Tag: صدر ٹرمپ

تہران: ایرانی جنرل قاسم سلیمانی کی ہلاکت کے باوجود ایران نے ایک بار پھر امریکا سے مذاکرات کے لیے ہاتھ بڑھا دیا۔ ملکی وزیرخارجہ جواد ظریف کا کہنا ہے ٹرمپ انتظامیہ سے بات چیت ہوسکتی ہے۔

غیرملکی میڈیا کے مطابق ایرانی وزیرخارجہ جواد ظریف نے کہا ہے کہ ایران امریکا سے تاحال مذاکرات کا خواہاں ہے، ایران کبھی بھی نہیں چاہے گا کہ لوگ اپنا نقطہ نظر تبدیل کریں اور حقائق سے دست بردار ہوں۔

اپنے ایک انٹرویو میں جواد ظریف کا کہنا تھا کہ امریکی ڈرون اٹیک میں ہمارا لیڈر مارا گیا لیکن اس کے باوجود ہم بات چیت سے پیچھے نہیں ہٹے، پابندیوں کے خاتمے کے بعد مذاکرات ممکن ہے۔

جنرل قاسم سلیمانی کا قتل، امریکی سینٹر کا صدرٹرمپ کے بیان پر شکوک کا اظہار

انہوں نے یہ بھی کہا کہ ایران کو اس سے کوئی غرض نہیں کہ وائٹ ہاؤس میں کون بیٹھا ہے، امریکی صدر ٹرمپ کو اپنا ماضی تبدیل کرنا ہوگا، اقتصادی پابندیوں کے خاتمے کی شرط پر بات چیت ہوسکتی ہے اور مثبت نتیجہ بھی سامنے آئے گا۔

واضح رہے کہ رواں ماہ کے آغاز میں عراقی دارالحکومت بغداد کے ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہوئے تھے۔ فضائی حملے میں ہلاک جنرل قاسم سلیمانی القدس فورس کے سربراہ تھے۔

بعد ازاں جنرل سلیمانی کے قتل پر ایران نے امریکا پر جوابی وار کرتے ہوئے عراق میں موجود امریکی فوجی اڈوں پر بیلسٹک میزائلوں سے حملے کیے، واشنگٹن نے حملوں کی تصدیق کی، ایرانی پاسداران انقلاب نے جاری بیان میں کہا تھا کہ انہوں نے درجنوں میزائلوں سے امریکی اڈے کو نشانہ بنایا، اڈوں پر زمین سے زمین پر مار کرنے والے میزائل داغے گئے۔

واشنگٹن: امریکی سینیٹرز نے ایرانی جنرل قاسم سلیمانی کو ڈرون حملے میں مارنے کے بعد ٹرمپ کو جنگ سے روکنے کے لیے نیا بل لانے کا اعلان کر دیا ہے۔

تفصیلات کے مطابق امریکی صدر کو مشرق وسطیٰ میں ایک نئی جنگ سے روکنے کے لیے امریکی سینیٹرز نے نیا بل لانے کا اعلان کر دیا، جس کے تحت ٹرمپ کو ایران کے خلاف طاقت کے استعمال کے لیے کانگریس سے منظوری لینا ہوگی۔

امریکی سینیٹرز برنی سینڈرز اور روہت کھنہ نے اس سلسلے میں بیان دیتے ہوئے کہا ہے کہ کانگریس ایسے فنڈز کی منظوری نہیں دے گی جو جنگی کارروائی کے لیے استعمال ہو، نیا قانون صدر ٹرمپ کو ایران کے خلاف یک طرفہ جنگ سے روکے گا۔

تازہ ترین:  بغداد میں ایران نواز ملیشیا کے کانوائے پر ایک اور حملہ

قبل ازیں، خاتون کانگریس ممبر الہان عمر نے ٹویٹ کرتے ہوئے کہا تھا کہ کیا صدر ٹرمپ جنگ کرنا چاہتے ہیں، صدر ٹرمپ جانتے ہیں کہ ان کا یہ قدم جنگ کی طرف لے جائے گا، کیا یہ مواخذے سے توجہ ہٹانے کے لیے تو نہیں، کیا کانگریس اتھارٹی کے آگے آ کر صدر ٹرمپ کو روکے گی۔

There is no way to overstate how dangerous this is.

We need every voice to rise up and demand that Congress stop Trump from starting a catastrophic war with Iran.

Sign the petition → https://t.co/dOG17thC3g #NoWarWithIran pic.twitter.com/ObgI58t5Rv

— Ilhan Omar (@IlhanMN) January 3, 2020

ان کا کہنا تھا کہ یہ سمجھنا مشکل نہیں کہ یہ سب کتنا خطرناک ہے، کانگریس سے ایران سے جنگ اور تباہی سے روکنے کا مطالبہ کرنا چاہیے۔

خیال رہے کہ بغداد کے ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے تھے۔ فضائی حملے میں ہلاک جنرل قاسم سلیمانی القدس فورس کے سربراہ تھے، گزشتہ رات کو امریکا نے ایک اور فضائی حملے میں مزید 6 افراد کو ہلاک اور 3 شدید زخمی کیا۔