Tag: صدر مملکت

اسلام آباد: صدر مملکت صدر آصف زرداری نے کہا ہے کہ پاکستان کی خودمختاری پر کوئی سمجھوتہ نہیں کریں گے، کسی کو ملک کا امن سبوتاژ کرنے کی اجازت نہیں دیں گے۔

صدر مملکت صدر آصف زرداری نے یوم پاکستان پر پریڈ تقریب سے خطاب میں کہا کہ پوری قوم کو یوم پاکستان مبارک ہو، آج کا دن ہمارے لیے قومی اہمیت کا حامل ہے، اس دن برصغیر کے مسلمانوں نے اپنے لیے ایک الگ وطن کا مطالبہ کیا۔

صدرمملکت کا کہنا ہے کہ قائد اعظم کی دور اندیش قیادت نے جدوجہد سے آزاد ریاست قائم کی، عہد کرتے ہیں پاکستان کی ترقی، سلامتی کو جان سے زیادہ عزیز رکھیں گے، قیام پاکستان سے اب تک ملک مختلف نشیب وفراز سے گزرا۔

صدرمملکت کا کہنا تھا کہ مشکلات کے باوجود مختلف شعبوں میں ترقی کی منازل طے کیں، پاکستان دفاعی اعتبار سے مضبوط ملک ہے، پاکستان کو مختلف معاشی، سماجی اور سیاسی چیلنجز کا سامنا ہے،بے روزگاری اور غربت جیسے بڑے چیلنجز ہیں، خوشی ہے انتخابی عمل کے بعد جمہوری حکومت قائم ہوچکی۔

صدر آصف زرداری نے کہا کہ ہم سب کی ذمہ داری ہے تمام مشکلات کا ملکر حل نکالیں، ماضی کی طرح آج بھی پاکستان کو ان چیلنجز سے نکال سکتے ہیں، معاشی مسائل کے حل اور سرمایہ کاری کے فروغ کیلئے ایس آئی ایف سی قائم کی گئی۔

صدرمملکت کا کہنا ہے کہ ایس آئی ایف سی کے تحت مختلف شعبوں میں ترقی لائی جائے گی، انسانی و سائل کی ترقی، زراعت، آئی ٹی و دیگر شعبوں پر خصوصی توجہ دینا ہوگی، امید ہے ایس آئی ایف سی کا منصوبہ معیشت کیلئے مثبت ثابت ہوگا۔

صدرمملکت نے کہا کہ قوم مایوس نہ ہو، پاکستان کو معاشی لحاظ سے مضبوط، خود کفیل بنانے کیلئے پرعزم ہیں، تمام سیاسی جماعتوں سے گزارش کرتا ہوں مسائل کے حل کیلئے ملکر کام کریں،  تمام سیاسی جماعتیں سیاسی مفادات ایک طرف رکھ کر ملکی خوشحالی کیلئے ملکر کام کریں۔

انہوں نے کہا کہ ہم سب کی ذمہ داری ہے مسائل کے حل، معاشی استحکام کیلئے یکسوئی سے کام کریں، تمام اسٹیک ہولڈرز وطن کی سلامتی، خوشحالی کیلئے ملکر کام کریں۔

صدر مملکت کا کہنا تھا کہ مشکل کی ہرگھڑی میں چین، سعودی عرب و دیگر ممالک نے ہماری مدد کی، چین، سعودی عرب، یواےای، ترکیہ و دیگر دوست ممالک کا شکریہ ادا کرتے ہیں۔

صدرمملکت نے مزید کہا کہ شاندار پریڈ پر پریڈ کمانڈر اور منتظمین کو مبارکبارد پیش کرتا ہوں، آزادی کی راہ میں قربانیاں پیش کرنے والوں کو خراج تحسین پیش کرتے ہیں، بہادر مسلح افواج دفاع پاکستان کیلئے ہمہ وقت تیار ہیں۔

صدرمملکت آصف علی زرداری کا کہنا تھا کہ دنیا قیام امن اور دہشتگردی کیخلاف ہماری قربانیوں کی معترف ہے، قومی اتفاق رائے سے مؤثر حکمت عملی، صوبوں اور وفاق میں بہتر روابط کی ضرورت ہے۔

صدر مملکت صدر آصف زرداری نے کہا ہے کہ پاکستان کی خودمختاری پر کوئی سمجھوتہ نہیں کریں گے، کسی کو ملک کا امن سبوتاژ کرنے کی اجازت نہیں دیں گے۔

