ARYNews.tv | Urdu – Har Lamha Bakhabar

Tag: صدر مملکت ممنون حسین

  • صدر مملکت کا اختیارات کا ناجائز استعمال ، پی آئی اے کو لاکھوں روپے کا ٹیکا لگادیا

    صدر مملکت کا اختیارات کا ناجائز استعمال ، پی آئی اے کو لاکھوں روپے کا ٹیکا لگادیا

      اسلام آباد : صدر مملکت ممنون حسین نے جاتے جاتے اختیارات کا ناجائز استعمال کرکے مبینہ طور پر پی آئی اے کو لاکھوں روپے کا ٹیکا لگا دیا. دوران پرواز  خود تو بزنس کلاس کے مزے  لوٹے ساتھ ہی  رشتے داروں کو بھی مزے کرائے۔

    تفصیلات کے مطابق صدر مملکت حکومت کی جانب سے وی آئی پی کلچر کے خلاف اقدامات کے باوجود پروٹوکول کے مزے لیتے رہے، لندن سے 29 اگست کو اسلام آباد کے لئے روانہ ہوئے، دوران پرواز بزنس کلاس کے مزے خود تو لوٹے ساتھ میں رشتے داروں کو بھی اکنامی کلاس سے بزنس کلاس میں بلوالیا۔

    صدر مملکت کیساتھ سفر کرنے والوں کے پاس اکنامی کلاس کے ٹکٹس تھے۔

    زرائع کے مطابق لندن میں پی آئی اے کے اسٹیشن مینجر ساجد اللہ نے خلاف قانون صدر مملکت کو پروٹوکول فراہم کیا۔ ساجد اللہ سینٹر مشاہد اللہ کے بھائی ہیں۔

    اسٹیشن مینجر کیجانب سے خاص ہدایت جاری کی گئیں کہ صدر مملکت کے مہمانوں کو بھی پروٹوکول دیا جائے۔

    کپتان نے اکنامی کلاس کے مسافروں کو بزنس کلاس میں سفر کرانے کیخلاف ڈی بریف رپورٹ مینجنٹ کو دے دی، رپورٹ میں کہا گیا ہے کہ ہمیں صدر مملکت کو اور ان کے مہمانوں کو دئیے جانے والے پروٹوکول کے متعلق آگاہ نہیں کیا گیا۔

    رپورٹ کے مطابق کیبن کریو نے صدر مملکت کی ہدایت پر 5 مہمانوں کو اکنامی کلاس کے مسافروں کو بزنس کلاس میں منتقل کیا۔

    یاد رہے وزیراعظم عمران خان کئی بار پروٹوکول پر ناراضگی کا اظہار کر چکے ہیں، ان کا کہنا تھا کہ کہ نہ میں خود پروٹوکول لوں گا نہ دوسروں کو لینے دوں گا جبکہ وزرا کو بھی پروٹوکول نہ لینے کی ہدایت کی تھی۔

  • کراچی پاکستان کی شہہ رگ اور معاشی حب ہے، صدر ممنون حسین

    کراچی پاکستان کی شہہ رگ اور معاشی حب ہے، صدر ممنون حسین

    کراچی : صدرِ مملکت ممنون حسین نے کہا ہے کہ کراچی پاکستان کی شہہ رگ اور معاشی حب ہے اس کی تعمیر و ترقی پورے ملک کی ترقی ہے، یہی وجہ ہے کہ کراچی وفاقی حکومت کی اولین ترجیح ہے۔

    تفصیلات کے مطابق صدرِ مملکت ممنون حسین نے کراچی میں گورنر سندھ جسٹس (ر) سعید الزماں صدیقی سے گورنر ہاؤس میں ملاقات کی ہے اس موقع پر وزیر اعلیٰ سندھ سید مراد علی شاہ اور صوبائی وزیر سید ناصر شاہ بھی پر موجود تھے۔

    ملاقات کے دوران صوبہ سندھ میں امن و امان کی صورتحال، کراچی آپریشن ، ترقیاتی منصوبوں اور باہمی دلچسپی کے دیگر امور پر تفصیلی تبادلہ خیال کیا گیا اور صوبہ میں پائیدار امن کے لیے آپریشن اپنے منطقی انجام تک جاری رکھنے کے عزم کا اظہار کیا گیا۔

