لاہور: کوک اسٹوڈیو کے گانے پسوڑی کے بھارتی ریمیک پر پاکستانی اور بھارتی مداحوں کی تنقید کے بعد اب گلوکارہ شے گل کا ردعمل بھی سامنے آگیا ہے۔
اسی حوالے سے اب شے گل نے انسٹاگرام اسٹوریز پوسٹ پر اپنے سپر ہٹ گانے کے ریمیک پر خیالات کا اظہار کیا ہے۔
گلوکارہ نے کہا ‘میں یہ ویڈیو اس لیے بنا رہی ہوں کیونکہ میں پسوڑی ریمیک پر بات کرنا چاہ رہی تھی، مجھ سے بہت لوگ سوال کر رہے ہیں کہ کیا یہ میرا فیصلہ تھا۔
گلوکارہ شے گل نے کہا کہ گانے کے ریمیک کے حوالے سے مجھے آپ لوگوں سے ہی معلوم ہوا، میں آپ کو بتا دوں کہ میں گانے کے حقوق نہیں رکھتی، اس لیے یہ گانا میں نے فروخت نہیں کیا۔
شے گل کا کہنا تھا میں سمجھ سکتی ہوں کہ آپ پسوڑی کے اصل گانےکو بہت زیادہ پسند کرتے ہیں اور اس کے لیے میں آپ کی محبت کی بے حد مشکور ہوں جو لفظوں میں بیان نہیں کرسکتی۔
انہوں نے کہا کہ میں نہیں چاہتی کہ آپ کسی کے لیے نفرت کا اظہار کریں، آپ ریمیک کے بجائے یہ دیکھیں کہ گانےکو کس طرح پیش کیا گیا، نفرت کا اظہار کرنے کے بجائے اسے مت سنیں۔
’پسوڑی نو‘ پر شدید تنقید کے بعد اریجیت سنگھ نے خاموشی توڑ دی
شے گل کا کہنا تھا کہ گھر والوں کے ساتھ آپس میں گانے سے ناپسندیدگی کا اظہار کرنا پھر بھی ٹھیک ہے لیکن اگر آپ سوشل میڈیا پر سب کے سامنےکسی کی بے عزتی کررہے ہیں تو یہ اچھی بات نہیں ہے، میں آپ سب کے ساتھ بس یہی کہنا چاہتی تھی۔
واضح رہے کہ اداکارہ کیارا ایڈوانی اور کارتک آریان کی نئی آنے والی فلم ‘ستیہ پریم کی کتھا’ میں پاکستانی گانے ‘پسوڑی’ کا ری میک شامل کیا گیا ہے جو سخت تنقید کی زد میں ہے۔
