ARYNews.tv | Urdu – Har Lamha Bakhabar

Tag: صدر

  • کامیڈین ویلودومیر زیلنسکی یوکرین کے صدر منتخب

    کامیڈین ویلودومیر زیلنسکی یوکرین کے صدر منتخب

    کیو: معروف کامیڈین ویلودومیر زیلنسکی نے یوکرین کے صدارتی انتخابات میں موجودہ صدر کو شکست دے دی، اب وہ ملک کے صدر کی حیثیت سے اپنا عہدہ سنبھالیں گے۔

    تفصیلات کے مطابق یوکرین کے صدارتی انتخابات میں مزاحیہ پروگرام پیش کرنے والے کامیڈین ویلودومیر زیلنسکی نے کامیابی حاصل کرلی۔

    صدارتی انتخاب کے دوسرے مرحلہ مکمل ہونے کے بعد کئی تھنک ٹینکس کی جانب سے ووٹوں کی گنتی کی گئی جس میں ویلودومیر زیلنسکی کو واضح برتری حاصل ہوئی۔

    ویلودومیر زیلنسکی نے کامیابی کے بعد اپنے خطاب میں کہا کہ میں آپ لوگوں کو مایوس نہیں کروں گا۔ ان کا کہنا تھا کہ اب تک میں باقاعدہ طور پرصدر نہیں ہوں لیکن یوکرین کے شہری کے طور پر سویت یونین سے نکلنے والے تمام ممالک کو کہہ سکتا ہوں کہ ہماری طرف دیکھیے، سب کچھ ممکن ہے۔

    یوکرین کے انتخابی نتائج کے مطابق ریلنسکی نے مک کے تمام حصوں میں کامیابی حاصل کی اور صدر پوروشنکو کو شکست دی۔

    ویلودومیر زیلنسکی نے صدارتی انتخابات میں ملک کے موجودہ صدر پیٹرو پوروشنکو کو چیلنج کیا تھا اور انہوں نے اپنی شکست تسلیم کرلی ہے۔

    واضح رہے کہ یکم اپریل کو صدارتی الیکشن کے پہلے مرحلے میں ویلودومیر زیلنسکی نے 30 فیصد ووٹ حاصل کیے جبکہ دوسرے مرحلے میں انہوں نے اپنی پوزیشن بہتر بناتے ہوئے فتح اپنے نام کی۔

    صدارتی انتخابات میں 39 امیدواروں نے حصہ لیا لیکن کوئی بھی امیدوار 50 فیصد ووٹ حاصل نہیں کرسکا تھا اور دوسرے مرحلے میں حتمی نتائج کا انتظار تھا لیکن اب ویلودومیر زیلنسکی کی کامیابی کے بعد وہ صدر منتخب ہوگئے ہیں۔

  • الجیریا کے صدر عبدالعزیز بوتوفلیخا کا استعفی تسلیم کر لیا گیا، کونسل کی تصدیق

    الجیریا کے صدر عبدالعزیز بوتوفلیخا کا استعفی تسلیم کر لیا گیا، کونسل کی تصدیق

    الجزائر : الجیریا کی آئینی کونسل نے بیس برس سے صدارت پر براجمان 82 سالہ صدر عبدالعزیز بوتوفلیخا کا استعفیٰ تسلیم کرلیا۔

    تفصیلات کے مطابق سابق صدر عبدالعزیز  بوتوفلیخا گزشتہ 20 برس نے صدارت کی کرسی پر قبضہ جمائے ہوئے تھے، عارضہ قلب میں مبتلا عبدالعزیز نے پانچویں مرتبہ صدارتی الیکشن میں شامل ہونے کی منصوبہ بندی پہلے ہی ترک کردی تھی۔

    غیر ملکی خبر رساں ادارے کا کہنا ہے کہ الجیریا کی آئینی کونسل نے پارلیمان کو صدر کی پوزیشن کی دستیابی کے بارے میں باقاعدہ طور پر آگاہ کر دیا ہے۔