    اس موقع پر گورنر سندھ جسٹس (ریٹائرڈ) سعید الزماں صدیقی نے کہا کہ ماس ٹرانزٹ کے منصوبوں کی تکمیل سے کراچی کے شہریوں کو بہتر سفری سہولیات فراہم ہوں گی جب کہ لیاری ایکسپریس وے اور ماس ٹرانزٹ کے تمام منصوبے کراچی کے لئے نہایت اہمیت کے حامل ہیں۔

    جب کہ صدر مملکت ممنون حسین نے کہا کہ گرین لائن منصوبہ کراچی کے شہریوں کے لئے وفاقی حکومت کا اہم اقدام ہے ، وزیر اعظم کے احکامات پر کراچی سرکلر ریلوے کا منصوبہ سی پیک (CPEC) میں شامل کرلیا گیا ہے۔

    اس موقع پر وزیر اعلیٰ سید مراد علی شاہ نے صدر مملکت اور گورنر سندھ کو بتایا کہ صوبائی حکومت کراچی کی تعمیر و ترقی کے لیے نمایاں اقدامات کر رہی ہیں جن میں ماس ٹرانزٹ کے منصوبہ بھی شامل ہیں اس حوالے سے اورنج لائن منصوبہ ایک اہم کڑی ہے۔

  • لٹل ماسٹر حنیف محمد کا انتقال، وزیراعظم، صدر اور دیگر کا افسوس کا اظہار

    لٹل ماسٹر حنیف محمد کا انتقال، وزیراعظم، صدر اور دیگر کا افسوس کا اظہار

    کراچی: لیجنڈ کرکٹر حنیف محمد کے انتقال پر صدر ممنون حسین، وزیر اعظم نواز شریف، سابق ٹیسٹ کرکٹرز، اہل خانہ اور دیگر نامور شخصیات نے افسوس کا اظہار کیا ہے۔

    وزیراعظم نوازشریف نے حنیف محمد کے انتقال پر شعیب محمد کو ٹیلیفون کرکے تعزیت کی، وزیراعظم کا کہنا تھا کہ لیجنڈ حنیف محمد پاکستان نہیں پوری دنیا کے ہیرو تھے۔ ان کی کمی ہمیشہ محسوس ہوگی۔

    صدر مملکت ممنون حسین نے بھی گہرے دکھ اور افسوس کا اظہار کیا، سابق ٹیسٹ کرکٹر صادق محمد بھی بھائی کے انتقال پر افسردہ ہیں۔

    چئیرمین پی سی بی شہریار خان، نجم سیٹھی اور انتظامیہ نے بھی اظہار افسوس کیا ہے، شہریار خان کا کہنا ہےکہ دنیائے کرکٹ حنیف محمد کی وفات پر غمزدہ ہے، ٹیسٹ کرکٹرز نے حنیف محمد کو پاکستان کا ہیرو قرار دیا، اولمپیئن عمران بٹ کا کہنا ہے حنیف محمد صرف کرکٹ کے نہیں تمام کھیلوں کے لیجنڈ تھے۔

    سوشل میڈیا پر بھی چاہنے والے بڑی تعداد میں اپنے اپنے انداز میں لیجنڈری کرکٹر کو خراج عقیدت پیش کررہے ہیں۔

  • اسلام آباد: صدر مملکت نے مختلف تمغہ جات دینے کی منظوری دیدی

    اسلام آباد: صدر مملکت نے مختلف تمغہ جات دینے کی منظوری دیدی

    اسلام آباد: صدر مملکت ممنون حسین نے یوم آزادی کے موقع پر مسلح افواج کے افسران و اہلکاروں کو پیشہ وارانہ خدمات، بہادری اور فرض شناسی کے اعتراف کے طور پر مختلف تمغہ جات دینے کی منظوری دیدی۔

    صدر مملکت ممنون حسین نے یوم آزادی کے موقع پر مسلح افواج کے افسران و اہلکاروں کو پیشہ وارانہ خدمات، بہادری اور فرض شناسی کے اعتراف کے طور پر مختلف تمغہ جات دینے کی منظوری دیدی۔

    صدر مملکت نے وزیراعظم کی سفارش پر پاک فوج، پاک بحریہ اور پاک فضائیہ کے 211 افسران کو تمغہ امتیاز اور 200 اہلکاروں کو تمغہ بسالت دینے سے متعلق وزارت دفاع کی سمری کی منظوری دی ہے۔

