خیرپور: صحافی عزیز میمن کے قاتل کو زخمی حالت میں گرفتار کرلیا گیا، زخمی ڈاکو نے ساتھیوں کے ہمراہ صحافی عزیز میمن کو قتل کیا تھا۔
تفصیلات کے مطابق پولیس نے خیرپور سے صحافی عزیز میمن کے قاتل کو زخمی حالت میں گرفتار کرلیا گیا۔
ایس ایس پی خیرپور نے بتایا کہ اطلاع ملی کہ ڈاکو لنک روڈ پر واردات کی نیت سے موجود ہے تو پولیس موقع پر پہنچی تو ڈاکو سے فائرنگ کا تبادلہ ہوا۔
حکام کا کہنا تھا کہ فائرنگ کے تبادلے میں ڈاکو زخمی حالت میں گرفتار ہوا، زخمی ڈاکو کی شناخت امیر حسین کے نام سے ہوئی ہے۔
ایس ایس پی خیرپور نے مزید کہا کہ زخمی ڈاکو نے ساتھیوں کے ہمراہ صحافی عزیز میمن کو قتل کیا تھا، ڈاکو قتل، ڈکیتی اور پولیس مقابلے سمیت سنگین وارداتوں میں مطلوب تھا۔
یاد رہے کہ صحافی عزیز میمن کو 16 فروری 2020 کو نوشہرو فیروز کے علاقے محراب پور میں قتل کردیا گیا تھا۔
