Tag: صدر مملکت

اسلام آباد: صدر مملکت ڈاکٹر عارف علوی نے کہا ہے کہ کشمیری اپنے حق خودارادیت کے لیے جدوجہد کو منطقی انجام تک پہنچائیں گے، امریکی جریدے میں خاکوں سے بھارت کے کشمیریوں پر مظالم کو بےنقاب کیا گیا۔

تفصلات کے مطابق ملک کے صدر ڈاکٹر عارف علوی نے سماجی رابطے کی ویب سائٹ ٹوئٹر پر ٹوئٹ کیا کہ بھارت گزشتہ 3 دہائیوں سے مظلوم کشمیریوں پر ظلم ڈھارہا ہے، مقبوضہ کشمیر میں بھارت کا طویل ترین لاک ڈاؤن جاری ہے۔

انہوں نے کہا کہ 3عشروں سے کرفیو اور ہڑتالوں سے کشمیریوں کی زندگی اجیرن ہوگئی ہے۔

The Longest Lockdown. Life in Indian Occupied Kashmir has been punctuated by military curfews & strikes for 3+ decades. Excellent Op-art opinion by Malik Sajad in NYT. The misery of the innocent under brutal occupation. IOK shall be free انشاللہhttps://t.co/6BuLECkRU0

— Dr. Arif Alvi (@ArifAlvi) June 12, 2020

صدر نے مقبوضہ کشمیر کی صورت حال اجاگر کرنے کے لیے امریکی جریدے نیویارک ٹائمز کی جانب سے شایع کی گئیں تصویری خاکوں کی تعریف۔ صدرمملکت نے خاکے کو فن کے ذریعے اظہار رائے کی شاندار مثال قرار دیا۔

خیال رہے کہ کرونا وبا کے باوجود مقبوضہ کشمیر میں انٹرنیٹ اور ٹیلی فون کی بندش جاری ہے۔ کرونا کے تناظر میں بھارتی اقدامات کے باعث لاکھوں مزدور بےروزگار ہوگئے ہیں۔

علاوہ ازیں وادی میں ریاستی دہشت گردی بھی جاری ہے، یکم جنوری سے اب تک متعدد کشمیری شہید کیے جاچکے ہیں۔ مودی اپنے تمام ناپاک عزائم استعمال کرکے بھی کشمیریوں کی جدوجہد آزادی نہیں روک سکا۔

اسلام آباد: صدر مملکت ڈاکٹر عارف علوی اور وزیراعظم عمران خان نے رمضان المبارک کے موقع پر قوم کے نام پیغام میں کہا کہ اللہ ہمارے ملک وقوم کی مدد فرمائے،مشکل گھڑی سے مزید مضبوط اور متحد بنا کر نکالے۔

تفصیلات کے مطابق صدرِ پاکستان ڈاکٹر عارف علوی نے رمضان المبارک کے موقع پر اپنے پیغام پوری قوم اور ملت اسلامیہ کو مبارکباد دیتے ہوئے کہا کہ اللہ نے ہمیں رمضان کے فیوض وبرکات سے مستفید ہونے کا موقع فراہم کیا۔

ڈاکٹر عارف علوی نے کہا کہ اللہ نے روزے اس لیے فرض کیے تاکہ ہمارے اندر تقویٰ کی صفت پیدا ہو،رمضان المبارک محتاط زندگی کی تربیت کامہینہ ہے،ماہ مبارک میں غریب، نادار،مفلوک الحال طبقات کے مسائل کا احساس کرنا مقصود ہے۔

صدر مملکت کا کہنا تھا کہ تمام ممالک ہنگامی بنیادوں پر کرونا وبا کی روک تھام کے لیے کوشاں ہیں،کروناوائرس سے بچاؤ کے لیے احتیاط ہی روک تھام کا واحد طریقہ ہے۔

انہوں نے مزید کہا کہ ہمیں اپنی عبادات کی انجام دہی کو ہر ممکنہ حد تک محفوظ ماحول میں یقینی بنانا ہے،رمضان میں ضرورت مندوں اور دیہاڑی دار طبقے کا خصوصی خیال رکھنا ہے۔

دوسری جانب وزیراعظم عمران خان نے رمضان المبارک کے موقع پر اپنے پیغام میں رمضان کی آمد پر پوری قوم اور ملت اسلامیہ کو مبارکباد دیتے ہوئے کہا کہ اللہ کا فضل وکرم ہے ہمیں رمضان کے فیوض وبرکات سے مستفید ہونے کا موقع ملا۔

عمران خان کا کہنا تھا کہ روزے کا مقصدانسان کے اندر پرہیزگاری،ایثار وہمدردی کے جذبات پیدا کرنا ہے۔انہوں نے کہا کہ اس وقت عالم انسانیت کرونا وائرس کی تباہ کاریوں سے دوچار ہے،بڑی بڑی طاقتیں کرونا کے سامنے بے بس نظر آتی ہیں۔