  • شہدائے پشاور کیلئےتمغہ شجاعت اور ستارہ شجاعت دینے کی سفارش

    شہدائے پشاور کیلئےتمغہ شجاعت اور ستارہ شجاعت دینے کی سفارش

    اسلام آباد: وزیراعظم نواز شریف نے سانحہ پشاور کے شہدا کے لیے تمغہ شجاعت اور ستارہ شجاعت کی صدر مملکت کو سفارش کی ہے۔

    وزیراعظم نے آرمی پبلک اسکول میں دہشت گردی کے واقعہ میں شہید ہونے والے ایک سو بائیس طلبا ، دو اساتذہ اور اسٹاف کے بیس ارکان کے لیے تمغہ شجاعت اور ستارہ شجاعت کی سفارش کی ہے۔

    وزیراعظم کی ایڈوائس پر صدر مملکت ممنون حسین سانحہ پشاور کے شہدا کے لیے ستارہ اور تمغہ شجاعت کی منظوری دیں گے۔

    تاہم ابھی صدر پاکستان کی جانب سے ابھی سمری کو منظور یا نامنظور کرنے کا کوئی فیصلہ نہیں کیا گیا۔یاد رہے 16 دسمبر 2014 ءکو پشاور کے آرمی پبلک سکول میں دہشت گردی کے واقعے کے نتیجے میں 2 اساتذہ سمیت عملے کے 20 اراکین جبکہ 132 بچے بھی شہید ہوئے تھے۔

  • صدرممنون حسین تین روزہ دورے پر کوئٹہ پہنچ گئے

    صدرممنون حسین تین روزہ دورے پر کوئٹہ پہنچ گئے

    کوئٹہ: صدر مملکت ممنون حسین بلوچستان کے تین روزہ دورے پر کوئٹہ پہنچ گئے۔

    کوئٹہ ایئر پورٹ پر گورنر بلوچستان محمد خان اچکزئی ،صوبائی وزراء عبدالرحیم زیارتوال ،ڈاکٹر حامد خان اچکزئی ،نواب ایاز خان جوگیزئی ،نواب محمد خان شاہوانی ،رحمت صالح بلوچ چیف سیکرٹری بلوچستان سیف اللہ چٹھہ نے صدر مملکت کا استقبال کیا،صدر ممنون حسین سے کوئٹہ میں قیام کے دوران صوبائی وزراء،اراکین اسمبلی اور قبائلی عمائدین ملاقاتیں کریں گے ،صدر کل زیارت کا دورہ کرکے قائد اعظم ریزیڈنسی کامعائنہ بھی کریں گے جبکہ چھبیس دسمبر کو بولان میڈیکل کمپلیکس کے کنونشن میں مہمان خصوصی کی حیثیت سے شرکت بھی کریں گے۔

  • عید الاضحیٰ کے موقع پرصدرِپاکستان اوروزیراعظم کا خصوصی پیغام

    عید الاضحیٰ کے موقع پرصدرِپاکستان اوروزیراعظم کا خصوصی پیغام

    اسلام آباد: صدرممنون حسین اور وزیر اعظم نواز شریف نے قوم کوعیدالاضحی کی مبارکباد دی ہے، اپنے الگ الگ پیغامات میں صدر مملکت اور وزیر اعظم کا کہنا ہے کہ مسائل سے نمٹنے کیلئے اخوت اور ہمدردی کے جذبے کی ضرورت ہے۔

    عید الاضحی کے موقع پر اپنے پیغام میں صدر ممنون حسین کا کہنا ہےکہ سنت ابراہیمی ایثارو قربانی کا درست دیتی ہے،جس کی زندگیوں میںعملی مثال قائم کرناہوگی۔ ان کا کہنا ہے کہ مسائل سے نمٹنے کیلئےاخوت اورہمدردی کےجذبےکی ضرورت ہے۔

    اپنے پیغام میں وزیر اعظم نواز شریف کا کہنا ہے کہ ترقی کے مشن کیلئے کوششیں جاری رکھیں گےاورسیلاب متاثرین کومشکل کی گھڑی میں تنہانہیں چھوڑیں گے،متاثرین کی بحالی کیلئےتمام وسائل بروئےکار لائے جائیں گے۔ وزیراعظم کا کہنا ہے کہ پاک فوج نےدہشتگردی اور انتہا پسندی کا ڈٹ کر مقابلہ کیا،ملکی خوشحالی وعزت کیلئےافسران اور جوانوں نےبہت قربانیاں دیں۔

