Tag: صائم ایوب

جنوبی افریقا کے خلاف دوسرے ٹی 20 میچ میں سنچری مکمل نہ ہونے پر صائم ایوب کا بیان آگیا ہے۔

جنوبی افریقا کے خلاف دوسرے ٹی 20 میچ میں صائم ایوب نے شاندار 98 رنز کی ناٹ آؤٹ اننگز کھیلی اور وہ صرف دو رنز کی کمی سے سنچری مکمل نہ کرسکے۔

سنچورین میں کھیلے جارہے دوسرے ٹی 20 میچ میں پاکستان نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 206 رنز بنائے اور جنوبی افریقا کو جیت کے لیے 207 رنز کا ہدف دیا جو میزبان ٹیم نے آخری اوورز میں تین وکٹوں کے نقصان پر حاصل کرلیا۔

نوجوان بیٹر نے 57 گیندوں پر 98 رنز کی ناٹ آؤٹ اننگز کھیلی، ان کی اننگ میں 11 چوکے اور 5 بلند و بالا چھکے شامل تھے۔

صائم کی سنچری دو رنز سے رہ جانے پر شائقین کرکٹ نے عباس آفریدی اور عرفان خان پر تنقید کی ہے، شائقین کہہ رہے ہیں کہ انہیں سنگل لینے چاہیے تھے۔

تاہم اب صائم ایوب نے میڈیا سے گفتگو کرتے ہوئے کہا کہ یہ کوئی آخری موقع نہیں تھا، سنچری بنانے کا موقع مل جائے گا، اگر ٹیم نہیں جیت رہی تو سنچری بنانے کا کوئی فائئدہ نہیں، سنچری قسمت میں ہوتی تو بن جاتی۔

بھارتی آل راؤنڈر ہاردک پانڈیا کی جانب سے پاکستانی اوپنر صائم ایوب کی نقل کرتے ہوئے ’نو لک‘ شاٹ کھیلنے کی ویڈیو وائرل ہوگئی۔

بھارتی ٹیم آئی سی سی ٹی ٹوئنٹی ورلڈکپ کے سیمی فائنل میں پہنچ چکی ہے، جہاں جمعرات 27 جون کو اس کا مقابلہ دفاعی چیمپئن انگلینڈ سے شیڈول ہے، اس سے قبل ہاردک پانڈیا نیٹس میں صائم ایوب کی نقل کرتے ہوئے ’نو لک‘ شاٹ کی پریکٹس کرتے پائے گئے۔

پانڈیا نے یہ ویڈیو خود اپنے انسٹاگرام پر شیئر کی ہے، جس میں وہ ’نو لک‘ پل شاٹ اور ’نو لک‘ سلاگ شاٹ کھیلتے ہوئے نظر آرہے ہیں جبکہ وہ نیٹس میں بولنگ پریکٹس کرتے بھی دکھائے دیے۔

View this post on Instagram

A post shared by Hardik Himanshu Pandya (@hardikpandya93)

اب تک ٹی ٹوئنٹی ورلڈکپ میں ہادرک پانڈیا کی کارکردگی کافی متاثرکن رہی ہے، انھوں نے بنگلہ دیش کے خلاف 27 بالز پر 50 اسکور کرتے ہوئے مین آف دی میچ کا ایوارڈ بھی حاصل کیا تھا۔

انھوں نے سپرایٹ مرحلے میں آسٹریلیا کے خلاف اہم مقابلے میں بھی 17 بالز پر 27 رنز کی جارحانہ اننگز کھیلی تھی۔

خیال رہے کہ پاکستانی اوپنر صائم ایوب نو لک شاٹ کھیلنے کے لیے شہرت رکھتے ہیں اور انھوں نے اس کا کئی بار مظاہرہ کرتے داد سمیٹی ہے۔

لیفٹ ہینڈ پاکستانی بیٹر نے ورلڈکپ سے قبل نیوزی لینڈ کے خلاف سیریز کے ایک میچ میں بھی کافی جارحانہ بیٹنگ کی تھی اور نو لک شاٹ سے داد سمیٹی تھی۔

