Tag: شی جن پنگ

بیجنگ: چینی صدر شی جن پنگ نے کہا ہے کہ تائیوان کے عوام اس بات کو تسلیم کریں کہ وہ چین کا حصہ ہیں اور تائیوان چین میں ضم ہوکر رہے گا۔

غیرملکی خبررساں ادارے کے مطابق چین اور تائیوان کے درمیان تعلقات کی بحالی کے 40 سال مکمل ہونے پر تقریب سے خطاب کرتے ہوئے چینی صدر نے کہا کہ تائیوان اپنے آپ کو خود مختار صوبہ تصور کرتا ہے لیکن بیجنگ اسے اپنا صوبہ مانتا ہے جو ملک سے جدا ہوگیا تھا۔

[bs-quote quote=”بیجنگ کو تائیوان کے وجود کو قبول کرلینا چاہئے ” style=”style-6″ align=”left” author_name=”صدر تائیوان”][/bs-quote]

چینی صدر نے کہا کہ تائیوان کی عوام کو یہ سمجھنا چاہئے کہ آزادی حاصل کرنے سے انہیں صرف مشکلات کا سامنا کرنا پڑے گا اور بیجنگ آزادی کو فروغ دینے والی کسی بھی قسم کی سرگرمی کو برداشت نہیں کرے گا۔

شی جن پنگ کا کہنا تھا کہ تائیوان کے ساتھ تعلقات چین کا اندرونی معاملہ ہے اور اس سلسلے میں کسی قسم کی غیر ملکی مداخلت برداشت نہیں کی جائے گی۔

مزید پڑھیں: کوئی چین کو ڈکٹیٹ کرنے کی جرأت نہیں رکھتا، چینی صدر

واضح رہے کہ تائیوان کے صدر چائی ان ونگ کا کہنا تھا کہ بیجنگ کو تائیوان کے وجود کو قبول کرلینا چاہئے اور پر امن طریقوں سے اختلافات حل ہوسکتے ہیں۔

تائیوان کے صدر کا کہنا تھا کہ میں چاہتا ہوں کہ چین تائیوان کے وجود کی حقیقت کو تسلیم کرلے۔

یاد رہے کہ گزشتہ برس علاقائی انتخابات میں چائی ان ونگ کی پارٹی کو شدید دھچکا لگا تھا جسے چین اپنی کامیابی تصور کرتا ہے۔

واشنگٹن: امریکی صدر ڈونلڈ ٹرمپ نے کہا ہے کہ چین کے ساتھ جاری تجارتی اور معاشی کشیدگی کے حل میں اہم پیش رفت ہوئی ہے۔

غیرملکی خبررساں ادارے کے مطابق امریکی صدر ڈونلڈ ٹرمپ نے کہا کہ ایک سال سے چین اور امریکا کے درمیان جاری تجارتی محاذ آرائی کو مزید نہ بڑھانے کی کوششیں کی جارہی ہیں۔

امریکی صدر نے ہفتے کے روز چینی صدر شی جن پنگ کے ساتھ ہونے والی طویل ٹیلیفونک گفتگو کو مثبت قرار دیتے ہوئے کہا کہ رواں ماہ ارجنٹائن میں چینی صدر کے ساتھ ہونے والی ملاقات میں طے پائے امور پر بات چیت کی گئی۔

ڈونلڈ ٹرمپ کا کہنا تھا کہ آنے والے وقت میں دونوں ملک تیزی کے ساتھ اپنے تمام مسائل کے حل کی کوشش کریں گے۔

مزید پڑھیں: چین امریکا تجارتی جنگ، دونوں فریقین نے ملاقات کا عندیہ دے دیا

واضح رہے کہ چین اور امریکا کے درمیان تجارتی جنگ شدت اختیار کرگئی تھی، دونوں ملکوں نے ایک دوسرے کی مصنوعات پر نئے ٹیکس لگائے جس کے بعد سے دونوں ممالک کے ہاں مصنوعات کی طلب میں کمی ریکارڈ کی گئی تھی۔

یاد رہے کہ امریکی صدر ڈونلڈ ٹرمپ اور ان کے چینی ہم منصب شی جن پنگ نے نئے تجارتی محصولات 90 دنوں کے لیے معطل کرنے پر اتفاق کیا تھا تاکہ دونوں ممالک مذاکرات سے معاملات حل کرسکیں۔

یکم دسمبر کو چین کے سرکاری ٹی وی نے کہا تھا کہ یکم جنوری کے بعد سے کوئی محصول نہیں لگے گا اور دونوں ممالک کے درمیان بات چیت جاری رہے گی۔

واشنگٹن: امریکا اور چین کے درمیان تجارتی جنگ بندی کے بعد چین نے امریکی گاڑیوں پر ڈیوٹی ختم کرنے کا فیصلہ کیا ہے، امریکا نے بھی چینی مصنوعات پر مزید ٹیکسز نہ لگانے کا فیصلہ کیا ہے۔

