ARYNews.tv | Urdu – Har Lamha Bakhabar

Tag: شیر

  • ’سامبا‘ کی اچانک موت، چڑیا گھر سوگوار، میئر کا نوٹس!

    ’سامبا‘ کی اچانک موت، چڑیا گھر سوگوار، میئر کا نوٹس!

    کراچی: چڑیا گھر میں موجود دس سالہ شیر”سامبا” زندگی کی بازی ہار گیا، میئر کراچی وسیم اختر نے شیر کی موت کی رپورٹ طلب کرلی ہے۔

    تفصیلات کے مطابق افریقی نسل کا سامبا مناسب دیکھ بھال نہ ہونے کےباعث جان کی بازی ہار گیا، سامبا سمیت دو شیروں کو اکتوبر 2017 میں انتظامیہ نے ایک غیرقانونی سرکس کے خلاف کارروائی کے دوران تحویل میں لیا تھا اور کراچی چڑیا گھر کے حوالے کر دیا تھا۔

    واضح رہے کہ گذشتہ ڈیڑھ برس میں چڑیا گھر میں کسی شیر کی موت کا یہ دوسرا واقعہ ہے، کچھ عرصہ پہلے افریقی نسل کے دو شیروں کو چڑیا گھر انتظامیہ کے حوالے کیا گیا تھا۔

    یہ بھی پڑھیں: لاہور چڑیا گھر میں جانوروں کی پراسرار اموات

    ادھر میئر کراچی نے چڑیا گھرمیں شیر کی موت کی رپورٹ طلب کرلی ہے، ترجمان بلدیہ عظمیٰ‌ کے مطابق پوسٹ مارٹم کےبعد ہی شیر کی موت کی وجہ معلوم ہوسکے۔

    ترجمان کا کہنا تھا کہ مرنے والا شیر تین ماہ سے بیمار تھا اور گذ شتہ ماہ سے اس کا علاج جاری تھا، مگر یہ کوششیں بارآور ثابت نہیں‌ ہوئیں۔

    واضح رہے کہ سامنا افریقی نسل شیر تھا جس کی عمر 13 برس تھی، یہ چڑیا گھر میں‌ کسی شیر کی موت کا دوسرا واقعہ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شیروں کی زندہ گدھا کھلانے کی رونگٹے کھڑے کردینے والی ویڈیو

    شیروں کی زندہ گدھا کھلانے کی رونگٹے کھڑے کردینے والی ویڈیو

    چین میں بھوکے شیروں کو زندہ گدھا کھلانے کی ویڈیو سوشل میڈیا پر وائرل ہوگئی اور لوگ چڑیا گھر انتظامیہ کی سفاکی و سنگ دلی پر چیخ اٹھے۔

    مشرقی چین کے شہر شانگ ژو میں واقع چڑیا گھر سے منظر عام پر آنے والی اس ویڈیو میں چڑیا گھر کی انتظامیہ نے سفاکی کی نئی مثال قائم کردی۔

    ویڈیو میں دیکھا جاسکتا ہے کہ برساتی اوڑھے ہوئے انتظامیہ کے 4 افراد ایک گدھے کو زبردستی پانی میں پھینک رہے ہیں۔ گدھے نے اپنے آپ کو بچانے کی کوشش کی تاہم وہ ناکام رہا۔

    جیسے ہی وہ پانی میں گرا ایک طرف سے ایک شیر نے جھپٹا مار کر اسے دبوچ لیا۔ بعد ازاں کنارے سے دوسرا شیر بھی گدھے کو اپنی خوراک بنانے آ پہنچا۔

    اس دوران گدھا اپنی جان بچانے کی بھرپور کوشش کر رہا ہے تاہم وہ بھوکے شیروں کے آگے بے بس ہے جو اس کا منہ اور گردن اپنے دانتوں میں دبوچے ہوئے ہیں۔

    آخری منظر میں 4 شیر گدھے کے گوشت کی دعوت اڑانے میں مصروف ہیں جبکہ ان کے آس پاس کا پانی گدھے کے خون سے سرخ نظر آرہا ہے۔

