Tag: صاحبزادہ فرحان

ڈومیسٹک کرکٹ میں بہترین کارکردگی سے قومی ٹیم میں جگہ بنانے والے صاحبزادہ فرحان کس بیٹر سے مشورہ لیتے اور مرشد سمجھتے ہیں انھوں نے بتادیا۔

پاکستان کرکٹ بورڈ کے عیدالاضحیٰ شو میں ساتھی کرکٹر محمد حارث نے ڈومیسٹک کرکٹ کے ٹاپ پرفارمر سے سوال کیا کہ صاحبزادہ فرحان اگر پھنسے ہوں تو کس کرکٹر کے پاس مشورہ لینے جاتے ہیں اور کسے آپ اپنا مرشد مانتے ہیں۔

اس سوال کا جواب دیتے ہوئے جارح مزاج بیٹر نے بتایا کہ میں فخر زمان سے زیادہ پوچھتا ہوں، جب میں آخری بار پی ایس ایل میں ان سے ملا تھا تو انھوں نے یہی کہا تھا کہ یہاں پر آکر پتا نہیں آپ کو کیا ہوجاتا ہے۔

صاحبزادہ فرحان نے ہنستے ہوئے بتایا کہ میں نے فخر زمان کو کہا کہ مجھے کچھ نہیں ہوتا ابھی تو کم بیک ہی پی ایس ایل میں ایسا ہوا ہے۔

انھوں نے بتایا کہ فخر زمان نے ان سے کہا کہ جیسا آپ ڈومیسٹک میں کھیل کر آئے ہو اسی طرح کھیلنا ہے، کسی چیز کا دبائو نہیں لینا آپ میں بہت صلاحیت ہے۔

صاحبزادہ فرحان کا کہنا تھا کہ جب کوئی آپ کی اس طرح حوصلہ افزائی کرتا ہے تو اس سے بہت اعتماد بھی آتا ہے اور چیزیں صحیح بھی ہوتی ہیں۔

https://urdu.arynews.tv/psl-10-sahibzada-farhan-equal-virat-kohli-record/

سابق ویمن کرکٹر ثنا میر نے کہا ہے کہ اپنی پرفارمنس سے صاحبزادہ فرحان کہہ رہے ہیں مجھے اوپنر کے طور پر موقع دو، میں کارکردگی دکھاؤں گا۔

نجی چینل کے اسپورٹس پروگرام میں ثنا میر نے پشاور زلمی کے خلاف صاحبزادہ فرحان کی جارحانہ سنچری کا ذکر کرتے ہوئے کہا کہ یہ وہ اننگز ہوتی ہیں جو کبھی کبھی آپ کو اپنے کیریئر میں درکار ہوتے ہیں، اس کے بعد آپ کا خود پر یقین پختہ ہوجاتا ہے اور امید ہے کہ صاحبزادہ فرحان کےلیے یہ وہی اننگز ہو۔

انھوں نے ڈومیسٹک کرکٹ میں بہت زیادہ پرفارم کیا ہے، بعض دفعہ کرکٹر بڑے پلیٹ فارم پر اس طرح کی پرفارمنس نہیں دے پاتے، پھر جب انھیں پاکستان کےلیے کھیلنے کا موقع ملا تو وہ بھی پانچ نمبر پر ملا تھا۔

انھیں موقع ملا تو ان کا بیٹنگ آرڈر تبدیل کردیا گیا، تاہم اب جس طرح کی اننگز انھوں نے کھیلی ہے، تو اب یہ کہہ رہے کہ ہیں مجھے موقع دو گے تو بطور اوپنر دو میں یہ کرکے دکھا سکتا ہوں۔

جب آپ اتنے بڑے پلیٹ فارم پر پرفارم کردیتے ہوئے تو آپ کا خود پر یقین بڑھ جاتا ہے، آپ کی پرفارمنس عالمی سطح کے اسٹیج پر ہو تو پھر اعتماد مختلف ہوتا ہے۔

https://urdu.arynews.tv/sahibzada-farhan-joins-virat-kohli-in-elite-t20-century-club/

