Tag: صحت انصاف کارڈ

پشاور: پی ٹی آئی نے عوام سے کیا ہوا ایک اور وعدہ پورا کر دیا، خیبر پختونخوا میں میڈیکل کوریج کے انتظامات مکمل کر لیے گئے۔

تفصیلات کے مطابق کے پی حکومت کے 60 لاکھ خاندانوں کے لیے مکمل میڈیکل کوریج کے انتظامات مکمل ہو گئے، اس سلسلے میں خیبر پختون خوا حکومت اور اسٹیٹ لائف انشورنس میں معاہدہ بھی ہو چکا ہے۔

مفاہمتی یادداشت پر ہوم ورک مکمل ہونے کے بعد اب اس معاہدے پر دستخط کل ہوں گے، معاہدے کے تحت کے پی حکومت 5 سال میں 8 ارب روپے فراہم کرے گی، میڈیکل کوریج 10 لاکھ روپے تک طبی سہولتوں کا احاطہ کرے گا۔

ذرایع کا کہنا ہے کہ کل وزیر اعظم عمران خان کی موجودگی میں صحت انصاف پروگرام پر دستخط ہوں گے، مرحلہ وار اس پروگرام کو ہر ضلع تک پہنچایا جائے گا، ہر خاندان کو شناختی کارڈ پر 10 لاکھ روپے کی ہیلتھ انشورنس ملے گی۔

صحت انصاف کارڈ کے حامل افراد کے کیلئے بڑی خبر

واضح رہے کہ فروری میں وزیر اعظم عمران خان نے کہا تھا کہ ریاست مدینہ کے اصولوں کے تحت پاکستان کو عظیم فلاحی ریاست بنایا جائے گا، اس سلسلے میں خیبر پختون خوا میں پہلی بار صحت انشورنس کا نظام لایا گیا ہے۔

اس سے قبل پنجاب میں صحت سہولت کارڈ بھی تقسیم کیے جا چکے ہیں، اس پروگرام کے تحت پنجاب میں 50 لاکھ خاندانوں کو ہیلتھ کارڈ فراہم کیے گئے۔

لاہور: وزیراعظم عمران خان کا کہنا ہے کہ مہنگائی کر کے پیسہ بنانے والوں کو نہیں چھوڑیں گے، ایسا سسٹم لے کر آئیں گے ہمیں کسی بھی چیز کی کمی کا پہلے سے علم ہوگا۔

تفصیلات کے مطابق لاہورمیں صحت انصاف کارڈ تقسیم کی تقریب سے خطاب کرتے ہوئے وزیراعظم عمران خان نے کہا کہ 50 لاکھ صحت انشورنس کارڈ دینے پر ڈاکٹرصاحبہ کو مبارکباد دیتے ہوں۔

وزیراعظم نے کہا کہ میں نے کبھی نہیں کہا تھا پاکستان کو ایشین ٹائیگر بنائیں گے، میں نے کہا تھا کہ پاکستان کو مدینہ کی ریاست پر ملک بنائیں گے، فلاحی ریاست ایک دن میں نہیں بن جاتی،ہم اس راستے پر چل رہے ہیں۔

انہوں نے کہا کہ چینی اور آٹے کا بحران پیدا کرنے والے ذمہ داران کے خلاف سخت کارروائی ہوگی، تحقیقات کا عمل جاری ہے جس کی گرفت سے کوئی نہیں بچ پائے گا، مہنگائی کر کے پیسہ بنانے والوں کو نہیں چھوڑیں گے، ایسا سسٹم لے کر آئیں گے ہمیں کسی بھی چیز کی کمی کا پہلے سے علم ہوگا۔

وزیراعظم پاکستان کا کہنا تھا کہ اسپتالوں کی نجکاری نہیں کر رہے بلکہ انہیں خود مختار بنا رہے ہیں اور مجوزہ اصلاحات کے ذریعے سرکاری انتظامی امور تشکیل پائیں گے جن کا معیار بھی پرائیوٹ اسپتالوں کی طرح ہوگا۔

عمران خان نے کہا کہ میڈیکل آلات کی درآمد پر ڈیوٹی ختم کر دی ہے تاکہ لوگ ملک میں اسپتال بنائیں اور معیاری اور سستا علاج فراہم کریں۔ انہوں نے کہا کہ ملک میں شعبہ صحت میں انقلابی تبدیلیاں لا رہے ہیں۔

اسلام آباد: وزیراعظم عمران خان کا کہنا ہے کہ مخنث کمیونٹی کے لیے صحت انصاف کارڈ کی سہولت خوش آئند ہے، گزشتہ حکومتوں نے مخنث کمیونٹی کے حقوق کے لیے کردار ادا نہیں کیا۔

تفصیلات کے مطابق وفاقی دارالحکومت اسلام آباد میں تقریب سے خطاب کرتے ہوئے وزیراعظم عمران خان نے کہا کہ مخنث کمیونٹی کے لیے صحت انصاف کارڈ کی سہولت خوش آئند ہے، گزشتہ حکومتوں نے وہ کردار ادا نہیں کیا جو کرنا چاہیے تھا۔

انہوں نے کہا کہ گزشتہ حکومتوں نے وہ کردار ادا نہیں کیا جو کرنا چاہیے تھا، افسوس ہے ملک میں مخنث کمیونٹی کو مشکلات ہیں، گزشتہ حکومتوں نے مخنث کمیونٹی کے حقوق کے لیے کردار ادا نہیں کیا، فیصلہ کیا ہے ہم مخنث کمیونٹی کے حقوق کی ذمہ داری لیں گے۔

وزیراعظم پاکستان نے کہا کہ غریب طبقے کے لیے علاج کے اخراجات برداشت کرنا ناممکن ہے،غریب کینسر کے علاج کے لیے اپنا گھر اور زیور تک فروخت کر دیتے ہیں، ہیلتھ انصاف کارڈغریبوں کو اعتماد دیتا ہے۔

انہوں نے کہا کہ 2019میں معاشی صورتحال میں استحکام لے کرآئے، 2020 میں ہماری کوشش ہوگی نوکریاں پیدا کریں، 2020میں کوشش ہوگی فیکٹریاں چلوائیں، روزگار بڑھائیں۔

وزیراعظم عمران خان نے کہا کہ کمزور طبقے کے لیے احساس پروگرام بڑھانے لگے ہیں، یوٹیلٹی اسٹورز آئندہ ماہ سے شروع کر رہے ہیں، راشن کارڈ بھی لے کر آ رہے ہیں جوغریب استعمال کرسکیں گے۔

انہوں نے کہا کہ نوجوانوں کو روزگار اور کاروبار کے لیے مزید قرضوں کا پروگرام لا رہے ہیں، احساس پروگرام کو پورے ملک میں پھیلائیں گے، نوجوانوں کو اپنے پاؤں پرکھڑا کرنے کے لیے مزید پروگرامز لائیں گے۔

وزیراعظم پاکستان نے مزید کہا کہ 2020 انشااللہ وہ سال ہوگا جس میں ہم آگے بڑھیں گے، بھرپورکوشش ہے ملک میں کاروباری سرگرمیاں تیز ہوں۔