    یوٹیوب پر اس ویڈیو کے اپ لوڈ ہوتے ہی تنقید کا ایک طوفان امڈ آیا۔ لوگوں نے چڑیا گھر کی انتظامیہ کو سخت سست کہتے ہوئے ان کے خلاف کارروائی کا مطالبہ کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پالتو چیتے کی دلچسپ سرگرمیاں

    پالتو چیتے کی دلچسپ سرگرمیاں

    بعض دولت مند افراد شیر یا چیتے پالنے کے شوقین ہوتے ہیں۔ ایسا ہی ایک دولت مند شخص اپنے پالتو چیتے کی وجہ سماجی رابطوں کی ویب سائٹ انسٹا گرام پر بے حد مقبول ہورہا ہے جس کے پالتو چیتے کی سرگرمیاں کافی دلچسپ ہیں۔

    روس کے اس دولت مند شخص نے اپنے پالتو چیتے مہل ٹائیگر کے نام سے ایک صفحہ بنا رکھا ہے جس پر وہ اکثر و بیشتر پالتو شیروں کے ساتھ اپنی سرگرمیاں پوسٹ کرتے رہتے ہیں۔

    مزید پڑھیں: پالتو جانور رکھنے کے حیران کن فوائد

    تصاویر اور ویڈیوز میں دکھائی دینے والا چیتا اس قدر معصوم اور دوستانہ مزاج کا حامل نظر آتا ہے کہ اس نرم ملائم سے شیر کو دیکھ کر بے ساختہ اس پر پیار آنے لگتا ہے۔

    اس دولت مند شخص کے پاس صرف یہ چیتے ہی نہیں بلکہ سفید چیتے اور دیگر جنگلی جانور بھی موجود ہیں۔

    اس کا پالتو چیتا کبھی اس کے ساتھ گھومنے کے لیے جانا چاہتا ہے۔

    With money you can have any pet you want Courtesy of @mihail_tiger

    A post shared by The Luxury Kids (@theluxurykids) on

    کبھی وہ سوئمنگ پول میں ڈبکیاں لگاتا دکھائی دیتا ہے۔

    بعض اوقات وہ دلچسپ کھیل کھیلتا دکھائی دیتا ہے۔

    کھیل ہی کھیل میں وہ لان میں لگی اشیا کو نقصان بھی پہنچا دیتا ہے جن پر بعد میں پشیمان بھی ہوتا ہے۔

    اور بعض دفعہ یہ کھلے سمندر میں بھی شوق سے تیرتا دکھائی ہے۔

    اور جب اس چیتے کے بچے درخت پر چڑھنے کی کوشش کرتے ہیں تو ان کا مالک انہیں زنجیر سے باندھ دیتا ہے کہ کہیں وہ گر نہ پڑیں۔

    اس شخص کے گھر میں موجود تمام جانور آپس میں بھی ایک دوسرے کے دوست ہیں اور یہ تمام خطرناک جانور نہایت امن سے وہاں رہتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شیر نے برطانوی کھلاڑی کا ہاتھ چبا ڈالا

    شیر نے برطانوی کھلاڑی کا ہاتھ چبا ڈالا

    لندن: شیر نے برطانوی رگبی ٹیم کے کھلاڑی کا ہاتھ چبا ڈالا، کھلاڑی کو علاج کے لیے اسپتال منتقل کردیا گیا۔

    تفصیلات کے مطابق شیر کو پیار کرنا آپ کو مہنگا بھی پڑ سکتا ہے، ایسے کئی واقعات اس سے پہلے دنیا بھر میں پیش آچکے ہیں جس میں شیر یا چیتے کو کسی نے پالا اور اس نے اپنے ہی مالک کو شکار کرلیا یا زخمی کردیا۔

    اسی طرح کسی شخص نے چڑیا گھر یا کسی اور شخص کے گھر پالے گئے جنگلے میں رکھے شیر کو پیار کرنے کی کوشش اور اسے نقصان پہنچا۔


    ایسا ہی واقعہ برطانیہ میں پیش آیا کہ جب رگبی کے برطانوی کھلاڑی نے پنجرے میں قید شیر کو پیار کرنے کی نیت سے اس کے سرپر ہاتھ پھیرا تو ایک دم سے شیر نے رخ بدل کر اس کا ہاتھ اپنے جبڑوں میں دبالیا اور چباڈالا۔