صائم نے پی ایس ایل 2024 کے میچ میں بھی اپنی ’نو لک‘ شاٹ کا مظاہرہ کرتے ہوئے شائقین کے دل جیتے تھے جبکہ اسلام آباد یونائیٹڈ کے مخالف بولر اس شاٹ پر کافی حیران نظر آئے تھے۔

پشاور زلمی کے اوپنر نے اسلام آباد یونائیٹڈ کے بولر ٹائمل ملز کو لیگ سائیڈ پر ایک شاندار ’نو لُک‘ چھکا مارا اس دوران پیسر بھی حیرانی سے گیند کو دیکھتے رہے تھے۔

قومی ٹی ٹوئنٹی اوپنر کے اس شاٹ پر کمنٹری باکس میں موجود کمنٹیٹر بھی اپنے جذبات پر قابو نہ رکھ پائے اور ان کے اس انداز اور نو لک شاٹ کی کھل کر تعریف کی تھی۔

پاکستان کرکٹ ٹیم کے نوجوان جارح مزاج اوپنر صائم ایوب نے بابر اعظم اور محمد رضوان کے ساتھ اوپننگ کرنے کے حوالے سے بات کی ہے۔

یوٹیوب چینل پر ایک انٹرویو کے دوران صائم سے سوال کیا گیا کہ آپ کی اوپننگ پارٹنرشپ رضوان اور بابر دونوں کے ساتھ رہی ہے کس کے ساتھ آپ زیادہ ریلیکس محسوس کرتے ہیں۔ انھوں نے کہا کہ وہ دونوں کے ساتھ ہی اوپن کرتے ہوئے ریلیکس محسوس کرتے ہیں۔

صائم نے کہا کہ جب آپ کے ساتھ اتنے تجربہ کار پلیئر کھیل رہے ہوں تو بیٹنگ کرنے کا مزہ آتا ہے، دونوں بیٹرز نے میچز بھی جتوائے ہیں اور بہت کچھ کیا ہے۔

انھوں نے کہا کہ ٹیم کے لیے اتنے رنز کیے ہیں، مزہ آتا ہے ایسے پلیئرز کے ساتھ کھیل کر جبکہ آپ کا اعتماد بھی بڑھتا ہے اور چیزیں سیکھنے کو ملتی ہیں۔

قومی ٹی ٹوئنٹی اوپنر نے مزید کہا کہ دو سال پہلے تک تو یہ سب خواب ہی تھا، ہم بھی ٹی وی پر دیکھتے تھے کہ پلیئرز ورلڈکپ کھیلنے جارہے ہیں یا سیریز کھیل رہے ہیں۔

یہ پلیئرز سیلیبریٹی تھے ہمارے لیے اب ان کے ساتھ بیٹنگ کررہے ہیں تو مزہ آتا ہے لیکن یہ ہے کہ اپنے کھیل کا معیار اوپر کرنا ہے۔ دونوں پلیئرز سے ایک طرح کی اینرجی ملتی ہے۔

دورہ آسٹریلیا کے لیے قومی ٹیم میں منتخب ہونے والے نوجوان جارح مزاج اوپنر صائم ایوب کا کہنا ہے کہ آسٹریلیا میں کرکٹ فاسٹ ہوتی ہے، وہاں کھیلنے کا زیادہ مزہ آئے گا۔

پریکٹس سیشن کے بعد میڈیا سے گفتگو کرتے ہوئے ان کا کہنا تھا کہ جب آپ اپنے آرام دہ زون سے باہر نکلتے ہیں تو چیلنج ملتا اور اس صورتحال میں ہم بہتری کی طرف جاتے ہیں۔ دورہ آسٹریلیا کے لیے بہت زیادہ پرجوش ہیں۔

صائم نے کہا کہ میری ہمیشہ یہی کوشش ہوتی ہے کہ ٹیم کو میچ جتوانے کی کوشش کروں اور ٹیم کے لیے میچ ونر ثابت ہوں۔ آسٹریلیا کے لیے ہماری تیاری اچھی ہے۔

