کیلیفورنیا: ماہرینِ طب کا کہنا ہے کہ رات گئے کھانے کی عادت صحت پر منفی اثرات مرتب کرتی ہے۔
یونی ورسٹی آف کیلیفورنیا کے ماہرین کا کہنا ہے کہ سونے سے کچھ دیر قبل فاسٹ فوڈ یا اسی طرح کی دوسری غذائیں لینا یاداشت کو بری طرح متاثر کرتا ہے، اس کے ساتھ یہ وزن میں بھی اضافے کا باعث بنتا ہے۔
ماہرین کا کہنا ہے کہ معمول سے ہٹ کر کھانے والے افراد کی تعلیمی سرگرمیاں بھی متاثر ہونے کے امکانات بڑھ جاتے ہیں۔
نئی تحقیق سے پتا چلتا ہے پین کلر ادویات سے صحت پر منفی اثرات مرتب ہو سکتے ہیں۔
ڈچ محقیقین کا کہنا ہے کہ جو لوگ درد اور سوزش میں آرام پہنچانے والی گولیاں عام پین کلرز لیتے ہیں، ان میں دل کی ایک بیماری اٹیریل فیبریلیشن یا اختلاج قلب کے خطرے کا امکان چھتر فیصد زیادہ ہوتا ہے۔
طبی ماہرین کا کہنا ہے کہ ایسے افراد جو تیس دنوں میں پین کلرز کا لگاتار استعمال کرتے ہیں اور اچانک دوا کا استعمال روک دیتے ہیں، وہ چوراسی فیصد زیادہ اس خطرے کا سامنا کرسکتے ہیں۔