    موقع پر موجود لوگ اور خود کھلاڑی بھی چیخ اٹھا، ایک شخص ویڈیو بنا رہا تھا تو اتفاق سے یہ منظرکیمرے کی آنکھ نے قید کرلیا۔

  • لاہور سفاری پارک میں غصے سے بھرے شیر کا فوٹوگرافر پر حملہ

    لاہور سفاری پارک میں غصے سے بھرے شیر کا فوٹوگرافر پر حملہ

    لاہور کے سفاری پارک میں ایک دل دہلا دینے والا واقعہ پیش آیا جب ایک خونخوار شیر نے اپنی تصویر کھینچنے والے فوٹو گرافر پر مشتعل ہو کر حملہ کردیا۔ حملے میں فوٹوگرافر تو بچ گیا، تاہم شیر کے حملے کا منظر کیمرے میں ریکارڈ ہوگیا جو نہایت خوفناک لگتا ہے۔

    لاہور کے سفاری پارک میں چند غیر ملکی افراد نے ببر شیر کی اس وقت تصاویر کھینچنے کی کوشش کی جب وہ اپنا تازہ شکار کیا ہوا جانور تناول کر رہا تھا۔

    غیر ملکیوں نے خاموشی کا بالکل خیال نہ رکھا اور شور شرابے اور ہلچل سے شیر ان کی طرف متوجہ ہوگیا۔

    مزید پڑھیں: شیر نے اپنے نگہبان کو حملہ کر کے مار ڈالا

    اسے اپنے کھانے کے دوران یہ مداخلت بے جا بالکل پسند نہ آئی اور پہلے تو اس نے ان اجنبیوں کو خوفناک نگاہوں سے گھورا، اس کے بعد حملے کی نیت سے تیزی سے فوٹو گرافر کی طرف دوڑ لگادی۔

    ایک بھاری بھرکم شیر کا خطرناک ارادوں کے ساتھ سامنے سے بھاگتے آںے کا منظر کیمرے میں ریکارڈ ہوگیا جو نہایت دل دہلا دینے والا ہے۔

    خوش قسمتی سے فوٹو گرافر ایک باڑھ کے پیچھے تھا اور حملے کی نیت سے آنے والا شیر اسے باڑھ سے ٹکرا گیا، تاہم باڑھ کو لگنے والا جھٹکا اور شیر کے آنے کا خوف اتنا شدید تھا کہ فوٹو گرافر اور اس کا کیمرا جھٹکے سے نیچے گر گیا۔

    جب شیر نے اپنا حملہ ناکام ہوتے دیکھا تو وہ غصے سے گھورتے ہوئے پلٹ گیا۔

    فوٹو گرافر کے اوسان بحال ہوئے تو اس نے ہنسنا شروع کردیا، تاہم اسے اس بات کا یقیناً اندازہ ہوگا کہ وہ کس طرح بال بال بچا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گاؤں والوں نے 80 فٹ گہرے کنویں میں گرنے والے شیر کے بچے کو بچا لیا

    گاؤں والوں نے 80 فٹ گہرے کنویں میں گرنے والے شیر کے بچے کو بچا لیا

    نئی دہلی: بھارتی ریاست مہاراشٹر میں 80 فٹ گہرے کنویں میں گرنے والے ایک شیر کو بچے کو بچا لیا گیا۔

    یہ واقعہ مہاراشٹر کے گاؤں سومناتھ میں پیش آیا۔ مقامی افراد کا کہنا ہے کہ شیر کا یہ 2 سالہ بچہ کئی ماہ سے گاؤں میں دیکھا جارہا تھا اور گاؤں والے اسے پکڑنے کی کوششوں میں تھے تاکہ وہ ان کے جانوروں کو نقصان نہ پہنچا سکے۔

