انٹرنیشنل کرکٹ کونسل نے 13 ویں ویمنز ون ڈے ورلڈ کپ کے شیڈول کا اعلان کر دیا ہے جس کا آغاز 30 ستمبر سے ہو گا۔
انٹرنیشنل کرکٹ کونسل نے 13 ویں ویمنز ون ڈے ورلڈ کپ کے شیڈول کا اعلان کر دیا ہے جو بھارت اور سری لنکا کی مشترکہ میزبانی میں کھیلا جائے گا۔
آئی سی سی کے جاری شیڈول کے مطابق ٹورنامنٹ کا آغاز 30 نومبر سے ہوگا اور فائنل 2 نومبر کو کھیلا جائے گا۔ میگا ایونٹ میں 8 ٹیمیں میں بھارت، آسٹریلیا، انگلینڈ، جنوبی افریقہ، نیوزی لینڈ، سری لنکا، بنگلہ دیش اور پاکستان شامل ہیں جب کہ آسٹریلیا کی ٹیم دفاعی چیمپئن ہے۔
یہ ٹورنامنٹ بھارت اور سری لنکا کے پانچ مقامات پر کھیلا جائے گا۔ بھارت کے چار میدان ایم چنا سوامی اسٹیڈیم (بنگلورو)، اے سی اے اسٹیڈیم (گوہاٹی) ہولکر اسٹیڈیم (اندور)، وشاکھا پٹنم اسٹیڈیم میزبانی کریں گے جب کہ سری لنکا میں پریما داسا اسٹیڈیم کولمبو میں میچز کھیلے جائیں گے۔
جاری شیڈول کے مطابق پہلا سیمی فائنل 29 اکتوبر کو گوہاٹی یا کولمبو میں ہوگا جب کہ دوسرا سیمی فائنل 30 اکتوبر کو بنگلورو میں کھیلا جائے گا۔
ٹورنامنٹ کا فائنل اتوار 2 نومبر کو بنگلورو یا کولمبو میں کھیلا جائے گا۔
پہلا سیمی فائنل 29 اکتوبر کو گوہاٹی یا کولمبو میں ہوگا، دوسرا سیمی فائنل اگلے دن 30 اکتوبر کو بنگلورو میں کھیلا جائے گا۔
تاہم رواں برس بھارت کے آئی سی سی چیمپئنز ٹرافی کے لیے پاکستان نہ آنے پر دونوں ممالک کے درمیان معاہدہ طے پایا تھا کہ 2027 تک دونوں ممالک میں ہونے والے انٹرنیشنل ٹورنامنٹس میں بھارتی ٹیم پاکستان اور پاکستانی ٹیم بھارت میں نہیں کھیلے گی اور ان کے میچز نیوٹرل مقام پر کھیلے جائیں گے۔
اسی معاہدے کے تحت بھارت نے چیمپئنز ٹرافی 2025 کے اپنے تمام میچز دبئی میں کھیلے۔ اب پاکستان ٹیم بھی اسی معاہدے کی رو سے بھارت نہیں جائے گی بلکہ اپنے تمام میچز سری لنکا میں کھیلے گی۔
واضح رہے کہ حالیہ پاک بھارت کشیدگی کے باعث ویمنز ون ڈے ورلڈ کپ کے انعقاد پر خطرات کے بادل منڈلا رہے تھے۔
