سابق بھارتی کرکٹر شیکھر دھون کی دوسری شادی کی خواہش پر والد نے دلچسپ جواب دیا جو سوشل میڈیا پر وائرل ہوگیا۔

بھارتی کرکٹر شیکھر دھون نے 2012 میں آسٹریلوی نژاد باکسر عائشہ مکھرجی کے شادی شادی کی جو 2021 میں ختم ہوگئی، ان کے تین بچے عالیہ دھون، ریا دھون اور زور آور دھون شامل ہیں۔

شیکھر دھون اپنی حس مزاح کی وجہ سے مشہور ہیں اور باقاعدہ مداحوں کے ساتھ سوشل میڈیا اکاؤنٹ پر ریلز شیئر کرتے رہتے ہیں۔

حال ہی میں انہوں نے والد مہندر پال دھون کے ساتھ مزاحیہ ویڈیو انسٹاگرام پر شیئر کی ہے۔

ویڈیو میں شیکھر دھون والد کے پاس جاتے ہیں اور کہتے ہیں کہ ’پاپا میں دوبارہ شادی کرنا چاہتا ہوں۔‘

والد جواب دیتے ہیں کہ ’ہم نے تمہاری پہلی شادی بھی منہ پر ہیلمٹ پہنا کر کروائی تھی۔‘ انہوں نے ویڈیو شیئر کرتے ہوئے کیپشن میں لکھا کہ ’اتنا برا نظر آتا ہوں، بتاؤ مجھے۔‘

View this post on Instagram

A post shared by Shikhar Dhawan (@shikhardofficial)

واضح رہے کہ شیکھر دھون نے گزشتہ سال اگست میں انٹرنیشنل اور ڈومیسٹک کرکٹ سے ریٹائرمنٹ کا اعلان کیا تھا۔

انہوں نے سوشل میڈیا پر جاری ویڈٰو پیغام میں کہا تھا کہ میرا صرف ایک ہی خواب تھا اور بھارت سے کھیلنا تھا جسے میں نے پورا کرلیا۔

شیکھر دھون نے 2010 میں آسٹریلیا کے خلاف اور انٹرنیشنل کرکٹ میں 10 ہزار رنز بنائے ہیں، انہوں نے مجموعی طور پر 24 سنچریاں اسکور کیں جن میں 17 ون ڈے اور 7 ٹیسٹ سنچریاں شامل ہیں۔

بھارتی ٹیم کے بیٹر شیکھر دھون اور انڈین ویمنز کرکٹ ٹیم کی سابق قائد متھالی راج کی شادی کی افواہ پر کرکٹر نے خاموشی توڑ دی۔

آئی پی ایل کے براڈکاسٹر کے ساتھ ایک انٹرویو میں دھون نے بتایا کہ میں نے سنا تھا کہ میں میتھالی راج سے شادی کر رہا ہوں۔ پنجاب کنگز کے کپتان نے انکشاف کیا کہ انھوں نے جب یہ افواہ سنی تھی تو وہ حیران رہ گئے تھے۔

یہ افواہ جنگل کی آگ کی طرح پھیل گئی تھی کہ وہ بھارتی خواتین ٹیم کی سابق کپتان میتھالی راج سے شادی کر رہے ہیں۔ ان کے مطابق یہ سب سے عجیب و غریب افواہوں میں سے ایک تھی جو انھوں نے اپنے بارے میں سنی تھی۔

یہ بات قابل ذکر ہے کہ میتھالی راج اس وقت انڈیا کی ویمنز پریمیئر لیگ (ڈبلیو پی ایل) میں گجرات جائنٹس کی مینٹور کی حیثیت سے خدمات انجام دے رہی ہیں۔

چیٹ کے دوران، دھون نے دہلی کیپٹلز کے کپتان رشبھ پنت کی بھی تعریف کی جو کہ ٹی ٹوئنٹی ورلڈ کپ 2024 کے لیے بھارتی ٹیم میں جگہ بنانے میں کامیاب رہے ہیں۔

دھون کا کہنا تھا کہ میں رشبھ کی تعریف کرنا چاہوں گا جس طرح انھوں نے حادثے کے بعد اپنی ری ہیب کیا اور زخموں سے سنبھل گئے یہ بہت شاندار ہے۔

انھوں نے کہا کہ وہ زبردست صلاحیتوں کے مالک ہیں اور جس طرح سے وہ واپس آئے اور آئی پی ایل میں کھیلے اور پھر بھارتی ٹیم میں شامل ہوئے وہ ناقابل یقین ہے۔ یہ حیرت انگیز ہے اور مجھے اس پر بہت فخر ہے۔