    برطانوی میڈیا کا کہنا ہے کہ الجیرین صدر نے اپنی مستعفی ہوتے ہوئے عوام سے معافی بھی مانگی تھی، ان کا کہنا تھا کہ ’وہ مملکت کی ترقی میں اپنا حصّہ شامل کرنے پر فخر محسوس کرتے تھے لیکن انہیں احساس ہوا کہ وہ اپنی ذمہ داری انجام دینے میں ناکام ہوگئے‘۔

    عبدالعزیز بوتوفلیخا کا کہنا تھا کہ انہیں سیاست چھوڑتے ہوئے الجیریا کے مستقبل کے حوالے سے نہ ہی کوئی خوف ہے اور نہ ہی کسی قسم کا کوئی افسوس ہے۔

    ان کا کہنا تھا کہ میرے بھائیوں اور بہنوں ’آپ کے شفقت و احترام پر آپ کا شکر گزار ہوں، انسان سے غلطی ہوتی ہے، میں آپ سے ہر غلطی کی معافی مانگتا ہوں‘۔

    مزید پڑھیں : الجیرین عوام کا احتجاج، صدرعبدالعزیز 20 سال بعد عہدے سے مستعفی

    خیال رہے کہ صدر عبدالعزیز نے ایک روز قبل چھ ہفتوں کے شدید عوامی احتجاج کے نتیجے میں استعفیٰ دیا تھا، الجیریا کے آرمی چیف نے بھی گزشتہ کہا تھا کہ لیفٹیننٹ جنرل احمد صلاح کا کہنا تھا کہ ’عبدالعزیز مزید اپنی ذمہ داریاں انجام دینے کے قابل نہیں ہیں انہیں وقت ضائع نہیں کرنا چاہیے‘۔

  • قومی اسمبلی کی قائمہ کمیٹیوں کا معاملہ، صدر کی ایم کیو ایم کو تحفظات دور کرانے کی یقین دہانی

    قومی اسمبلی کی قائمہ کمیٹیوں کا معاملہ، صدر کی ایم کیو ایم کو تحفظات دور کرانے کی یقین دہانی

    کراچی: صدر پاکستان عارف علوی اور ایم کیو ایم  کے وفد کے درمیان گورنر ہاؤس کراچی میں اہم ملاقات ہوئی ہے.

    تفصیلات کے مطابق یہ ملاقات قومی اسمبلی کی قائمہ کمیٹیوں کے حوالے سے ایم کیوایم پاکستان کے تحفظات کی تناظر میں‌ ہوئی.

    گورنر ہاؤس میں صدرپاکستان عارف علوی ایم کیو ایم کے رہنماؤں سے ملے، اس موقع گورنر سندھ عمران اسماعیل بھی موجود تھے.

    ملاقات میں صدر نے ایم کیو ایم کو تمام تحفظات دور کرانے کی یقین دہانی کرتے ہوئے کہا کہ اتحادی جماعت کو ساتھ لے کر چلیں گے ، تمام تحفظات دور کیے جائیں گے.

    ذرائع کے مطابق ایم کیو ایم نے قائمہ کمیٹیوں میں نمائندگی کے بجائے چیئرمین شپ کا مطالبہ کیا ہے. خیال رہے کہ پی ٹی آئی کی جانب سے ایم کیوا یم کو شماریات کی قائمہ کمیٹی کی پیش کش کی گئی تھی، مگر ایم کیو ایم نے اس پیش کش کو قبول کرنے سے انکار دیا.

    مزید پڑھیں: کراچی: صدر عارف علوی کا سی پی ایل سی دفتر کا دورہ

    ایم کیو ایم پاکستان نے نے داخلہ، انسانی حقوق اور توانائی کی کمیٹیوں کا مطالبہ کیا ہے، صدر پاکستان اور پی ٹی آئی کی اعلیٰ قیادت کی جانب سے ایم کیو ایم کو یقین دلایا ہے کہ ان کے تحفظات دور کیے جائیں گے.

