Tag: صائم ایوب

جنوبی افریقہ کیخلاف ٹیسٹ میچ میں زخمی ہونے کے بعد لندن میں زیر علاج پاکستانی بیٹر صائم ایوب نے قوم سے دعاؤں کی اپیل کر دی ہے۔

پاکستان کے نوجوان جارح مزاج بلے باز جو گزشتہ دنوں جنوبی افریقہ کے خلاف دوسرے ٹیسٹ میچ میں فیلڈنگ کے دوران ٹخنے کی انجری کا شکار ہونے کے بعد لندن میں زیر علاج ہیں۔ انہوں نے قوم سے ان کی جلد صحتیابی کے لیے دعاؤں کی اپیل کر دی ہے۔

لندن میں میڈیا سے گفتگو کرتے ہوئے صائم ایوب نے کہا کہ ڈاکٹرز پوری توجہ سے علاج کر رہے ہیں اور میں بھی جلد فٹ ہونے کی پوری کوشش کر رہا ہوں، لیکن کب تک مکمل تندرست ہوسکوں کچھ نہیں پتہ۔ قوم سے اپیل ہے کہ وہ میری جلد صحتیابی کے لیے دعا کریں۔

واضح رہے کہ صائم ایوب کو چیئرمین پی سی بی محسن نقوی کی خصوصی ہدایت پر لندن علاج کے لیے بھیجا گیا۔ چیمپئنز ٹرافی کے ابتدائی اسکواڈ میں ان کا نام شامل ہے، تاہم حتمی اسکواڈ کے اعلان سے قبل پاکستان کرکٹ بورڈ اور سلیکشن کمیٹی کو ان کی مکمل میڈیکل رپورٹ کا انتظار ہے۔

صائم ایوب نے صرف 9 ون ڈے میچز کھیلے ہیں اور اس میں تین سنچریاں اور ایک نصف سنچری اسکور کر کے اپنی صلاحیتوں کا اظہار کر دیا ہے۔

خصوصاً دورہ جنوبی افریقہ میں ون ڈے سیریز میں ان کی بیک ٹو بیک سنچریوں کی بدولت گرین شرٹس کو پہلی بار پروٹیز کو وائٹ واش کرنے کا موقع ملا۔

https://urdu.arynews.tv/champions-trophy-saim-ayyub-squad-important-news/

قومی ٹیم کے بیٹر فخر زمان نے صائم ایوب کی انجری پر حوصلہ افزا بیان دے دیا۔

کرکٹ ویب سائٹ سے گفتگو کرتے ہوئے فخر زمان نے کہا کہ یہ برا لگتا ہے جب ایک کھلاڑی جس پر پاکستان نے بہت زیادہ سرمایہ کاری کی ہے وہ زخمی ہوجاتا ہے جب وہ اپنے عروج پر پرفارم کرنا شروع کردیتا ہے۔

انہوں نے کہا کہ اس طرح کی انجری کھلاڑی کے سفر کا حصہ ہوتے ہیں۔

فخر زمان نے کہا کہ مجھے یقین ہے کہ یہ چیلنجز زندگی کا حصہ ہیں اور ایک عظیم کھلاڑی بننے کے لیے آپ کو ان کا سامنا کرنا ہوگا۔

انہوں نے صائم ایوب کی جلد صحت یابی کے لیے بھی امید ظاہر کی۔

اوپننگ بیٹر نے کہا کہ فٹنس دوبارہ حاصل کرنے میں وقت لگتا ہے مجھے یقین ہے کہ صائم بہت جلد واپس آئے گا۔

واضح رہے کہ اوپننگ بلے باز صائم ایوب جنوبی افریقا کے خلاف دوسرے ٹیسٹ کے دوران دائیں ٹخنے میں فریکچر ہونے کے بعد صحت یاب ہو رہے ہیں۔ وہ علاج کے لیے لندن گئے ہیں اور امید کی جا رہی ہے کہ وہ چھ ہفتے تک باہر رہیں گے۔

انہوں نے حالیہ دوروں کے دوران تین ون ڈے سنچریاں اور ٹی ٹوئنٹی میں ناقابل شکست 98 رنز بنائے۔ وہ جنوبی افریقا میں پاکستان کی تاریخی 3-0 سے کلین سویپ میں پلیئر آف دی سیریز بھی رہے۔

