بھارت میں اسٹینڈ اپ کامیڈین کُنال کمرا کو ہندو انتہا پسند سیاستدان اک ناتھ شندے کا مذاق اُڑانا مہنگا پڑ گیا۔
غیر ملکی ذرائع ابلاغ کے مطابق کنال کمرا نے ممبئی کے ایک کلب میں شو کے دوران مہاراشٹرا کے ڈپٹی وزیراعلیٰ اک ناتھ شندے کے بارے میں لطیفہ سنایا، جس پر شیوسینا کے انتہا پسند کلب میں گھس آئے اور توڑ پھوڑ کی۔
اس دوران شیوسینا کے انتہا پسندوں نے کنال کمرا کو جان سے مارنے کی دھمکیاں دیں۔
مہاراشٹرا کے وزیراعلیٰ نے اسٹینڈ اپ کامیڈین کے احتساب کا مطالبہ کیا ہے۔ جس کے بعد پولیس نے بھی کنال کمرا کے خلاف تفتیش شروع کردی ہے۔
دوسری جانب امریکا کے کمیشن برائے مذہبی آزادی نے بھارتی خفیہ ایجنسی را پر پابندی کی سفارش کردی اور بھارت کواقلیتوں کیلئے غیر محفوظ ملک قرار دینے کا مطالبہ کردیا۔
تفصیلات کے مطابق امریکی کمیشن برائے مذہبی آزادی نے بھارت کے حوالے سے رپورٹ جاری کردی، جس میں بھارتی خفیہ ایجنسی را۔ پر پابندی کی سفارش کی گئی ہے۔
یو ایس سی آئی آر ایف نے بھارت کو اقلیتوں کیلئے غیر محفوظ ملک قرار دینے کا مطالبہ بھی کیا۔
کمیشن رپورٹ میں بتایا گیا کہ 2024 میں بھارت میں مذہبی آزادی کی صورتحال بدتر رہی، مذہبی اقلیتوں کیخلاف حملوں اور امتیازی سلوک میں اضافہ ہوا۔
رپورٹ میں کہنا تھا کہ بھارتی حکومت نیبیرون ملک اقلیتوں بالخصوص سکھوں کونشانہ بنانا جاری رکھا، سکھوں اور ان کے وکیلوں کو نشانہ بنانے کیلئے جابرانہ ہتھکنڈے اختیار کیے گئے۔
امریکی کمیشن نے کہا کہ خلاف ورزیوں کی رپورٹ کرنے والے صحافیوں کو سفارتی معاونت دینے سے انکار کیا گیا اور بھارتی خلاف ورزیاں رپورٹ کرنے پر اوور سیزسٹیزن آف انڈیاکارڈز منسوخ کییگئے۔
کمیشن رپورٹ میں مزید کہا گیا کہ الیکشن سے قبل مودی اور بی جے پی ارکان نے نفرت انگیز بیانات دیئے اور غلط معلومات پھیلائیں، نفرت انگیز بیانات سے اقلیتوں پر حملوں پر اکسایا جو الیکشن کے بعد بھی جاری ہے جبکہ اقلیتوں کو ہجوم کے ہاتھوں تشدد، ٹارگٹ کلنگ،املاک اورعبادت گاہوں کی مسماری کا سامنا ہے۔
رپورٹ میں بتایا گیا ہے نیویارک میں 2023میں امریکی سکھ کارکن کوقتل کرنیکی کوشش کی گئی، سازش میں بھارتی ایجنسی را اور 6 سفارتی اہلکاروں کیملوث ہونیکی کینیڈین حکام نے تصدیق کی۔
امریکا کی یمن میں حوثیوں کے 17 مقامات پر شدید بمباری
امریکی کمیشن کے مطابق وکاش یادیو اور دیگر کے اثاثے منجمد اور امریکا داخلے پر پابندی لگائی جائے ساتھ ہی بھارت کو ڈرون اور دیگر ہتھیاروں کی فراہمی کا ازسرنوجائزہ لیا جائے۔