    یاد رہے کہ گذشتہ روز نعیم الحق نے ق لیگ کے سربراہ چوہدری شجاعت حسین سے ملاقات کی تھی، جس میں عمران خان کا ساتھ دینے اور عثمان بزدار کے خلاف تمام سازشیں ناکام بنانے کا فیصلہ کیا گیا تھا.

  • ترکی میں پیاز کا بحران، پیاز دہشت گرد تنظیم قرار

    ترکی میں پیاز کا بحران، پیاز دہشت گرد تنظیم قرار

    انقرہ : ترکی میں پیاز کا بحران شدت اختیار کرگیا جس کے باعث ترک صدر اردوان نے پیاز کو دہشت گرد تنظیم قرار دے دیا۔

    تفصیلات کے مطابق ترکی میں کچھ ماہ قبل ایک تنازعے پر امریکی پابندیوں کے باعث ترک کرنسی کی قدر میں کمی سمیت کئی بحرانوں نے سر اٹھایا تھا لیکن حالیہ دنوں ترکی میں پیاز کے بحران عوام سمیت سیاست دانوں کے لیے مشکل کا باعث بنا ہوا ہے۔

    غیر ملکی خبر رساں ادارے کا کہنا تھا کہ ترکی میں پیاز میں بحران کیا پیدا ہوا سیاست دان پریشان ہوگئے، یہاں تک کہ پیاز کے بحران کی صدائیں ایوان صدر سے بھی بلند ہونے لگیں۔

    غیر ملکی خبر رساں ادارے کا کہنا تھا کہ ترک صدر رجب طیب اردوان نے پیاز کے بحران کی وجہ ذخیرہ اندوزی کو قرار دیتے ہوئے ذخیرہ اندوزوں کے خلاف سخت کارروائی کرنے کا اعلان کرتے ہوئے گوداموں پر چھاپے مارنے کا حکم دے دیا۔

    غیر ملکی میڈیا کے مطابق ذخیرہ اندوزوں نے اتنی پیاز ذخیرہ کرلی ہے کہ پیاز کے قیمتوں کو پر لگ گئے اب ترک پولیس صدارتی احکامات پر پیاز کی تلاش میں جگہ جگہ چھاپے مار رہی ہے۔

    مقامی خبر رساں ادارے کا کہنا ہے کہ پیاز کے خلاف کارروائی کا آغاز ہوتے ہی سوشل میڈیا پر طنز کا سلسلہ شروع ہوگیا۔

    ترکی کی گڈ پارٹی مرال آکسنر صدر پر طنز کرتے ہوئے کہا کہاردوان نے پیاز کو دہشت گرد قرار دے دیا ہے جس کے باعث ترک عوام تعجب کا شکار ہیں۔

    غیر ملکی خبر رساں ادارے کے مطابق ایک صارف نے طنزیہ ٹویٹ کیا کہ ’میرے گھر میں تو پیاز کی ایک پوری بوری موجود ہے ایسا نہ ہو مجھے بھی گرفتار کرکے لیں جائیں۔

    ایک اور صارف نے سماجی رابطے کی ویب سائٹ پر طنز کیا کہ خلائی گاڑی ان سائیٹ مریخ پر لینڈ کررہی تھی اور یہاں پیاز کو دہشت گرد قرار دے کر گوداموں پر چھاپے مارے جارہے تھے۔

  • جہاں سے دکانیں ختم کرائیں ہیں وہاں پارک بنائیں گے‘ وسیم اختر

    جہاں سے دکانیں ختم کرائیں ہیں وہاں پارک بنائیں گے‘ وسیم اختر

    کراچی : میئر کراچی وسیم اختر کا کہنا ہے کہ انسداد تجاوزات کے خلاف ایمپریس مارکیٹ میں آپریشن سب سے بڑا تھا۔

