Tag: صائم ایوب

پاکستان کے نوجوان اوپنر صائم ایوب ویسٹ انڈیز میں مکمل ناکام رہے اور تینوں ون ڈے میں غلطی دہراتے ہوئے ایک ہی طریقے سے آؤٹ ہوئے۔

ویسٹ انڈیز نے پاکستان کو تیسرے ون ڈے میچ میں شکست دے کر 34 سال بعد ایک روزہ میچوں کی سیریز جیت لی۔ پوری سیریز میں گرین شرٹس کی بیٹنگ، بولنگ ناکام رہی اور بڑے نام والے کرکٹرز نے بھی شائقین کو اپنی کارکردگی سے مایوس کیا۔

صائم ایوب جنہیں پاکستان کرکٹ کا مستقبل اور باصلاحیت بلے باز کہا جاتا ہے۔ وہ بھی ویسٹ انڈیز میں اپنے بلے سے کوئی جادو نہ جگا سکے۔

نو لُک شاٹ سے شہرت پانے والے صائم ایوب تینوں ون ڈے میچز میں یکسر ناکام رہے اور سیریز میں صرف 28 رنز ہی بنا سکے۔

انہوں نے پہلے میچ میں 5 رنز پر وکٹ گنوائی۔ دوسرے میچ میں 23 رنز اسکور کر کے پویلین لوٹے جب کہ تیسرے میچ میں جیڈن سیلز نے انہیں صفر کی ہزیمت سے دوچار کیا۔

تاہم قابل ذکر بات یہ ہے کہ تینوں میچز میں وہ جیڈن سیلز کا ہی شکار بنے۔ انہوں نے پہلے ون ڈے میچ سے کوئی سبق نہ سیکھا اور وہی غلطی تینوں میچز میں دہراتے ہوئے جیڈن سیلز کو وکٹ دیتے رہے۔

واضح رہے کہ جیڈن سیلز نے تین میچوں میں 10 پاکستانی بلے بازوں کی وکٹیں اڑا کر سیریز کے بہترین کھلاڑی کا اعزاز اپنے نام کیا۔

صائم ایوب طویل انجری کے بعد پاکستان سپر لیگ میں ایکشن میں دکھائی دے رہے ہیں تاہم سابق کرکٹر نے اس کو جلد بازی کا فیصلہ قرار دیا ہے۔

پاکستان کے نوجوان اوپنر صائم ایوب جو رواں برس کے آغاز میں جنوبی افریقہ کیخلاف کیپ ٹاؤن ٹیسٹ میں ٹخنے کی انجری کا شکار ہونےکے بعد طویل عرصہ کے بعد پاکستان سپر لیگ 10 میں پشاور زلمی کی جانب سے ایکشن میں دکھائی دے رہے ہیں۔

باصلاحیت قومی بیٹر پی ایس ایل میں ابتدائی میچ کے علاوہ جس میں انہوں نے نصف سنچری اسکور کی تھی آف کلر نظر آ رہے ہیں اور سات میچز کھیل کر مجموعی طور پر صرف 70 رنز ہی اسکور کر سکے ہیں۔

صائم ایوب کو بڑی انجری کے بعد براہ راست پاکستان سپر لیگ میں کھلانےکو پشاور زلمی کے بالنگ کوچ مشتاق احمد نے بڑی غلطی قرار دے دیا ہے۔

مشتاق احمد نے کہا کہ انجری کے طویل عرصہ بعد میدان میں واپس لوٹنے کے لیے صرف نیٹ سیشنز کافی نہیں ہوتے بلکہ فارم اور ردھم کو چیک کرنے کے لیے میچ پریکٹس کی ضرورت ہوتی ہے۔

ان کا کہنا تھا کہ صائم ایوب کو پی ایس ایل کھیلنے سے قبل میچ فٹنس اور ردھم حاصل کرنے کے لیے کچھ کلب میچز کھیلنے چاہیے تھے۔

مشتاق احمد نے کہا کہ ٹورنامنٹ سے قبل صائم ایوب کو کچھ کلب میچز کھیلنا چاہیے تھے یا ہم ان کیلئے پریکٹس کا اہتمام کرتے تاکہ وہ اپنا کویا ہوا ردھم حاصل کرسکیں لیکن ایسا نہیں ہوا۔

