ARYNews.tv | Urdu – Har Lamha Bakhabar

Tag: صدر ممنون حسین

  • ترک صدر 2روزہ دورے پر اگلے ہفتے پاکستان آئیں گے

    ترک صدر 2روزہ دورے پر اگلے ہفتے پاکستان آئیں گے

    اسلام آباد: ترک صدر رجب طیب اردگان اہم دورے پر اگلے ہفتے پاکستان آئیں گےجہاں وہ صدر مملکت اور وزیراعظم سے ملاقات کریں گے۔

    تفصیلات کےمطابق ترک صدر اعلیٰ سطح وفد کے ہمراہ اگلے ماہ پاکستان 2روزہ دورے پر آئیں اور دارالحکومت اسلام آباد میں قیام کریں گےرجب طیب اردگان وزیراعظم نوازشریف کے ساتھ دو طرفہ معاملات پر مذاکرات کریں گے۔

    ترک صدرکے 2روزہ دورے کے دوران باہمی تعاون کے کئی معاہدوں پردستخط کیے جائیں گے اور ان کے دورے کے دوران وہ صدر مملکت ممنون حسین اور وزیراعظم نوازشریف سے الگ الگ ملاقاتیں کریں گے۔

    مزید پڑھیں:پاکستان سے مسئلہ کشمیر پر ترکی کی اظہار یکجتی

    یاد رہے کہ اس سے قبل گزشتہ ماہ وزیردفاع خواجہ محمد آصف نے استنبول میں ترک وزیراعظم بن علی یلدرم سے ملاقات کی تھی اور مقبوضہ کشمیر میں بھارتی فورسز کی جانب سے مجموعی انسانی حقوق کی خلاف ورزیوں کے بارے میں ترک وزیراعظم کو آگاہ کیاتھا۔

    واضح ترک وزیراعظم بن علی یلدرم نے مسئلہ کشمیر کےمعاملے پر پاکستان کے ساتھ اظہار یکجہتی اور کشمیر پر پاکستان کے موقف کی حمایت کی تھی۔

  • صدر ممنون حسین نے سندھ حکومت کے اقدامات کو قابل تحسین قرار دے دیا

    صدر ممنون حسین نے سندھ حکومت کے اقدامات کو قابل تحسین قرار دے دیا

    کراچی: صدر ممنون حسین سے گورنر سندھ عشرت العباد خان نے گورنر ہاؤس میں ملاقات کی، جس میں امن وامان اور دہشتگردی خلاف جاری آپریشن پر تبادلہ خیال کیا گیا۔

    صدر ممنون حسین نے سندھ کی صوبائی حکومت کے اقدامات کو قابل تحسین قرار دے دیا، صدر ممنون سے گورنر سندھ عشرت العباد خان نے گورنر ہاوس میں ملاقات کی، جس میں امن وامان کے قیام، دہشتگرد عناصر کے خلاف جاری آپریشن پر تبادلہ خیال کیا گیا۔

    صدر ممنون حسین کا کہنا تھا صوبوں کے ترقیاتی منصوبوں کے لئے وفاق ہر ممکن تعاون جاری رکھے گا، انہوں نے کہا کہ وفاق کے تعاون سے جاری میگا پروجیکٹس مقررہ وقت پر مکمل کئے جائیں گے۔

    گورنر سندھ کا کہنا تھا کہ صوبائی حکومت تعلیم،صحت کے شعبوں میں نمایاں اقدامات کررہی ہے، امن وامان کی بہتر صورتحال کے بعد ترقیاتی عمل کو مزید تیز کیا جائے گا ۔

    اس سے قبل گورنر سندھ اور ڈی جی رینجرز میجر جنرل بلال اکبرکی ملاقات ہوئی، میجر جنرل بلال اکبر نے گورنر سندھ کو صوبہ میں سیکیورٹی کی صورتحال ،یوم آزادی کے موقع پر کئے گئے اقدامات اور جاری آپریشن کے حوالے سے تفصیلی بریفنگ دی۔

    13925039_10153863092277951_6562159129125906500_n

  • صدر ممنون حسین اور وزیراعظم نواز شریف کا قوم کو عید کا پیغام

    صدر ممنون حسین اور وزیراعظم نواز شریف کا قوم کو عید کا پیغام

    اسلام آباد : صدرمملکت ممنون حسین نے عیدالفطر کے پُرمسرت موقع پر قوم کو دلی مبارک باد پیش کرتے ہوئے دونوں رہنماؤں نے اپنے پیغامات میں کہا ہے کہ عید الفطر مسلمانوں کے لیے خوشی اور تشکر کا دن ہے.

