Tag: صدرمملکت عارف علوی

اسلام آباد : صدرمملکت عارف علوی نے کہا میری عمران خان سے آخری بار پنجاب کے گورنر کے معاملے پر بات ہوئی ، تمام فریق راضی ہوں تو ایوان صدر کردار ادا کر سکتا ہے۔

تفصیلات کے مطابق صدرمملکت عارف علوی نے صحافیوں سے ملاقات میں پیشکش کی کہ تمام فریق راضی ہوں تو ایوان صدر کردار ادا کرسکتاہے ، ڈائیلاگ اس صورت ہوسکتا ہے جب تمام فریقین راضی ہوں۔

عارف علوی کا کہنا تھا کہ ذاتی حیثیت میں سمجھتا ہوں واضح مینڈیٹ بہت ضروری ہے وقت کوئی بھی ہو، جس نے غداری کی ہے اس پر آرٹیکل 6ضرور لگائیں، میں نے نہ آئین توڑا ہے اور نہ غداری کی ہے۔

دھمکی آمیزخط کے حوالے سے انھوں نے کہا کہ دھمکی آمیزخط پر تحقیقات ہوئی ہیں تو عوام کے سامنے آنی چاہئیں ، امریکا پاکستان سے اپنے تعلقات ختم کرنانہیں چاہتا۔

آرمی چیف کی تقرری سے متعلق صدر مملکت کا کہنا تھا کہ میرے خیال میں آرمی چیف کی تقرری وقت سے پہلے کرنے میں کوئی حرج نہیں۔

عارف علوی نے کہا کہ یہ تاثر غلط ہے کہ میرے وزیراعظم سے تعلقات ٹھیک نہیں ، بطور صدرمملکت میرے پاس اختیار نہیں کہ کسی سے کہوں کہ ڈائیلاگ کرو۔

ان کا مزید کہنا تھا کہ صدارتی نظام نہیں جمہوری نظام ہی ملک کا حل ہے، جب سے یہ حکومت آئی ہے مجھے 74سمریاں بھیجی گئیں، 74میں سے 69سمری اسی وقت دستخط کرکے واپس بھیج دیں۔

صدر مملکت نے بتایا کہ سمریوں کو روکنے میں کسی طرف سے کوئی دباؤ نہیں تھا ، میرے ذہن میں کچھ سوالا ت تھےاس لئے سمریوں کو روکا۔

عمران خان سے بات سے متعلق عارف علوی نے کہا کہ ای وی ایم اور نیب کی سمری پر میری عمران خان سے کوئی بات نہیں ہوئی ، عمران خان سے آخری بار پنجاب کے گورنر کے معاملے پر بات ہوئی۔

اسلام آباد: صدرمملکت عارف علوی نے بھارت کو وارننگ دیتے ہوئے کہا میلی نظر سے نہ دیکھنا ورنہ آنکھیں نکال دیں گے۔

تفصیلات کے مطابق صدرمملکت عارف علوی نے یوم یکجہتی کشمیر کے موقع پر اپنے پیغام میں کہا کہ بھارتی فوج مقبوضہ کشمیرمیں آبادیوں کا محاصرہ کرتی ہے ، دنیاکومقبوضہ کشمیرمیں ہونےوالاظلم دیکھنا چاہیے۔

عارف علوی کا کہنا تھا کہ نہرواقوام متحدہ میں قلابازیاں کھاتےہوئےگئے، دنیا نے مقبوضہ کشمیرمیں مظالم پرآنکھیں بندکررکھی ہیں ، دنیا مسئلہ کشمیر اور مسئلہ فلسطین کو اہمیت نہیں دیتی۔

صدرمملکت نے کہا کہ پیلٹ گن کا استعمال کرکے مقبوضہ کشمیر کے ہزاروں افرادکونابینا کیا گیا، کچھ کشمیری رہنماؤں کو ان لوگوں نے دہائیوں سے نظر بند کررکھا ہے۔

ان کا مزید کہنا تھا کہ پاکستان مسئلہ کشمیر کے پرامن حل کا پورا موقع دے رہا ہے، ہاتھ پرہاتھ دھربیٹھا نہیں رہیں گے، مقبوضہ کشمیرمیں وسیع پیمانے پر خواتین کی آبروریزی کی جاتی ہے۔

عارف علوی نے بھارت کووارننگ دیتے ہوئے کہا میلی نظر سے نہ دیکھنا ورنہ آنکھ نکال دیں گے، ہماری سمت کوئی ہاتھ نہ اٹھانا ورنہ ہم ہاتھ کاٹ دیں گے۔

صدر مملکت نے بتایا کہ مقبوضہ کشمیرمیں آبادیاتی تناسب تبدیل کرنے کی کوشش کی جارہی ہے، ہم مقبوضہ کشمیرکےعوام کےساتھ کھڑے تھے اور کھڑےرہیں گے اور مقبوضہ کشمیرکےعوام کی حمایت سے کبھی پیچھے نہیں ہٹیں گے۔

ان کا مزید کہنا تھا کہ مقبوضہ کشمیرمیں انسانی حقوق کی پامالی کی جارہی ہے ، مقبوضہ کشمیرکومیڈیاکےلیےکھولاجائے اور اقوام متحدہ کی قراردادوں کےمطابق مسئلہ کشمیر کوحل کیاجائے۔