Tag: صارم برنی

کراچی : عدالت نے بچوں کوغیر قانونی طور پر بیرون ملک بھیجنے اور اسمگلنگ کیس میں صارم برنی کی درخواست ضمانت پر مسترد کردی۔

تفصیلات کے مطابق صارم برنی کیخلاف بچوں کو غیر قانونی طور پر بیرون ملک بھیجنے ،اسمگلنگ کے کیس کی سماعت ہوئی۔

ایف آئی اے پراسیکیوٹر نے بتایا کہ مزید ثبوت جمع کرنے ہیں، ملزم کو ضمانت دی گئی تو ردوبدل ہوسکتا ہے، ملزم مسلسل جھوٹ کا سہارا لے رہا ہیں۔

پراسیکیوٹر کا کہنا تھا کہ تفتیش کے دوران مزید انکشافات سامنے آئے ہیں، حیا نامی بچی کی والدہ افشین کا بیان ہے بیٹی لینے سماجی کارکن سے رابطہ کیا۔

ایف آئی اے نے بتایا کہ بچی کی والدہ کا بیان ہے کہ سماجی کارکن نے مجھے بچی دینے سے انکارکردیا، ضمانت دی گئی تو ملزم تفتیش پر اثر انداز ہوگا۔

جوڈیشل مجسٹریٹ کی عدالت نے ملزم کے وکلا اور ایف آئی اے کے دلائل مکمل ہونے پر سماجی کارکن کی درخواست ضمانت پر فیصلہ محفوظ کرلیا۔

بعد ازاں جوڈیشل مجسٹریٹ شرقی نےصارم برنی کی درخواست ضمانت پر مسترد کردی۔

یاد رہے 8 جون کو جوڈیشل مجسٹریٹ نے سماجی کارکن کوعدالتی ریمانڈ پر جیل بھیج دیا تھا اور کہا تھا کہ ملزم کی درخواست ضمانت پر سماعت 10 جون کو ہوگی ۔

دوران سماعت وکیل ایف آئی اے نے عدالت کو بتایا تھا کہ بچی حیاء کو فیملی کورٹ میں لاوارث قرار دیا گیا ہے، بچی کی والدہ افشین نے مدیحہ نامی خاتون کو فروخت کیا تھا اور مدیحہ نے بچی کو بشریٰ کے پاس فروخت کیا ہے جبکہ فیملی کورٹ میں صارم برنی ٹرسٹ نے بچی کو لاوارث قرار دیا ہے۔

ایف آئی اے کا کہنا تھا کہ ملزم تفتیش میں تعاون نہیں کررہے ہیں ایک بھی سوال کا صیح جواب نہیں دے رہے ہیں اور بھی متاثرین ہیں، 20 سے زائد ہیں جن کی نشاندہی کرنی ہے۔

وکیل ایف آئی اے نے کہا تھاکہ ملزم اس حوالے سے تعاون نہیں کررہے ہیں، ملزم کے ٹرسٹ کے حوالے سے بینکوں سے معلومات کا کہا ہے۔

کراچی : انسانی اسمگلنگ کے کیس میں ملزم صارم برنی کوعدالتی ریمانڈ پر جیل بھیج دیا گیا۔

تفصیلات کے مطابق سٹی کورٹ کی جوڈیشل مجسٹریٹ شرقی کی عدالت میں انسانی اسمگلنگ ،فراڈ ،دھوکہ دہی کا کیس پر سماعت ہوئی۔

ملزم صارم برنی کو ایف آئی اے نے عدالت میں پیش کردیا، ایف آئی اے کی جانب سے ملزم کے مزید جسمانی ریمانڈ کی استدعا کردی۔

وکیل ایف آئی اے نے عدالت میں کہا کہ بچی حیاء کو فیملی کورٹ میں لاوارث قرار دیا گیا ہے، بچی کی والدہ افشین نے مدیحہ نامی خاتون کو فروخت کیا تھا اور مدیحہ نے بچی کو بشریٰ کے پاس فروخت کیا ہے جبکہ فیملی کورٹ میں صارم برنی ٹرسٹ نے بچی کو لاوارث قرار دیا ہے۔

ایف آئی اے کا کہنا تھا کہ ملزم تفتیش میں تعاون نہیں کررہے ہیں ایک بھی سوال کا صیح جواب نہیں دے رہے ہیں اور بھی متاثرین ہیں، 20 سے زائد ہیں جن کی نشاندہی کرنی ہے۔

وکیل ایف آئی اے نے کہا کہ ملزم اس حوالے سے تعاون نہیں کررہے ہیں، ملزم کے ٹرسٹ کے حوالے سے بینکوں سے معلومات کا کہا ہے۔

عدالت نے ایف آئی اے کے وکیل سے استفسار کیا کہ بچی حیاء کے حوالے سے کتنے پیسے لیے ہیں تو وکیل نے بتایا کہ کہ تین ہزار ڈالر لیے ہیں، جس نے بچی ایڈاپٹ کی ہے۔

عدالت نے استفسار کیا کہ اسکا کوئی ثبوت ہے آپ کے پاس تو وکیل ایف آئی اے نے بتایا کہ کم عمر بچیوں کا معاملہ ہے، ان کیمرا ٹرائل کیا جائے، اس میں منظم گروہ ہے، ہمیں مزید ایک ہفتے کا ریمانڈ دیا جائے، ڈیجیٹل ،مالی اور یو ایس انٹیلیجنس کے ریکارڈ کی اسکروٹنی کرنی ہے۔

