نوجوان قومی کرکٹر صائم ایوب ان دنوں کافی زبردست فارم میں ہیں وہ نہ صرف ٹی ٹوئنٹی بلکہ ٹیسٹ میچز میں بھی اپنی بھرپور صلاحیتوں کا مظاہرہ کررہے ہیں۔
پاکستان کے سب سے بڑے ڈومیسٹک ٹورنامنٹ قائداعظم ٹرافی کے فائنل میں دنوں اننگز میں شاندار بلے بازی کا مظاہرہ کرنے پر انھیں مین آف دی میچ قرار دیا گیا۔ انھوں نے پہلی اننگز میں ڈبل سینچری جبکہ دوسری اننگز میں سنچری اسکور کی تھی۔
میزبان سے گفتگو کرتے ہوئے صائم ایوب کہنا تھا کہ سب سے زیادہ اس بات کی خوشی ہے کہ ہماری ٹیم ٹورنامنٹ جیت گئی ہے۔ ٹی ٹوئنٹی کھیل کر آنے کے بعد ٹیم کو جوائن کرتے ہوئے یہی سوچا تھا کہ اس سال اپنی پرفارمنس میں بہتری لاؤں گا جس میں مجھے کامیابی حاصل ہوئی۔
ٹی ٹوئنٹی کے بعد طویل فارمیٹ میں واپسی پر انھیں کیا ایڈجسٹمنٹ کرنی پڑی اس حوالے سے انھوں نے کہا میری کوشش ہوتی ہے کہ اپنے مائنڈ سیٹ میں ایڈجسٹمنٹ کرتا رہوں۔
صائم نے کہا کہ توجہ اسی بات پر مرکوز ہوتی ہے کہ میری اپروچ بہتری کی طرف جاتی رہے جس سے کارکردگی میں نکھار آئے۔
