Tag: صدرآصف زرداری

کراچی: پاکستان پیپلزپارٹی کی مرکزی ترجمان شازیہ مری کا صدر مملکت آصف علی زرداری کے استعفیٰ سے متعلق افواہوں پر بیان سامنے آگیا۔

شازیہ مری نے کہا کہ صدر آصف علی زرداری کے استعفیٰ کی افواہیں من گھڑت اور جھوٹ پر مبنی ہیں، پیپلزپارٹی اور صدر زرداری نے ثابت کیا کہ ہم کبھی میدان نہیں چھوڑتے، تاریخ گواہ ہے آصف علی زرداری نے آمریت اور قید کا سامنا کیا لیکن پیچھے نہیں ہٹے۔

ترجمان پاکستان پیپلزپارٹی نے کہا کہ پیپلزپارٹی کے اتحادیوں سے اچھے تعلقات ہیں، چاروں صوبائی اسمبلیوں، قومی اسمبلی اور سینیٹ میں دو تہائی اکثریت درکار ہے۔

شازیہ مری نے کہا کہ اس لیے ایسے کسی سوال کا کوئی جواز نہیں، صدر زرداری وہ واحد سیاستدان ہیں جنھوں نے صدارتی اختیارات پارلیمان کو دیے، صدر زرداری کی سیاسی بصیرت کی بدولت چاروں اکائیوں کو صوبائی خودمختاری ملی۔

مرکزی ترجمان پیپلزپارٹی شازیہ مری کا کہنا تھا کہ جب ملک مشکلات میں آیا تو صدر آصف علی زرداری ہی تھے جنھوں نے پاکستان کھپے کا نعرہ لگایا۔

انھوں نے کہا کہ حقوق بلوچستان ہو یا سوات میں امن کا قیام صدر زرداری کی بدولت ہی ممکن ہوا، آصف زرداری ملک کے پہلے سویلین صدر ہونگے جو اپنی 2 صدارتی مدتیں مکمل کرینگے۔

https://urdu.arynews.tv/president-asif-zardari-pm-shehbaz-importants-meeting/

لاہور : گورنر پنجاب سردارسلیم حیدر کا کہنا ہے کہ بلاول بھٹوعوامی مینڈیٹ سے ملک کے اگلے نوجوان وزیراعظم ہوں گے۔

تفصیلات کے مطابق صدرآصف زرداری سے گورنر پنجاب سردارسلیم حیدر کی ملاقات ہوئی، گورنر ہاؤس میں ہوئی ملاقات میں اٹک کی تنظیم اورٹکٹ ہولڈرزموجود تھے۔

اس موقع پر صدر مملکت آصف زرداری نے کہا کہ پاکستان ہے تو تمام سیاسی جماعتیں ہیں، پاک بھارت کشیدگی میں بھارت کو منہ کی کھانی پڑی۔

صدر مملکت کا کہنا تھا کہ پیپلزپارٹی سمت تمام جماعتیں اپنی افواج کےشانہ بشانہ کھڑی ہوئیں، پیپلز پارٹی نے ہمیشہ ملک اور جمہوریت کی خاطر قربانیاں دیں۔

مزید پڑھیں : آنے والی نسلیں پانی کے مسئلے پر جنگ لڑیں گی؟ یہ افسوسناک ہے: بلاول بھٹو

انھوں نے بتایا کہ پیپلزپارٹی پنجاب میں متحرک اور فعال ہو گئی ہے، پیپلزپارٹی مزدوروں، محنت کشوں اور پیسے ہوئے طبقے کی جماعت ہے۔

ملاقات میں گورنرپنجاب نے کہا کہ بلاول بھٹوعوامی مینڈیٹ سے ملک کے اگلے نوجوان وزیراعظم ہوں گے۔

اٹک کی تنظیم نے صدرآصف زرداری کو اٹک کے دورے کی دعوت بھی دی۔

اسلام آباد صدر مملکت آصف زرداری اور وزیراعظم شہباز شریف کا شیلا جیکسن لی کے انتقال پر اظہارافسوس کیا۔

تفصیلات کے مطابق امریکی کانگریس میں پاکستان کاکس کی چیئرپرسن شیلاجیکسن انتقال کرگئیں، وہ امریکا میں پاکستان کی توانا آوازتھیں۔

وزیراعظم شہباز شریف نے امریکی کانگریس کی رکن کے انتقال پر اظہارافسوس کرتے ہوئے خاندان اور حامیوں سے تعزیت کی۔

شہباز شریف کا کہنا تھا کہ شیلا جیکسن پاکستان اور امریکا کے مضبوط تعلقات کی علمبردار تھیں، ان کی خدمات ہمیشہ یاد رکھی جائیں گی۔

صدرآصف زرداری نے امریکی رکن  کانگریس کے انتقال پراظہارافسوس کرتے ہوئے کہا کہ انھوں نے خواتین اوربچوں سمیت انسانی حقوق کیلئے آواز اٹھائی، پاک امریکا تعلقات مضبوط بنانے کیلئے ان کے کردار کو یاد رکھا جائے گا ، 2020 کے سیلاب کےدوران انکی کوششیں ناقابل فراموش ہیں۔

چیئرمین پیپلز پارٹی بلاول بھٹو  نے بھی امریکی رکن  کانگریس کےانتقال پراظہارافسوس کرتے ہوئے کہا کہ ان کی جمہوریت اور پاکستانی عوام سے وابستگی طویل تھی، انسانی حقوق، خواتین کے حقوق کی چیمپئن کی میراث رہنمائی کرتی رہے گی۔

چیئرمین سینیٹ نے امریکی رکن  کے انتقال پر اظہار افسوس کیا اور کہا کہ وہ  پاکستان کی سپورٹراوردوست تھیں، انھوں نےکانگریس میں پاکستان کیلئےآوازبلندکی، پاکستان ایک مخلص دوست سےمحروم ہوگیا ہے۔