    وزیراعظم کا کہنا ہے کہ قوم ضرب عضب سے بےگھرافرادکی قربانیوں سےبخوبی آگاہ ہےاور متاثرین کی مشکلات کے حل کیلئےکوئی غفلت نہیں برتی جائےگی۔ ان کا کہنا ہے کہ جمہوری قوتوں نےدانشمندی کامظاہرہ کیا اور ملکی خوشحالی کاایجنڈاجاری رکھنےکیلئےاعتماد پرقوم کےمشکورہیں۔

  • صدرمملکت اور وزیراعظم کا پشاور میں طوفانی بارشوں سے ہلاکتوں پر اظہار افسوس

    صدرمملکت اور وزیراعظم کا پشاور میں طوفانی بارشوں سے ہلاکتوں پر اظہار افسوس

    اسلام آباد: صدر مملکت ممنون حسین اور وزیراعظم نوازشریف کا خیبر پختوانخو میں طوفانی بارشوں میں قیمتی جانوں کے ضیاع پر اظہار افسوس کیا ہے اور زخمیوں کو بہتر طبی سہولیات فراہم کرنے کی ہدایت کی ہے۔

    پشاور میں تیز آندھی اور طوفانی بارش کے باعث قیمتی جانوں کے ضیاع پر صدر اور وزیراعظم نے جاں بحق اور زخمی ہونے والوں کے اہلخانہ سے دلی تعزیت کی، وزیراعظم نوازشریف کا کہنا ہے کہ دکھ کی اس گھڑی میں پوری قوم ان کے غم میں برابر کی شریک ہے، جاں بحق ہونے والے اہلخانے کیلئے وزیراعظم نے تین لاکھ اور زخمیوں کیلئے ایک لاکھ روپے معاوضے کا اعلان کیا ہے۔

    پیپلزپارٹی کے چئیر مین بلاول بھٹو زرداری نے لواحقین سے اظہار ہمدردی کرتے ہوئے حکومت پر زور دیا ہے کہ متاثرہ افراد کی فوری مدد کی جائے، کے پی کے وزیراعلٰی پرویز خٹک نے جانی نقصان پر اظہار افسوس کیا اور محکمہ صحت کو زخمیوں کی بہتر علاج معالجے کی ہدایت کی۔

    عوامی نیشنل پارٹی کے رہنماء میاں افتخار نے صوبائی حکومت کو تنقید کا نشانہ بناتے ہوئے کہا کہ صوبے میں بارشوں سے قیامت ٹوٹی ہے اور وزیراعلٰی پروٹوکول کے ساتھ لانگ مارچ کررہے ہیں۔

  • قوم حالت؍ جنگ میں ہے، ممنون حسین

    قوم حالت؍ جنگ میں ہے، ممنون حسین

    اسلام آباد:   صدر مملکت ممنون حسین نے یوم آزادی کی مرکزی تقریب سے خطاب کرتے ہوئے کہا ہے کہ قوم حالات جنگ میں ہے، سیاست دان پھونک پھونک کرقدم اٹھائیں ۔

    ملک بھر میں یوم آزادی کا جشن منایا جا رہا ہے، ایوان صدر اسلام آباد میں مرکزی تقریب ہوئی، اس موقع پر صدر اور وزیراعظم پاکستان نے پرچم کشائی کی، تقریب مسلح افواج کے سربراہان، اسپیکر قومی اسمبلی، وزرا اور ارکان پارلیمنٹ بھی شریک ہوئے۔

    شرکاء نے ضرب عضب کے شہداء کو خراج عقیدت پیش کرنے کے لئے ایک منٹ کی خاموشی اختیار کی، ملک بھر میں سائرن بجائے گئے اور ٹریفک روک دی گئی۔

    ممنون حسین نے خطاب میں کہا کہ قوم حالت جنگ میں ہے، ہم افراتفری کے متحمل نہیں ہوسکتے، وزیراعظم کا کہنا تھا یہ شکوک وشبہات پیدا کرنے کا وقت نہیں،ہمیں بہادر فوج کی پشت پر کھڑا ہونا چاہیئے۔

  • صدر مملکت ممنون حسین دو روزہ دورے پر کوئٹہ پہنچ گئے

    صدر مملکت ممنون حسین دو روزہ دورے پر کوئٹہ پہنچ گئے

    sadar