تل ابیب : فلسطین کے صدر محمود عباس اور بھارتی وزیراعظم نریندر مودی نے 50 ملین ڈالر کی سرمایہ کاری کے معاہدے پر دستظ کیے ہیں۔
تفصیلات کے مطابق بھارتی وزیراعظم نریندر مودی آج فسلطین کے سرکاری دورے پر پہنچے ہیں جہاں اُن کا فلسطین کے صدر محمود عباس نے پُرتپاک استقبال کیا اور دونوں رہنماؤں نے 50 ملین ڈالر کی سرمایہ کاری کی یادداشت پر دستخط کیے ہیں۔
ذرائع کے مطابق فلسطینی صدر محمود عباس نے بھارتی وزیراعظم نریندر مودی کے اعزاز میں رام اللہ میں صدارتی محل میں عشائیہ بھی دیا جہاں دونوں رہنماؤں نے باہمی دلچسپی کے امور پر تبادلہ خیال کیا اور ایک دوسرے کے ساتھ معاشی و سفارتی تعلقات کو مستحکم کرنے کی ضرورت پر زور دیا۔
مشترکہ پریس کانفرنس سے خطاب کرتے ہوئے بھارتی وزیراعظم کا کہنا تھا کہ انڈیا ہر فلسطین کے عوام کے مفاد میں کیے جانے والے ہر حل کی حمایت کی یقین دلاتا ہوں اور امید کرتا ہوں کہ خطے میں جلد امن بحال ہوگا اور فلسطینی عوام اپنے مقاصد حاصل کرنے میں کامیاب ہو جائیں گے۔
اس موقع پر صدر فلسطین محمود عباس نے فلسطین کی آزادی کے لیے مصمم ارادے کے عزم کا اعادہ کرتے ہوئے کہا کہ امریکا کی جانب سے یروشلم کو فلسطین کا دارالحکومت تسلیم کرنے کے فیصلے کو دنیا بھر نے مسترد کردیا ہے جسے فلسطینی عوام کی فتح سمجھتا ہوں۔
