Tag: صحافی

لاہور: پاکستان مسلم لیگ ن کے رہنما رانا ثنا اللہ نے مریم نواز آڈیو لیک کے تناظر میں اعتراف کیا ہے کہ ٹوکریوں کا مطلب لفافہ ہوتا ہے۔

تفصیلات کے مطابق لاہور کے میو اسپتال میں لیگی ایم پی اے بلال یاسین کی عیادت کے موقع پر میڈیا سے گفتگو کرتے ہوئے رانا ثنا اللہ نے ٹوکریوں کا لفظ لفافے کے زمرے میں آنے کا اعتراف کیا۔

انھوں نے کہا ٹوکریوں کا مطلب لفافہ ہوتا ہے، واضح رہے گزشتہ روز مریم نواز کی ایک اور آڈیو لیک ہوئی ہے، جس میں انھوں نے پرویز رشید سے کہا ابو آذربائیجان سے دو ٹوکریاں لائے ہیں، ایک نصرت جاوید اور ایک رانا جواد کو دینی ہے۔

رانا ثنا نے تبصرہ کرتے ہوئے کہا کوئی ہمارے بارے میں تجزیہ کرتا ہے تو ہمیں بھی حق حاصل ہے کہ گفگتو میں اس پر تبصرہ کریں، سوال یہ ہے کہ مریم نواز کی آڈیو لیک کو گزشتہ روز ہی کیوں لیک کیا گیا؟

مسلم لیگ ن اور جنگ جیو کا گٹھ جوڑ ، مریم نواز کی ایک اور مبینہ آڈیو لیک

انھوں نے کہا فارن فنڈنگ کیس میں الیکشن کمیشن کی اسکروٹنی رپورٹ سے نظر ہٹانے کے لیے آڈیو کا پنڈورا کھولا گیا ہے، سب کو پتا ہے کہ آڈیو کہاں سے ریکارڈ ہوتی ہے۔

خیال رہے کہ آڈیو لیک میں سینئر صحافی حسن نثار اور ارشاد بھٹی پر الزامات لگائے گئے اور سینئر تجزیہ کاروں سے متعلق نازیبا کلمات کا بھی استعمال کیا گیا۔

اسلام آباد: پاکستان مسلم لیگ ن کے رہنما شاہد خاقان عباسی نے مریم نواز سے منسوب نئی آڈیو لیک پر ایک ردِ عمل میں کہا ہے کہ سب ہی آپس میں اس طرح کی گفتگو کرتے ہیں، ہم بھی کرتے ہیں اور اس سے بھی بدتر۔

آج اسلام آباد میں ن لیگی رہنماؤں نے پریس کانفرنس کی، انھوں نے فارن فنڈنگ کے حوالے سے الیکشن کمیشن کی اسکروٹنی کمیٹی کی رپورٹ پر پی ٹی آئی کو ہدف بنایا، اور کہا کہ پی ٹی آئی فنڈنگ کیس میں بڑی تفتیش کی ضرورت ہے، اور عمران خان کو وزیر اعظم رہنے کا حق نہیں ہے۔

پریس کانفرنس کے موقع پر مریم نواز کی نئی آڈیو لیک پر صحافی نے سوال کیا تو شاہد خاقان عباسی نے جواب میں کہا میں اور آپ جو بات کرتے ہیں وہ ہمارے درمیان رہتی ہے، آخر یہ آڈیو بنانے اور لیک کرنے والے کون لوگ ہیں؟

شاہد خاقان نے کہا کہ ہم بھی آپس میں بات کرتے ہیں، صحافی نے ان سے سوال کیا، کیا آپ آپس میں اس طرح کی گفتگو کرتے ہیں؟ جس پر شاہد خاقان نے جواب دیا وہ اس سے بھی بدترہوتی ہے۔

قبل ازیں، میڈیا سے گفتگو میں شاہد خاقان نے کہا امریکا میں ٹیکسس اور کیلیفورنیا میں پی ٹی آئی کے دفاتر سے کمپنیاں بنائی گئی ہیں، دونوں کے سربراہ عمران خان ہیں، کیا کسی سیاسی جماعت کو اجازت ہے کہ بیرون ملک جا کر کمپنیاں بنائے؟ قانون میں ہے کہ کسی شخص سے پیسہ لے سکتے ہیں لیکن کسی کمپنی سے نہیں، یہ غیر قانونی ہے، لیکن دونوں کمپنیوں کو بیرون ملک فارن ایجنٹ بنایا گیا۔

انھوں نے الزام لگایا کہ ان دونوں کمپنیوں کا ریکارڈ کہیں بھی ظاہر نہیں کیا گیا، کوئی ریکارڈ الیکشن کمیشن یا اسٹیٹ بینک کو نہیں دیا گیا، اسکروٹنی کمیٹی نے امریکی محکمہ انصاف کی ویب سائٹ سے ڈیٹا اکٹھا کیا ہے، ایک کمپنی کا 1.3 ملین ڈالر کا ریکارڈ ملا، پاکستان میں اس کے بارے میں نہیں بتایا گیا، 50 سے زائد چیپٹر ہیں جو پی ٹی آئی کو پیسہ بھیجتے ہیں۔

انھوں نے کہا ایک ٹرانزیکشن ہے 21 لاکھ ڈالر کی، جو دبئی کی کرکٹ کمپنی نے پی ٹی آئی کے اکاؤنٹ میں بھیجی، کوئی سیاسی جماعت کسی کمپنی سے کوئی روپیہ حاصل نہیں کر سکتی، پی ٹی آئی اکاؤنٹ میں کروڑوں روپے آئے، پی ٹی آئی دفتر کے 4 ملازمین کو ذاتی اکاؤنٹس سے پیسے لینے کا اختیار دیا گیا، ذاتی اکاؤنٹس کے استعمال کی کیا ضرورت تھی کیا ان کے اپنے اکاؤنٹس نہیں تھے۔

شاہد خاقان نے مطالبہ کیا کہ پی ٹی آئی فنڈنگ کیس میں بڑی تفتیش کی ضرورت ہے، اور عمران خان کو وزیر اعظم رہنے کا حق نہیں ہے۔