غیرملکی خبررساں ادارے کے مطابق بیونس آئرس میں جی 20 کانفرنس کے انعقاد کے موقع پر چینی اور امریکی صدور کے درمیان ہونے والی ملاقات کے بعد سے دونوں ملکوں کے درمیان جاری تجارتی جنگ کا خاتمہ ہوگیا ہے۔

چین نے امریکی گاڑیوں پر عائد ڈیوٹیز ختم کرنے کے فیصلے کے ساتھ امریکی مصنوعات کی خریداری کی بھی یقین دہانی کرادی ہے، امریکا بھی چین پر مزید ڈیوٹیز نہیں لگائے گا، دونوں ممالک مذاکرات کریں گے۔

امریکی صدر ڈونلڈ ٹرمپ نے اپنے ٹویٹ میں کہا ہے کہ چین نے امریکی گاڑیوں پر عائد چالیس فیصد ڈیوٹیز ختم کرنے اور امریکی مصنوعات کی خریداری کی یقین دہانی کرائی ہے، امریکا نے بھی چین پر مزید دو سو ارب ڈالر کی ڈیوٹیز نہ لگانے کا فیصلہ کیا ہے۔

China has agreed to reduce and remove tariffs on cars coming into China from the U.S. Currently the tariff is 40%.

— Donald J. Trump (@realDonaldTrump) December 3, 2018

مزید پڑھیں: تجارتی جنگ تھم گئی، چین اور امریکا کا نئے ٹریڈ ٹیرف عائد نہ کرنے پر اتفاق

واضح رہے کہ امریکا اب تک چینی مصنوعات پر 270 ارب ڈالر کی ڈیوٹیز لگا چکا ہے جس کے جواب میں چین نے بھی ایک سو تیس ارب ڈالر کی ڈیوٹیز لگائی ہیں، دونوں ممالک کے درمیان تجارتی جنگ سے عالمی معیشت کو اربوں ڈالر کا نقصان ہوا۔

خیال رہے کہ دونوں ممالک نے مزید ٹیکس نہ لگانے پر گزشتہ روز اتفاق کیا تھا، عالمی طاقتوں کے درمیان اتفاق کے بعد دنیا بھر کی اسٹاک مارکیٹس گرین زون میں نظر آئیں۔

بیونس آئرس: امریکا اور چین کے صدر ایک دوسرے کی مصنوعات پر عائد ٹیکسوں کی نئی شرح کو معطل کرکے معاملات کے حل کے لیے مذاکرات پر اتفاق کرلیا۔

غیرملکی خبررساں ادارے کے مطابق امریکا نے کہا ہے کہ امریکی صدر ڈونلڈ ٹرمپ اور ان کے چینی ہم منصب شی جن پنگ نئے تجارتی محصول پر 90 دنوں کے لیے معطل کرنے پر اتفاق کیا ہے تاکہ دونوں ممالک مذاکرات سے معاملات حل کرسکیں۔

دونوں ممالک کے صدور کے درمیان تجارتی جنگ شروع ہونے کے بعد یہ پہلی ملاقات تھی، دونوں رہنماؤں نے بیونس آئرس میں جی 20 کے سربراہ کانفرنس کے بعد ملاقات کی۔

دوسری جانب چین نے کہا ہے کہ دونوں رہنماؤں نے یکم جنوری 2019 سے کسی نئے محصول کے نہ لگانے پر رضامندی ظاہر کی ہے۔

مزید پڑھیں: جی 20 اجلاس : امریکی صدر ڈونلڈ ٹرمپ کی بے پروائی خبروں کی زینت بن گئی

قبل ازیں جی 20 اجلاس میں رکن ممالک کے رہنماؤں نے ایک مشترکہ اعلامیہ جاری کیا جس میں تجارت میں جاری تفرقے پر روشنی ڈالی گئی لیکن اس میں ملکی مصنوعات کے تحفظ کے معاشی نظام پر کوئی تنقید نہیں کی گئی۔

وائٹ ہاؤس کی جانب سے جاری بیان میں کہا گیا ہے کہ اس پر عمل درآمد 90 دنوں کے لیے ملتوی کردیا گیا ہے لیکن اس کے ساتھ یہ بھی کہا ہے کہ اگر اس مدت کے خاتمے کے بعد طرفین کسی معاہدے پر نہیں پہنچتے تو پھر محصول دس فیصد سے بڑھا کر 25 فیصد کردیا جائے گا۔

اس سے قبل چین کے سرکاری ٹی وی نے کہا تھا کہ یکم جنوری کے بعد سے کوئی محصول نہیں لگے گا اور دونوں ممالک کے درمیان بات چیت جاری رہے گی۔