    تفصیلات کے مطابق کراچی میں ایمپریس مارکیٹ کے سامنے میڈیا سے گفتگو کرتے ہوئے میئر کراچی وسیم اختر نے کہا کہ صبح 7 بجے آپریشن شروع کیا جو کامیاب ہوا۔

    انہوں نے کہا کہ کےایم سی نے دکانوں کوکرائے پردیے جانے کے معاہدے ختم کردیے، کے ایم سی کی صوابدید ہے وہ معاہدے ختم کرسکتی ہے۔

    وسیم اختر نے کہا کہ آپریشن کے بعد شہرکی شکل نکل آئی ہے، ہم کسی کے روزگارکوختم نہیں کرنا چاہتے۔

    میئر کراچی نے کہا کہ جولیزدی گئی وہ غلط تھیں ان کو تعمیرات شمارنہیں کرسکتے، دکانیں گرائی گئی ہیں اتنی دکانیں کرائے پرنہیں دی تھیں، جہاں سے دکانیں ختم کرائیں ہیں وہاں پارک بنائیں گے۔

    انہوں نے کہا کہ دکانوں کوایک ہفتے پہلے نوٹس دیے گئے تھے، فٹ پاتھ کوجوبھی گھیرے گا اس کلیئرکرائیں گے۔

    وسیم اختر نے کہا کہ کچھ لوگوں کونہیں پتہ وہ نا تجربہ کارہیں وہ وقت کے ساتھ سیکھ جائیں گے، وزیراعظم تواس سے خوش ہوئے ہوں گے۔

    میئرکراچی نے کہا کہ وزیراعظم نے مجھے خود کہا کہ وسیم تجاوزات ختم کریں، جوبھی غلط کام ہوا اس کومزید جاری نہیں رکھ سکتے۔

    انہوں نے کہا کہ تجاوزات کے خلاف پورے شہرمیں آپریشن جاری رکھیں گے، سپریم کورٹ اور وزیراعظم نے بھی تجاوزات ختم کرانے کی ہدایت کی تھی۔

    وسیم اختر نے کہا کہ انسداد تجاوزات کے متاثرین کی ایک فہرست بنائی جائے گی، انسداد تجاوزات کے خلاف ایمپریس مارکیٹ میں آپریشن سب سے بڑا تھا۔

    ہم کسی کا روزگارنہیں چھیننا چاہتے لیکن کراچی پرقبضہ نہیں ہونےدیں گے‘ وسیم اختر

    یاد رہے کہ تین روز قبل میئرکراچی وسیم اختر کا کہنا تھا کہ انسداد تجاوزات آپریشن کے خلاف دھرنا غیرقانونی ہے، ہم کسی کا روزگارنہیں چھیننا چاہتے لیکن کراچی پر قبضہ نہیں ہونے دیں گے۔

  • کراچی: ایمپریس مارکیٹ میں تجاوزات کے خلاف گرینڈ آپریشن

    کراچی: ایمپریس مارکیٹ میں تجاوزات کے خلاف گرینڈ آپریشن

    کراچی : شہر قائد کے علاقے صدر میں ایمپریس مارکیٹ میں تجاوزات کے خلاف گرینڈ آپریشن جاری ہے، آپریشن میں ہیوی مشینری کا استعمال کیا جا رہا ہے۔

    تفصیلات کے مطابق کراچی میں ایمپریس مارکیٹ میں تجاوزات کے خلاف گرینڈ آپریشن جاری ہے، کے ایم سی کاعملہ غیرقانونی دکانوں کو مسمارکرنے میں مصروف ہے۔

    انسداد تجاوزات آپریشن میں ہیوی مشینری کا استعمال کیا جا رہا ہے، مارکیٹ کے اطراف ایک ہزار سے زائدغیر قانونی دکانیں گرائی جائیں گی۔ پولیس اور رینجرز کی بھاری نفری ایمپریس مارکیٹ میں موجود ہے۔