واضح رہے کہ اپنی بہترین کارکردگی سے پاکستان کو جنوبی افریقہ کو اسی کی سر زمین پر پہلی بار ون ڈے سیریز میں کلین سوئپ کرانے میں اہم کردار ادا کرنے والے صائم ایوب ٹیسٹ سیریز کے دوران زخمی ہونے کے باعث 8 ہفتوں کے لیے کرکٹ سے دور ہو گئے تھے۔

نوجوان بیٹر اسی وجہ سے 29 سال بعد پاکستان کی سر زمین پر ہونے والے آئی سی سی ایونٹ چیمپئنز ٹرافی کھیلنے سے بھی محروم رہے تھے۔

پاکستان کے نوجوان کرکٹر صائم ایوب میدان میں ایکشن دکھانے کو تیار ہیں اور ری ہیب کے بعد لندن سے وطن واپس پہنچ گئے ہیں۔

پاکستان کے باصلاحیت نوجوان اوپنر بیٹر صائم ایوب جو رواں برس کے آغاز میں جنوبی افریقہ کیخلاف ٹیسٹ میچ میں ٹخنے کی انجری کا شکار ہونے کے بعد کئی ماہ کرکٹ سے دور ہو گئے تھے وہ وطن واپس پہنچ گئے ہیں۔

صائم ایوب لندن میں اپنا ری ہیب مکمل کرنے کے بعد لاہور پہنچے ہیں۔ نوجوان کرکٹر کا نیشنل کرکٹ اکیڈمی میں فٹنس ٹیسٹ لیا جائے گا جس کے بعد وہ اہلخانہ کے ہمراہ عید منانے کے لیے کراچی آئیں گے۔

پاکستان واپسی سے قبل صائم ایوب نے ناٹنگھم میں بلے تیار کرنے والے ایک کمپنی کے ہیڈ کوارٹر کا دورہ کیا اور وہاں اپنے لیے بیٹ پسند کیے۔

واضح رہے کہ صائم ایوب رواں برس جنوری میں جنوبی افریوہ کے خلاف کیپ ٹاؤن ٹیسٹ میں ٹخنے کی شدید نوعیت کی انجری کا شکار ہو گئے تھے جس کی وجہ سے وہ دو ماہ سے زائد عرصہ کے لیے کرکٹ سے دور ہو گئے تھے۔

نوجوان بیٹر کو جنوبی افریقہ سے ہی بغرض علاج لندن لے جایا گیا جہاں علاج کے بعد انہوں نے اپنا ری ہیب بھی مکمل کیا۔

صائم ایوب انجری کے باعث پاکستان میں 29 سال بعد ہونے والے آئی سی سی ٹورنامنٹ چیمپئنز ٹرافی کے اسکواڈ کا حصہ بھی نہ بن سکے جب کہ وہ رواں دورہ نیوزی لینڈ میں بھی ٹیم میں شامل نہیں ہوئے۔

دوسری جانب ذرائع کا کہنا ہے کہ برطانیہ سے آنے والی قومی بیٹر کی میڈیکل رپورٹس حوصلہ افزا ہیں تاہم پاکستان سپر لیگ (پی ایس ایل) کے 10ویں ایڈیشن میں صائم ایوب کی شمولیت فٹنس سے مشروط ہے۔

پاکستان کے نوجوان اوپنر صائم ایوب جو انجری کے باعث چیمپئنز ٹرافی سے بھی باہر ہوگئے تھے اب ان کی صحت سے متعلق اہم خبر آ گئی ہے۔

پاکستان کے باصلاحیت نوجوان اوپنر صائم ایوب جو رواں سال کے آغاز میں دورہ جنوبی افریقہ میں کیپ ٹاؤن ٹیسٹ کے دوران ٹخنے کی انجری کا شکار ہونے کے بعد دو ماہ تک کرکٹ سے دور ہو گئے تھے اب ان کی صحت سے متعلق اپ ڈیٹ آ گئی ہے۔

لندن میں زیر علاج صائم ایوب کا ری ہیب جاری ہے جس میں وہ اپنے کرکٹ اسٹروکس کی پریکٹس کر رہے ہیں اور اب انہوں نے فزیکل ٹریننگ کا آغاز کر دیا ہے۔

واضح رہے کہ آسٹریلیا کو 22 سال بعد ان کی سر زمین پر ون ڈے سیریز ہرانے اور جنوبی افریقہ کو اسی کے ملک میں پہلی بار ون ڈے سیریز میں وائٹ واش کرنے میں صائم ایوب کی جارحانہ بیٹنگ کا اہم کردار تھا۔