Tag: صدر آصف زرداری

اسلام آباد: صدر آصف زرداری اور ایران کے صدر ڈاکٹر مسعود پزشکیان کی ایوان صدر میں ملاقات ہوئی، ایوانِ صدر میں انکا پُرتپاک خیرمقدم کیا گیا۔

اے آر وائی نیوز کے مطابق صدر آصف زرداری نے صدر ڈاکٹر مسعود پزشکیان کا ایوانِ صدر میں پُرتپاک خیرمقدم کیا، اس موقع پر پاکستان اور ایران نے دو طرفہ تعاون کو مزید وسعت دینے کے عزم کا اعادہ کیا، دونوں ممالک نے وسیع اور باہمی فائدے کے شعبوں میں تعلقات بڑھانے کی اہمیت پر زور دیا۔

پاکستان اور ایران کے صدور کا علاقائی اور عالمی امور پر تفصیلی تبادلہ خیال بھی ہوا، دونوں رہنماؤں نے تنازعات بڑھنے سے روکنے اور امن کیلئے مربوط کوششوں کی ضرورت پر بھی زور دیا۔

صدر آصف زرداری نے کہا کہ پاکستان اور ایران کے برادرانہ تعلقات مشترکہ مذہب، ثقافت اور باہمی احترام پر مبنی ہیں، پاکستان اور ایران خطے کے پُرامن اور خوشحال مستقبل کیلئے ملکر کام جاری رکھیں گے۔

آصف علی زرداری نے علاقائی معاملات پر ایران کے اصولی مؤقف کو سراہا، انھوں نے خطے میں تعاون کے لیے تہران کی مستقل حمایت پر اظہار تشکر کیا۔

صدر نے آیت اللہ خامنہ ای کی جانب سے جموں کشمیر پر بھارتی غیرقانونی قبضے کیخلاف عوام کی حمایت پر شکریہ ادا کیا، آصف زرداری نے ایران کے خلاف اسرائیلی جارحیت کی سخت مذمت کی۔

پاکستانی صدر نے 12 روزہ جنگ کے دوران ایرانی قوم کی جرات اور اتحاد کو خراجِ تحسین پیش کیا، آصف زرداری نے مشکل وقتوں میں ایران کی یکجہتی پر شکریہ بھی ادا کیا۔

اسلام آباد: وزیراعظم شہباز شریف اور صدر آصف علی زرداری سے ایرانی وزیرخارجہ سید عباس عراقچی کی ملاقات ہوئی۔

وزیراعظم نے کہا کہ بغیر ثبوت پہلگام واقعے کو پاکستان سے منسلک کرنا مسترد کرتے ہیں، پاکستان نے پس پردہ حقائق کا پتہ لگانے کیلئے عالمی تحقیقات کی پیشکش کی، تمام صورتحال میں پاکستان نے انتہائی ذمہ داری سے کام لیا۔

شہبازشریف نے کہا کہ مسئلہ کشمیر سے توجہ ہٹانے کیلئے بھارت میڈیا کے ذریعے بےبنیاد پروپیگنڈا کررہا ہے، جنوبی ایشیا میں عدم استحکام کی بنیادی وجہ مسئلہ کشمیر ہے۔

وزیراعظم نے کہا کہ بھارت کی جانب سے پانی کو بطور ہتھیار استعمال کرنا ناقابل قبول ہے، کوئی فریق سندھ طاس معاہدے کو یکطرفہ طور پر معطل نہیں کرسکتا۔

وزیراعظم نے پہلگام واقعے کے بعد بھارت کے اشتعال انگیز رویے پر شدید تشویش کا اظہار کیا، ملاقات میں خطے میں امن واستحکام کیلئے ایران کےساتھ مل کر کام کرنے کے عزم کا اعادہ کیا گیا۔

دریں اثنا صدرمملکت آصف علی زرداری سے ایران کے وزیر خارجہ عباس عراقچی کی ملاقات کی ہوئی، ملاقات میں علاقائی سلامتی کی صورتحال بالخصوص پہلگام واقعے کے بعد بھارت اور پاکستان کے مابین جاری کشیدگی پر تبادلہ خیال کیا گیا۔

صدر مملکت نے کہا کہ پاکستان اور ایران کے مابین تاریخی اور برادرانہ تعلقات ہیں، صدر نے خطے میں امن اور خوشحالی کے فروغ کیلئے مل کر کام کرنے کی اہمیت پر زور دیا۔

ایرانی وزیر خارجہ عباس عراقچی نے کہا کہ پاکستان کا دورہ سپریم لیڈر آیت اللہ سید علی خامنہ ای اور ایرانی صدر مسعود پزشکیان کی ہدایات پر کیا، موجودہ صورتحال پر پاکستان کا موقف سمجھتے ہیں،

عباس عراقچی نے کہا کہ ایران پاکستان کے ساتھ تعلقات کو اہمیت دیتا ہے، ایران پاکستان کے ساتھ باہمی مفاد میں دوطرفہ تعلقات مزید مضبوط بنانے کا خواہاں ہے، ایرانی وزیر خارجہ نے کشیدگی کم کرنے کیلئے فریقین پر تحمل کا مظاہرہ کرنے پر زور دیا۔

https://urdu.arynews.tv/pm-shehbaz-sharif-invites-britain-to-join-international-investigation-into-pahalgam-incident/

اسلام آباد: ترک صدر کی جانب سے صدر آصف علی زرداری اور وزیراعظم پاکستان شہباز شریف کو الیکٹرک گاڑی کا تحفہ دیا گیا ہے۔

تفصیلات کے مطابق دورہ پاکستان پر تشریف لانے والے ترکیہ کے صدر رجب طیب اردوان نے صدر اور وزیراعظم کو ترک ساختہ الیکٹرک وہیکل تحفے میں دی، وزیراعظم شہباز شریف نے ترکیہ کے صدر طیب اردوان کے ہمراہ الیکٹرک گاڑی ڈرائیو بھی کی۔