وزیراعظم پاکستان نے کہا کہ پاکستانی قوم کو اس نازک صورت حال کا مقابلہ متحد ہو کر کرنا ہے،اللہ تعالی اپنا خصوصی کرم وفضل فرمائے،عالم کو اس آزمائش سے نکالے۔انہوں نے مزید کہا کہ اللہ ہمارے ملک وقوم کی مدد فرمائے،مشکل گھڑی سے مزیدمضبوط اور متحد بنا کر نکالے۔

اسلام آباد: صدر مملکت ڈاکٹر عارف علوی نے ذخیرہ اندوزی سے متعلق آرڈیننس پر دستخط کر دیے۔

تفصیلات کے مطابق وفاقی کابینہ کی جانب سے ذخیرہ اندوزوں کے خلاف آرڈیننس کی منظوری کے بعد صدرِ پاکستان ڈاکٹر عارف علوی نے بھی ذخیرہ اندوزی سے متعلق آرڈیننس پر دستخط کر دیے۔

صدر مملکت کی جانب سے دستخط کرنے کے بعد ذخیرہ اندوزی کےخلاف آرڈیننس فوری طور پر نافذ العمل ہوگا۔ آرڈیننس کے مطابق ذخیرہ اندوزی میں ملوث افراد کو 3 سال کی سزا دی جائےگی۔ذخیرہ اندوزی کے خلاف سخت سزاؤں پر مشتمل آرڈیننس کا اطلاق اسلام آباد کی حدود میں ہوگا۔

اسمگلنگ کی روک تھام کے لیے انٹیلی جنس ایجنسیوں کی خدمات حاصل کرنے کا فیصلہ

دوسری جانب وزیراعظم عمران خان کی زیرصدارت حکومتی اقدامات پر آج اجلاس ہوا جس میں اسمگلنگ کی روک تھام کے لیے انٹیلی جنس ایجنسیوں کی خدمات حاصل کرنے کا فیصلہ کیا گیا۔

وزیراعظم عمران خان کا کہنا تھا کہ اسمگلنگ ملکی معیشت کے لیے ناسور ہے جبکہ ذخیرہ اندوزی اور ناجائز منافع خوری کے لیے خلاف سخت ترین ایکشن ناگزیر ہے۔

اس سے قبل 14 اپریل کو قومی رابطہ کمیٹی اجلاس کے بعد میڈیا سے گفتگو کرتے ہوئے وزیراعظم عمران خان نے ذخیرہ اندوزی اورگندم کی اسمگلنگ سے متعلق سخت آرڈیننس لانے کا اعلان کرتے ہوئے کہا تھا کہ ذخیرہ اندوزی اورگندم کی اسمگلنگ کرنے والوں کو سخت سزائیں دیں گے۔

کراچی: صدر مملکت ڈاکٹر عارف علوی کا کہنا ہے کہ چین کی تعمیروترقی کا سفر تاریخ کی ایک سنہری مثال ہے۔

تفصیلات کے مطابق صدرِ پاکستان ڈاکٹر عارف علوی نے چینی ہم منصب صدر شی جن پنگ سے ملاقات کی۔ وزیر خارجہ شاہ محمود قریشی، وزیر منصوبہ بندی اسدعمر بھی ملاقات میں موجود تھے۔

اس موقع پر ڈاکٹر عارف علوی کا کہنا تھا چین کی دور اندیش قیادت، عوام نے ہر مشکل کا جوانمردی سے مقابلہ کیا، جس طرح چین نے کرونا کے چیلنج کا مقابلہ کیا وہ قابل تقلید ہے۔

صدر مملکت کا کہنا تھا کہ چین کی تعمیر وترقی کا سفر تاریخ کی ایک سنہری مثال ہے، چین کے سماجی ومعاشی ترقی اور غربت کے خاتمے کے لیے اقدامات مثالی ہیں۔انہوں نے کہا کہ سی پیک چین کی دور اندیشی،خطے کی ترقی کے لیے قابل عمل وژن کا عملی نمونہ ہے۔

ڈاکٹر عارف علوی نے کہا کہ ٹڈی دل چیلنج سے نمٹنے کے لیے چینی حکومت کے تعاون کےمشکور ہیں، زراعت کے شعبے کی ترقی کے لیے چینی تجربے سے استفادہ کرنا چاہتے ہیں۔

صدر مملکت عارف علوی کی چینی وزیراعظم سے ملاقات

اس سے قبل صدر مملکت ڈاکٹر عارف علوی اور چینی وزیراعظم لی کی چیانگ کے درمیان بیجنگ کے گریٹ ہال میں ملاقات ہوئی تھی۔

صدرِ پاکستان ڈاکٹر عارف علوی کا کہنا تھا کہ پاکستان اور چین ہر آزمائش پر پورا اترنے والے دوست اور آہنی برادرز ہیں جو ہمیشہ ایک دوسرے کے ساتھ کھڑے رہے ہیں۔