    عیدالفطر کے پُرمسرت موقع پر صدر ممنون حسین نے قوم کو عید کی مبارک باد دیتے ہوئے کہا کہ عید کا دن صرف ایک تہوار ہی نہیں بلکہ اس دن کی اہمیت اور اس کا تعلق رواداری،برداشت، ہم آہنگی اور پُرامن بقائے باہمی سے ہے.

    صدرمملکت نے عید الفطر کے موقع پر اپنے پیغام میں کہا کہ اہلِ اسلام رمضان المبارک کے دوران ضبط نفس کا مظاہرہ کر کے خود کو ان بڑے مقاصد کےلیے تیار کرتے ہیں جس کا مقصد یہ ہے کہ اس ماہِ مبارک میں تزکیہ نفس کے ذریعے جو اچھے اطوار ہم سیکھتے ہیں انہیں اپنی زندگی کا مستقل حصہ بنا کر معاشرے،ملک اور بالآخر پوری دنیا میں امن و سلامتی اور محبت و یگانگت کے فروغ کا ذریعہ بن جائیں.

    عیدالفطر کےموقع پر وزیراعظم نوازشریف نے اپنے پیغام میں کہا کہ اللہ تعالیٰ کے فضل وکرم سے ہم رمضان کریم کی برکات سے مستفید ہوئے عیدالفطرکے پُرمسرت موقع پراُمت مسلمہ اور پوری قوم کومبارک باد پیش کرتا ہوں،عیدالفطر مسلمانوں کے لیے خوشی اور تشکرکا دن ہے.

    وزیراعظم نوازشریف نے سیکیورٹی اداروں کو بھی خراج تحسین پیش کرتے ہوئے کہا کہ سیکیورٹی اداروں کے جوان شب وروز دفاع وطن میں مصروف ہیں،پوری قوم ان کے جذبے کو سلام کرتی ہے،میں اپنی عید ان جوانوں کے نام کرتا ہوں.

  • صدر ممنون حسین نے پانامالیکس کوقدرت کا شکنجہ قرار دے دیا

    صدر ممنون حسین نے پانامالیکس کوقدرت کا شکنجہ قرار دے دیا

    کوٹری: صدرمملکت ممنون حسین نے کوٹری کے صنعتکاروں سے خطاب کرتے ہوئے پانامالیکس کوقدرت کاشکنجہ قرار دے دیا، انہوں نے بدعنوان لوگوں کی درجہ بندی کی اورکرپٹ افراد سے نجات کاطریقہ بھی بتایا۔

    چیمبر آف بزنس اینڈ ٹریڈ فورم کی تقریب سے خطاب کرتے ہوئے صدرمملکت ممنون حسین کا کہنا تھا کہ پانامااسکینڈل قدرتی آفت ہے،اس کی پکڑ میں بہت لوگ آئیں گے۔

    صدرمملکت نے کرپٹ افراد کو پہچاننے کا فارمولہ دے دیا، انہوں نے بتایا کہ جو جتنابڑا چور ہے اس کی اتنی ہی ٹور ہے، انہوں نے کہا کہ کرپٹ لوگوں کو سسٹم سے باہر پھینک دینا چاہیے۔

    ان کاکہناتھا کرپشن زدہ قومیں ترقی نہیں کرتیں،ملک میں مسائل کی بڑی وجہ کرپشن ہے، جبکہ کرپشن اور نا اہلی کی وجہ سے معاشرہ انحطاط کا شکار ہوا ہے، معاشرے کی بہتری کے لئے درست اقدار کو واپس لانا ہوگا۔