    ایسی ہی ایک صبح گاؤں میں گھومتے ہوئے یہ شیر گہرے کنویں میں جا گرا۔

    مزید پڑھیں: سفید شیر نئی زبان سیکھنے پر مجبور

    ایک شخص نے شیر کو کنویں میں گرتے ہوئے دیکھ لیا جس کے بعد اس نے دیگر افراد کو اس سے مطلع کیا۔ اس کے مطابق شیر کے بچے کو کنویں کے اندر زندگی کے لیے جدوجہد کرتے دیکھنا نہایت دکھ بھرا لمحہ تھا۔

    گاؤں والوں نے محکمہ جنگلی حیات کو مدد کے لیے طلب کیا جس کے بعد وائلڈ لائف اہلکار لوہے کا پنجرہ لیے آن پہنچے۔ ایک اہلکار کو کنویں میں اتارا گیا جہاں اس نے شیر سے کچھ فاصلے پر رہتے ہوئے اسے کمند پہنائی۔

    بعد ازاں اسی کمند کو اوپر کھینچا گیا اور جیسے ہی شیر کنارے پر پہنچا اسے فوری طور پر لوہے کے پنجرے میں منتقل کردیا گیا۔

    یہ تمام عمل 2 گھنٹے کے عرصے میں انجام پایا۔

    وائلڈ لائف کے مطابق یہ شیر اس نایاب نسل سے تعلق رکھتا ہے جسے ایشیاٹک لائن کہا جاتا ہے اور یہ صرف بھارت میں پائے جاتے ہیں۔ ایک محتاط اندازے کے مطابق پورے بھارت میں ان کی تعداد 500 کے قریب ہے۔

    یاد رہے کہ بھارت میں شیروں اور چیتوں کی موجودگی کی وجہ سے یہ اکثر گاؤں دیہاتوں میں آنکلتے ہیں جس کے بعد یہ مویشیوں کو کھا جاتے ہیں۔

    اکثر شیر کنوؤں میں گر کر ہلاک بھی ہوجاتے ہیں تاہم جس طرح ان گاؤں والوں نے اس شیر کو بچانے کی کوششیں کیں وہ قابل تعریف ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پولیس نے بیمار شیر کو اسپتال کے بجائے حوالات پہنچا دیا

    پولیس نے بیمار شیر کو اسپتال کے بجائے حوالات پہنچا دیا

    کراچی: صوبہ سندھ کے دارالحکومت کراچی میں پولیس نے بیمار شیر کو اسپتال پہنچانے کے بجائے تھانے پہنچا دیا۔ مالک حوالات میں بیٹھا دہائی دیتا رہا۔

    تفصیلات کے مطابق گزشتہ شب ایک گاڑی میں شیر کو دیکھے جانے کی خبر جنگل کی آگ کی طرح پھیل گئی۔ کراچی کے علاقے کریم آباد میں دیکھے جانے والے اس شیر کی خبر جیسے ہی وزیر داخلہ سندھ تک پہنچی انہوں نے شیر اور مالک کو پکڑنے کا حکم دے ڈالا۔

    پولیس مجرموں کے بجائے شہر بھر میں شیر تلاش کرنے لگی اور جیسے ہی شیر والی گاڑی نظر آئی شیر اور مالک کو جا دبوچا۔

    شیر کے مالک محمد ثقلین نے پولیس کو بتایا کہ شیر بیمار ہے اور وہ اسے فیڈرل بی ایریا سے ڈاکٹر کے پاس ڈیفنس سوسائٹی لے جا رہا تھا۔

    شہری کے مطابق اس کے پاس شیر پالنے کا پرمٹ بھی موجود ہے لیکن پولیس نے ایک نہ سنی، مالک اور شیر کو تھانے پہنچا کر ہی دم لیا۔

    تاہم حوالات میں پہنچ کر شیر نے اپنے پیٹ کے خراب ہونے کا ثبوت دیا تو پولیس کو شیر اور اس کے مالک کو چھوڑنا ہی پڑا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شرابی شخص کی شیر سے مصافحے کی کوشش

    شرابی شخص کی شیر سے مصافحے کی کوشش

    نئی دہلی: آپ نے شراب کے نشے میں مختلف افراد کو عجیب و غریب حرکات کرتے تو ضرور دیکھا ہوگا، لیکن ایسا شخص کبھی نہیں دیکھا ہوگا جو نشے میں اس قدر دھت ہو کہ جان ہتھیلی پر رکھ کر شیر کے پنجرے میں اس سے مصافحہ کرنے کے لیے پہنچ جائے۔