عدالت نے کہا کہ کیا بچیوں کے حقیقی والدین زندہ ہیں تو وکیل کا کہنا تھا کہ جی زندہ ہیں، انکا عدالت میں بیان ریکارڈ کرائیں گے، جس پر عدالت کا کہناتھا کہ آپ انہیں شامل تفتیش کریں گے ؟

تفتیشی افسر نے بتایا کہ جی وہ تفتیشی کا حصہ ہیں ، دوران سماعت ملزم صارم برنی کی جانب سے عامر نواز وڑائچ ایڈووکیٹ عدالت میں پیش ہوئے۔

عدالت کی جانب سے ملزم کا بیان جج کے چیمبر میں ابھی ریکارڈ کرنے کا حکم دیا، وکیل ملزم نے کہا کہ فیملی سے رابطہ کیا ہے، انہوں نے کہا ہے بچی ہم نے خود دی ہے، ان کے پاس ڈھائی ماہ سے انکوائری ہوئی ہے، جو مناسب سوال ہوگا اس کا جواب دے گا۔

سماجی کارکن  نے کہا کہ میرے پاس موبائل میں شواہد موجود ہیں، میں نے ایف آئے اے کو کہا کہ میں ملک سے باہر ہوں واپس آکر جواب دوں گا ، جس پر عدالت نے ملزم سے استفسار کیا کہ جب آپ کو پتہ تھا کہ بچی کے والد ہیں تو جھوٹ کیوں بولا ؟ تو ملزم نے کہا مجھے نہیں پتہ تھا۔

عدالت نے حیرت کا اظہار کرتے ہوئے کہا کہ آپ ادارے کے سربراہ ہیں آپ کو کیسے نہیں پتہ تھا، ملزم کی جانب سے ضمانت کی درخواست بھی دائر ہے۔

وکیل ملزم نے کہا کہ بچوں کی تعداد ایمبیسی کو پتہ ہے، عدالت نے ایف آئی اے کے تفتیشی افسر کو ملزم کا بیان ریکارڈ کرنے کا حکم دے دیا۔

تفتیشی افسر نے بتایا کہ 3بچوں کےمعاملات کی تفتیش ہوچکی،مزید20کیسزکی تفتیش کرنی ہے، ملزم کے وکیل عامروڑائچ نے جسمانی ریمانڈ کی مخالفت کی۔

جوڈیشل مجسٹریٹ نے صارم برنی کوعدالتی ریمانڈ پر جیل بھیج دیا اور کہا ملزم کی درخواست ضمانت پر سماعت 10 جون کو ہوگی ۔

کراچی : پاکستان سے بچوں کی امریکا اسمگلنگ کے الزام میں گرفتار صارم برنی کو آج عدالت میں پیش کیا جائے گا۔

تفصیلات کے مطابق پاکستان سے بچوں کی امریکا اسمگلنگ کے معاملے پر صارم برنی کو پہلے مقدمے میں آج عدالت میں ریمانڈ کے لیے پیش کیا جائے گا۔

گزشتہ روز ایف آئی اے نے صارم برنی کے خلاف پہلی ایف آئی آر درج کی تھی ، جس میں ایف آئی اے حکام نے بتایا تھا کہ ان پر نومولود بچی حیا کو امریکا اسمگل کرنے کا الزام عائد کیا گیا ہے۔

حکام کا کہنا تھا کہ انھوں نے ایک سال میں 20 نومولودبچوں کو امریکا میں گود لینےکےنام پراسمگل کیا، امریکا بھیجےگئے بچوں میں 15سے زائد لڑکیاں ہیں۔

مزید پڑھیں : صارم برنی پر کتنے بچوں کی اسمگلنگ کا الزام ہے؟

ذرائع کا کہنا ہے کہ ان کے حوالے سے امریکی تحقیقاتی ادارے بھی چھان بین کررہےہیں، اس سے امریکا منتقل بچوں کار یکارڈ سفارتخانے سے فراہم کیا گیا۔

ایف آئی اے نے کہا ہے کہ ٹرسٹ کی دستاویزات میں سماجی کارکن کے ساتھ ان کی اہلیہ بھی بینفشری ہیں، دستاویزات کی سندھ حکومت سے تصدیق کے بعد اہلیہ کوبھی نامزد کیا جاسکتا ہے۔

حکام کے مطابق ٹرسٹ سے امریکا بھیجی گئی آخری بچی حیامبینہ طور پر والدین سے 10لاکھ میں خریدی گئی، بچی کی خریداری میں سماجی کارکن کی ایک سے زائد افراد نے معاونت کی۔

بچی کے والدین انتہائی غریب ہیں ان کابیان ریکارڈ کیا گیا ہے، سماجی کارکن پر بچوں کی اسمگلنگ،منی لانڈرنگ سےمتعلق مزید مقدمات درج کیےجائیں گے۔

ایف آئی اے نے بتایا ہے کہ ان کو حالیہ دورہ امریکا میں امریکی حکام نے سرویلنس میں رکھا تھا، امریکی حکام نے ان سے 2بار پوچھ گچھ کی تھی۔

حکام کا یہ بھی کہنا تھا کہ گرفتاری کے بعد سماجی کارکن نے اپنے ابتدائی بیان میں غلطی کوتسلیم کیا ہے۔