    صدر ممنون حسین نے کرپٹ افراد سےنجات کاطریقہ بھی بتایااورلگےہاتھوں بدعنوان لوگوں کی درجہ بندی بھی کی صدر ممنون حسین نے کوٹری کے صنعت کاروں سےخطاب میں شعری ذوق کی تسکین بھی کی۔

  • آپریشن ضرب عضب آخری دہشتگرد کےخاتمےتک جاری رہےگا، صدر ممنون حسین

    آپریشن ضرب عضب آخری دہشتگرد کےخاتمےتک جاری رہےگا، صدر ممنون حسین

    کاکول: صدر پاکستان ممنون حسین نے کہا ہے کہ آپریشن ضرب عضب آخری دہشت گرد کے خاتمے تک جاری رہے گا، پاکستان ملٹری اکیڈمی کاکول میں پاسنگ آؤٹ پریڈ سے خطاب کرتے ہوئے صدر کا کہنا تھا کہ سیاسی قیادت نے اتفاق رائے سے نیشنل ایکشن پلان کی منظوری دی۔

    پاکستان ملٹری اکیڈمی کاکول کے کیڈٹس کی پی ایم اے لانگ کورس کی پاسنگ آوٹ پریڈ کی شاندار تقریب کا انعقاد کیاگیا، پاسنگ آؤٹ پریڈ سے خطاب کرتے ہوئے صدر ممنون حسین نے اس عزم کا اعادہ کیا کہ آپریشن ضرب عضب آخری دہشتگرد کے خاتمے تک جاری رہے گا۔

    صدر مملکت کا کہنا تھا کہ امن اور استحکام کے بغیر اہداف کا حصول ممکن نہیں، سیاسی قیادت نے اتفاق رائے سے نیشنل ایکشن پلان کی منظوری دی۔

    صدرمملکت نےکہاکہ متنازع مسائل کےباعث خطے کا امن داؤ پر لگا ہوا ہے، دیرپا امن کیلئےکشمیرسمیت تمام متنازع مسائل کاحل ضروری ہے۔

    آرمی چیف جنرل راحیل شریف بھی تقریب میں موجود تھے، اس موقع پر سیکورٹی کےسخت انتظامات کئے گئے تھے، جبکہ ہیلی کاپٹر کےذریعےفضائی نگرانی بھی کی جارہی تھی۔

  • اسلام آباد: صدر ممنون حسین کا سرحد یونیورسٹی کاونوکیشن خطاب

    اسلام آباد: صدر ممنون حسین کا سرحد یونیورسٹی کاونوکیشن خطاب

    اسلام آباد: صدر ممنون حسین نے کہا کہ ملکی ترقی کیلئے جدید علوم سے آگاہی ضروری ہے تربیت کے بغیر تعلیم کا عمل نا مکمل رہتا ہے خواتین کی تعلیم کی راہ میں حائل رکاوٹیں دور کرنے کی ضرورت ہے۔

    اسلام آباد میں سرحد یونیورسٹی کے کانووکیشن سے خطاب میں صدر مملکت نے کہا کہ تعلیم کے فروغ سے منفی سوچ کے حامل عناصرکی حوصلہ شکنی کی جاسکتی ہے،دنیا میں بغیر تعلیم انسانی ترقی ممکن نہیں ہے۔

    انہوں نے کہا کہ سرحد یونیورسٹی کا نمایاں کارنامہ فاصلاتی نظام تعلیم ہے،ملالہ جیسی کئی بیٹیاں خیبر پختونخواہ میں تعلیم حاصل کررہی ہیں، فاٹا کی مختلف ایجنسیوں میں تعلیمی مراکز قائم کرنے کی ضرورت ہے۔

    صدر کا کہنا تھا کہ خیبر پختونخواہ کے عوام نے زندگی کے ہر شعبے میں نمایاں کارکردگی دکھائی،مشکل حالات میں خیبر پختونخواہ کے طلباء اور اساتذہ نے حوصلہ نہیں ہارا،اقتصادی راہداری سے ترقی اور امکانات کے نئے باب کھلیں گے۔