بیجنگ: صدرِ پاکستان ڈاکٹر عارف علوی کا کہنا پاکستان اور چین ہر آزمائش پر پورا اترنے والے دوست اور آہنی برادرز ہیں جو ہمیشہ ایک دوسرے کے ساتھ کھڑے رہے ہیں۔

تفصیلات کے مطابق صدر مملکت ڈاکٹر عارف علوی اور چینی وزیراعظم لی کی چیانگ کے درمیان ملاقات بیجنگ کے گریٹ ہال میں ہوئی۔ اس موقع پر وزیر خارجہ شاہ محمود قریشی، وفاقی وزیر منصوبہ بندی، اسد عمر،چینی وزیر خارجہ، چین میں پاکستانی سفیر اور دیگر سینئر حکام بھی موجود تھے۔

اس موقع پر چینی وزیراعظم کا کہنا تھا کہ کثیرالجہت تعلقات کو فروغ دینے کا عملی مظاہرہ کرنا ہوگا، مشکل وقت میں بھرپور تعاون پر پاکستان کی حکومت اور عوام کے شکرگزار ہیں۔ انہوں نے کہا کہ مسائل سے مشترکہ طو پر نمٹنے کے لیے تعلقات کو وسعت دینا ہوگی۔

صدر مملکت ڈاکٹر عارف علوی کا کہنا تھا کہ دونوں ملکوں میں تعلقات باہمی اعتماد اور تعاون پر مبنی ہیں، پاکستان نے ثابت کیا ہم پر امن بقائے باہمی اور عدم مداخلت پر عمل پیرا ہیں۔

ڈاکٹر عارف علوی کا کہنا تھا کہ پاکستان اور چین ہر آزمائش پر پورا اترنے والے دوست اور آہنی برادرز ہیں جو ہمیشہ ایک دوسرے کے ساتھ کھڑے رہے ہیں۔

انہوں نے مزید کہا کہ چین میں کرونا وائرس سے پیدا ہونے والی وبا پر وزیراعظم عمران خان اور پاکستان کی حکومت نے چین کے لیے اظہار ہمدردی کے پیغامات بھیجے۔

اسلام آباد: صدر مملکت ڈاکٹر عارف علوی کل 2 روزہ دورے پر پہنچیں گے جہاں وہ چینی سمیت سمیت دیگر رہنماؤں سے بھی ملاقاتیں کریں گے۔

تفصیلات کے مطابق صدرِ پاکستان ڈاکٹر عارف علوی چینی ہم منصب کی دعوت پر کل چین پہنچیں گے، دورے میں شاہ محمود قریشی، اسد عمر اور سینئر حکام ساتھ ہوں گے۔

ترجمان دفتر خارجہ نے کہا کہ صدر عارف علوی چینی صدر سے ملاقات کریں گے، دورے میں متعدد معاہدوں پر دستخط ہونے کا امکان ہے۔ ترجمان کے مطابق صدر عارف علوی کا یہ چین کا پہلا دورہ ہے۔

عائشہ فاروقی کا کہنا ہے کہ دورے کا مقصد چین کے ساتھ کرونا کے حوالے سے اقدامات پر اظہار یکجہتی کرنا ہے، دورہ دونوں ممالک کے درمیان تاریخی تعلقات مزید مضبوط کرےگا۔

کرونا وائرس کے خلاف چین کی کامیابی

واضح رہے کہ چین کرونا وائرس کے ہولناک پھیلاؤ پر بالآخر قابو پانے میں کامیاب ہوگیا، مریضوں کی تعداد میں کمی کے باعث وائرس کے لیے عارضی طور پر بنائے گئے اسپتال بند کردیے گئے، شنگھائی میں کرونا وائرس کے مریضوں کی صحتیابی کی شرح 93 فیصد ہوگئی۔

اسلام آباد: صدر مملکت ڈاکٹر عارف علوی کا کہنا ہے کہ کرونا وائرس سیاسی نہیں قومی مسئلہ ہے، سب کو کردار ادا کرنا ہے۔

تفصیلات کے مطابق صدرِ پاکستان ڈاکٹر عارف علوی نے سماجی رابطے کی ویب سائٹ ٹویٹر پر اپنے پیغام میں کہا کہ کرونا کو پھیلنے سے روکنے کے لیے سخت،آسان اقدامات کی ضرورت ہے، کرونا وائرس سیاسی نہیں قومی مسئلہ ہے۔

انہوں نے اپنے پیغام میں مزید کہا کہ کرونا وائرس کے خلاف جنگ ہے، سب کو کردار ادا کرنا ہے۔

Preventing Coronavirus from spreading requires national awareness & strict compliance of simple measures by all of us. It is not a political issue but a national issue. The war hero’s role is yours thru ur weapons of social media & ur phone messages. Don’t stop until we have won.

— Dr. Arif Alvi (@ArifAlvi) March 14, 2020

خود کو کروناوائرس سے محفوظ رکھنے کے لیے 5 آسان طریقے

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