صدرمملکت نے کہا کہ مقبوضہ کشمیر میں قتل عام، انسانی حقوق کی خلاف ورزیاں ہورہی ہیں، خطے میں عدم استحکام کی بڑی وجہ بھارتی توسیع پسندانہ عزائم ہیں، جموں وکشمیر پر بھارت کے غیر قانونی قبضے سے بھی خطے میں عدم استحکام ہے، غیر قانونی بھارتی زیر تسلط جموں وکشمیر کے عوام 77 سال سے اپنا حق مانگ رہے ہیں۔

اسلام آباد : سپریم کورٹ کی ہدایت ہر الیکشن کمیشن آف پاکستان نے عام انتخابات کیلئے صدر مملکت عارف علوی سے مشاورت کا فیصلہ کرلیا۔

تفصیلات کے مطابق د سیکرٹری الیکشن کمیشن عمر حمید نے سپریم کورٹ کے باہر صحافیوں سے گفتگو کرتے ہوئے کہا کہ الیکشن کمیشن نے عام انتخابات کیلئے صدر مملکت عارف علوی سے مشاورت کا فیصلہ کرلیا ہے، بہت جلد الیکشن کمیشن صدر سے مشاورت کرے گا اور اس حوالے سے عدالت کو آگاہ کیا جائے گا۔

یاد رہے سپریم کورٹ میں90روزمیں عام انتخابات کےانعقادسےمتعلق کیس میں لیکشن کمیشن نے انتخابات کا شیڈول سے متعلق عدالت کو آگاہ کرتے ہوئے کہا کہ 29جنوری کوحلقہ بندیوں سمیت تمام انتظامات مکمل ہوں گے ، 11فروی کو ملک بھر میں انتخابات ہوں گے، 3سے 5 دن حتمی فہرستوں میں لگیں گے اور 5دسمبرکو حتمی فہرستیں مکمل ہو جائیں گی ، 5 دسمبر سے 54 دن گن لیں تو29 جنوری بنتی ہے۔

وکیل الیکشن کمیشن کا کہنا تھا کہ انتخابات میں عوام کی آسانی کیلئےاتوارڈھونڈرہے تھے، 4فروی کو پہلا اتوار بنتا ہے دوسرا اتوار 11فروری بنتا ہے، ہم نے اپنے طور پر یہ فیصلہ کیا 11 فروری والے اتوارکوالیکشن کرائے جائیں۔

چیف جسٹس نے استفسار کیا کہ کیا صدر مملکت آن بورڈہیں؟ تو وکیل الیکشن کمیشن نے بتایا کہ ہم صدر مملکت کو آن بورڈلینے کے پابند نہیں ہیں ، جس پر چیف جسٹس نے تاریخ دینے سےقبل صدرسےمشاورت نہ کرنےپر اظہار برہمی کرتے ہوئے کہا کہ صدر مملکت بھی پاکستانی ہیں اور الیکشن کمیشن بھی پاکستانی ہے، الیکشن کمیشن صدرسے مشاورت نہ کرنے پر کیوں ہچکچاہٹ کاشکار ہے،چیف جسٹس

ہم جواب کا انتظار کر لیتے ہیں، صدر مملکت اور الیکشن کمیشن آپس میں بات کریں، صدر مملکت کیا ملک میں ہیں، صدر مملکت کیساتھ الیکشن کمیشن بات چیت کرے، کسی کو اعتراض ہے اگر الیکشن کمیشن صدر سے مشاورت کرے، ہم چاہتے ہیں جس کی ذمہ داری ہے وہ پوری کریں، انتخابات کب ہونا ہے یہ آئینی کھلاڑیوں نے فیصلہ کرنا ہے۔

جسٹس قاضی فائز عیسیٰ کا کہنا تھا کہ ہم چاہتے ہیں ملک میں انتخابات ہو جائیں، ہم ایک تنازع کو ختم کرنا چاہتے ہیں ، سب کو انتخابات چاہیے، ہم چاہتے ہیں کہ ادارے ترقی کریں، پارلیمنٹ اپنا کام کرے اور صدر مملکت اپنا کام کریں، الیکشن کمیشن اپنا کام کریں ہم بھی سوچ لیتے ہیں کیا کریں، آرڈر جاری کریں یا نہ کریں،ہر کسی کو اپنا کام خود کرنا ہوگا، ہم دوسروں کا کام نہیں کریں گے۔