    یہ واقعہ بھارتی ریاست حیدر آباد میں پیش آیا جہاں ایک شرابی نشے میں چڑیا گھر کی دیوار پر چڑھ کر شیر کے پنجرے میں کود گیا۔

    وہاں موجود افراد کا کہنا ہے کہ اس دوران وہ شخص با آواز بلند شیر سے ایک دوستانہ مصافحہ کرنے کی خواہش کا اظہار کر رہا تھا۔

    تاہم اس دوران چڑیا گھر انتظامیہ کی بروقت کارروائی اور حاضر دماغی نے اس شخص کی جان بچالی اور اسے بحفاظت شیر کے پنجرے سے باہر نکال لیا گیا۔

    بعد ازاں اس شخص کو پولیس کے حوالے کردیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شیر نے اپنے نگہبان کو حملہ کر کے مار ڈالا

    شیر نے اپنے نگہبان کو حملہ کر کے مار ڈالا

    لندن: برطانیہ کے ایک قصبے ہمرٹن میں واقع چڑیا گھر میں شیر نے اپنی خاتون نگہبان کو حملہ کر کے ہلاک کردیا۔

    برطانوی میڈیا کے مطابق واقعہ اس وقت پیش آیا جب شیر اس حصے میں جا پہنچا جہاں خاتون نگہبان اپنے کام میں مصروف تھی۔

    شیر اپنی عادت کے مطابق دبے قدموں چلتا ہو آیا اور اچانک اس نے خاتون پر حملہ کردیا۔

    اس دوران دیگر ملازمین نے بھی شیر کو دیکھ لیا اور وہ خاتون کو بچانے کے لیے گوشت کے ٹکڑے پھینک کر شیر کو اپنی طرف متوجہ کرنے لگے۔

    چڑیا گھر کی انتظامیہ کے مطابق خاتون ملازمہ کی موت اسی وقت واقع ہوگئی تھی جب انہوں نے خود کو ایک شیر کے ساتھ پنجرے میں بند پایا۔

    واقعے کے بعد چڑیا گھر کو بند کردیا گیا جبکہ انتظامیہ کی ذہنی حالت کے پیش نظر میڈیا کے نمائندگان سے گفتگو کرنے سے بھی معذرت کرلی گئی۔

    واقعے کی مزید تحقیقات جاری ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارتی گجرات میں شیروں نے سڑک پر دھرنا دے دیا

    بھارتی گجرات میں شیروں نے سڑک پر دھرنا دے دیا

    گجرات: بھارتی ریاست گجرات میں لوگ اس وقت خوف اور تذبذب سے دو چار ہوگئے جب انہوں نے سڑک پر درجن بھر شیروں کو براجمان پایا۔ شیروں کے اس ’دھرنے‘ کی وجہ سے ٹریفک کا بہاؤ متاثر ہوگیا۔

    گجرات میں یہ واقعہ رات میں پیش آیا جب 12 کے قریب شیروں کا یہ گروہ جنگل کے درمیان سے گزرنے والی سڑک کو پار کر کے جنگل کے دوسرے حصے میں داخل ہو رہا تھا۔

    تاہم سڑک پر رواں ٹریفک، اس کے ہارنوں کے شور اور گاڑیوں کی چکا چوند روشنیوں نے انہیں بوکھلا دیا اور وہ جانے کے بجائے وہیں بیٹھ گئے۔

    تاہم ان شیروں نے کسی بھی قسم کی جارحیت یا حملے سے گریز کیا اور لوگ آرام سے ان کی ویڈیوز اور تصاویر بناتے رہے۔

    اسی سے ملتا جلتا ایک واقعہ گزشتہ برس جنوبی افریقہ میں بھی پیش آیا تھا جب 17 کے قریب شیر سستانے کے انداز میں ایک سڑک پر بیٹھ گئے اور وہاں آنے والی گاڑیاں راستہ بند ہونے کی وجہ سے پھنس گئیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