ایوان صدر آمد پر صدرمملکت نے ترک ہم منصب کا استقبال کیا جبکہ طیب اردوان، ترک خاتون اول اور وفد کے اعزاز میں عشائیے کا بھی اہتمام کیا گیا۔

دونوں ممالک کی جانب سے تجارتی اور سرمایہ کاری تعلقات بڑھانے کی ضرورت پر زور دیا گیا، تجارت، معیشت، توانائی، دفاع، سیاحت اور عوامی روابط کے شعبوں میں تعاون مزید بہتر بنانے کا عزم کیا گیا۔

صدر آصف زرداری نے کہا کہ صدر اردوان کا دورہ پاکستانی عوام کےلیے خصوصی اہمیت کا حامل ہے، ترک صدر کے دورے سے دوطرفہ تعلقات مزید مستحکم کرنے میں مدد ملے گی۔

انھوں نے کہا کہ پاکستان میں سرمایہ کاری کےلیے سازگار ماحول ہے، پاکستان ترکیہ کے کاروباری اداروں کی مزید سرمایہ کاری کا خواہاں ہے۔

صدر مملکت نے وفاقی محتسب کے فیصلے کےخلاف شہری فہیم احمد کی درخواست منظور کرلی، آصف علی زرداری نے ایک ماہ میں تقرری کی ہدایت کی ہے۔

تفصیلات کے مطابق صدرآصف زرداری نے سی اے اے کو متوفی ملازم کے بیٹے کی ایک ماہ میں تقرری کی ہدایت بھی کردی ہے، فہیم احمد نے سی اے اے کیخلاف ’’متوفی ملازمین‘‘ کے کوٹے پر تقرری نہ کرنے کی شکایت کی تھی۔

صدر مملکت نے کہا کہ 1999 میں والد کی وفات کے وقت شکایت کنندہ کی عمر صرف 6 سال تھی، شہری نے 2005 کی پالیسی کے تحت عمر پوری ہونے کے بعد تقرری کی درخواست دی، پالیسی متعارف ہونے سے قبل فہیم احمد تعینات ہونے کا اہل نہیں تھا۔

آصف زرداری نے کہا کہ یہ پالیسی کے ماضی میں اطلاق کے بجائے مستقبل میں اطلاق کا معاملہ ہے، متوفی ملازم کے بیٹے کو اشتہار کی رسمی کارروائی کے بغیر محکمے میں تعینات کیا جانا تھا۔

انھوں نے مزید کہا کہ سول ایوی ایشن اتھارٹی کا دعویٰ موجودہ کیس میں قانونی طور پر درست نہیں، درخواست گزار نے پالیسی متعارف کرانے کے بعد بلوغت کی عمر حاصل کی، سول ایوی ایشن اتھارٹی ایک ماہ میں قانون کے مطابق فہیم احمد کی درخواست پر کارروائی کرے۔

تفصیلات میں بتایا گیا ہے کہ فہیم احمد کے والد اتھارٹی کے ملازم تھے، 1999 میں انکا کینسر کے باعث انتقال ہوا، والد کی وفات کے وقت شکایت کنندہ نابالغ تھا، تقرری کی درخواست نہیں دے سکتا تھا۔

نوکری کی درخواست دینے پر سول ایوی ایشن اتھارٹی نے درخواست مسترد کردی، فہیم احمد نے شکایت کے حل کےلیے اتھارٹی سے رجوع کیا مگر کوئی ازالہ نہ ہوا، فہیم احمد نے وفاقی محتسب سے رجوع کیا، محتسب نے بدانتظامی ثابت نہ ہونے پر درخواست مسترد کردی۔

شکایت کنندہ نے فیصلے کےخلاف صدر مملکت کو اپیل کی، اس کی درخواست منظورکرلی گئی، صدر مملکت نے اتھارٹی کو ایک ماہ میں قانون کے مطابق تقرری کی درخواست پر کارروائی کا حکم دیا ہے۔

اسلام آباد: وزیراعظم شہباز شریف نے 75ویں یوم تاسیس پر کہا ہے کہ چین کا یوم تاسیس مشترکہ طور پر منانا خوش آئند ہے۔

وزیراعظم شہبازشریف کا چین کی یوم تاسیس کی تقریب سے خطاب میں کہنا تھا کہ پاک چین دوستی ہمالیہ سے اونچی اور سمندر سے گہری ہے، وزیراعظم شہباز شریف نے چینی قیادت اور عوام کو یوم تاسیس پر مبارکباد بھی دی۔

انھوں نے کہا کہ آئی ایم ایف سے مذاکرات میں مسلسل چینی تعاون قابل تحسین ہے، چین نے علاقائی اور عالمی امن کیلئے ہمیشہ احسن کردار ادا کیا۔

وزیراعظم شہباز شریف نے کہا کہ پاکستان ہانگ کانگ، تائیوان اور دوسرےعالمی امور پر چین کی حمایت کرتا ہے۔

چین کے75ویں یوم تاسیس پر تقریب سے خطاب میں صدر مملکت آصف علی زرداری نے اپنے پیغام میں کہا کہ چین نے سائنس، ٹیکنالوجی اور معاشی میدان میں ترقی کے سنگ میل عبور کیے۔

انھوں نے کہا کہ پاکستان اور چین آ زمائش کی ہرگھڑی میں مضبوط دوست رہے ہیں، کمیونسٹ پارٹی کی وژنری قیادت میں چین ترقی کی منزلیں عبورکررہا ہے، سی پیک منصوبوں سے پاکستان میں ترقی اور خوشحالی آئے گی۔