سابق امریکی صدر جو بائیڈن نے بطور امریکی صدر اپنے آخری دن سزا یافتہ 5 مجرموں کو معافی دینے کا اعلان کردیا۔
بین الاقوامی خبر رساں ادارے کی رپورٹ کے مطابق وائٹ ہاؤس کے بیان میں کہا گیا ہے کہ سابق امریکی صدر جو بائیڈن نے 2 سزا یافتہ افراد کی سزاؤں میں تبدیلی بھی کردی۔
خبر ایجنسی کا کہنا ہے کہ معافی پانے والوں میں ڈیرل چیمبرز، مارکس موسیہ، رویداتھ راگبیر، ڈان لیونارڈ اور کیمبا اسمتھ شامل ہیں۔
بائیڈن نے 2 افراد کی سزا میں کمی بھی کردی، سزا میں کمی ہونے والے افراد میں رابن پیپلز اور مشیل ویسٹ شامل ہیں۔
اس سے قبل امریکا کے سابق صدر نے اسرائیل اور حماس کے درمیان جنگ بندی معاہدے پر کہا تھا کہ آج غزہ میں بندوقیں خاموش ہوگئیں۔
اُن کا کہنا تھا کہ غزہ جنگ بندی کا معاہدہ نتیجہ خیز ہوگیا، بندوقیں آج غزہ میں خاموش ہوچکی ہیں، شہریوں کی مدد کیلئے سیکڑوں ٹرک غزہ میں داخل ہوگئے ہیں، معاہدے کے اگلے مرحلے میں یرغمالیوں میں شامل اسرائیلی فوجی رہا ہونگے۔
ایران نے زیر آب میزائل کمپلیکس کی ویڈیو جاری کردی
واضح رہے کہ حماس اور اسرائیل کے درمیان غزہ جنگ بندی معاہدے پر عملدرآمد شروع ہوچکا ہے، حماس کی جانب سے اسرائیلی یرغمالیوں کو رہا کرنے کا عمل شروع ہوچکا ہے۔