ان کا کہنا تھا کہ آپ کی اپروچ بے خوف ہونی چاہیے مگر آپ کو کنڈیشنز کے لحاظ سے کھیلنا پڑتا ہے۔ بعض اوقات بولرز کا غلبہ ہوتا ہے میچ میں مومنٹ میں اتار چڑھاؤ آتا رہتا ہے۔

راولپنڈی میں پریس کانفرنس کرتے ہوئے صائم ایوب نے کہا کہ کوئی بھی پلیئر خود اپنے لیے مشکلات اور آسانیاں پیدا کرتا ہے۔ اگر ہم دماغی طور پر واضح ہیں تو کچھ ناممکن نہیں ہے۔ انشااللہ نتیجہ اچھا آئے گا۔

انھوں نے کہا کہ کرکٹ کا اسپیشلسٹ بننا چاہتا ہوں۔ کسی ایک فارمیٹ کی بات نہیں، ہر فارمیٹ کےحساب سے خود کو ڈھالنے کی کوشش کرتا ہوں، میں بھی لیجنڈری کھلاڑیوں کی طرح بن سکتا ہوں، اپنا کوچ خود بننے کی کوشش کرتا ہوں۔

"Excited for the challenge ahead"

🎥 Saim Ayub's media talk at Pindi Cricket Stadium#AUSvPAK | #BackTheBoysInGreen pic.twitter.com/30V6Kuh9f2

— Pakistan Cricket (@TheRealPCB) November 26, 2023

نوجوان بیٹر نے کہا کہ کبھی صورتحال بیٹسمین کے حق میں ہوتی ہے اور کبھی بولر کے حق میں ، اس لحاظ سے کھلاڑی کو ایڈجسٹ کرنا پڑتا ہے، ایسا نہیں ہوتا کہ آپ نے پہلے سوچ لیا کہ تیز کھیلنا ہے تو میدان میں بھی تیز ہی کھیلیں، یہ صورتحال پر منحصر ہوتا ہے۔

انھوں نے کہا کہ آسڑیلیا میں پہلے نہیں کھیلا لیکن وہاں کی کرکٹ جس حد تک دیکھی ہے وہاں تیز وکٹیں ہیں لیکن تیسرے چوتھے دن بال سلو بھی آتا ہے۔ اسی لحاظ سے ہم نے پریکٹس کی ہے۔

پاکستان کرکٹ ٹیم کے سابق کپتان معین خان نے ان فارم اوپنرز صائم ایوب اور شان مسعود کے حوالے سے بڑا مطالبہ کردیا۔

اے اسپورٹس کے پروگرام میں اظہار خیال کرتے ہوئے سابق وکٹ کیپر بیٹر معین خان کا کہنا تھا کہ صائم ایوب اور شان مسعود کو آسٹریلیا کے ٹور میں ٹیم کا حصہ بنایا جائے۔

انھوں نے کہا کہ آسٹریلیا میں نوجوان کھلاڑیوں کو چانس دینا چاہیے کیوں کہ آسٹریلیا ایسی جگہ ہے جہاں نوجوان پلیئرز کو کرکٹ کے بارے میں سیکھنے کے کافی مواقع ملیں گے۔

معین خان نے کہا کہ صائم ایوب اور شان مسعود جیسے اوپنرز کو آسٹریلیا کے ٹور میں ٹیسٹ اسکواڈ کا حصہ بنانا چاہیے۔

واضح رہے کہ صائم ایوب ان دنوں کافی اچھی فارم میں ہیں کیریبیئن پریمیئر لیگ میں انھوں نے بہترین کھیل کا مظاہرہ کیا تھا اور اپنی ٹیم کو ٹورنامنٹ جتوایا تھا۔

اس کے علاوہ حالیہ قائداعظم ٹرافی کے فائنل میں بھی اوپنر نے تاریخ ساز کارکردگی دکھاتے ہوئے دونوں اننگز میں سینچریاں اسکور کی تھیں۔