  • اسلامی بینکاری کا نظام غیر سودی بینکاری کی طرف پہلا قدم ہے، صدر ممنون حسین

    اسلامی بینکاری کا نظام غیر سودی بینکاری کی طرف پہلا قدم ہے، صدر ممنون حسین

    کراچی: صدر مملکت ممنون حسین نے کہا ہے کہ اسلامی بینکاری کا نظام شروع کر کے غیر سودی بینکاری کی طرف پہلا قدم کامیابی سے اٹھا دیا گیا ہے۔

    صدر ممنون حسین نے کراچی میں اسلامی بینکاری پر کانفرنس سے خطاب کرتے ہوئے کہا کہ علماء اور بینکنگ ماہرین پر مشتمل محققین کا ایک ایسا پینل تشکیل دیا جائے جو اسلامی بینکاری پر کام کرے، محققین کے اس پینل کے ذریعے اسلامی بینکنگ نظام کے دفاع میں مدد مل سکئے گی۔

     انھوں نے کہا کہ وہ اسلامی بینکنگ کے نظام پر ہونے والی تحقیق سے مطمئن نہیں ہیں، صدر مملکت نے اس شعبے میں مزید کام کرنے کی ضرورت پر زور دیا۔

     ممنون حسین نے اسٹیٹ بنک کی ایک رپورٹ کا حوالہ دیتے ہوئے کہا کہ اسلامی بینک اپنے صارفین کو سماجی انصاف کی فراہمی میں ابھی تک کامیاب نہیں ہوسکے، انھوں نے اس امر کو خوش آئند قرار دیا کہ اسٹیٹ بینک نے اسلامی بینکاری کے اس پہلو پر توجہ دے کر وقت کی ایک اہم ضرورت کی نشان دہی کی ہے۔

     انھوں نے اس صورتحال کو حوصلہ افزا قرار دیا کہ بائیس بینکوں کی تقریباً ڈیڑھ ہزار شاخیں عوام کو اسلامی بنکاری سہولت فراہم کر رہی ہیں۔

  • چینی وزیرخارجہ کی صدر ممنون حسین سے ملاقات

    چینی وزیرخارجہ کی صدر ممنون حسین سے ملاقات

    اسلام آباد: صدر ممنون حسین نے کہا ہے کہ  پاکستان اور چین دہشتگردی، انتہاپسندی اور علیحدگی کی تحریکوں کے خلاف تعاون جاری رکھیں گے۔

    اسلام آباد میں  صدر ممنون حسین نے چین کے وزیر خارجہ وانگ ژی سے ملاقات میں ان کے دورہ پاکستان کا خیرمقدم کرتے ہوئے کہا ہے کہ دونوں ملک دوستی کے لازوال رشتے میں بندھے ہوئے ہیں اوریہ رشتہ ہرآزمائش پرپورا اترا ہے۔

     صدر مملکت کا کہناتھا کہ دہشتگردوں کے خاتمے کے لیے آپریشن ضرب عضب پوری قوت سے جاری ہے اور تمام دہشتگرد تنظیموں کے خلاف بلاتفریق کارروائی کی جارہی ہے۔

    انہوں  نے کہا کہ پاکستان میں کام کرنے والے چینی باشندوں کی سیکیورٹی حکومت کی ترجیح ہے، چینی وزیر خارجہ نے کہا کہ خطے میں آنے والی تبدیلیوں پر پاکستان اور چین دونوں کی نظر ہے، پاک چین اسٹریٹیجک شراکت داری اور اقتصادی تعاون وقت کے ساتھ بڑھے گا۔

  • اکیسویں آئینی ترمیم کی سمری منظوری کیلئے صدر ممنون حسین کو ارسال

    اکیسویں آئینی ترمیم کی سمری منظوری کیلئے صدر ممنون حسین کو ارسال

    اسلام آباد: اکیسویں آئینی ترمیم منظوری کیلئے صدر ممنون حسین کو بھیج دی گئی ہیں۔

    اکیسویں آئینی ترمیم کی سمری وزیرِاعظم ہاؤس کی جانب سے صدر کو بھیجی گئی، صدر ممنون حسین آج اکیسویں آئینی ترمیم  کی منظوری دیںگے۔

