نئی دہلی: بی جے پی اور شیو سینا میں ٹوٹ پھوٹ، اور تنازع شدت اختیار کر گیا، شیوسینا نے بھی مودی کے گجرات فسادات میں ملوث ہونے کا اعتراف کر لیا۔
تفصیلات کے مطابق بی جے پی کا عسکری وِنگ شیو سینا بھی مودی سرکار پر برس پڑا، شیو سینا کے سربراہ ادھو ٹھاکرے نے مودی کو گجرات فسادات کا ذمہ دار قرار دے دیا۔
ادھو ٹھاکرے نے کہا کہ اٹل بہاری نے گجرات فسادات کے دوران مودی کو راج دھرما نبھانے کا حکم دیا تھا، واجپائی نے مودی کو فسادات کے دوران اخلاقی ذمہ داری دی تھی۔
انھوں نے کہا کہ 2004 انتخابات میں شکست پر واجپائی نے مودی سے استعفیٰ بھی مانگا تھا، ادھو ٹھاکرے کے مطابق تب بال ٹھاکرے نے مودی کا سیاسی کیریئر بچانے میں کردار ادا کیا اور واجپائی کو مودی کے استعفے کے مطالبے سے پیچھے ہٹنے پر مجبور کر دیا۔
مودی سرکار برصغیر کی تاریخ مسخ کرنے پر تُل گئی
ادھو ٹھاکرے نے کہا کہ بال ٹھاکرے مودی کی پشت پر کھڑا نہ ہوتا تو مودی آج وزیر اعظم نہ ہوتا، لیکن بی جے پی اب ہندوتوا کے نظریے سے پیچھے ہٹ رہی ہے۔
انھوں نے کہا مودی کے گجرات فسادات میں ملوث ہونے کے ناقابل تردید ثبوت آ چکے ہیں، کیا بھارتی عوام ایسے شخص کو دوبارہ وزیر اعظم منتخب کریں گے جس کے جرائم کے ثبوت آ چکے ہیں؟
انھوں نے سوال اٹھایا کہ کیا تیسری بار وزیر اعظم بننے والا مودی خطے اور عالمی دنیا کے لیے مزید خطرہ ثابت نہیں ہوگا؟