    آپریشن سے قبل کے الیکٹرک کی ٹیموں نے دکانوں کے بجلی کے کنکشن کاٹ دیے، کے ایم سی ٹیمیں 4 مختلف مقامات پرآپریشن میں مصروف ہیں۔

    ڈائریکٹراینٹی انکروچمنٹ سیل بشیرصدیقی نے میڈیا سے گفتگو کرتے ہوئے کہا کہ ایمپریس مارکیٹ کے اطراف 50 سال قبل پارکس تھے، ایمپریس مارکیٹ کواس کی اصل حالت میں بحال کریں گے۔

    بشیرصدیقی کا کہنا تھا کہ غیرقانونی دکانوں کو 2 سے 3 گھنٹے میں مسمارکردیا جائے گا، مسمارشدہ دکانوں کا ملبہ اٹھانے کا کام بھی جاری ہے۔

    کراچی میں تجاوزات کے خلاف رات گئے گرینڈ آپریشن

    یاد رہے کہ گزشتہ رات بھی شہرِ قائد کے علاقے گلستانِ جوہر میں ہیوی مشینری کے ذریعے تجاوزات کے خلاف گرینڈ آپریشن کیا گیا تھا، جس میں سماما سے کانٹی نینٹل چوک تک غیر قانونی تجاوزات کو مسمار کیا گیا تھا۔

    کراچی میں چند دنوں سے جاری آپریشن میں ہیوی مشینری کے ذریعے تجاوزات ہٹائی جا رہی ہیں، گلستان جوہر بلاک 16 میں فرنیچر مارکیٹ سے بھی تجاوزات ختم کر دی گئی ہیں۔

    سپریم کورٹ کا پورے کراچی سے تجاوزات 15 دن میں ختم کرنے کا حکم

    واضح رہے کہ سپریم کورٹ آف پاکستان کے حکم پر صدر اور اطراف کے علاقوں میں تجاوزات کے خلاف آپریشن کیا جا رہا ہے۔

  • ترکی کا یوم جمہوریہ، صدر اور وزیر اعظم کی ترک عوام کو مبارک باد

    ترکی کا یوم جمہوریہ، صدر اور وزیر اعظم کی ترک عوام کو مبارک باد

    اسلام آباد : وزیر اعظم عمران خان نے ترکی کے یوم جمہوریہ کے موقع پر طیب اردوگان اور ترک عوام کو مبارک باد دیتے ہوئے کہا ہے کہ ترکی نے موجودہ قیادت کے زیر اثر کئی شعبوں میں ترقی کی ہے۔

    تفصیلات کے مطابق پاکستان کے سربراہ مملکت ڈاکٹر عارف علوی نے ترکی کے یوم جمہوریہ کے موقع پر ترک صدر طیب اردوگان اور عوام کو مبارک باد کے پیغام میں ترکی سے اظہار یکجہتی کیا۔

    صدر مملکت ڈاکٹر عارف علوی کا کہنا تھا کہ ترکی کا بھائی اور گہرے دوست کی مانند احترام کرتے ہیں، آج کا پر وقار دن ترکی اور ترک عوام کی ترقی اور خوشحالی پر گامزن ہونے کا دن ہے۔

    دوسری جانب پاکستان کے وزیر اعظم عمران خان نے بھی ترکی کے یوم جمہوریہ پر ترک عوام و طیب اردوگان کو ہدیہ تبریک پیش کرتے ہوئے کہا کہ پاکستان اور ترکی کی دوستی بے مثال اور کامیاب رہی۔

    عمران خان صاحب کا کہنا تھا کہ مستقبل میں دو طرفہ تعلقات میں مزید مضبوطی کے خواہاں ہیں، برادر ممالک کے درمیان مثبت تعلقات ترقی کا بڑا زینہ ثابت ہوں گے۔