    گزشتہ روز قومی اسمبلی میں اکیسویں آئینی ترمیم دو سو سینتالیس اراکین کی حمایت سے منظور کر لی گئی تھی، ایوان میں موجود کسی رکن نے مخالفت میں ووٹ نہیں دیا، بعدازاں ایوان نے آرمی ایکٹ  انیس سو باون میں ترامیم کی منظوری بھی دے دی گئی تھی۔

    قومی اسمبلی کے آج کے اجلاس میں اکیسویں آئینی ترمیم کا ترمیم شدہ مسودہ منظوری کیلئے پیش کیا گیا ، جسے بحث کے بعد دو سو پینتالیس اراکین کی متفقہ رائے سے منظورکر لیا گیا جبکہ مخالفت میں کوئی ووٹ نہیں پڑے۔

    حکومت نے مسودہ میں جے یو آئی کی جانب سے مذہب اور فرقے کا لفظ نکالنے کا مطالبہ مسترد کردیا، رائے شماری میں جماعت اسلامی، جے یوآئی ف، تحریکِ انصاف اور شیخ رشید احمد نے حصہ نہیں لیا۔

    آئینی ترمیم کی منظوری کے فوری بعد ہی آرمی ایکٹ مجریہ  1952میں ترمیمی بل بھی منظور کر لیا گیا تھا، اکیسویں آئینی ترمیم کا بل ہفتے کو قومی اسمبلی میں پیش کیا گیا تھا، پیر کو اس پر بحث ہوئی جبکہ آج اسے منظوری کے بعد سینیٹ بھیج دیا گیا، جہاں منظوری کے بعد صدر کے دستخط سے یہ قانون بن جائے گا۔

    وزیراعظم نوازشریف کا کہنا تھا کہ دہشتگردی کیخلاف بل کسی ایک کا نہیں بلکہ تمام سیاسی جماعتوں کا بل ہے،جودہشتگردی کے خاتمے میں مددگارثابت ہوگا۔

  • اسلام آباد :صدر ممنون حسین سے وزیرِاعظم نواز شریف کی ملاقات

    اسلام آباد :صدر ممنون حسین سے وزیرِاعظم نواز شریف کی ملاقات

    اسلام آباد: صدر ممنون حسین سے وزیرِاعظم نواز شریف کی ملاقات ہوئی ، ملاقات میں صدر ممنون حسین اور وزیرِاعظم نواز شریف نے سزائے موت کے قیدیوں کی رحم کی اپیل سے متعلق تبادلہ خیال کیا ہے جبکہ وزیرِ داخلہ چوہدری نثار نے بھی وزیرِاعظم سے ملاقات ہوئی، ملاقات کے دوران پھانسی کی سزا پر عملدرآمد سے متعلق وزارتِ داخلہ کے آئندہ کے لائحہ عمل پر تفصیلی غور کیا گیا۔

    اسلام آباد ایوانِ صدر میں ہونے والی اس ملاقات میں ملک کی موجودہ صورتحال سمیت اہم امور زیر غور آئے، ملاقات میں وزیراعظم نے صدر مملکت کو پشاور میں ہونے والی پارلیمانی جماعتوں کے رہنماؤں کی کانفرنس کے فیصلوں سے متعلق بھی اگاہ کیا۔

    ملاقات میں دہشت گردی کے مقدمات میں سزائے موت پانے والے مجرموں کی رحم کی اپیلوں سے متعلق امور بھی تبادلہ خیال کیا گیا۔

    دوسری جانب وفاقی وزیرِداخلہ چوہدری نثار نے وزیر اعظم نواز شریف سے ملاقات کی، جس میں ملک کی امن و امان کی صورت حال اور پھانسی کی سزا پر عملدرآمد سے متعلق وزارت داخلہ کے آئندہ کے لائحہ عمل پرتفصیلی غور کیا گیا۔

    ملاقات میں گزشتہ روز پارلیمانی سیاسی جماعتوں کے اجلاس میں بنائی گئی کمیٹی کے امور، کمیٹی میں پارلیمانی جماعتوں کی نمائندگی سے متعلق رابطوں اور اس کمیٹی کو تمام جماعتوں کی جانب سے دیئے گئے مینڈیٹ سے متعلق مشاورت کی گئی۔