Tag: صدر مملکت

اسلام آباد: صدر مملکت ڈاکٹر عارف علوی نے تمام اسٹیک ہولڈرز سے گزارش کی ہے کہ وہ موجودہ صورتحال کا حل تلاش کریں، ٹھنڈے اور گہرے سانس لیں۔

صدر مملکت ڈاکٹر عارف علوی نے ایک بیان میں کہا کہ انا اور زبردستی یا انکساری اور حکمت سے کونسی روش کو غالب آنا چاہیے؟ یقین ہے کہ بہتر روش ہی غالب ہوگی۔

صدرمملکت عارف علوی کا کہنا تھا کہ ہم در گزر کے ساتھ تنازعات حل کرنے میں کامیاب ہوں گے، سب پر زور دیتا رہا ہوں کہ موجودہ صورتحال کا حل تلاش کریں، سب سے گزارش کرتا ہوں کہ ٹھنڈے اور گہرے سانس لیں۔

صدر مملکت نے کہا کہ آج کی کوئی بھی سیاسی جماعت کبھی بھی پاکستان مخالف نہیں رہی، نہ ہی وہ غداروں پر مشتمل ہے، مایوسی اور محرومیوں کی وجہ سے ہماری تاریخ میں سب کی جانب سے زیادتیاں کی گئیں ہیں میں تمام اسٹیک ہولڈرز پر زور دیتا ہوں کہ وہ دوبارہ سوچیں۔

صدر مملکت نے سعودی ایران کی مثال دیتے ہوئے کہا کہ ایران اور سعودی عرب کے درمیان قائم ہونے والا امن غیرمعمولی ہے، یہ اقدام ان عظیم رہنماؤں کی سوچ میں ایک غیر معمولی تبدیلی کی نشاندہی کرتا ہے، سعودی اور ایرانی قیادت دہائیوں پرانی دشمنی ختم کرنے پر تاریخ میں یاد رکھی جائے گی۔

انہوں نے سوال کیا کہ کیا ہماری قیادت بھی ایران اور سعودی قیادت جیسی عظمت کا مظاہرہ کر سکتی ہے؟ روزمرہ کے واقعات اور سخت بیان بازی لوگوں کی سوچ کو دھندلا  دیتی ہے، وہ قومیں عظمت حاصل کرتی ہیں جو تاریخ سے سبق سیکھتی ہیں، قومیں تاریخ سے سبق نہیں سیکھتی وہ فراموش کر دی جاتی ہیں۔

صدر مملکت ڈاکٹر عارف علوی نے مزید کہا کہ ہماری سیاسی تاریخ میں بہت سے تجربات کیے گئے اور بہت سے قلابازیاں کھائی گئیں، پاکستانی تاریخ میں دھونس اور زبردستی کی ایک طویل تاریخ ہے  جو بار بار دہرائی گئی۔

اسلام آباد: پاکستان سمیت دنیا بھر میں یوم مزدور منایا جارہا ہے، صدر ڈاکٹر عارف علوی اور وزیراعظم شہباز شریف کی جانب سے  محنت کشوں کے عالمی دن پر خصوصی پیغام جاری کیا گیا۔

یوم مزدور پر صدر مملکت ڈاکٹر عارف علوی نے اپنے پیغام میں کہا کہ یوم مئی پر مزدوروں کو خراج تحسین پیش کرتا ہوں، یوم مزدور معاشی ترقی میں ان کے کردار کا بھی اعتراف ہے، مزدور اور آجر پیداواری عمل میں شراکت دار ہیں۔

صدر مملکت کا کہنا تھا کہ مزدور کا تعاون صنعتی پیداوار میں اضافے، ملکی ترقی کیلئے ضروری ہے، معاشی خوشحالی میں حصہ ڈالنے کے باوجود مزدوروں کو مسائل کا سامنا ہے، مزدوروں کو کم اجرت، ملازمت کے عدم تحفظ جیسے مسائل درپیش ہیں۔

انہوں نے کہا کہ لیبر فورس ہماری معیشت میں ریڑھ کی ہڈی کی حیثیت رکھتی ہے، مزدوروں حقوق کے تحفظ کے لیے اقدامات کرنا انتہائی ضروری ہے، پاکستان کے پاس ایک بہت بڑی لیبر فورس اور نوجوانوں کی تعداد ہے، لیبر فورس کو جدید ہنر فراہم کرنےکی ضرورت ہے۔

