Tag: شیری مزاری

اسلام آباد : تحریک انصاف کی رہنما شیریں مزاری کا کہنا ہے کہ رانا ثنا اور خواجہ آصف تشدد پر اتر آئے ہیں،اتنا خوف کس بات کا ہے، لگتا ہے ہمیں سکھانا پڑے گا۔

تفصیلات کے مطابق پی ٹی آئی سیالکوٹ کے جلسے میں ضلع انتظامیہ کارروائی کے بعد صورتحال گھمبیر ہوگئی ، انتظامیہ کے ایکشن پر شیریں مزاری نے شدید مذمت کی۔

تحریک انصاف کی رہنما شیریں مزاری نے کہا ہے کہ پہلے راناثنا دھمکیاں دے رہا تھا اب امپورٹڈ وزیر دفاع بھی خوفزدہ ہو گیا, کیونکہ پی ٹی آئی کے جلسوں میں سارے پاکستان سے لوگ جمع ہو رہے ہیں۔

شیریں مزاری کا کہنا تھا کہ رانا ثنا اور خواجہ آصف پر امن کارکنان پر تشدد پر اتر آئے ہیں، نہتے کارکنان پر آنسو گیس کا استعمال کیا گیا اسٹیج کی توڑ پھوڑ کی گئی۔

انھوں نے کہا کہ اتنا خوف کس بات کا کیا یہ اس طرح لوگوں کو روک لیں گے، کیا ایسی پکڑ دھکڑ سے کارکنان گھروں میں بیٹھ جائیں گے، انہوں نے سبق نہیں سیکھا، لگتا ہے ہمیں سکھانا پڑے گا۔

رہنما پی ٹی آئی کا کہنا تھا کہ جب قوم کھڑی ہو جاتی ہے تو کوئی نہیں روک سکتا، پولیس سے تشدد اور غنڈہ گردی کروا رہے ہیں، اپنے لوگوں پر پولیس اور ریاست کی دہشت گردی کر رہے ہو؟

شیریں مزاری نے وارننگ دیتے ہوئے کہا بچ کے رہو، کیا کارکنان کی پکڑ دھکڑ اور ماردھاڑرجیم چینج سازش کا حصہ ہے؟ آپ کو قوم کو جواب دینا ہو گا۔

انھون نے راناثنا اور خواجہ آصف اورامپورٹڈ چور کو مخاطب کرتے ہوئے کہا کان کھول کر سن لو، ہمارے جلسے جاری رہیں گے 20 تاریخ کو عمران خان کال دے گا ، ہم نہ ڈرے ہیں نہ ڈریں گے، آپ کی ابھی سے ٹانگیں کانپ گئیں ابھی تو 20 تاریخ آئی نہیں۔

اسلام آباد : : وزیر برائے انسانی حقوق شیریں مزاری نے کہا کیا مجھے سیاسی ماہرہونے کیلئے سیاست میں ڈگری کی ضرورت ہے ؟ انسانی حقوق کی ڈگری نہیں تو کیا ٹی وی پربات کرسکتی ہوں؟

تفصیلات کے مطابق وزیر برائے انسانی حقوق شیریں مزاری نے سماجی رابطے کی ویب سائٹ ٹوئٹر پر سوال کیا کیامجھےسیاسی ماہرہونےکیلئےسیاست میں ڈگری کی ضرورت ہے، کون ایکسپرٹ ہے اس بارے میں بحث کا آغازہوا ہے، انسانی حقوق کی ڈگری نہیں توکیا ٹی وی پربات کرسکتی ہوں ؟ کیا مہارت ڈگری سے آتی ہے۔

Do I need a degree in IR/Strategic Studies to discuss foreign/def policy? what degree do I need to talk about Information? Is expertise defined by a degree? Finally we have a debate at an abstract level media shd focus on! But what "experts" wld be needed for such a debate on TV?

— Shireen Mazari (@ShireenMazari1) October 28, 2019

یاد رہے چند روز قبل شیری مزاری نے چیمر آف کامرس فیصل آباد کے دورے میں خطاب کرتے ہوئے کہا تھا کہ خواجہ آصف نےگالیاں دیں،ڈھیٹ ہوں جو سیاست نہیں چھوڑ رہی، معاشرے میں خواتین کوعزت نہیں دی جاتی، اسی وجہ سے خواتین سیاست میں نہیں آتیں۔

مزید پڑھیں : خواتین عزت نہ ملنے کی وجہ سے سیاست میں نہیں آتیں، شیریں مزاری

شیری مزاری کا کہنا تھا کہ غیر ملکی امداد سے چلنے والی مقامی این جی اوز پاکستان کے خلاف پروپیگنڈا کرتی ہیں، بعض عالمی این جی اوز کا ایجنڈا غلط تھا اس لیے انہیں کام کرنے کی اجازت نہیں دی گئی۔

وفاقی وزیر نے کہا تھا کہ تاجروں کےحقیقی مسائل سے متعلق وزیراعظم سے بات کروں گی، کاروبار میں بھی انسانی حقوق دیکھےجائیں، وزارت انسانی حقوق بچوں کا استحصال روکنے کے لئے کام کررہی ہے، ہم خواجہ سرا ہوم بنارہے ہیں، انہیں تمام حقوق بھی فراہم کیے جارہے ہیں۔

اسلام آباد: وفاقی وزیر برائے انسانی حقوق شیری مزاری کا کہنا ہے کہ پاکستان کی فلسطین کے ساتھ دیرینہ وابستگی ہے اور وہ اسرائیل کو کبھی تسلیم نہیں کرے گا۔

تفصیلات کے مطابق اسلام آباد میں تنازعہ فلسطین اور اس کے حل کی تلاش کے موضوع پر ایک سیمینار سے خطاب کرتے ہوئے کہا کہ پاکستان فلسطینی اور کشمیری عوام کے منصفانہ حق خودارادیت کے حصول تک ان کی حمایت جاری رکھے گا۔

انہوں نے کہا کہ پاکستان کی فلسطین کے ساتھ دیرینہ وابستگی ہے اور وہ اسرائیل کو کبھی تسلیم نہیں کرے گا۔

شیری مزاری نے کہا کہ بھارت اپنے مذموم عزائم کی تسکین کے لیے بے گناہ کشمیری نوجوانوں کا خون بہا کر مقبوضہ کشمیر میں آبادی کا تناسب تبدیل کررہا ہے۔

وفاقی وزیر برائے انسانی حقوق نے کہا کہ کشمیریوں کی ہرنئی نسل نے بھارت کے غیرقانونی تسلط کو مسترد کردیا ہے۔

یاد رہے کہ رواں ماہ 2 مئی کو اقوام متحدہ میں پاکستان کی مستقل مندوب ملیحہ لودھی نے سلامتی کونسل میں مسئلہ فلسطین اور کشمیر کے فوری حل پر زور دیتے ہوئے کہا تھا کہ بیرونی قوتوں کی مداخلت اور مفادات کی جنگ نے خطے کو غیر مستحکم کر دیا ہے۔

ملیحہ لودھی کا کہنا تھا کہ مسئلہ کشمیر اور فلسطین کا حل نہ ہونا سلامتی کونسل کی ساکھ پر سوالیہ نشان ہے۔ ان کا مزید کہنا تھا کہ کشمیر اور فلسطین کے لوگوں نے حق خود ارادیت کے لیے بے پناہ قربانیاں دی ہیں۔