قومی ٹیم کے جارح مزاج اوپنر صائم ایوب نے اپنی انجری سے متعلق بتا دیا۔

اے آر وائی نیوز کے مطابق قومی کرکٹر صائم ایوب اسپتال سے روانہ ہوگئے اس موقع پر انہوں نے کہا کہ ڈاکٹر نے کہا ہے کہ ٹخنہ بہتر ہے ٹانگ پر وزن ڈال سکتا ہوں۔

صائم ایوب نے کہا کہ ٹیسٹ رپورٹس میڈیکل پینل کو بھیجی جائیں گی۔

دوسری جانب اظر محمود نے بتایا کہ اللہ کا شکر ہے صورتحال کافی بہتر ہے، سرجری ہوئی تو کب ہوگی یہ میڈیکل پینل ہی بتائے گا۔

واضح رہے کہ چیئرمین پی سی بی محسن نقوی نے صائم ایوب کو پاکستان کرکٹ کا اثاثہ قرار دیتے ہوئے علاج کے لیے خصوصی طور پر لندن بھیجا ہے۔

جنوبی افریقہ، آسٹریلیا اور زمبابوے میں پاکستان کو فتوحات دلانے والے باصلاحیت نوجوان اوپنر بیٹر صائم ایوب گزشتہ ہفتہ کیپ ٹاؤن ٹیسٹ میں شدید زخمی ہوکر 6 ہفتوں کے لیے کرکٹ سے دور ہو گئے ہیں جس پر سب کو تشویش ہے۔

اگلے ماہ آئی سی سی چیمپئنز ٹرافی ہے جس کے انعقاد میں 38 دن رہ گئے ہیں۔ صائم ایوب اس میگا ایونٹ کا حصہ ہوں گے یا نہیں اس حوالے سے جاننے کے لیے شائقین کرکٹ بے قرار ہیں۔

صائم ایوب جنہیں پی سی بی نے علاج کے لیے لندن روانہ کر دیا ہے۔ ان کے حوالے سے خبر ہے کہ پاکستان کرکٹ بورڈ انہیں چیمپئنز ٹرافی کے ابتدائی اسکواڈ میں شامل کرنے پر غور کر رہا ہے۔

پاکستانی بیٹر صائم ایوب کے علاج سے متعلق لندن سے اہم خبر آگئی۔

ذرائع کے مطابق لندن میں ڈاکٹرز کی ٹیم نے آج پاکستانی بیٹر صائم ایوب کا معائنہ کیا ہے اور ان کے ٹیسٹ کی رپورٹ کل آئے گی۔

ڈاکٹررپورٹ دیکھنے کے بعد فیصلہ کریں گے کہ علاج میں کتنا وقت لگے گا۔ انگلینڈ کے ماہر اسپورٹس آرتھو ڈاکٹرز ان کا چیک اپ کر رہے ہیں۔

چیئرمین پاکستان کرکٹ بورڈ محسن نقوی کی خصوصی ہدایات پر کرکٹر صائم ایوب کو علاج کے لیے لندن بھیجنے کا فیصلہ کیا گیا تھا۔ صائم ایوب اور اسسٹنٹ کوچ اظہر محمود کیپ ٹاون سے لندن پہنچے ہیں۔

 پاکستانی ہائی کمشنر ڈاکٹر محمدفیصل قومی کرکٹر صائم ایوب کے علاج کے انتظامات کی نگرانی کریں گے۔

چیئرمین پی سی بی محسن نقوی نے کہا ہے کہ صائم ایوب پاکستان کرکٹ کا قیمتی اثاثہ ہیں، ان کے علاج معالجے کیلئے ہر ممکن وسائل فراہم کیے جائیں گے۔

واضح رہے کہ صائم ایوب جنوبی افریقہ کے خلاف کیپ ٹاؤن ٹیسٹ میچ کے دوسرے روز فیلڈنگ کے دوران دائیں پاؤں کا ٹخنہ مڑ جانے کے باعث شدید انجری کا شکار اور 6 ہفتوں کے لیے کرکٹ سے دور ہو گئے ہیں۔ اس انجری کے بعد ان کے چیمپئنز ٹرافی میں شرکت پر بھی سوالیہ نشان لگ گیا ہے۔

صائم ایوب نے حال ہی میں زمبابوے اور جنوبی افریقہ کے خلاف فتوحات میں اہم کردار ادا کیا۔ بالخصوص پروٹیز کو ان کے ہی دیس میں پہلی بار ون ڈے سیریز میں وائٹ واش کرنے میں نوجوان بیٹر کی بیک ٹو بیک سنچریوں کا اہم کردار ہے۔