دوسری جانب وزیر اعظم شہباز شریف نے کہا کہ محنت کشن طبقے کی سماجی اور معاشی بہبود کو یقینی بنانے کیلئے پرعزم ہیں، ملکی ترقی میں محنت کش طبقے کے اہم کردار سے انکار ممکن نہیں، اسلامی تعلیمات کے مطابق مزدور اور آجر پیدواری عمل میں شراکت دار ہیں۔

وزیر اعظم نے کہا کہ مزدور اور آجر کا تعاون، دوستانہ تعلق مجموعی سماجی اور اقتصادی ترقی کیلئے ضروری ہے، مزدورکو بہتر رہائش، تعلیم اور صحت کا تحفظ فراہم کرنے کیلئے پرعزم ہیں۔

اسلام آباد : سپریم کورٹ پریکٹس اینڈپروسیجربل توثیق کیلئے صدر مملکت عارف علوی کو بھیج دیا گیا، صدرنے بل پر دستخط نہ بھی کیے تو 20 اپریل کو بل قانون بن جائے گا۔

تفصیلات کے مطابق سپریم کورٹ پریکٹس اینڈپروسیجربل توثیق کیلئے صدرکوبھیج دیاگیا، پارلیمنٹ سےمنظوری کےبعدبل دوبارہ صدر کو بھیجاگیاہے۔

صدر مملکت نے بل پر دستخط نہ بھی کیے تو 20 اپریل کو بل قانون بن جائے گا۔

یاد رہے اس سے قبل صدر مملکت نے سپریم کورٹ پریکٹس اینڈپروسیجربل پر دستخط سے انکار کردیا تھا اور بل نظر ثانی کے لیے پارلیمنٹ بھیج دیا تھا۔

بعد ازاں اسپیکر قومی اسمبلی راجہ پرویز اشرف کی زیر صدارت ہونے والے پارلیمنٹ کے مشترکہ اجلاس میں سپریم کورٹ پریکٹس اینڈ پروسیجر بل منظوری کے لیے پیش کیا گیا، جسے کثرت رائے سے منظور کرلیا گیا تھا۔

اس موقع پر وزیر قانون اعظم نذیر تارڑ نے صدر کے اعتراض پر مبنی خط کو بھی ایوان مییں دہرایا اور کہا کہ صدر عارف علوی نے خط میں جو الفاظ استعمال کے ہیں وہ مناسب نہیں انہیں پہلے بھی ایوان سے کئی بار پیغام دیا کہ ریاست کے سربراہ بنیں۔

وزیر قانون نے کہا کہ صدر ایک جماعت کے کارکن کی عینک پہن لیتے ہیں ریاست کے سربراہ نہیں بنتے وہ شاید بھول جاتے ہیں کہ ایوان قانون سازی کا مکمل اختیار ہے۔

اسلام آباد: صدر  مملکت عارف علوی نے جسٹس قاضی فائز عیسیٰ کے خلاف کیوریٹیو ریویو ریفرنس واپس لینےکی منظوری دے دی۔

صدرمملکت نے سول ریویو پیٹیشن میں کیوریٹیو ریویو پیٹیشن اور سی ایم اے واپس لینے کی منظوری دے دی۔

صدرمملکت نے منظوری آئین کے آرٹیکل 48 ایک کے تحت وزیراعظم کی ایڈوائس پر دی۔

وزیراعظم کا جسٹس قاضی فائز کیخلاف کیوریٹیو ریویو ریفرنس واپس لینے کا حکم

صدر مملکت نے ایڈووکیٹ سپریم کورٹ انیس احمد شہزاد کے حق میں سند اختیارپربھی دستخط کردیے۔

واضح رہے کہ گزشتہ روز وزیراعظم شہباز شریف نے سپریم کورٹ کے سینئر جسٹس قاضی فائز عیسیٰ کےخلاف کیوریٹیو ریویو ریفرنس واپس لینے کا حکم دے دیا تھا۔

وزیر اعظم شہباز شریف نے کہا تھا کہ ریفرنس کے نام پر جسٹس قاضی فائز اور انکے اہلخانہ کو ہراساں اوربدنام کیاگیا، یہ ریفرنس نہیں آئین کی راہ پر چلنے والے جج کیخلاف عمران نیازی کی انتقامی کارروائی، عدلیہ کی آزادی پر شب خون اور اسے تقسیم کرنے کی مذموم سازش تھی تھی۔