دورہ نیوزی لینڈ کے لیے قومی کرکٹ ٹیم میں منتخب ہونے والے بیٹر صاحبزادہ فرحان کا کہنا ہے کہ وہ اس بار ملنے والے سے موقع سے پورا فائدہ اٹھانے کی کوشش کریں گے۔

پاکستان ٹیم میں کئی سال بعد واپس آنے والے ٹاپ آرڈر بیٹر صاحبزادہ فرحان نے کہا کہ پاکستان کے لیے پہلے بھی کھیل چکا ہوں، اس بار زیادہ پرجوش ہوں کہ کیوں کہ کافی محنت کے بعد ٹیم میں کم بیک کیا ہے۔ میں نے پچھلے چار سال میں کافی محنت کی ہے۔

بیٹر نے کہا کہ پہلے جب انھیں پاکستان کرکٹ ٹیم میں آنے کا موقع ملا تو وہ تیار نہیں تھے اور نہ ہی مچیور تھے جبکہ تجربہ بھی نہیں تھا۔ انٹرنیشنل کرکٹ کافی پریشر کا گیم ہوتا ہے مگر اب چار سال ڈومیسٹک کھیل کر کافی تجربہ ملا ہے اور اب وہ کافی مچیور ہوگئے ہیں۔

صاحبزادہ فرحان نے کہا کہ ان کی پوری کوشش ہوگی کہ اچھی پرفارمنس دے کر ٹیم میں اپنی جگہ پکی کریں۔ کوشش ہوگی کہ دورہ نیوزی لینڈ کے دوران ویسا ہی کھیل پیش کریں جیسی پرفارمنس ڈومیسٹک ٹورنامنٹس میں رہی ہے۔

27 سالہ بیٹر نے افتخا احمد کا ذکر کرتے ہوئے بتایا کہ قومی مڈل آرڈر بیٹر نے انھیں کہا تھا کہ پاکستان کیلئے سلیکٹ ہوجانا آسان ہے لیکن یہ بہت مشکل ہے کہ ٹیم میں جگہ برقرار رکھی جائے۔

انھوں نے کہا کہ پاکستان سپر لیگ میں مڈل آرڈر میں بیٹنگ کر چکے ہیں۔ اس لیے ان کو پوزیشن کا اندازہ ہے، جہاں ٹیم کو ضرورت ہوئی وہ اس پوزیشن پر کھیلنے کو تیار ہوں۔

پاکستان کرکٹ ٹیم میں دوبارہ جگہ بنانے والے بیٹر نے کہا کہ کسی بھی پلیئر کو کم از کم دو سیریز میں موقع ملنا چاہیے لیکن اب یہ صورتحال ہے کہ ایک میچ ملے، یا دو کھلاڑی کا کام پرفارم کرنا ہے۔ کوشش ہوگی کہ بھرپور فارمنس کا مظاہرہ کریں۔

واضح رہے کہ سلیکشن کمیٹی نے صاحبزادہ فرحان کو دورہ نیوزی لینڈ کیلئے 17 رکنی اسکواڈ کا حصہ بنایا ہے۔ اس سے قبل 2018 میں صاحبزادہ فرحان پاکستان ٹیم کا حصہ تھے انھوں نے 3 ٹی ٹوئنٹی میچز میں قومی ٹیم کی نمائندگی کی تھی۔

فرحان ڈومیسٹک کرکٹ کے گزشتہ تین سیزنز کے دوران ٹاپ پرفارمر رہے ہیں۔ حال ہی میں نیشنل ٹی ٹوئنٹی ٹورنامنٹ میں وہ 492 رنز کے ساتھ سب سے نمایاں بیٹر بنے تھے۔