بھارت کی معروف ماڈل، اداکارہ اور ڈانسرشیفالی جریوالا جو 42 برس کی عمر میں اچانک دنیا سے کوچ کرگئیں، اطلاعات سامنے آرہی ہیں کہ ان کی موت دل کا دورہ پڑنے سے ہوئی، تاہم اب اس واقعے سے متعلق نئی تفصیلات سامنے آئی ہیں۔
میڈیا رپورٹس کے مطابق ابتدائی پوسٹ مارٹم رپورٹ سے اس بات کا پتہ چلا ہے کہ بلڈ پریشر میں اچانک کمی اور اس کے بعد دل کا دورہ پڑنے کی وجہ سے انتقال ہوا، شیفالی اپنے شوہر پراگ تیاگی کے ساتھ تھیں جس وقت ان کی طبیعت بگڑی اور انہیں فوری طور پر اسپتال منتقل کیا گیا جہاں ڈاکٹروں نے ان کی موت کی تصدیق کردی تھی۔
رپورٹس کے مطابق شیفالی کے قریبی ذرائع کا کہنا ہے کہ اسی رات انہوں نے اینٹی ایجنگ انجیکشن بھی لیا تھا، تاہم اس انجیکشن کا اس واقعے میں کیا کردار تھا اس کی تحقیقات شروع کردی گئی ہیں۔
بھارتی میڈیا کا کہنا ہے کہ اداکارہ اینٹی ایجنگ ٹریٹمنٹ کروا رہی تھیں جس میں وٹامن سی اور گلوٹاثیون شامل تھے۔ یہ مواد عام طور پر رنگت گوری کرنے اور ڈیٹوکس کے لیے استعمال کیا جاتا ہے۔
پولیس کا کہنا ہے کہ اداکارہ کی موت کے سلسلے میں 10بیانات ریکارڈ کرلئے ہیں، ممکنہ طور پر حتمی پوسٹ مارٹم 2 یا 3 دنوں میں متوقع ہے، موت کی حتمی وجہ کا علم تب ہی ہوسکے گا جب تفصیلی پوسٹ مارٹم رپورٹ آجائے گی۔
شیفالی کی آخری پوسٹ نے تہلکہ مچادیا
بھارتی اداکارہ شیفالی نے اپنی آخری سوشل میڈیا پوسٹ میں اپنے آنجہانی دوست اور بگ باس کے ساتھ کو یاد کیا تھا جس نے ہلچل مچادی۔
کانٹا لگا گرل شیفالی ایکس پر کچھ عرصے سے غیرفعال تھیں، تاہم ان کی آخری پوسٹ 2 ستمبر 2024 کو کی گئی تھی، 2021 میں سدھارتھ شکلا کی موت اسی تاریخ کو ہوئی تھی، 40 سال کی عمر میں سدھارتھ دل کا دورہ پڑنے کے سبب چل بسے تھے۔
آنجہانی شیفالی نے 2024 میں کے اواخر میں کی گئی اپنی آخری ایکس پوسٹ شیئر کی تھی، انھوں نے سدھارتھ شکلا کے ہمراہ بگ باس کے سیٹ پر لی گئی اپنی تصویر شیئر کی۔
Thinking of you today mere dost @sidharth_shukla ❤️ pic.twitter.com/sZNv6Ft1hG
— Shefali Jariwala (@shefalijariwala) September 2, 2024
سوشل میڈیا کی اس پوسٹ میں شیفالی اور سدھارتھ کی بگ باس 13 ہاؤس کی ایک تصویر اپ لوڈ کی گئی تھی جس میں وہ گرمجوشی سے ایک دوسرے کو گلے لگائے ہوئے ہیں۔
شیفالی اس تصویر میں مسکراتی نظر آرہی ہی، انھوں نے ایکس پوسٹ کے کیپشن میں لکھا کہ‘آج تمہیں یاد کر رہی ہوں میرے دوست سدھارتھ شکلا’۔
بھارتی اداکارہ شیفالی جریوالا گزشتہ دنوں اچانک دل کا دورہ پڑنے سے چل بسی تھیں، اسپتال انتظامیہ نے تصدیق کی تھی کہ جب انھیں اسپتال لایا گیا تو وہ مرچکی تھیں۔
شیفالی جریوالا کی اچانک موت کی خبر نے بھارتی شوبز انڈسٹری اور ان کے مداحوں کو صدمے سے دوچار کردیا تھا اور اکثر لوگ کافی حیرانی کا اظہار بھی کررہے تھے۔
’کانٹا لگا‘ سے مشہور ہونے والی شیفالی جریوالا چل بسیں
میڈیا رپورٹس کے مطابق ایک بیان میں ممبئی پولیس نے بتایا تھا کہ ہمیں ان کی موت کے بارے میں رات 1 بجے اطلاع ملی، شیفالی کی لاش پوسٹ مارٹم کے لیے کوپر اسپتال بھیج دی گئی ہے، شیفالی کی موت کی وجہ ابھی تک واضح نہیں۔