    وزیر اعظم عمران خان کا کہنا تھا کہ ترکی نے موجودہ قیادت کے زیر اثر کئی شعبوں میں تیزی سے ترقی ہے، اطمینان ہے کہ ہمارے بڑے قومی جد و جہد میں ترک عوام ساتھ رہے۔

    وزیر اعظم پاکستان نے اپنے پیغام میں کہا کہ ترک قوم بھی ہر مشکل اور چیلنج میں ہمارے شانہ بشانہ رہے، باہمی تعاون کی میراث تاریخی، مذہبی اور ثقافتی اعتبار سے گہری ہے، پاکستان اور ترکی نے مشترکا طور پر کئی محاذوں پر اکٹھے کام کیا ہے۔

    عمران خان صاحب نے یوم جمہوریہ کے پیغام میں دعا کی کہ پاکستان اور ترکی ہمیشہ قائم رہیں۔

  • پائیدار ترقی کے لئے پانی کا مسئلہ حل کرنا ہوگا: صدر پاکستان

    پائیدار ترقی کے لئے پانی کا مسئلہ حل کرنا ہوگا: صدر پاکستان

    اسلام آباد: صدر پاکستان عارف علوی نے کہا ہے کہ پائیدار ترقی کے اہداف حاصل کرنے کے لئے پانی کا مسئلہ حل کرنا ہی ہوگا.

    ان خیالات کا اظہار انھوں نے پانی سےمتعلق بین الاقوامی کانفرنس سے خطاب کرتے ہوئے کیا.

    صدر عارف علوی کا کہنا تھا کہ پارلیمنٹ کے مشترکہ اجلاس میں پانی کے مسئلے کو اجاگر 

    ان کا کہنا تھا کہ اللہ نے پاکستان کو آبی وسائل سے مالا مال کیا، پاکستان کو بہترین آبی وسائل ملے تھے.

    صدر پاکستان نے کہا کہ قیام پاکستان کے بعد منگلا اور تربیلا سمیت چند ہی ڈیم بنائے گئے، آبی وسائل وقت کی اہم ضرورت ہیں.

    مزید پڑھیں: صحت کی انشورنس کے ذریعے غریبوں کو تحفظ فراہم کرنا ہوگا: صدرعارف علوی

    ان کا کہنا تھا کہ پاکستان میں 30 دن کاپانی ذخیرہ کرنے کی گنجائش موجود ہے، تھرمیں پانی کی کمی کی وجہ سے بچے انتقال کر رہے ہیں. پانی کو محفوظ اور ذخیرہ کرنا بنیادی مسئلہ ہے.

    صدرعارف علوینے کہا کہ پانی زندگی ہے اوربطور قوم ہمیں اسے محفوظ بنانا ہے، پائیدار ترقی کے لیے پانی کے مسئلے کوحل کرنا ہوگا، پانی کےذخیرے کے لئے بڑے ذخائر کی تعمیر ناگزیر ہے.

  • سلمان اقبال ٹی 10 لیگ کی صدارت سے مستعفی ہوگئے

    سلمان اقبال ٹی 10 لیگ کی صدارت سے مستعفی ہوگئے

    کراچی : اے آروائی ڈیجیٹل نیٹ ورک  کے سربراہ اور سی ای او سلمان اقبال نے ٹی 10 لیگ کے صدر کے عہدے سے استعفیٰ دے دیا ہے۔

    تفصیلات کے مطابق اے آر وائی نیٹ ورک کے صدراورسی ای او سلمان اقبال  نے ٹی 10 لیگ کی صدارت سے استعفیٰ دینے کا اعلان کرتے ہوئے کہا ہے کہ باقاعدہ اسٹرکچر کی کمی کے سبب مزید اس عہدے پر نہیں رہ سکتا۔

