صادق آباد: کچے میں ڈاکوؤں نے دیدہ دلیری سے باغ میں کام کرنے والے تیرہ افراد کو اغوا کرلیا تاہم مغویوں کی بازیابی کیلئے سرچ آپریشن جاری ہے۔
تفصیلات کے مطابق صادق آباد باغ میں آم کے باغ میں کام کرنے والے تیرہ مزدوروں کو کچے کے ڈاکوؤں نے اغوا کرلیا، اغوا ہونے والوں میں دو بچے بھی شامل ہیں۔
واقعہ پر راجن پور پولیس اور رحیم یارخان پولیس میں حدودکا تنازع کھڑا ہوگیا تاہم کئی گھنٹےبعد بھی پولیس حدود کا تعین نہ کرسکی۔
اغوا ہونے والوں میں ندیم احمد، رشید احمد، وسیم احمد، صدام حسین، گل حسن، محمد بلال، محمد حنیف، ندیم، کاشف، ماجد عمیر، شاہ میر احمد، اور تنویر احمد شامل ہیں۔ تمام افراد کا تعلق صادق آباد کے علاقے رحیم آباد سے ہے، جنہیں گزشتہ رات اغوا کیا گیا۔
مزید پڑھیں : کچے کے ڈاکوؤں نے رشتے کا جھانسہ دے کرپورا خاندان اغوا کرلیا
سونمیانی پولیس کا کہنا مزدور تھانہ بھونگ رحیم یارخان کی حدود سے اغواء ہوئے جبکہ رحیم یارخان پولیس نے کہا مزدوروں کو راجن پور کے تھانہ سونمیانی کی حدود سے اغواء کیا گیا تاہم پولیس تاحال حدود کا تعین کرنے میں مصروف ہے۔
