنگ کی گئی، پولیس نے خواتین پارلیمنٹرینز اور کارکنان پر بھی تشدد کیا۔

پی پی رہنما چوہدری منظور نے بھی کہا کہ جیالوں کو روکنا بزدلانہ کارروائی ہے، حکومت بلاول بھٹو کی للکار سے گھبرا چکی ہے۔