    سلمان اقبال نے سماجی رابطے کی ویب سائٹ ٹویٹر پراپنے پیغام میں کہا ہے کہ لیگ کے معاملات میں عدم شفافیت، غیرپیشہ وارانہ امور اور باقاعدہ اسٹرکچر کی کمی کے باعث صدارت کے عہدے پرکام جاری نہیں رکھ سکتا۔

    سی ای او اے آر وائی ڈیجیٹل نیٹ ورک کا کہنا تھا کہ ٹی 10 لیگ میں شمولیت اختیار کرنے کا مقصد یہ تھا کہ پاکستان کرکٹ کی بہتری کے لیے کچھ کرسکیں۔

    سلمان اقبال کا یہ بھی کہنا تھا کہ ان کی خواہش تھی کہ ٹی 10 لیگ کے باعث پاکستانی کرکٹرز کا فائدہ ہو، تاہم لیگ کے موجودہ معاملات منفی سمت میں جا رہے ہیں، ایسی صورت حال میں پاکستانی کرکٹرز کوغیرملکی قوتوں کے لیے استعمال ہونے نہیں دے سکتے۔

    سی ای او اے آر وائی ڈیجیٹل نیٹ ورک کا مزید کہنا تھا کہ ایسی نجی کرکٹ لیگزمیں نگرانی کا باقاعدہ انتظام ہونا چاہیے۔انہوں نے مطالبہ کیا کہ آئی سی سی کو ایسی کرکٹ لیگز کی نگرانی کے لیے معاملات اپنے ہاتھ میں لینا چاہیے۔

  • سعودی فرمانروا کی جانب سے صدرعارف علوی کوعہدے کا حلف اٹھانے پرمبارکباد

    سعودی فرمانروا کی جانب سے صدرعارف علوی کوعہدے کا حلف اٹھانے پرمبارکباد

    ریاض : سعودی فرمانروا شاہ سلمان نے صدرمملکت ڈاکٹرعارف علوی کو عہدے کا حلف اٹھانے پر مبارکباد دیتے ہوئے نیک تمناؤں کا اظہار کیا ہے۔

    تفصیلات کے مطابق سعودی عرب کے بادشاہ شاہ سلمان بن عبدالعزیز نے صدر ڈاکٹرعارف علوی کو عہدے کا حلف اٹھانے پرمبارکباد دی اورکہا کہ سعودی عرب پاکستانی عوام کی مزید ترقی اور کامیابی کی خواہش مند ہے۔

    سعودی فرمانروا نے پاکستان اور سعودی عرب کے درمیان برادرانہ تعلقات کو سراہتے ہوئے کہا کہ تمام شعبوں میں دو طرفہ تعلقات کو فروغ دینے کی کوششیں جاری ہیں۔

    دوسری جانب سعودی ولی عہد محمد بن سلمان کی جانب سے بھی صدر ڈاکٹرعارف علوی کو اسلامی جمہوریہ پاکستان کا صدر بننے پر مبارکباد دی گئی انہوں نے کہا کہ پاکستان کے عوام کی ترقی وخوشحالی کے لیے دعاگو ہیں۔

    ڈاکٹرعارف علوی نےصدرپاکستان کےعہدے کا حلف اٹھا لیا

    یاد رہے کہ گزشتہ ہفتے 9 ستمبر کو صدرمملکت ڈاکٹرعارف علوی نے ملک کے 13 ویں صدر کی حیثیت سے حلف اٹھایا تھا۔ ایوان صدر میں تقریب حلف برداری میں چیف جسٹس پاکستان میاں ثاقب نثار نے صدرڈاکٹرعارف علوی سے حلف لیا تھا۔

    صدرمملکت ڈاکٹرعارف علوی پیشے کے اعتبار سے ڈینٹسٹ ہیں، وہ پہلی بار 2013 کے انتخابات میں کراچی سے رکن قومی اسمبلی منتخب ہوئے تھے۔